魔膳工房 (Changed Hand) New Restaurant

上月友人相約小妹共進晚膳，友人提議到觀塘工廈的“Mags Kitchen”她說那兒環境不錯，得適合久久沒見的我倆邊吃邊傾正好我也未，嘗過此餐廳，一試無妨-由於友人已訂座，一到餐廳時，服務員便迅速為我倆安排位置-餐廳坐位寬闊，餐檯與餐檯之間有一定的相隔空間，確是合適三五知己用膳閒聊一番-餐牌中有不少選擇，可散點食物外也有不少set供給點叫~-當天沒有點叫二人套餐，反之與友人各點一個dinnet set共享-我倆也選擇了意式菜湯作為我們的餐湯，味道正常，可幸湯面不會太油，還是合格的。-緊隨來的就是兩個暖暖的餐包餐包的味道一般，沒有驚喜。其後先到的是友人所點的龍蝦汁海鮮意粉，雖然配料蠻多亦算新鮮，但意粉則煮得過熟，太淋身但其後的羊架則很有驚喜！我們點了5成熟，沒有多餘的血水，肉質鮮嫩-店員忘了替我們把薯菜轉為薯角，經過詢問後，他們很快便為我們添上而且態度良好~值得一讚其後友人更為我預備了小驚喜蛋糕的味道也不錯，朱古力味濃，內裏的慕絲也算順滑最後點了一杯熱檸蜜作結-個人比較建議吃這兒的肉類吧，意粉質素實屬一般但這兒的服務與環境均不錯，想靜靜的與朋友聊聊天吃頓飯，這也是可選擇的地方吧

We have heard of this place before but just pop up to try today before holiday start. This is quite spacious and we have found a variety of choices in the menu. We chose the lobster risotto and duck breast spaghetti in fig gravy. The set include soup & bread, one drink which xan be top up as rose latte (or special drinks ) with $5. To our surprise, the duck breast is delicious and juicy, but we cannot taste any flavour of fig. The lobster risotto do not taste like with lobster and the seafo

諗住半價唔會有咩期望,點知超出水準,點了份紅酒燴牛臉頰意粉,好大份,以為是晚餐😂牛臉頰骨煮得好入味同埋好夠腍職員服務態度非常好,詳細介紹點樣先有半價,要openrice apps收藏此優惠就可以加咗個甘筍忌廉湯,超好飲勁有甘筍味場地大又舒服,亦有洗手間在餐廳內,過了午飯時段才去,不是太多人,坐得十分舒適而加一服務費竟然不會收回原價加一,我和朋友點了兩個餐,共$92，每人$46😱三個字形容,平靚正,短期內會再次光臨

觀塘區越開越多工廈餐廳，呢間幾近港鐵站，但要行樓梯，電梯位唔知點行。睇下餐牌價位，唔算好平，同商場食店價錢差不多。餐包好乾，好硬，包唔暖，抹牛油都推唔開餐湯偏鹹，唔知飲緊咩。西班牙火腿蝦球扁意粉，意粉無味，蝦有雪味。龍脷🐟配薯蓉，魚煎得夠滑夠香，但大食就一定唔飽。龍蝦汁露荀海鮮飯，海鮮完全唔鮮，一陣冰鮮味，青口完全唔得。豬肋骨配薯角，味道一般，肋骨過火乾左。加錢餐飲玫瑰花蜜唔錯，唔太甜。咖啡拉花唔靚

今日九點半入去食飯，侍應好清楚話last order係九點半和十點三要清場，但無提到餐廳部信用卡機壞左。明買明賣，價錢唔好以話貴，但所有野都偏咸。味道唔可以話難食，一般咁。到賣單個時俾張信用卡先講話只收現金，唔收信用卡（P.S. 今次第二次去食），咁咪超無奈去櫃員機㩒錢。返到去俾錢個下就問佢做乜唔一開始入座時同顧客講聲，佢地就話太忙既關係，唔能夠逐一咁同顧客講（P.S. 想賺錢緊係唔講）。跟住我問佢唔俾用信用卡，點解要收加一，佢地支唔以對。我仲未諗到返間餐廳收得加一唔俾用信用卡。諗起都🔥🔥地。

官塘B3出囗一出，行一分鐘就到。方便又快捷最重要係一行十多人去食，可以包一間房，寧靜環境內用餐，傾下計，吹下水，說說笑笑。西餐黎講，工業區黎講，官塘樓上cafe黎講，mage kitchen真係性價比好高。價錢合理。食物方面：燒春雞夠入味，又唔會太肥，炭燒後，雞肉唔會過老。焗飯好有意大利風o未，份量都5少，每人食少少都夠飽，又可以嘗試埋多幾種其他食物蜆肉意粉好入味，而且海鮮類黎講，都好新鮮，鮮甜。通常食開呢類都係得幾粒肉仔，不過mage kitchen既意粉賣相同份量都見得下人。會再去光顧既係豬肋骨配薯角😚

這次在觀塘搵食全靠老公帶路，走上工廈，搵到好食的西餐！餐牌上的選擇多樣化我們最終選了「二人行大蝦和牛套餐」($388)有餐包餐湯﹑前菜﹑兩道主菜﹑甜品及飲品每位加$18可享任食沙律吧～我們因天寒地凍而放棄了！餐包微暖的很較熟餐湯選了忌廉湯，很香忌廉味，質感滑溜不會粉粉的前菜是法式焗釀田螺，田螺熱烘烘的，size及份量適中，配薯蓉一起吃，很滋味！兩道主菜分別是扒大虎蝦配龍蝦汁扁意粉及極上和牛漢堡配薯角扒大虎蝦配龍蝦汁扁意粉，有2隻虎蝦，蝦肉爽口彈牙！龍蝦汁的味道調配得很香，帶點鮮味而又不會過濃！扁意粉吸收醬汁後很好吃！整體不會很膩～極上和牛漢堡配薯角，漢堡的size不會很細，用脆身的包來做，特別香口！牛肉厚身且juicy切開一半時，半熟蛋的蛋汁沾到牛肉上，兩者配合，完全一流！薯角亦夠香脆，提供的沾料是蛋黃醬而不是茄汁，用蛋黃醬不會蓋過薯仔味！甜品有兩款自家製蛋糕其中一款是朱古力蛋糕，有濃濃的朱古力味，但質感帶點硬另加錢要了一杯梳打特飲，味道清新，不會有過甜的那種糖漿味！雖然價格比預料的高但算是區內較佳的西餐而且座位鬆動舒適，值得再光顧！

賣相唔錯，叫左五塊扒 每塊都唔同味全部叫五成，但係得一塊係五成其他個啲7成咁樣，啲扒大細又不一，有啲黎到好細舊龍利柳又勁鹹，好似食緊鹽咁服務員態度又唔好，我地多人想睇睇單先佢充好串咁話姐係「埋單啦」呢間野真係無下次

大學同學去官塘gathering search到lee 間，於是走去試下，lee 間位廠廈入面，要搭舊式升降機上去，入到去間野都幾有情調，我地一行4 人叫左小食拼盤，德國原隻咸豬手，燒羊架，燒帶子意大利飯小食拼盤: 有洋蔥圈，炸雞肉，炸蟹鉗，春卷，雞翼，每樣三至四件，都好豐富，我個人比較鍾意洋蔥圈，春卷，配上酸甜汁可以減少油膩感，同埋欣賞唔會炸到油淋淋德國原隻咸豬手: 配埋粗薯條，原隻大豬手，要自己切開，咬落好有咸香味，唔會好硬身，雖然唔太好豬手，但都覺得好食，薯條整得唔錯燒帶子配意大利飯: 兩粒帶子配上飯好夾，有蘆筍伴碟，但油左d, 個飯反而煮得好食，唔會覺得滯燒羊架: 我唔食羊，其他人食，佢地要五成熟，羊架好大舊，佢地食落似七成熟，但整體感覺唔錯，我地人人食得好飽

睇見食評好壞參半，於是自己親自試下，識逢生日飯，我提議去呢間試下，入去環境舒適，啲人又好禮貌，朋友遲到一個鐘都冇吹我哋叫野食，食物送到一望啲擺設靚，味道亦好，意粉煙un，牛朳，羊架好嫩，調味汁亦配得好，鹹豬手太鹹好似食鹽，於是同侍應講佢哋換另一個主菜比我哋，飯後送cake 比我哋作為道歉，成5件cake呀，我下次一定再來

遲左決定去這間餐廳，便直接walkin, 因為唔熟工廠區，所以從後門上去。意外發現這裡環境挺不錯，喜歡坐光一點的有，帶住bb想坐暗一點亦有，當然也有人是因爲浪漫而選擇.格調來說就是比較高級的西餐廳👍🏻。而且地都算大，好多位。未夠12點就上到去，可能算第一枱客，一進去便有人招呼，問有否預約，也看到隔離枱放上留位的。午市套餐有餐包有湯有野飲😂餐包是暖暖的而且有提子，算比較特別。餐湯要左白湯，粟米忌廉湯，喝到最後吃到一粒蝦仔😯好奇點了小食，問左係蟹鉗，他還貼心說有三隻，新鮮出爐熱辣辣，肉質有點林，不似平日吃到的好膠，醬是芥辣，有點稀，本來就不喜歡芥辣所以只點過一次，但$20也很抵既茫茫餐單中有選擇困難的我，最後選了喜歡的黑松露蘑菇意大利飯他則選了煙三文魚龍蝦意粉看似份量得少，但因為都是醬，中段已覺飽，值得一讚是餸係幾多，磨菇多，味道剛好合適，飯也不會太硬，也有賣相♥️而他那個也很不錯👍話明煙三文魚就是鹹混著吃就ok了，希望下次再來試一下牛扒餐飲也很大杯，不算甜走時經正門離開，但正門是行樓梯。看到明星到訪的照片😀

同觀塘工作既朋友, 一直想尋找觀塘既好西食！！ 但餐廳選擇實在太多, 琴晚諗左好耐都唔知食咩好！！ 突然諗起 Mage Kitchen 呢間餐廳, 成日都經過, 見到佢係大街路邊 投影 個餐廳 LOGO 係地上, 但就一直無食過, 就決定一試！！ 上樓梯迎面見到門面既裝飾已經好吸引！推門入內發覺非常寬敞, 環保很不錯！！^^職員帶位時, 途經沙律吧, 一陣香味撲鼻而黎, 原來係一兜芝麻醬  真係好香！再睇下D 沙律, 雖然款式唔多, 但係樣樣都好新鮮, 睇落好好味 落單時就決定跟餐 +$38 任食沙律入正題！！ 商討一輪後！！最後落單叫左 "三式芝士醬燒豬肋骨配薯角" + "紐西蘭頂級西冷牛扒8oz配薯菜"跟餐有餐包 + 湯 + 飲品 (按唔同飲品要再加幾蚊)先黎既係餐包+野飲︰餐包好鬆軟, 幾好食, 但係有提子係入面, 甜包, 個人比較鍾意咸包 ^^呢兩杯野飲 "藍柑檸檬梳打" & "荔枝玫瑰梳打", 顏色幾靚 ^^藍色呢杯味道淡D, 但飲落幾清新； 紅色呢杯唔錯, 好濃荔枝味！餐湯方面, 紅湯比較普通, 番茄雜菜湯, 正常味道；白湯唔錯, 係海鮮湯黎, 海鮮味好出！！ (平時白湯通

今日同朋友慶祝生日, 梗係搵好野食. 一星期前上網見呢間食評唔錯, 諗住仲可以經Openrice book有30分儲, 點知過左幾日就無左, 唯有打電話去訂位!12點黎到, 無人😂 呢度好大, 坐位濶落, 幾舒服!Menu好多選擇, 價錢唔算貴朋友點左厚切豬扒配洋蔥汁跟飯 $78 佢個豬扒真係好厚同熱辣辣, 但個飯竟然係凍😨 冰凍個隻凍喎, 難道佢忘記左叮返熱? 咁係咪代表D飯唔新鮮! 諗唔明, 唯有即刻叫人拎返碗熱既黎!我點左香煎紐西蘭西冷配黑椒汁跟薯角 $138 (所有午餐跟包及餐湯, 飲品包熱飲, 可樂或7喜) 另加$20 仲有沙律吧！另加$20 有款餐前小食, 今日係炸蟹鉗, 新鮮炸好脆口, 配有芥辣沙律醬! 西冷扒要左7成熟, 好厚切不過有D鞋, 有少少失望薯角好香脆, 全部食晒好邪惡😂

中伏！ 本人從來沒有寫過劣評，但食完这間食肆後不得不申訴一下感受，告訴未曾試過这店的朋友們，不試都沒有損失！點解……？雖然裝修環境似西餐廳，但上菜速度似足茶餐廳， 餐湯都未渴完一半， 餐包都未食，主菜已到，餐飲又到， 放到成張餐桌滿晒。因此趕快渴完餐湯食完餐包後食主菜， 發現收取大約2百元之西冷牛扒竟不熱又不暖， 因此要求更換，但更換後的另一塊牛扒依然保持上一塊之水準，牛扒的温度像是预先煮熟後擺放2小時才給顧客食似的，凍晒……味道當然不好啦！另一道主菜是德國烤豬手， 大大隻豬手看似抵食， 原來味道鹹到好似食緊鹽, TOO BAD !

超伏。真心提示：唔好去！想有腎病就隨便。想食呢間好耐。係openrice成日見到呢間餐廳（可能賣左廣告）。今次妹妹生日，就去試下啦！係地下有個專用入口，係apm隔離。好方便。環境可以。餐牌價錢少貴。但如果好味係可以接受。四大人叫左一個二人餐、一個烤咸豬手（佢既招牌菜）set dinner 、一個carbonara set dinner咸豬手得個大字。咸到好似落左成包鹽咁。我係一個食野好濃味既人，都真係頂唔順。食左1/3隻已經無哂胃口。豬手皮係淋既唔係脆果隻。超失望。焗時跟本無用針刺豬皮先燒。10分我俾佢3分。係我近一年食過最差既野！好啦，你話咸豬手緊係咸！咁點會諗到連個大蝦龍蝦汁意粉都可以咸到嘔？d鹽唔通唔駛錢？和牛漢堡無食到，不過應該正常。carbonara都正正常常咁啦。餐湯忌簾湯都係咸到嘔。真係救命！花園餐廳絕對好過佢。生日並不會送任何蛋糕。但嗌甜品就可以幫你用朱古力寫字。但侍應送上黎時，另一侍應先執枱、跟住另一個就捧住個蛋糕未點蠟燭。可唔可以夾好先？想俾少少驚喜都無哂。侍應b執完枱，侍應a點蠟燭就放低蛋糕，木口木面一句生日快樂都無。超odd! 咁既價錢咁既服務咁既食物真係搵鬼去