松坂庫 (Closed)

好難得食到無伏既手卷😂馬糞海膽($45)我朋友經過上次係某間手卷店食完之後肚痛左一個星期所以我做左白老鼠試下因為聽人地講呢間唔係伏！我朋友食左我一口後就跑左去買黎食了呢個馬糞海膽係帶鮮甜,係新鮮既海膽店度係有埋手套同紙巾提供,非常衛生呀,呢個係要讚一下提提大家凡購買任何飲品可加$35換購原價$45的特定手卷,即係減10蚊

經常行過都會想食，因為佢依度既手卷夠哂價廉物美。$45包飲品就有足料海膽手卷同鵝肝手卷，唔止哦，做會員仲有9折當你以為依個價錢俾既料你會麻麻地就錯啦係足料嫁！！！去圖：食過好多間手卷都係依間最抵唯一係佢要企係度食或外賣間唔中仲有現金卷送俾你買下零食岩哂我

突然心癢癢好想食海膽手卷，就黎左尖沙咀的松板庫買任何飲品加$35 可換購原價$45 的足半板海膽手卷留意番，當時見到足半板真係心心眼又雙眼發激光跟住係隔離個櫥窗望下，發覺佢真係足料俾足半板海膽，無取巧！所以眼見真係搭滿哂海膽，而壽司飯裡面都有d海膽架。在黎個close up，d 海膽質素都唔錯，幾滑溜，起碼唔會有苦澀味或者酸臭，所以呢個價錢都算係咁一口咬落去，滿口新鮮海膽，紫菜又脆卜卜真係味覺享受希望試多幾間海膽手卷店，有好推介不妨話我知

你以為松坂庫淨喺賣零食咁簡單 佢喺尖沙咀金馬道個間分店已經美少女轉眼變成手卷店-一去到 門口個姐姐已經喺力推我地買嘢飲食 有三款手卷 可以減$10 分別喺馬糞海膽 ($45個款) 火炙和牛海膽 同火炙黑松露海膽鵝肝唔執輸 入去睇下啲嘢飲喺咪天價嚟呃返我個$10先😂𠵱 唔喺喎 除咗啲貴價日本貨外 平時飲開嘅韓國忌廉溝鮮奶 提子提子梳打 蘆薈汁 都只喺$4.5-$5計返條數 我仲有賺 好～唔執輸去嗌返個海膽手卷嚟食先 見到人食啲手卷好似細細個咁 我仲驚會唔夠飽 嗌多個三文魚子手卷嚟食😂結果三個手卷連野飲都只喺$104.5 絕對喺超值之選👅-俾完錢 喺要去手卷姐姐個姐俾返飛去拎牌仔等嘅期間不斷又心諗「唉 會唔會又中伏」所以嚟到第一件事喺食咗海膽先 呢個海膽手卷 賣相唔錯 分量都幾多 唔知會唔會入口先出事 𠵱 食落海膽味幾重 無咩腥味 質感幾creamy 唔錯唔錯 雖然份量喺兩三啖食完 但食完喺滿足 而唔會覺得中伏 咁既價錢 你喺會覺得滿足😂-三文魚子手卷($25)幾鮮甜 而且三文魚子份量超多 一下拎得唔小心 會跌哂😂紫菜又幾脆 配埋好多食-火炙黑松露鵝肝手卷 呢個應該喺我今日最驚喜嘅部分 無

雪糕店搖身一變賣手卷這裏款式多🤘🏻上班時間不少OL會買幾個當午餐😆即叫即包 紫菜仍然脆卜卜⚡️外賣都有獨立包裝！-✨火灸黑松露鵝肝手卷 ($45)✨😈先吃邪惡手卷 放上幾塊鵝肝 份量十足 帶點焦味😳鵝肝肥美豐腴😈 油分口中盤旋🌪黑松露濃菌香 ！Rating💁🏻(6.8*/10*)-✨足半板馬糞手卷 ($45)✨🌊小小的手卷上放上不少海膽 ～看起來有光澤💦最驚喜是手卷飯裏仲有海膽 唔係得表面個啲！海膽入口軟綿 未至於鮮甜但無腥味 拌飯佳品🍚💥平食攻略💥😆買任何飲品就($35)呢款手卷一個！飲品幾蚊一支都有！計落～仲平過($45)咁買😂Rating💁🏻(6.2*/10*)-✨海鮮回味 ($25)✨🐟三文魚 帶子的組合❕三文魚肥美有淡淡的魚香🐟帶子嫩滑 但味道薄弱～幸好吃到底仍有三文魚！Rating💁🏻(6.4*/10*)-✨鮮蟹膏 蟹肉 蟹籽手卷 ($40)✨🦀蟹膏少少腥味🤐蟹肉只是蟹棒 蟹籽算脆卜卜！感覺略為單調🤔比較喜歡魚生和鵝肝的配搭呢💧Rating💁🏻(5*/10*)-咁多個入面～自己最鍾意海鮮回味同鵝肝手卷啦

近排唔知點解好流行食海膽手卷，仲要啲海膽多到好似一球雪糕咁搞到我心郁郁想去食於是我去咗松坂庫食手卷啦～呢個半板馬糞海膽手卷原價係幾多就唔清楚，而家佢做緊買任何飲品加35蚊就換到海膽手卷嘅優惠，抵就幾抵嘅，相比其他平價賣海膽手卷嘅舖頭可能貴咗啲，不過始終響尖沙咀，舖租點都貴少少嘅～話咁快有得食啦！就咁睇啲海膽真係好多色澤偏金黃，唔會好暗啞，食落去又真係啖啖海膽，味道就唔腥嘅，不過鮮味就爭少少，落啲豉油吊吓味會好啲，成個手卷食到三分二都仲有海膽，半板真係唔欺場㗎！總括嚟講，如果資金有限，又想過吓海膽癮，呢個手卷都係唔錯嘅選擇～

‪#‎松坂庫‬ 本身係專賣日韓台零食為主😍早前繼噴煙雪糕後，近個多月又改頭換面有新搞工作✌️就係即製手卷👏最近手卷店大熱，開到比較參差🙄相對其它手卷店，呢到衛生環境相對都幾高😈始終食刺身手卷要安全至上-✨凡購買任何飲品可加$35換購原價$45的特定手卷喔😁幾蚊都有罐飲品✨-<馬糞海膽> $45/換購價$35海膽份量都足半版，而且用上北海道馬糞海膽👍食落除咗無苦澀味外，入口都幾creamy帶甘甜😋飯嘅軟硬度適中，最最最重要...紫菜夠脆(因為俾我見到每塊都係獨立包裝😂)<火炙黑松露鵝肝> $45/換購價$35今次我就八卦行埋去透明玻璃到睇製作過程👀鵝肝用火槍輕炙過🔥見師父都有將黑松露放係飯入面，唔會話食到底只有飯👅黑松露份量都幾多，食落除咗鵝肝夠肥美外😈由頭到尾都食到黑松露嘅香<火炙左口魚三文魚籽> $28 （新品）這個魚脂確係有🔥火炙過確令油份更突出😋魚籽都幾大粒另外仲有接近三十款手卷選擇，緊有一款啱你口味-✨優惠詳情可詢問店員(因分店可能有不同)

七·一回歸日放假，難得可以週圍遊就去左TST. 原本想去尖東排海膽手券（次次都超長人龍😲😫），但去到佢休息一天。 冇意中經過松板庫，見到佢有好多手券選擇😍有蟹膏🦀，海膽，鱿魚🐙，魚生等🍣海膽手券再加飲品只系$35 （$45 如果吾買飲品），話🈶️半板海膽。旁邊位大姐，一口氣叫左4個手券外賣🙄 心諗：甘厲害，🈶️緣遇上等我又試下先當然叫皇牌手劵海膽喇！是馬糞海膽，目測分量似乎少過半板，有dd失望😟但味道新鮮，海膽的表面是清楚分明的粒狀，沒有苦澀味道👍🏼👍🏼👍🏼 因為即叫即整，紫菜十分爽脆呢度係立食架😉

一直都覺得海膽係高檔嘢，但畀人頂爛巿，劈價到$45 海膽手卷。老實說，$45仍未能突破本人的心理關口，但買飲品+$35換，觀感立即不同，而且見別人手上拿海膽接近滿瀉，感覺超值之餘，又有師傅即叫即包，所以也跟隨入手。海膽比較細粒，但份量依然相當豐富，出手一啲都唔孤寒，號稱的半板真的沒有欺場，一路食到底都有。入口是Creamy的，新鮮乜腥味，咬落去前，仲怕會發臭)，紫菜又夠脆。所以，手卷的整體質素遠高於本身巿價。以接近大平賣價位入手，感覺很爽，用嚟過口癮係唔錯嘅。

不知從何時開始，松坂庫近門口劃分了一角售賣現做壽司。原本這壽司檔並不特別起眼，亦沒有特別吸引我之處，可是它置於門口中央的告示牌卻非常亮眼。告示牌上寫的正正是我最愛吃的海膽，凡購買任何飲品即可以$35 購買海膽手卷一件，而且還宣稱有半板海膽之多! 海膽手卷即叫即做，海膽的份量竟然真的有約半板之多。海膽呈鮮橙色，充滿光澤，豐盈扎實。吃下第一口，細味品嚐，海膽鮮甜無比。在香港吃過無數海膽，大多中伏而回。新鮮味美，價錢又便宜的海膽，實屬難得。幸運地，今天給我遇上了。

現世代食野除咗講究味道外，外觀同卓頭都好緊要，如果食物又好味又夠特別，影相擺上網同人分享之餘仲可以威下添。呢間雪糕絕對做到岀煙既雪糕就夠哂特別首先杯入面先放乾冰再加小小水另乾冰岀更多煙今次就試咗兩隻新味道，係柑橘同白桃味舖頭仲有座位俾客人慢慢品嚐柑橘士兵賣相同新鮮感絕對100分，乾冰不停岀煙柑橘味道好濃，配上蜜糖醬略甜咗啲，雪糕好軟滑，而唔會太快溶可以慢慢嘆。白桃士兵都係賣相100分，呢個除咗岀煙外仲多咗啲野。特別之處係有支針筒裝住蜜糖醬可以俾客人隨個人喜好落糖醬白桃味道好岀，好清甜再加埋糖醬好夾。兩個士兵都略甜咗啲，相比下小妹較為鐘意白桃味，味道岀同較香。如果有朋友一齊食，小妹建議大家最好share一個，因為味道略甜，若一個人食一個會越食越甜同越流。同朋友share 會更好

< 有機黃薑粉雪糕 $34 >未到 8 月就已經咁熱，經過松坂庫就決定整杯雪糕食，我揀左薑味雪糕，以前細細個好僧食有薑既野，但係人大左覺得有薑既野好正，愈辣愈正！呢個雪糕都係用牛奶雪糕打底，味道較淡，但係係上面既黃薑粉既黃薑味好強，配落較淡味既牛奶雪糕真係好好食，配合得天衣無縫，健康得黎又好味！另外賣相一流有乾冰視覺效果，加上性價比高，非常抵食！

朋友喺instagram見到有人推介松坂庫既雪糕 我地就去左搵喇松坂庫好易搵到 但原來入面有間叫I-mag既雪糕店 之前真係唔係好覺眼😂我朋友嗌左呢個竹炭雪糕 見佢食到lamlam脷咁就知道好好味啦呢個星空雪糕係用粉紅色星空sparkling酒(我都唔知咩酒嚟😂)淋落杯雪糕度因為自己唔飲酒 所以本身諗咗好耐都唔知要唔要呢個好 但其他又揀唔落手🤔 但又好想試下喎 所以最後就叫咗啦😂食落其實唔係好食到有酒味😛😛 唔錯呢度既店員好nice好friendly 仲會特登比時間我地影個雪糕😂呢度嘅雪糕除咗味道好食之外 賣相仲好好添 絕對要相機食先😛 鍾意食靚嘅嘢食嘅人就要試下喇～

< 蜜橘雪糕 $28 >最新既兩隻口味之一，哇，一食第一啖係哇，好強既柑橘味，正呀，唔洗慢慢品嚐都走哂出黎，但係雪糕上面有啲粟子樹蜜，食到果時，哇，怪怪的，好唔中意，成件事破壞左，蓋過哂柑橘味，得罪講句我覺得啲粟子樹蜜有啲臭！

< 白桃雪糕 $28 >最新既兩隻口味之一，一開始食第一啖果時白桃味中等唔算有強烈既桃味，建議食法唔好就咁放雪糕入口就咁吞左去，咁樣係唔會點食到強烈桃味既，一定要放係舌頭慢慢溶左個雪糕咁啲白桃味就會係咁走咁出黎，酸酸甜甜，少酸多甜，好好味！