墨式咖啡店

Open Now

Now Closed

平時已食開setlunch意粉🍝配咖啡☕️，今日想飲咖啡入店見咖啡miss整好等待已訂客人的手工蛋糕🎂靚到打下卡先，原先想飲Latte 等待期間就就介紹我飲呢杯用幾種水果味重嘅手沖咖啡豆的咖啡試味，甜點cake抹茶味抹茶濃郁配上奶油cream唔油膩，份量剛好👍👍👍👍下午茶唔想太Heavy 呢個份量就啱. 加上依家可以預訂蛋糕去party其他場合用 ，下次訂就早兩日前通知就得。“P.S 咖啡miss好nice的，你想飲咩味道佢會介紹推介啱飲的！”＿🙂小店係要支持下的#MakCoffee_尖沙咀漆咸道南81J

咖啡好甜 叫左燕麥拿鐵 完全咩味都試唔出叫左三種意粉 每一種都有三色豆肉醬意粉冇肉醬啲意粉好乾臘腸意粉冇辣味蘑菇意粉特別乾同埋呢間舖只係得一個人響度打理出餐時間特別慢

小店主打咖啡外賣不過店內有幾個堂食座位可以俾大家偈一偈聽講遲啲仲會轉番長櫈可以坐得舒服啲呢小店仲喺試業階段營業時間、裝潢、餐單都仲會有調整稍後會開始供應意粉等主食🍝私心期待之後會有更多唔同嘅蛋糕款式🍰🔖 原味巴斯克蛋糕由蛋糕嘅顏色睇得出用料一啲都唔馬虎半熟口感做得比好多Cafe 都出色👍🏻🔖 山茶花拿鐵意式有自家炒嘅豆、誠意可嘉👍🏻餐單上面有幾款坊間少見嘅茶味Latte 店主推薦山茶花呢款俾我茶味的確非常特出～冰量、甜度如果有特別喜好落單時可以講聲、店家會盡量配合喔～

見到呢間舖新開，都好似有啲人氣，星期日下午茶時段去都冇位坐咁。就諗住試吓，雖然附近都有好多唔同嘅Cafe選擇，諗住俾機會啲新開嘅小店。嗌咗一杯大紅袍奶茶同埋一杯熱齋啡，好失望😅.首先講杯齋啡($26)，雖然話係即叫即整，但係一啲都唔熱，只能講得上去一杯暖咖啡，飲落味道有啲淡，更唔好講本身咖啡豆嘅香味。.如果佢同7-11嘅Cafe比較，我會揀7-11😂，因為有7-11 Cafe仲香同濃，二來價錢更價格相宜。.然後另一杯大紅袍拿鐵($36)，價錢都唔算平，但係咁落得個奶同個甜字，可以話係一個糖水⋯真係接受唔到😅一啲大紅袍茶味都飲唔出，可以話係哂錢😢