澳門茶餐廳 (Closed)

之前去過尖沙咀o個間，覺得還不錯，而銅鑼灣呢間真係不知所謂...食物中中等等，冇咩值得講，純粹知道自己食o左o的o野落肚，冇特別感覺o的服務就更加唔洗講，上層o個一男一女侍應，唔知係咪太子爺太子女o黎o既呢? 態度完全唔休做真係唔明，睇個樣都唔係十幾歲o既暑期工啦，咁大個人做o野仲做成咁真係冇野好講

放學一行五人, 有人約會未夠鐘, 便動議落JC睇價位。途經此地, 我見葡撻幾靚仔, 便動議食件餅。一行五人走上樓上雅座, 六人卡位坐得幾舒服, 又有大電視播兩台新聞, 感覺都唔錯。有的死砌爛砌, 有的鑽研攻略, 我就有理無理, 先選定豬扒包拼炒蛋飲熱央。唔使一陣就有得吃。豬扒包的豬扒我一向唔欣賞, 最怕其滑滑的口感, 又無肉味(類似麥記個滑豬扒包果隻, 係我最怕的豬扒。), 猶幸個包叫脆得來唔似大利來記般唔鬆軟, 吃半個剛好。炒蛋個樣幾好睇, 食落都唔錯, 夾入豬扒包度吃, 味道真好。跟友人交換了葡撻一件, 葡撻夠熱夠鬆脆, 蛋餡幾香濃, 係多油左少少, 用紙巾索左d油來吃, 幾滿意。熱央不熱, 啡味不突出, 跟友人的奶茶是同色同味的。後悔位。阿姐幾勤快, 來落單收野都幾好禮貌。$24, 以食物來計, 係幾貴。不過跟友人吹吹水打打機, 不亦樂乎。講開又講, 此處的下午茶供應至七時, 方便我等六時才吃茶的人; 但係, 世界上好多地方的人, 七點已經吃過晚飯沖涼訓覺架喇。香港人真係忙碌。

吃過此店的所謂葡撻。無論是蛋白或蛋黃的, 也很難吃! 賣七元一件可謂, 如買名牌袋般, 索價! 講回件嘢, Custard沒有應有的忌廉香, 只是死蛋黃/蛋白香; 酥皮也不鬆脆, 淋patpat, 是一件很'lame'的葡撻。若不是新鮮出壚的, 很難十足完成。後話: 不知是否一貫的(扮)'識食'愚見, 在某連鎖炸雞店, 那來自某澳門名店的Recipe、那忌廉香與蛋香並重的出品, 往往會被人denounce - 但, 放入口時的直覺, 通知我這才是好食的葡撻。

年尾又是shopping的時候，我當然是比較快可以從百貨公司行出來那個，剛好要與朋友交收一點東西，就在這裡找個位置，喝杯茶，吃個葡撻，當下午茶。坐在近玻璃窗的二人位，要了蝦多士及煎蘿蔔糕的下午茶餐，及兩件蛋黃葡撻。食物方面，蝦多士灑滿芝麻，熱辣辣，麵包底亦炸得脆口非常，加上蝦膠，是美味又香口；蘿蔔糕也是熱熱的，煎得微焦，印象不錯；葡撻不是剛出爐的，但都熱著，又香又甜，酥皮亦鬆脆，有水準。服務方面就真的十分差，如兩位侍應似在遊魂，如食物上檯，餐具也不知在那裡。男的態度更是差，如我說「兩隻葡撻，一隻蛋黃一隻蛋白」，他答「全部黃」，多一個字也沒有。當然這個情況，收錢的也不會說聲「多謝」了吧！加兩杯飲品，埋單六十幾蚊。如果下次再要找地方吃下午茶，會去隔離合發或翠華。

短短的那四個鐘，已經明白所謂的嘉年華，只是一場虛假的快樂。用燈泡及金幣堆砌的另一個拉斯維加斯，這就是花旗國最愛的那種歡樂。一行四人玩罷找夜宵，向銅鑼灣出發，目標為茶餐廳，進一步為鎖定為澳門。要數環境較好的茶記，非澳門莫屬。理論上，當時在口乾乾的情況下，的確想食點湯粉，茄牛通是首選，但不知為何看下看下，竟點了馬介休炒飯，話明炒飯就梗係乾身，有點不慣鹹魚，黑欖也太重味，吃了大半就要投降，基本上啎係難食，但在不適當的場合錯點了。

本人已去了三次(宵夜)第一次, 吃了一份蛋治, 凍茶, 凍啡結算要$50,我都算(因本人已離開餐廳先問朋友, 發覺收多$15 ,他們只當我地散叫沒有給餐)第二次, 我今醒目order 了宵夜B 餐和凍茶凍啡, 已計算了價錢說給朋友聽.($50)B 餐凍啡$35 凍茶$15第三次, order 了宵夜A 餐和凍茶凍啡, 今次居然收$51 , 我問為何? 她說我飲凍啡($16) 是散叫A 餐凍茶$35各位朋友們紀住落order 時要說清楚什麼飲品跟餐不然吃貴了都不知道P.S.炒蛋和凍茶GOOD A 餐蕃茄牛腩沒有牛腩差...差...差...

中秋個晚睇左個子夜場，完左都成３點幾。有小小肚餓，見到呢度仲未收就入左黎。那晚要上樓上，因為下面已經收了。睇一睇ｄ價錢，都幾貴下。好在有ｄ宵夜套餐叫下。叫左個３３蚊ｂ餐：２樣　食送　＋　粉面炒／煎蛋　＋　多士／豬仔包凍飲＋２蚊。個公仔面都算係咁架喇，仲好彈牙。豬扒同ｘ燒都算好味。最正都係個２舊豬仔包，仲係脆架。不過可能當晚太肚餓，食咩都覺得好味。地方好坐，又吳會趕你走，食宵夜，呢度同翠華都係吳錯的選擇。

同男友在CWB 行街街兼搵野食, 諗住普普通通食一餐就算,行過呢到見佢都幾多選擇價$又ok就決定食呢間喇入到去樓下就係非吸煙區,都唔錯啦.原本坐近門口位置, 但佢個門口又開又關d熱風不時吹入黎,都幾唔舒服, 然後個有個侍應好主動咁同我地講入面有位,然後就坐左入面ge半卡位點左個澳門鴛鴦焗意粉($43), 而男友就點了咖喱雞飯($49)...個鴛鴦焗意粉, 黎到見到個面有兩"pat" 紅色/白色汁, 都幾"希"下..感覺上有點hae...鴛鴦係茄汁吉列豬扒+ 白汁魚柳,有點芝士, 味道還可以, 但有點濃... 而男友的咖喱雞飯就得個辣字, 沒有curry 味,就咁同白飯食真係唔係好掂!凍飲加5元, 叫左凍檸茶少甜, 黎到杯野都幾淺色, 飲落甜甜地無乜茶味, 以為同男友果杯正常掉轉左, 但佢果杯仲甜... > ~ <...係無搞錯到...我諗佢ge 少甜只係加多d 水已而,溝淡左d 茶但仲係甜ge...>~<.... 作為一間茶餐廳連基本的飲品都沖唔好...唔掂wor!!唯一佢既servie 係幾ok ge..., 侍應點菜/送餐/收台都幾有禮貌, 呢樣可以

(26/7/06)估唔到會黎呢度食。咁非吸煙區的樓下係ok既,不過天氣熱,門一開一閂,攪到feel唔到冷氣既存在。叫左個二人餐:馬拉盞炒通菜,大大碟,不過過咸。氹仔黑醋燒排骨,好鍾意有中華沙律圍邊呀!至於橙橙的排骨,唔覺會係黑醋啦!咁紅燒排骨都好味既。招牌炒飯(天天唔同)是晚係,咖哩海鮮炒飯,ok啦。餐飲即磨咖啡,就像大快活的一樣,唔重咖啡味,ok既。

今日同左個朋友黎食，我食左個餐....有厚多士...但其實唔係好厚...個炒旦...大概食左澳洲牛奶公司的之後就唔會再鍾意其他地方的炒旦了.....咖哩牛腩通粉..ok啦..三十三蚊..ok啦

(21/4/06)上次來,坐上面,又煙又噪,真係無諗過再來。幸好今次可以坐樓下,非吸煙區,卡位,簡直同樓上兩個世界!服務仲好好添。一坐落,朋友就要食葡撻,味道唔同"安德魯"喎,呢度的燉蛋更黃,皮更脆。再來一個豬排包,暖又脆的包,豬排"林林"的,仲有洋蔥+少許汁,好味。澳門特色凍咖啡,面頭"鯨"左咖啡粒,入口唔甜,咖啡味重,$16就是特色喇。我想要menu相中的通粉,店員話全部分店,都用呢本menu,有D係某幾間先有,呢個無....。咁主食,揀左糯米釀軟骨皇子鴿,賣相靚,味道都好正!!有部分臘腸糯米飯,焗乾左,但伴埋D橙色汁,甚冶味。跟住想叫個小食,馬介休球,唔好意思,o岩o岩賣晒....,咁青舟船ah,係荷葉包住(我諗係)蝦膠,等左一陣,又話無。都揀唔到啦,咪走人咯。

18/2下午兩點度，兩個人唱K前先黎食晏，無人等位，於是自己入去。入到去有個藍色衫的哥哥問我地幾多位，答先佢，佢叫我地咪住，要等佢問哂後面D人幾多位先叫我地上樓上。入到去坐低，餐牌都無，咪問佢拿囉，但拿完一個下午茶牌，再問佢門口常餐個牌呢，佢就敷衍話而家無。0個時真係想即刻走，因為一心係想食0個個餐，佢無就門口咪擺啦。康怡0個間分店全日都有供應呢個常餐架，唔知點解呢度無，無就咪擺個牌係門口度啦。D侍應態度很差，我地連水都無。跟住叫左一個豬扒包餐同焗咖喱牛腩飯，D牛腩唔淋。食完個包，居然收哂我地D餐具，大佬呀，個飯未到呀，駛唔駛吹人走到咁呀？講真，D野一D都唔平，野食又唔係真係好出色，仲要受佢侍應氣？銅鑼灣大把茶餐廳好過佢啦。

12 February 2006 (Sun) - 晚飯我其實未黎過呢度食晚飯，每次黎都只係豬扒包，原來晚飯就真係麻麻啦．．．叫咗二人餐，有一個炒西蘭花，一個炒飯，一個龍脷柳，一個避風塘炒蝦，樣樣嘢都好咸，好勁味精，食到我好辛苦．．．其實味道算唔錯，不過真係濃咗啲，可能我比較喜歡淡口味既嘢食掛．．．

年初一不概4點先食晏，本來諗住食翠華但係門口貼住新年其間加一，覺得唔抵而且呢個年代邊仲有呢隻歌隻唱。所以去咗呢度，不過入到去係有一個專係新年用既餐牌，但係唔記得平時既價錢，所以唔佑有無貴到。不過一上樓上既時候見到個男侍應話俾佢聽話兩位，佢竟然望一望無答任何野就走開咗。係來坐低先知佢趕食飯，但係答一句都好，又唔會用好多時間，真係好差，其他侍應既態度就不過不失啦。呢到食物就偏向濃味，佢既咖哩牛腩飯就唔錯，不過味精都幾重手。豬扒包就一般，感覺都好乾身，個人就比較翠華個豬扒包。另外一提，非吸煙區好少位，上到樓上雖然係吸煙區，但係唔係大煙，而且坐得舒服好多。

叫了蕃茄湯牛腩意粉早餐配鮮油火腿豬仔飽話明牛腩意粉.可惜一丁小的牛腩也吃不到.只有三粒午餐肉浮浮下.不提也罷.驚喜的是鮮油火腿豬仔飽.香脆可口.飽芯香軟熱辣.當然健康食法我會將鮮油挑起.只留少量已溶化的牛油入口.配埋凍華田.一日之計就由呢一刻開始~~~