澳門茶餐廳

Open Now

Now Closed

大家唔好以為我講邪惡係唔好食....有日睇戲未夠鐘,同朋友入左去食下野hea陣...一人一杯熱奶茶, 一個葡撻同揀左個奶油豬share食下...葡撻就當然好味啦,奶茶都ok...我地揀左個咖吔牛油砂糖味...佢仲有普通奶油同奶醬揀的...見到個奶油豬o個片牛油成兩分厚,即當講左句,食左真係好邪惡好肥呢, 但偏偏好美味o既野都係好肥好heavy呢....menu上仲話建議落多d砂糖更美味,我地都唔敢落,我個都唔敢食晒d牛油,拎走左一半啦...一食落去,d糖呀,牛油呀,咖吔呀...係個鬆脆o既奶油豬上面,加埋咬落去真係好正呀! 好食,又唔算話真係甜到飛起...而家都想再食...如果第日有閒情日誌都會去食多次...17蚊個...半個都好滿足了~~ 相信鍾意甜吃同奶油豬o既朋友都會鍾意 環境一般,地庫電話收得唔太好...我比高分只係比個奶油豬,其他野食冇乜點試過

上個星期四同朋友去左少沙咀shopping,行到好夜先食飯,跟住就嚟左呢度食晚飯,我地睇餐牌見到有貓頭鷹時間的晚餐都好抵食喎,所以就全部都叫貓頭鷹晚餐啦,選擇都有好幾款架.我同朋友叫左兩個唔同既餐一齊食,一個係澳門地道鮮茄牛腩湯通粉配煎蛋多士,另一個係焗意式芝士豬柳飯,另外一個朋友都係叫左通粉,另一個則叫左澳門地道雞絲翅配澳門氹仔炒飯, 其實都差唔多十一點先食晚飯,真係好少有,但係都仲有人係度食緊架,真的誇張,我地等左唔係好耐就有嘢食啦,個通粉賣相都非常吸引,味道都好好的呀,好足料,有牛腩,薯仔,蕃茄湯底好濃,有午餐肉添呀,好味道,份量都唔少架!! 煎蛋多士係半份多士加一隻煎蛋,多士都好大件加埋隻半生熟的蛋一齊食,好好味!!另外的焗意式芝士豬柳飯雖然好似唔係好大份,但係好熱好熱的,真的剛剛焗出嚟俾我地的呀!係炒飯底,豬柳都好淋身及細細件好味呀,不過真的幾流,所以我地都食唔晒,朋友的翅份量都唔少的,炒飯亦係正常size.原來咁夜食嘢都有著數,每人都係30幾蚊有杯飲品,係尖沙咀區真的好抵,我地個個都食到飽晒,好滿足呀!!

食來食去始終都係【澳門茶餐廳】嘅燒乳鴿最啱口味HK$33 一隻雖然係貴，而且係好細隻兼無咩肉嘅 BB 乳鴿，但就係貪佢夠嫩口，第二度食唔到咁軟嘅骨、咁薄嘅皮，婷婷喜歡成個頭連頸咬碎吞下，非常香口美味，所以這裡就算又貴又要同自由行爭位，定時都會心思思過來食一食頂頂癮！不過喜歡淡淡肉嘅食客就可能唔會太欣賞嘞！豬扒包 HK$22 純屬陪襯，因為都係該店馳名招牌小食，所以也即管點一份淺嘗淺嘗！魚蛋魚片麵 HK$33 味道只是一般的好，遊客價錢，仲有可樂 HK$17 一杯，全都偏貴！本來想要澳門蟹粥，但要六時後才有供應，唯有等下次啦！HK$33 BB 燒乳鴿 X 3HK$22 豬扒包 X 1HK$33 魚蛋魚片麵 X 1HK$17 凍可樂 X 1三人行下午茶埋單 HK$171 非常滿足！

同男朋友去寵物展之前tea一tea佢1.45pm開始就已經可以有下午茶食比起lunch平左差唔多一半我自已叫左一個Set A既下午茶 ($26)有蕃茄牛腩湯通粉個湯底好濃，我個碗仲有頗多既牛腩同雜菜通心粉係用有坑紋既，所以比較有咬口份量亦都算係大跟餐亦都有個多士＋煎蛋多士烘得好平均，牛油亦都好夠煎蛋會連個黃都熟埋唔會漏汁架！所以我好鐘意食～～～ 男朋友叫左個咖哩雞扒拼豬仔包 ($26)個包好脆好香但係個咖哩汁就比較辣似乎用唻配飯會比較合適一D同場我地仲叫左兩個葡撻食相比起某某快餐店既無咁甜咬開之後蛋既地方亦比較白相信係蛋白既比例比較多雖然$8一個有D貴不過真係值得一試！

點了淨雲吞，淨魚蛋魚片，豬扒包。食完好就走。沒有感覺。算是食飽個肚。價錢偏貴。唔太值。豬扒包還好，豬扒算是大塊，包硬硬的雲吞及魚蛋魚片，湯太清，還是喜歡出面的老字號鋪頭的湯，有味得多

新正頭，約了太太新相識的朋友見面。比預約之時間早了抵達，肚子餓了，剛好路過這店。望望手錶，只有約半小時空間，進來喝杯奶茶，吃一碟炒粉麵來填肚，時候剛剛好....這裡的凍奶茶下了不少冰粒，茶入了喉嚨，凍得令人打顫；雖是如此冷，但茶之甜度卻是不減；茶味方面則不能與甜度相比，是薄弱得很呢....所謂的"澳門炒米"只是下了蛋絲、葱段、洋葱、火腿及蝦粒與米粉同炒的出品。米粉濕漉漉的，是小弟最不喜歡的質感，而且炒得十二分的油膩，鹹得要命；在材料方面，蛋絲老得很，那些"蝦粒"全都是鮮味全無的雪"蝦米"，不值一提.....至於何解稱之為"澳門炒米" ? 真是考起了小弟了.....

記得每次到信德中心找朋友食lunch，都會被那條超長的人龍嚇怕…今日經過尖沙咀，難得無人排隊，馬上就衝入去了！七點幾，入到去只得小貓三、四隻，揀了一個卡位坐。看看餐牌，也有不少選擇，扒餐、中餐、西餐，好多好多……最後我們點了加喱牛腩飯和雜扒，可能因為無人，不消十分鐘就上菜了。加喱牛腩飯超級難食，飯好硬、汁好稀，有種沒有加喱味的辣味，牛腩似牛筋多ｄ，全部都係筋，想點……雜扒也不見得太好，肉質有點假，像用粉「拿」過；黑椒汁不辣，勝在配菜足料，薯條炸得很脆，不錯！凍檸茶差不多有一半是冰，檸檬砌得又厚又薄，味道苦澀得恐怖。最後食左一半唔夠，決定轉場……無下次。

就黎餓死時, 比門口好多餐牌吸引住, 諗住有好多野食啦...點知...入到去睇, 睇極都睇唔到有晚餐...問個waiter哥, 佢話, 而家無做晚餐...嘩...心諗晚市無晚餐!? 咩事呀?叫完再叫先識過來落order...散叫左個生菜煲, 葡國雞意粉...生菜煲ok la...但葡國雞意粉, 就葡汁,雞, 意粉, 三個味分開晒咯...唯一可取係d potato 夠腍...服務態度及食物質素都需要改善咯...

　　　因為晚上要考試，下午請了半天假溫習，又想不到要去哪裏，於是便選了在這裏安靜地看書。果然就選對了地方。地方大，而且夠安靜，可以不受打擾地閒坐都沒相干。　　　我要了一個菠蘿油，皮脆包大，但皮與肉之間有的間隙比較多，吃下去有一陣風而過的感覺，牛油因被冰鎮著而久未熔掉。我還要了一杯奶茶，奶與茶的份量恰到好處。　　　整體來說是不俗的，但我還是比較喜歡傳統茶餐廳的菠蘿包實在堅靭的質感。　　　不過不失吧。2

今日LUNCHTIME 3個人落黎食，叫左兩個飯再加其他野SHARE食個人比較推薦咖喱牛腩飯 (59) 咖喱牛腩的分量超大 足夠2個人享用比其他更加划算 咖喱牛腩也做得很贊 算是招牌吧 (可能咖喱系列都做得不錯)點了份茄汁焗豬扒飯(53) 相比牛腩飯真的好小一份 而且白飯都占了一半番茄多 豬扒也一般 和大家樂的一哥豬扒無咩分別 葡撻(7) 同KFC既差唔多豬扒包(12) 凍奶茶(17) 還ok 要享用正宗 又平又抵食既港式茶餐廳 呢度並唔係首選LOR但想食好味既咖喱牛腩 都可以考慮下

抬頭看到侍應生捧著一盤看似新鮮出爐的菠蘿包，我才忍不住口很想一試，誰知…在此奉勸各位巴打千萬不要試！！！！第一，皮不脆；第二，飽不熱；第三，將牛油放在冰上，裝模作樣又不見得好吃P.S.　還有在門口的葡撻，連KFC的也不如…

又是夜夜的晚飯，選了澳門茶餐廳 ，地鋪很多人，但此鋪完全不同，人少得很，但面積卻大很多．本是想吃乳豬飯，但因太晚，下次請早澳門地道烤雞：大大碟，烤得不錯，但吃時一般，肉質也可以，配薯角十分香口咖哩焗生蠔：平平的＄１２隻（２隻起）賣相都可以，好似很大隻，但原來全是薯蓉，險些找不到蠔，壳全不是跟蠔的，又不是味兒，有點被騙澳門特式炒蘿蔔糕：蘿蔔糕大大舊，加上火腿絲，洋蔥及青椒絲等一起炒，味道不錯．凍檸茶：茶味不俗食物質素有好有不好，真的有點大不如前

6月份我來了澳門茶餐廳4次, 盡量叫唔同小菜, 睇下味道會唔會差太遠.果然, 始祖樂道地舖仍然係最多客, 食物質數係最good.唔介意排多一陣隊, 坐位迫少少~今次約了朋友去地庫一間, 來過幾次, 明知冇咁好味,但因為主要目的係傾計見面, 梳化位係好坐d.等到肚都扁, 隨便叫兩個小菜食住先是日晚餐:- (已變成宵夜) 秘制醬汁啫啫蝦球豆腐煲好想大叫)) 不知所謂可能我食唔慣, 整個送唔夾味.蒜子多過蝦球同豆腐, 咁不如叫蒜子煲啦~(出奇地個名冇蒜字喎~~)成個送我食了一件豆腐同兩粒蝦, 個蝦俾d醬遮晒個味.豆腐就同平時豆腐煲無異. 蒜香牛油燒釀雞翼賣相幾靚, 第一口好香.之後非常之咸...雞翼釀了豬肉~再食第2件就咸到食唔落. 咸檸七 x 2要讚一讚, 夠晒咸!!飲晒成杯~成個食評係杯咸檸七拎晒分下次都係食番d正常d既.....(今次好唔正常咩?)

今晚約了一個同我都好冇所謂的好朋友短聚.冇所謂都係有所謂的~成個尖沙咀都係人,搵一間可以慢慢傾計食飯都唔容易.最後我提議澳門茶餐廳,食過咁多次都冇出事, 信心保證嘛!本來我地去地面果間的, 點知帶位哥哥話對面地庫開了間新,冇咁多人喎~於是哥哥就帶住我地兩個過埋馬路落埋去餐廳喇.我朋友話呢個哥哥帶位帶到去對面,咁本身果間店邊個看住呀??咦...又係喎是日晚餐:- 炸蝦多士>> 味道都ok,好脆, d蝦好多, 不過就冇漲bokbok感覺喇.$45得4件係咪貴0左少少呢? 啫啫生菜煲>> 侍應推介不妨一試! 焗葡國雞飯>> d飯硬0左d, 一個人食就太飽喇.葡汁好似焗豬扒飯味咁, 我想食既係黃色葡汁呀! 凍檸茶x 2>> 好好飲, 冇得彈.我地兩個人要求坐4人卡位侍應都樂意幫手搬位, 態度不俗!我會繼續幫襯♪

31-12-09 全年最後的晚餐 最後的一天了,跟一大班朋友到尖沙咀倒數,但係E邊多人多到x咁, 到到都爆,無地方食野T^T 因為有煙花睇, 之後就到左澳門茶餐廳,但好景不常因為假日問題, 價錢也加了, 跟餐的飲品也沒有, 人多了, 服務生雞水鴨腳, 呼天天應特色是有的. 我看見我朋友D雞扒包好香..好大件..又多汁..佢地都話好好味我叫了咖哩海鮮焗飯$58, 還要加一 價錢相當貴呢咖哩海鮮焗飯 遠遠我都聞到我碟焗飯的香味 焗得岩岩好 好濃郁的咖哩味汁都多 但係份量我覺得太少埋單$60幾蚊 其他乜都無 不是有點離譜嗎??