Madison's (MegaBox) (Closed)

喺人山人海嘅megabox，淨係等電梯都等到有d頭暈嘅時候，要搵個安靜d嘅地方舒舒服服咁食個lunch，真係唔容易。今日約咗朋友試Madison's，的確無選擇錯，簡直係人海中嘅綠洲。d檯擺得唔算好密，可以靜靜地傾吓計，relax吓。咁當然價錢相對貴dd啦。Lunch set有五、六個選擇，我就揀咗牛仔肉意大利飯，牛肉唔會過熟熟，裡面仲係粉紅色，恰到好處，risotto口感都唔錯。不過我最欣賞今日果個頭盆：parma ham、salami沙拉配油醋汁，個味道好夾，好fresh。不過如果個餐包熱d，服務細心返dd咁就更好啦⋯⋯

Mega box新開既西餐廳，走中高檔路線，set lunch有三種選擇，分別係素食者之選既green salad、普通白領之選既3 course lunch 和請客食飯會order既executive lunch。今次，選了中價的3 courses 加甜品。頭盤有salad或湯，不過個湯係凍上😣主菜試左兩款，個意粉用既大🦐，應該係鮮🦐，好爽和好鮮味👍🏻至於個意大利飯就麻麻，D青口好似嗅嗅地😅。甜品食蘋果批，不過個人覺得下次唔會order.因為一來唔脆，二來蘋果冇果香，三來唔夠熱。不過，請客都係食環境，所以坐得舒服比較緊要😉

Farewell lunch同事選擇了呢間新開西餐，裝修係幾型，價錢可以接受，但服務就有待改善喇！Megabox入面有幾間西餐，我通常選擇ruby tuesday，但今次試新野！食物選擇其實ok多，而且有酒飲！但其實d waiter唔夠人手，全場大約3個，根本應接不暇，我地舉左手都當睇唔到，因為有其他野做緊！但我地order左個厚切豬鞍扒，等到其他同事上曬菜，我地都無野食，total一個鐘先到啊！食完飯遲曬到了！食物質素方面，我同同事同樣叫呢個set，點知大細差好多，同事豐富好多，扒同配菜都大份d！

姐姐的奶奶生日，找我一起慶祝！不用等位，黎到氣氛不錯的西餐廳。一般西餐，意粉、意大利飯、扒類、沙拉等選擇頗多，上菜速度都算快。推介這個意大利飯，好鮮磨菇味，飯軟硬度剛剛好，份量適中，不過咁好味，路夠食呀！第二個推介就係右手邊既蟹肉餅，啖啖肉，配牛油果醬，味道好夾，入面有椒粒，好清新，好有咬口。我們叫了半打生蠔，好厚肉豬柳都算多汁，不過因為厚肉，都有點''鞋''仙人掌好特別，有點似爽口的豆！西冷一般，不過旁邊薯泥好味！手工啤酒比較淡味整體感覺不錯，餐廳空間感夠，bb椅是木製的，好靚！

去左Megabox 睇完戲、晚飯唔知食乜好，見到呢間嘢好似型型地，走左入去試。我地三個人先來幾個頭盤：素雞仙人掌沙律，主要係未食過仙人掌所以想試，口感似蘆薈咁稔稔地、滑滑地幾得意亦好清新、但素雞就一般啦，我本身食肉獸，對於扮肉嘅素都麻麻地，唔難食嘅但我prefer真雞肉多啲。亦叫左個我最愛嘅牛他他，呢個我大推、勁好食，佢仲要加幾塊烘焗麵包薄片，將牛他他當醬咁搽上麵包、好食到喊。另外叫左一客海鮮帶子濃湯，又係正到暈，味濃但唔杰身、唔係出面加cream加粉blend到杰達達果種，好濃嘅海鮮味兼隻巨型帶子勁彈牙，帶子都係要大大粒先夠yummy!主菜叫左個慢煮乳鴿，橫睇掂睇都似中式菜，anyway，主要係貪得意食個慢煮嘢，我覺得連味道都好似中式滷水乳鴿吖，ok la 但唔算好好味、勝在肉身堅係嫩嘅。另外叫左個手打意粉，（係，又係帶子，我堅like帶子食物），我記得好似係用橄欖油炒嘅，因為有陣油香味、意粉我就略嫌有啲稔身，我本身鍾意食較硬身意粉，我個fd鍾意食稔身佢就好like，但唔知係咪因為手打關係，佢係有𡁻口、煙煙靭靭咁。最後加多個甜品做ending, 叫左個士多啤梨芭菲、第一次食呢樣嘢，（