町町屋串燒酒場

Open Now

Now Closed

今次係地膽帶路, 雖然話係大坑但鄰近天后站, 平時由天后站行入大坑會經過, 除咗門外燈籠, 入面裝修都好舊式日本居酒屋木調, 入座每枱都會有一小碗青瓜、蘿蔔、椰菜螢光魷魚 - 少少鹹滑捋捋嘅下酒小菜和風蕃茄沙津 - 大部分串燒都係肉類, 另加清新沙律間場燒鱈魚乾 - 烤得香口唔乾加沙律醬, 又一道下酒菜多春魚 / 雞中翼 / 白鱔 / 黑豚肉大蔥 / 帆立貝串燒 - 幾款都燒得有水準, 外層香脆內裡肉汁緊鎖; 唯獨係上菜會放返係我地既碟, 不過我地隻碟都比較多醬汁, 有少少影響啦燒三文魚魚鮫 - 燒得非常香同juicy濃魚味, 喜歡魚鮫唔可以錯過芝士年糕 - 冇乜飯癮就要咗芝士年糕埋齋, 海苔香口、年糕煙韌、芝士流心, 出色西柚梳打燒酌 - 呢杯就麻麻地, 好藥水好怪味, 叫返清酒或啤酒可能好D小店7點已經接近滿座, 想食要提早訂位, 而且得2個小時用餐, 香港想搵間坐耐少少嘅居酒屋都唔容易

今晚約左朋友到這裏吃串燒，雖然店舖不是太大，但食物就非常出色，真的意想不到好耐都冇試過高咁質素既串燒餐廳，食物新鮮，最值得一讚係西班牙紅蝦，蝦入面既既蝦膏好多，每隻蝦都配左幾件多士，蝦膏配多士真係好好味而鱈魚乾同埋雞泡魚乾都好值得推介，好香口，味道同喺日本食過的都好相似另外鵝肝配飯同埋飯團同樣出色，鵝肝好香，配飯食一d都唔漏，飯團燒得非常好，外脆內軟我地叫一個飯團三個人share，店員上菜前好細心咁幫我哋將飯團一分為三最後叫左燒雪米糍，外熱內凍，感覺好新鮮店員既服務態度又非常好，好好禮貌，好好笑容，無論係食物質素同埋店員熊度以及店舖既衞生程度都非常好但店舖不是太多位，如果一大班人食既話，最早提前預訂

👍🏽👍🏽👍🏽👍🏽👍🏽服務態度十分良好，我哋一入來只剩下bar枱，我哋都無所謂，但食到途中老闆一見到有order枱空出就馬上問我哋洗唔洗換枱。全餐飯都照顧周到👍🏽啲串燒又好食到咩咁，💯牛舌💯、💯銀雪魚、💯燒飯團、💯雞翼、💯豆腐都好好食！而且價錢好合理！仲見到好多人預訂海鮮，望落到好吸引！平時有啲串燒店大部份野食都要兩串起，呢間好多都可以逐串叫，同區最好呢間！PS: 之前同區食過有間叫”碗盛”👎🏽好難食🤮，啲服務又hi，同町町屋差廿條街。。。。町町屋真係令我忍唔住要打食評比讃！👍🏽👍🏽👍🏽👍🏽一定會再搵班brossss黎複桌💯💯💯

去完聖保祿打第二針，當然要叫喺天后嘅姐姐請食午餐，本身想食嘅餐廳星期一都休息，然後姐姐搵到呢間 #町町屋 ，繼續開始偽日本行程。町町屋門口掛起幾個紅燈籠，感覺已經好日式，裡面仲係昏昏暗暗嘅環境，似足日式居酒屋格局，應該食幾串串燒，飲一杯high ball！午餐選擇唔算多，但有丼飯同串燒set，串燒好貼心分好雞、豬、牛、海鮮唔同款。和風牛小排丼 $108滿滿嘅牛小排同一個勁靚嘅蛋黃，牛肉本身肉味濃又嫩。蛋黃又大又靚，拌勻蛋黃同吃，為飯香再增添一層蛋香，牛小排更加嫩滑，加埋鮮甜洋蔥，好滋味。牛肉午市串燒套餐 $128有牛肋骨肉、牛脷、美國牛肉、翠肉瓜、日本冬菇、豆腐，牛脷係厚切版但保持肉汁又爽；牛肋骨肉同牛肉都燒到剛剛好，唔會太熟；豆腐反而有驚喜，外層脆卜卜，加埋醬汁好好食，翠肉瓜同冬菇就正常水準。燒鳥午市串燒套餐 $98有雞肉大蔥、雞翼、免治雞肉棒、翠肉瓜、日本冬菇、豆腐，雞翼燒到雞皮香脆；雞肉大蔥肉嫩；免治雞肉棒都好嫩又有肉香，鍾意食雞嘅人（即係我自己）就好滿足！另上嘅日本冬菇。沙律、味噌湯午餐就有味噌湯，不過串燒set先有沙律，味噌湯好出色，相當濃郁，仲加咗芽菜同腐皮增加口感。午市餐

A hidden gem in Tai Hang. it is not the cheapest but the quality of food and service justifies it. Chefs do a great job making sure temperature and taste are right. A good selection of sake as well.

之前經過見到有間新嘅串燒店喺大坑，今次專誠嚟試吓，非常滿意👍首先小店裏面氣氛好好，雖然張枱細咗啲，但係有居酒屋feel。食物10分有水準，最愛係牛肉串燒，幾種牛肉都好好味，第二驚喜係芝士年糕，平時唔特別鍾意食嘅我，都一試傾心🤩雞軟骨、燒雞翼等等都非常有質素！最後要讚嘅係服務，兩位服務員，尤其係女生那位，非常有禮貌、殷勤、attentive。差啲唔記得咗，清酒選擇很多，有平有貴，大眾化及精品(連十四代都有！)一定會再回來，並推介俾朋友！

我和三個朋友第一次來試食，廚師很用心做食物，食材有水準。西班牙紅蝦、雞串燒、燒豆腐、燒牛肉👍🏻👍🏻店內的日本生啤和黑啤真是幾好，用來送串燒一流。服務方面，服務員都很友善，很樂意介紹當天的特別食材。町町屋的位置很近天后地MTR，很容易找到。下次會和屋企人再來。

巧遇新居酒屋，又有一些不算大路的清酒。食物點了牛舌，雞肉棒，燒🍙，味道不差。清酒㸃了阿櫻 純米吟醸，中辛，中濃，重米旨。阿櫻 純米吟醸阿櫻酒造產地 秋田県橫手市使用米 秋田県產米精米歩合 50%酵母 --Alc 15%日本酒度 --酸度 --冷飲

同朋友食飯來左係大坑的串燒店！燒牛舌、露笋豬肉卷同燒雞軟骨都好有水準！😋😋😋燒雞軟骨👍🏻露笋豬肉卷👍🏻免治雞肉捧👍🏻燒牛舌🤗有朋友去親串燒店都要食燒雞肝、燒雞腎，我地都叫左來試、超好味！特別係汁燒雞肝簡直好食到不得了！見到有燒海燒，我地都叫左來試試！特別喜歡燒西班牙紅蝦，蝦糕好香，值得一試！燒鮑魚、帶子都好好味！燒西班牙紅蝦👍🏻燒鮑魚🤗燒帶子😊叫埋sake 邊食邊飲好有氣氛！🤗🤗🤗

以往試過很多間串燒店，都是平平無奇，有些更強差人意，但這間店與平時一般串燒店比較，味道略勝一籌之餘價錢又合理，是口痕想少吃一頓或者宵夜時段之心水選擇，真心正！值得推介宵夜最中意食串燒，貪佢細細串唔會好飽。知道大坑新開左間串燒店，一於今晚收工就試下！啤酒係串燒既絕配，一於啤一啤佢燒茄子，可以揀原條或者切片，我就揀左原條，茄子上灑滿調味粉，不過份量剛好唔會太濃味。燒牛舌咬落好腍身又重牛味，而且份量多最適合我這種大胃人士，豬肉既串燒好易會燒得鞋口，呢度既火喉就控制得岩岩好！入口仲好嫩身！牛肋串肉質鬆軟，必叫！多春魚唔會燒到甩皮甩骨叫左十樣野加啤酒都係三百蚊有找，一定有下次✌

串。燒。將食物串在竹籤上。超高溫將食材水份保留表面要乾身入口要微脆。其實就係人都知，但就係難做出水準。師傅功力有返咁上下在全場滿座下都可以做得到👍🏼極度推介-燒白鱔-燒豆腐串-厚燒牛舌-西班牙紅蝦西班牙紅蝦同每日新鮮嘅白鱔都係限量供應，記得訂位嘅時候要留定。我地九點幾返叫第二round嘅時候已經幫佢清哂haha。仲有個非常邪惡的鵝肝飯，燒鵝肝放係一小撮飯上，大口咬一半另一半撈飯罪過罪過。最後經理推介串燒菠蘿減輕罪惡感，滿足。好味的串燒，無非是這樣。

今日同朋友經過呢間新開的日本串燒居酒屋，起初見到門口裝修都幾華麗估裡面的食物會很貴，點知就入衝咗入去試下佢d食物啦！點知好有驚喜首先叫咗牛舌，燒豆腐，燒牛肋骨，紅蝦，雞翼等食物⋯一食佢嘅牛舌就知佢採用日本和牛級品種嘅牛，而且燒牛肋骨非常好食，佢哋嘅紅蝦又非常新鮮多膏，雞翼外脆內軟唔會燒到太老,而最特別係燒豆腐，因為我未曾食過燒豆腐都咁好食，所以整體所有食物才料都非常新鮮好食，而店內的員工亦非常有禮貎和細心，價錢方面又適中不會太貴，所以要推薦給大家