麥奀雲吞麵世家 (海港城)

Open Now

Now Closed

員工態度極惡劣，又大聲又惡，檢討吓你哋啲員工啦唔該，第一次買就係咁，以後都唔會再幫襯，賣個雲吞麵賣到咁貴，外賣份量少到誇張，又唔係特別好食，服務態度又咁差🖕🏻

以前細個中學時期成日同班同學仔去蒲港島區覓食，果時第一次食「麥奀」，同學仔推介話係一間好出名既雲吞麵。自此，長大後都間唔中會食，海港城果間好方便我行完街去醫肚，最愛最愛佢既「柱侯牛腩」，啲牛腩炆到入晒味，肉好林，唔難咬，「雲吞麵」比較細碗，個碗唔大，每碗麵有四粒雲吞，size算適中，唔大唔細，雲吞入面包足料，鮮蝦成隻大大隻如果唔係可以用商場coupon ，價錢上算偏貴，但食物質素唔差😊

雲吞麵其實就係一啲平民嘢食嚟，唔會expect佢貴得去邊。咁但係麥奀記做到連鬼佬都識，咁自己有個港價要消費者去俾嚟食啦。叫咗個二人套餐，叫咗炸醬麵、蝦子撈麵，一碗水餃同一碟油菜，再加兩杯豆漿。炸醬麵就麵底比較乾身，唔油潤，冇落豬油，如果有埋豬油個麵會好食好多。蠔油蝦子撈麵就比較遜色了，蝦子又少蠔油又冇乜味，食咗好似食個淨麵咁，真係冇下次。水餃就不過不失啦！埋單200幾蚊，兩丁友食得唔太飽，我下次會叫多啲嘢食。

因為帶7歲的女兒食麥奀記雲吞面竟然都食唔飽。重點系我女一Ｄ都唔大食😓，甘多人話雲吞面細份都唔改良下，原來都系有原因：原來當時細蓉系一種有錢人不想食太飽淺嘗的小玩。細蓉有非常嚴格的規定，1個一兩重的面餅+4粒雲團，而麥奀記保留細蓉的傳統。但系除左細蓉份量保留點解無保留人手打竹昇面呢，因為之前在廣州食過真系特別好食。竹昇面都算爽口，雲吞皮薄，蝦唔算大，所以雲吞好細粒，湯都算鮮，整體上其實都可以，但系咁嘅價錢，咁嘅質素，咁嘅份量就唔系好值。

鹼水味太重、味精好勁。飲埋個湯底的話可以沖番2支水先無咁口渴。店員服務態度十分差，會多嘴話客人。趕客服務態度。食到一肚氣，大把麵家好食過佢，好過仲要去領教佢哋d 店員咁差嘅service. 無下次，尤其係利間分店。

成日聽人講麥奀記好好食，好多年前喺中環好似食過但係冇乜印象係唔係嗰間但係我淨係好記得當年嘅雲吞係好大粒，見有海港城優惠券同呢間唔使等位所以決定試吓，兩個人叫咗一碗雲吞麵一碗牛筋麵再加一碗水餃，之前上網睇話份量少已經做定心理準備點知當見到實物嘅時候真係有少少嚇親，個碗就好似酒樓糖水碗嘅尺寸差不多，份量真係超級少…食咗好似三至四啖已經冇晒啲面,諗住加多一碗豬手河粉，當時只係晚上六點已經話冇晒河粉。兩個人食咗四碗夜但係返到屋企都仲係要搵嘢食，不過老實講麵係唔錯辣椒油亦都好夠辣只係份量真係實在實在實在實在太少

今日同事話想食港式麵，所以同同事黎麥奀買外賣食😋😋🔹淨鮮蝦雲吞外賣湯另上！！雲吞皮好薄，已經見到有粒蝦包係入面🦐，蝦好新鮮爽口彈牙👍🏻皮食落都好滑，但係雲吞比較細粒！！湯底飲落比較鮮，飲到有大地魚味，但偏咸左少少！！湯底面上有幾粒韮黃，都新鮮！🔹上湯水餃麵水餃麵既水餃就有4粒，湯都係另上，而且麵係好細碗🤣🤣皮薄，入面比雲吞多左木耳，增加爽口口感！湯底係一樣既。麵係爽脆，冇咩鹼水味👍🏻👍🏻👍🏻🔹淨柱侯牛腩牛腩炆得好入味，而且牛腩好軟淋好香，唔會黐牙，但食下食下就覺得有D油膩🤣🤣

真心很喜歡廣東麵食🍜，尤其係雲吞麵🍜，絕對每次去旅行🧳返嚟香港都第一時間要食碗正宗雲吞麵。還記得從小跟住阿嫲去到邊食到邊，🍜旺角好旺角、🍜中環羅富記、🍜銅鑼灣何洪記….最近因為工作關係，只有15分鐘嘅時間，找到最近嘅海港城，快食一碗麵就趕住開工，結果真心覺得超級失望🤦🏼———————————————————————————🍜蝦子撈麵配雲吞 $96💬係呀係呀！好貴！撈麵嘅麵都可以係咁少😵‍💫，超級珍惜「蝦子」，絕對係食之無味，這個價錢可以食到好多嘢（如果有時間去搵食嘅話），雲吞細粒到唔咬都吞到嘅效果，係好食但一啲都唔會飽肚，性價比係少過零，服務員💁🏼‍♂️態度真心極好禮貌，都無濟於事😵‍💫.🍜生滾牛肉粥 $66💬其實粥都唔平，但味道都唔錯，話晒滾熱辣，幾綿滑，價格算合理😵‍💫

唔知點解食品質素愈來愈差，半年前左右質素還可以，但最近這幾個月D質素真係每況越下！粥品的米煲得唔棉，份量少過以前，水餃麵夠膽兩隻水餃黐埋一齊，其中一隻仲要個皮都穿埋，D餡料流咗出嚟！這種水平絕對不配這個價錢水位囉！

第一次见那么小碗的面。 真的第一次见。 面两口就吃完了，味道非常一般般。但是价格又收那么贵。还加服务费。 不知道哪里来的自信收这个价钱。。以后不可能再去吃。和朋友过去点了一个云吞面和一个牛腩面，面上来时朋友都看傻了，分量小得可怜，用平时装米饭的非常小的碗装的，用来装米饭都感觉太小.现在用来装面和云吞，，，两口就吃完面了，而且面一点都不爽，质地非常一般，这个质素卖五六十一碗真的太过分，这个质素这个分量最多值20一碗。不会再去了

這間雲吞面馳名，一直覺得比外面的雲吞麵相對貴一點，所以每次經過只是經過卻沒有進入餐廳嘗試。這天剛巧來到海港城，到處都是人排隊等食，想找間少人排隊又能盡快醫肚的餐廳。因為有商場的優惠券，所以我就打算試試這間馳名的雲吞麵，點了一個豬潤粥，一碟芥蘭，一碗淨雲吞及一碗牛腩麵。先講餐廳服務，人手確實不足，姐姐很努力招呼客人，有個叔叔服務態度就比較直接，偶爾會與客人正面交鋒🙈然後講豬潤粥，粥底夠綿，入口很滑，但豬潤好韌，不爽口；雲吞好吃，足料而家蝦很大；芥蘭一般；牛腩麵還是不錯的，牛腩很冧入味，但份量有點少，如果沒有商場優惠券，這個價格叫一碗雲吞麵/牛腩麵實在未能飽足🙊

手持好幾張商場優惠券係時候趕着時間用埋他，今次選只係麥奀粉麵鋪，鋪位細細瑟縮於商場的角落，起眼到只是一般，未來之前已在網上搜尋了評價，所以在入座之前已作出準備就是份量少以及較貴。。。要了一碗牛腩麵HK$55與及雲吞水餃雙拼HK$56，先講(牛腩麵)牛腩烹煮得很唸很入味，麵條屬於細麵，吃在口中輕帶點鹼水味，雖然爽身但是略有失色，整體上屬於偏少～至於另一款淨（雲吞水餃），雲吞略嫌蝦肉不夠鮮，血在口裏帶不上應有的風味，至於水餃自己就覺得木耳較為偏少，沒有比較沒有傷害，這一碗亦屬於體積偏細，深信如果每人進場理應都要吃下兩碗份量的食物才算飽肚～★自己嘅評分就係覺得雖然品牌老，但未必一定絕對係最正。

麥奀 尖沙咀麥奀嘅雲吞麵出名份量少，但係質素好好😋湯底用上大地魚同蝦子為主要嘅材料，全碗湯都有好香嘅大地魚味，一啖湯一擔麵食落去簡直一流！今次叫雲吞麵唔記得叫爽，黎到麵嘅質地都幾好，唔會太淋😋細細粒嘅雲吞入面只係有蝦，咬落去好似食緊一粒雲吞皮包蝦餃😋

麥奀雲吞麵世家，在香港有不少分店。今次黎到海港城分店，它在扶手梯角落，店面小小，座位不多。餐廳全部野食都係要散嗌，無套餐價，仲有最低消費限制。黎雲吞麵世家一定要叫雲吞啦，雲吞鮮味，蝦彈口，每粒都用全蝦及大地魚末做餡料，好好食。湯底都好清，配上自家制既全蛋麵，食落都好爽口，無鹼水味。

海港城餐廳眾多，但一般西餐較多，如果想食中餐輕食嘅你，麥奀雲吞麵世家一定係你首選。「牛根雲吞麵」牛根入味口感一流，雲吞雖然細粒，但有原隻蝦入面，好食！「蝦籽撈麵」味道一般，但勝在大碗，對得住價錢！「首創鮮蝦雲吞」未數有幾多隻，但2人量都夠分，好食！順帶一提，餐廳裝修幾靚，加上waiter幾有人情味，坐低比既2杯茶仲暖架！如果大家手頭緊，可以去試試！