馬六

Open Now

Now Closed

自從喺檳城食過好好味嘅蝦麵，一直想在香港找看看有冇類似嘅味道😂今次再黎馬六呢度搵下😆🔅檳城蝦湯麵🍜套餐+馬來手工拉茶湯頭有櫻花蝦，少少辣並帶有淡淡蝦湯味～雖然無檳城那碗嘅甘濃香～ 但尚算不錯👍湯麵🍜係摻摻，即油麵及米粉，十分爽口～豆卜吸收了湯汁，豬頸肉份量唔多，炭燒口味，脆脆口感！🔅怡保芽菜 （跟餐加配）必叫系列～同本地的芽菜唔同，怡保芽菜係肥肥地，而且特別多水份～嘢起來爽脆可口～ 醬汁方面同馬來西亞有啲少少唔同，但一樣咁好味🔅脆炸芝士（跟餐加配）店員推介系列～果然真係好味其實係竹筒魚糕包芝士香濃芝士仲要流心😋🔅馬拉手工拉茶馬拉嘅奶茶厚甜，呢度茶味香濃，叫咗少甜味道啱啱好～餐廳仲有幾多馬來西亞小食選擇，而且價錢屬於抵食之選，十分推薦！

我今日約同好友去位於北角炮台山電氣道264號地舖的馬六食下午茶，環境舒適，坐得舒服。我點左個馬六無骨海南雞飯 $65，配娘惹芝麻蝦多士（4件）$38，餐飲係熱桔仔話梅水；好友點左個馬六娘惹茶燻鴨飯 $62，都係配左個娘惹芝麻蝦多士（4件）$38，餐飲係熱桂圓紅棗茶。馬六無骨海南雞的雞肉嫩滑，雞味濃郁好食；馬六娘惹茶燻鴨的鴨肉鮮甜好食，送飯一流👍；蝦多士新鮮炸起，熱辣辣好好味；熱梏仔甜梅水好潤喉，熱桂圓紅棗茶好飲。

餐廳：馬六地點：炮台山電氣道菜式：馬拉野餐牌：茶餐12選一，有多款飯粉麵小食，配熱飲品6選一，凍飲加$3，另外仲有小食追加同加$8升級飲品。仲有地道推介茶餐。豬頸肉喇沙摻摻 $48喇沙好少見配豬頸肉，豬頸肉一共五件，口感味道都唔錯。摻摻即係黃色粗麵加幼身粉絲，前者有咬口又滑溜而後者幼滑吸汁，加埋係好正嘅口感。個湯又香又滑，梛汁又夠，辣度剛好。其他配料有半隻超好味糖心蛋，豆角，豆卜4件，同少少爽口芽菜加香口脆脆。馬六無骨海南雞飯 $65馬六無骨海南雞飯有好多雞肉食。雞肉算嫩，皮滑溜，伴有四條青瓜，跟有大大碟三色醬汁。雞油飯大大碗，非常黏口。仲有一碗紫菜蔥花湯。加$10可以轉脾位。娘惹芝麻蝦多士 加$18娘惹芝麻蝦多士一客兩件，每件都有一半係蝦膏，面頭鋪滿白芝麻粒。食落係脆口中帶彈牙蝦膏，正呀！伴有甜酸醬可以調味，同樣伴有青瓜同車厘茄可解膩。凍桔仔話梅水 加$3凍桔仔話梅水好多料，味道甜甜酸酸，夠凍，有獨立飲管。桂圓紅棗茶 跟餐桂圓紅棗茶好足料，有紅棗又有杞子，菊花等，味道唔甜，非常熱。總括而言，今餐食物質素唔錯！茶餐似正餐一樣大大碗，非常抵食！座位舒適，裝修光猛。服務員哥哥態度好友善。

我叫兩個海南雞飯外賣，收咗錢。10分鐘後我發覺落錯單，同收銀講。佢問我点解會落錯單，佢都自己知錯，跟著佢去廚房話出返個海南雞飯。我就企在收銀處等佢退差價。其間佢返來收其他人錢，我以為佢收完錢會退錢比我，但佢無。佢只係到收拾其他單據，之後想離開收銀處。咁我咪問佢會否退差價，佢話等個外賣出先至退差價。我心諗關外賣乜事，外賣出又唔係佢囉俾我，点解要等我取外賣先退錢。之後佢就立即去睇餐牌計返差價俾我。佢可能博我唔知價，冇諗過退返差價俾我。大家小心。

地道抵食星馬菜馬六，下午茶🫖Set性價比真係好抵食，份量大大份，整體食物質素都好好食，地道高質❤️斑斕咖吔多士 $28多士外脆內軟，斑斕味都好出，好好食🤤海南雞喇沙摻摻 $58海南雞肉質嫩滑，雞皮爽彈，份量都幾多下，喇沙味道好濃厚，有唔同麵條，口感豐富馬六娘惹茶燻鴨飯 $62茶燻鴨好入味，入口就有陣陣既香氣，肉質都好細嫩，值得推介新加坡咸蛋黃魚皮 $22魚皮外面滿滿都你咸蛋黃，魚皮都夠哂脆卜卜，一咬入口勁濃郁好食😋+$3 馬來手工拉茶+$8 美祿哥斯拉

係好食係貴，但一定要比較，留意外賣自取價格。外賣平台，店內面對面落單都要留意價格。店內外賣自取要加錢外賣盒每個1蚊，外賣平台不用加錢外賣盒每個1蚊，但有平台費等，但平台如有優惠期間，面對面落單貴過平台。

而家時世又開始睇樓買，行到累累地就同媽媽去搵野食，坐底休息下。係北角炮台山附近有間餐廳係星馬泰風味既，係我最鐘意既味道。首先點左個小食斑蘭咖央多士，個多士非常香脆可口，外脆內軟，中間重有厚厚既牛油，配合咪咖央醬真係天衣無縫。值得一試。主食方面就選左大蝦喇沙，呢個湯底非常香濃可口，而家啲料非常豐富量多，麵底就採用咗粗麵同米粉，兩款併咪口感一流。真係非常滿足。另一個就係什錦椰漿飯，呢款係馬拉風味，係香港都食到原汁原味既馬拉椰漿飯真係非常有驚喜。味道都唔錯，未試過既朋友仔可以試下。飲品方面就選左老街椰汁冰，上面有片薄荷葉做裝飾，椰香好香濃，非常好飲，夏天消暑一流。另一杯係古仔路芒果冰，芒果🥭味好出，我個人非常喜愛，世界級享受。

一個人🧍‍♀️晚餐🍽️外賣🥡，也想吃得豐富。這間馬六的一人餐當中包括無骨海南雞飯🐓🍚，拼小型新加坡🇸🇬喇沙🍜。海南雞🐓和新加坡喇沙🍜都是半人份，晚餐份量剛好。海南雞🐓已經起骨，啖啖肉😋，雞肉夠嫩滑，雞飯🍚也充滿油香。新加坡🇸🇬喇沙雖然只是一小份，但也非常有誠意，是兩溝的摻摻🍜，再配上豆卜及半隻蝦🦐，喇沙湯底非常香濃😘，回味無窮。👏已經不是第一次，還是會再次回頭幫襯。

付費餐具一開就已經爛咗 點解明知爛咗都可以就咁放落外賣袋比個客？ 同埋明明嗌咗杯熱嘅 又俾杯凍嘅 仲要飲筒都唔俾先pk 😂 好心啦，冇心做嘢嘅就咪撚做啦做到你咁你求其🥲 俾咗成百幾蚊等咗九個字 你俾啲咁嘅質素我 下次唔會再食㗎啦

餐廳：馬六地點：炮台山電氣道菜式：馬拉野餐牌：茶餐12選一，有多款飯粉麵小食，配熱飲品6選一，凍飲加$3，另外仲有小食追加同加$8升級飲品。海南雞喇沙摻摻 $58 喇沙好少見配海南雞，一共大概七件海南雞，都有髀位，雞肉嫩滑又有雞味。摻摻即係黃色粗麵加幼身粉絲，前者有咬口又滑溜而後者幼滑吸汁，加埋係好正嘅口感。個湯又香又滑，梛汁又夠，辣度剛好。其他配料有半隻超好味糖心蛋，豆角，豆卜4件，同少少爽口芽菜加香口脆脆。馬六無骨海南雞飯 $65馬六無骨海南雞飯加$10可以轉脾位，我轉左呀。雞肉算嫩，皮滑溜，伴有五片青瓜，跟有大大碟三色醬汁。雞油飯大大碗，非常黏口。仲有一碗紫菜蔥花湯。街頭雞肉串燒 跟餐加$26街頭雞肉串燒一客兩串。雞肉啖啖肉，好重咖哩味。伴有青瓜同車厘茄。怡保芽菜 跟餐加$26 怡保芽菜份量唔少，面頭加上蔥花同脆碎，味道唔錯，微微辣，唔會太油，我倒嗮落個喇沙湯食，正呀，啖啖爽口。椰子班蘭冰（跟餐加$8）椰子班蘭冰色水呈綠色，味道係椰汁加班蘭味，咬落有粒粒碎冰，唔會太甜，好飲。馬來手工拉茶 （跟餐加$3）馬來手工拉茶滑溜香甜。總括而言，茶餐似正餐一樣大大碗，非常抵食！座位舒適，裝修

到訪完"油街實玩"已晚，行經見到‘’馬六‘’下午茶抵吃，時間至6pm，免回家煮飯🤣，我們便入內坐下，內裡裝修簡潔，燈光柔和，以卡位居多，坐位舒適，侍應招呼周到。💥巴生肉骨茶湯油麵配熱香茅橙茶👉$52~肉骨茶偏淡，肉骨靭且無味，腐竹和豆卜一般。~香茅濃郁配2片鮮橙ok。💥厚切豬扒喇沙摻摻配熱馬來手工拉茶👉$58~煎豬扒顏色好看，可惜偏乾身調味欠缺，湯底椰香味濃少辣。~拉茶茶味不濃，奶味重。整體價錢低，但食物則一般，抵吃。。。

炮台山地鐵站附近有很多餐廳，同朋友都未食晏晝飯，想食一個豐富啲嘅下午茶，行吓見到呢間馬六都好多人幫襯，而且見到餐牌價錢唔貴，幾吸引。我自己揀咗個包東牛肉飯，因為俾佢綠色嘅椰漿飯吸引咗，覺得好靚。佢嘅綠色係因為班蘭葉嘅關係，除了牛肉仲有半隻雞蛋， 配上銀魚仔和花生，幾惹味。朋友嘅海南雞飯都唔錯，去骨海南雞食落比較方便。除咗雞油飯另外仲有一碗紫菜湯。我要咗白咖啡走甜，朋友要咗芒果冰，芒果冰跟餐只需要加$8，好抵。佢嘅熱飲預設係已經落咗糖，所以如果想少甜或者無糖，記得落單嘅時候同店員講清楚。

星期日突然想吃蝦湯麵，搜了附近最近的馬六，點了蝦湯麵，椰子班蘭冰，蝦多士，妹妹點了豬扒喇沙，芒果冰蝦湯麵（$78）湯底蝦味偏淡沒太濃的蝦頭味，味道尚可，3片切成半的蝦肉加上3片豬頸肉，半隻糖芯蛋都算係幾足料，可以一試！椰子班蘭冰（套餐+$8）颜色綠得有點可怕⋯飲落係可以的，有班蘭香味又不太甜，沙冰夠凍。蝦多士（+$18）蝦滑薄到沒存在感，好似食炸麵包，不值，不用試。豬扒喇沙（$72）豬扒幾香，湯底ok有椰香同蝦味，份量夠

放工後嚟炮台山覓食🥢～呢間餐廳食馬來西亞同新加坡菜，都幾多款喇沙可以選擇。⭐️厚切豬扒喇沙摻摻豬扒肉質嫩滑，無豬腥味。豬扒幾厚切下，都有5大塊。喇沙湯底有少少🤏🏻辣，但唔太好辣，有好濃郁嘅椰奶香味。配料仲有豆卜、豆角、溏心蛋，配埋一齊食唔錯，豐富了口感😋。⭐️古仔路芒果冰🥭芒果雪花冰好綿密，仲食到芒果果肉，好新鮮，酸酸甜甜，又清涼清爽，推薦👍🏻。馬六地址: 北角炮台山電氣道264號地舖

橙茶 🍊農曆新年前開始咳嗽接近半個月，西藥中醫試勻都唔好，今日竟然誤選「橙」品，改善咗身體嘅情況，所以點讚！查看資料，食燉洋葱、燉橙、可樂煲薑均有助紓緩感冒，不過要注意燉洋葱風熱感冒喉痛發燒不宜、燉橙助排痰忌亂服。喉嚨帶痰但無法排出的人適合燉橙——橙帶甜味，有助化痰、排痰。橙皮的芳香可紓緩咳嗽；橙肉微甜甘，容易入口。加鹽燉橙則有助降虛火，尤其適合半夜狂咳或未能清痰的人。網文註：各人體質不同，如有任何疑問，宜先諮詢註冊中醫或家庭醫生意見。