Video
Exit A, Lai Chi Kok MTR Station
continue reading
Telephone
36191159
Opening Hours
Today
07:00 - 21:30
Mon - Sun
07:00 - 21:30
Above information is for reference only. Please check details with the restaurant.
由佢開張以黎食過三次，三次都係晚餐，真係好好味又抵食😋😋 重點係唔洗加一！！一個扒餐係包湯+餐包+嘢飲+甜品，唔係扒餐就無甜品。每個餐都好大份，女仔食既話一定會夠飽，男仔就更加唔洗講啦！會繼續光顧😆😆
continue reading
第一次叫午餐外賣，朱牛焗飯配熱啡，兩隻汁，朱扒夠實淨，算唔錯。牛就薄左啲，唔算太好。焗飯就有用炒蛋飯，飯盒用埋錫紙加紙盒雙層包裝，整體叫合格👌🏻第二次想試真啲佢牛扒，就叫肉眼扒炸蝦。點知比塊薄扒黎，唔睇返張單仲以為出錯餐。塊扒食落仲要係凍既，再加上傑晒既黑椒汁，完全食唔到牛味。。。飯都係唔熱，只係微暖。。。整熱少少先出餐真咁難？咁既價錢完全接受唔到我食金鳳好過，人地啲牛正常好多，又足料，呢間絕對無下次
continue reading
唔知大家仲記唔記得以前嘅港式扒房，食完個晚餐一定會有杯甜品唔係雪糕球就會係花奶啫喱，朋友至愛，食埋先有嗰種儀式感滿足感。位於長沙灣呢間新開嘅馬德里港式鐵板扒餐為主，鋪面裝修光猛，座位尚算寬闊，唔會手踭撞手踭，食得鐵板餐抽風系統一定要夠勁，呢度做得到啦～惠顧扒餐可以加$300加購法式焗田螺 ， 套餐可以選 意粉、薯菜、白飯 ， 當然仲有餐湯同餐包啦， 不過凍飲就要加$4 ， 食完最後比多杯啫喱， 掂晒！
continue reading
#MC帶你去荔枝角.港式鐵板相信大家都唔陌生，但依間餐廳主打港式鐵板，鐵板餐定價好相宜，而且有一定質素！➖✨ 馬得里.餐廳主打港式鐵板餐，有「鐵板世家」之稱；店內環境寬敞寛落，設有不少四人梳化卡座。➖🥢 鐵板西冷牛扒｜$148 ✨抵食之選✨.五成熟嘅西冷扒有大量薯條墊底，上枱後肉質依然帶少少粉嫩色，肉味幾濃郁，十分不錯！醬汁可以選擇燒汁及黑椒汁，黑椒汁辣度適中，燒汁就香甜惹味。➖🥢 鐵板T骨牛扒｜$158.一個價錢兩種享受，T骨扒有齊牛柳及西冷！五成熟肉質軟腍而且都幾大塊，好足料！但近骨位置有好多碎骨，有啲失望。➖🥢 法式薯蓉焗田螺｜跟餐加配 $18.薯蓉口感順滑，牛油香味十足；搭配爽脆田螺肉。美中不足，用了去殼田螺。➖🥢 酥皮忌廉湯｜跟餐加配 $18.金黃色澤嘅酥皮，薄脆鬆化，的確唔錯！雖然忌廉湯內有數片蘑菇，但味道偏淡亦太過稀薄，有啲失望。➖🥢 牛油餐包｜Butter Bun.即叫即烘，上枱時熱烘烘的。➖🥢 餐茶（凍檸檬茶）｜跟餐加配 $4.有3至4片新鮮檸檬，並不是用檸檬汁沖劑沖泡而成。➖🥢 懷舊什果啫喱杯.港式「豉酒西餐」經典甜品之一！啫喱杯加上花奶，簡簡單單，充滿童年回憶。➖⚠️ 服務費｜Service Charge.全店沒有加一服務費。🟰🟰🟰🟰🟰🟰🟰🟰🟰🟰🟰🟰🟰🟰#Ming_Course #深水埗區美食 #荔枝角美食 #荔枝角好去處 #香港美食 #香港探店 #荔枝角 #馬得里餐廳 #MADRIDSIZZLINGSTEAK #香港茶餐廳 #冰室文化 #扒房 #港式 #豉油西餐 #鐵板牛扒 #牛扒
continue reading
今日係荔枝角買嘢之後見到呢間茶餐所以就入去試吓，入面嘅扒餐好像好吸引，於是我們叫了肉眼扒配薯菜加燒汁，可以選擇牛扒嘅熟度，我選了七成熟，牛扒上菜後不會韌，相當不錯，牛扒下邊還有大量嘅粗薯條，最後還有啫喱做甜品，這個餐有餐湯+飲品+主菜和甜品，價錢$148一位。
continue reading