馬六

Open Now

Now Closed

🔸 海南雞飯 $65 加$3配凍桔仔話梅水 有少少雞髀肉， 底下就係雞胸肉，肉質好嫩滑，配一碗雞油飯同埋一碗紫菜湯，醬料如薑蓉同酸辣醬 都配得好足，算喺幾正宗嘅海南雞飯。味道：8/10性價比：7/10🔸 魚三寶蝦麵 $52 加$3配凍手工奶茶魚三寶係指 魚皮魚蛋 三笠魚蛋 同埋魚片條 有四粒豆卜 豆芽同豆角 伴住，用嘅係 車仔檔嗰啲粗油麵 唔係蝦子麵， 不過食到碗底啲湯裏面原來係有啲蝦粒仔 所以叫做 蝦 麵大大碗食得飽味道：7/10性價比：7/10🔸 芝麻蝦多士 $38 / 4件 加$3配凍桔仔紅茶蝦多士炸得金黃香口脆卜卜好好味， 就係油漏咗一啲 😝配特製麻醬 點落有啲薑汁味 ，有馬拉風味味道：7/10性價比：7/10一個茶餐可追加一個小食🔸 一口脆魚三件 $18魚餅只係三小粒同快餐店嗰啲炸魚柳差唔多🔸 蘿蔔餅一件 $18蘿蔔餅就係以前喺街邊賣嗰啲 炸餅，外面脆卜卜，裏面有啲 青紅蘿蔔絲， 有蘿蔔嘅甜香， 可惜只得一小件。▪️🔹環境：喺正荃灣市中心商場裏面 ，地方都好闊落，尤其卡座好寬闊，坐得好舒服 🤪🤩🗣不收加一服務費😚-人均消費：～$68-整體味道：7/10性價比：7/10

👉🏻海南雞飯呢度嘅名物之一。咁耐冇食水準都keep到，雞肉有胸位+滑溜髀位，雞皮唔算肥，去晒骨好方便食。必叫油飯，有淡淡香味又唔太油，成碗啪晒無難度🙉跟餐有碗紫菜湯。👉🏻馬來咖喱厚切豬扒飯朋友嘅選擇～金黃色連骨豬扒真係幾厚又大大塊切好上碟，咖喱汁香味令人食指大動😋朋友分享左一塊豬扒比我，幾鬆軟又幾入味，下次我都想叫呢款。晚市套餐可以追加優惠小食（$18-$26）一口脆魚好正😋個靈魂參峇醬汁超好味，下次絕對要叫個全份。桔仔話梅水有大大粒甜話梅，正。

婆婆接謙謙放學後同我快閃馬六嘆返個下午茶⬇️⬇️⬇️✡️ 斑蘭咖吔多士 ～ 斑蘭新香加上咖吔獨特的甜味，淺嘗一件夠滋味。✡️ 海南雞喇沙摻摻 ～ 海南雞夠滑溜，配搭上濃郁喇沙湯底更出色。✡️ 厚切豬扒喇沙摻摻 ～ 豬扒厚切得來唔會硬仲要好香香茅味，正宗喇沙摻摻，油麵和米粉拌在一起好掛湯汁。✡️ 新加坡咸蛋黃魚皮 ～ 下午茶餐加配小食，咸蛋沾滿魚皮，喜歡咸蛋的絕可不錯過。✡️ 娘惹芝麻蝦多士 ～ 都係加配， 面層有蝦膠下層的多士好脆口。🧋 美祿哥斯拉 ☕ 桂圓紅棗茶 🍹 凍桔仔話梅水

有時都會嚟呢度食晚餐，貪佢價錢親民，每人大約$100都食到好多嘢~🔘馬來咖喱厚切豬扒飯幾鍾意個咖喱汁，偏杰身，少少辣嘅馬來風味咖喱汁，撈飯一流，豬扒真係厚切，而且唔韌!!🔘無骨海南雞飯不嬲海南雞飯都係招牌菜，無論雞胸定雞髀位都幾嫩，最緊要隻雞唔係太肥，油飯都好夠味!!🔘娘惹大蝦喇沙🔘巴生肉骨茶追加嘅輕量版，喇沙份量幾多，有豆卜、魚蛋、大蝦同半隻蛋，米粉mix油麵～ 湯底幾惹味～肉骨茶少少藥材味，有一大條一字骨👍🔘桔仔話梅水🔘馬來桔仔紅茶叫咗兩杯有桔仔嘅凍飲，酸酸地幾開胃，又唔會過甜~

今日收工比較晏就決定食埋晚飯先返屋企，揀咗屋企商場附近呢間馬六餐廳，入面環境好闊落，裝修幾新，又有卡位，我哋叫咗兩個晚餐前菜小食分別揀咗檳城五香卷同埋街頭雞肉串燒，主菜我就要咗個海南雞飯，屋企人就要咗個厚切豬肉喇沙摻摻，仲有得配飲品，要左桔仔話梅冰同埋椰汁涼粉小食都好快準備好，五香卷一客有三小件，炸到外皮香脆，好似腐竹卷咁樣薄脆，入面包住滿滿嘅餡料，有調味，都幾好食。雞肉串燒非常好食，外面嘅醬汁濃郁惹味，好滋味海南雞飯係跟左油飯同埋紫菜湯，夠正宗。雞肉非常嫩滑，就算唔係雞髀位但係都好嫩，雞皮qq口感好似食緊果凍咁亦都好有雞味，配香口油飯特別開胃。至於豬扒喇沙摻摻，豬扒煎得好香口有少少蒜頭醃料，喇沙湯底厚厚嘅質感，濃郁又香，摻摻即係油麵同米粉吸收曬湯汁，又有唔口感，好食到一啖接一啖，同樣係份量十足。飲品有驚喜，預期之外嘅好飲，椰汁涼粉好香，涼粉qq彈牙，桔仔話梅冰酸酸甜甜，推介！

荃灣行街見到好多人食就忍唔住都入去試吓拎起個Menu發現所有嘢都好抵食唔怪之得咁多人食海南雞喇沙摻摻$72⭐️⭐️⭐️⭐️⭐️事關好想食海南雞飯，又好想喇沙 所以叫咗海南雞喇沙摻摻🤣一次過滿足晒兩個願望🤣啲雞好滑喇沙好香摻摻嘅份量勁多蝦湯娃娃菜 $36⭐️⭐️⭐️⭐️⭐️個娃娃菜勁入味啲湯好甜好香牛肉牛角包$38⭐️⭐️⭐️⭐️好似沙嗲牛包咗，啲牛肉有啲鹹，加埋個青瓜啱啱好斑蘭咖央多士 $28⭐️⭐️⭐️⭐️有一塊勁邪惡嘅牛油，如果斑斕醬在多啲就仲正咖喱蟹肉配薄餅$68⭐️⭐️⭐️⭐️快薄餅即叫即整，勁香勁脆，都勁大份飽到上心口美綠哥斯拉手工拉茶

🔴假日shopping有啲攰攰哋，揀馬六做我嘅下午茶。呢間主打星馬菜嘅鋪頭，當然要試吓肉骨茶同海南雞飯啦首先海南雞：海南雞一上枱就聞到雞油飯香，飯同雞油融合得好均勻，好好味。雞肉好嫩，加上三色醬，啖啖肉都可以唔同口味。而附上紫菜湯好清甜可以解一解口中油脂感。 肉骨茶米粉湯底一淡淡嘅藥膳味同少少甜，好適合香港人口味，肉骨好易入口，唔會有鞋嘅感覺，米粉好爽口，而豆卜為湯汁增加另外一種口感。下午茶嚟講可以飽肚，有免費普飲品又可以食到特色野。呢個價錢算唔錯。🔴

又去下午茶，今次來到馬六。馬來菜大都好惹味，因為有香料的食物令人食慾大增。選了一份娘惹茶燻鴨喇沙摻摻配馬來手工茶。拉茶先上，口感甜甜，已經要少甜否則更甜，不過帶有獨特的茶香，吃過喇沙後再喝就覺得甜度剛好。茶燻鴨喇沙摻摻，賣相好，喇沙色澤黃澄澄，湯底稠密合度，味道濃郁。已切好的茶燻鴨肉鋪在摻摻上，流心蛋，青豆角，豆卜，食材一眼看到。燻過的鴨肉嫩滑好吃，劃了十字花的鴨皮香脆。吸滿了汁液的豆卜口感軟軟綿綿，油麵和粉絲的混合令你吃得爽口又細緻。雖說這碗麵是輕量裝，但也吃得飽飽。

今日去到荃灣千色匯的馬六，呢間餐廳好似好受歡迎，即使在6點已經是座無虛席。環境寬敞舒適，裝修具有東南亞風情，柔和的黃色配上吊燈和吊扇，令人十分舒適。我們試咗幾樣東南亞美食，首先是馬六無骨海南雞飯。海南雞嘅雞肉嫩滑，飯的顏色比較深，口感香糯。跟住係厚切豬扒喇沙摻摻，豬扒大塊又入味，米粉和油麵浸泡在香濃的喇沙湯中，味道非常濃郁，令人十分滿足。小食就有兩樣，第一道係檳城五香卷，五香卷的外層以腐皮包住，裡面包含五香粉和半肥瘦豬肉等餡料。外皮香脆，裡面的肉質結實，口感非常好。第二道係十分令人驚喜嘅咖吔奶祿兩層西多士，分別搽上斑蘭咖吔同美祿加煉奶，味道和口感都十分有層次，絕對值得一試。最後是飲品，我地叫咗古仔路芒果冰，古仔路原來是一個地方名稱，芒果冰啖啖都有碎晒嘅沙泳，飲落超夾，最適合用嚟解辣。最後大約$200埋單，好抵食，可以再戰!

收工唔想用腦輕輕鬆鬆食餐新加坡菜✨未睇餐牌時我已經想食海南雞 但又想食叻沙同肉骨茶估唔到餐牌有得crossover 🤗🤗味道豐富 視覺豐盛 好難會失水準坐位又舒服 會再encore 😉#新加坡菜#馬來西亞菜#肉骨菜#海南雞#荃灣#hkig#foodie#hkfoodie#18區美食

放工搵好野食又點會唔揀去荃灣搵食，今日行左去千色匯，一入商場就見倒呢間新加坡餐廳。由於自己其實都唔多食新加坡菜，問左店員有咩好推介，佢介紹左我食茶燻鴨。娘惹茶燻鴨  配 油香飯 ($88 餐配小食及飲品)成餐呢個鴨真係最令我驚喜，鴨肉有微微燻嘅味道，煮係入味得黎又無好乾，鴨皮油脂都好夠，配上油食飯食係perfect。呢個餐仲配左一條烏打(魚肉條) 同小小魚仔同蝦片，令成個飯都感覺好多元化。餐配 (雞肉串燒 2件)之所以覺得個餐都幾抵食因為佢現多2件雞串，雞肉燒得幾嫩滑，配上個汁充滿左香茅味。參峇醬烤雞脾 配 油香飯 ($68)雞脾Size真係超大隻，重點係佢係生炸而唔係包粉炸，食落雞肉好嫩滑。參峇醬係一個辣辣地嘅醬，配雞脾食感覺幾新鮮。參峇古方雞翼尖 ($26)上左枱望落同元朗某店好相似，但係味道呢度比較無咁咸同無咁重味精。雞翼尖完全無雪味，辣辣地好惹味。手工拉茶 + 椰汁涼粉 食東南亞餐廳大家都知食左少甜有一半機會係同平時一樣，因為多數飲品都好重口味。今次拉茶甜味調得剛剛好，茶同奶味都好夠。$200唔洗食倒呢餐真係好抵食。

突然想食咖哩，於是近近地去去附近商場望望🤣見到呢間鋪頭有唔少咖哩款式既菜式，而且價錢相宜，就決定一試！🌟斑蘭咖央多士（$28）一向好鐘意食咖央🤩呢間嘅咖央好香，多士夠脆口！味道同平時食開既差唔多，唔算太特別，普普通通，但好食😋！🌟咖哩豬扒配米飯（$68）咖哩好香，辣辣地，配埋飯食味道岩岩好☺️！豬扒肉質都好嫩滑，唔會太硬好難咬，而且份量亦好，切開都有5舊！而且仲配有啲花生、青瓜仔、蕃茄仔、炸雲吞仔做配料！🥹🌟咖喱蟹肉配薄餅（$68）呢到嘅咖喱同岩岩豬扒飯既咖喱差唔多，但配薄餅食反而有啲太咸，配飯食就岩岩好🤣而薄餅加左香蔥，煎得好香好脆！而且份量真係超級多，有8塊！2-3人份量🤣蟹肉份量真係比較少，所以食唔出啲咩特別味道🫣！整體而言，餐廳亦多卡位座位，坐得好舒服，唔會好迫！店員亦好有禮貌，好熱心服務！食物整體價格亦好合宜，係平平地又好食嘅晚餐之選！

去左荃灣行街買嘢，個人行到好攰想揾嘢食，係千色匯見到呢間食馬來西亞野，趁仲未過下午茶時段拿拿臨入去叫個茶餐醫肚！🍛巴東牛肉配斑蘭椰醬飯牛肉淋身，醬汁幾濃郁惹味，斑蘭飯有淡淡嘅椰醬味幾夾，味道係唔錯嘅｡蝦片都OK脆，個飯同其他配料都打爆晒，成碟飯份量好足。🍢馬來街頭雞肉串雞肉串上枱時仲熱熱地，咬落都嫩滑，雞肉都幾入味，值得加配嘅小食。🥤美祿哥斯拉表層打爆勁脆嘅美祿波波，美祿味夠重夠甜好飲！另外冰底唔會過多唔錯

馬六係一間好出名的新馬菜餐廳，疫情前是經常有去吃，現在開到好多分店，這次就到荃灣的馬六，隨意吃個晚餐喔。說是隨意的隨意，沒想到馬六多了好多菜式，讓我驚喜的是，真係越來越好味，越來越抵食，真的沒有選擇錯。看看餐牌，真係好吸引，沒想到有喇沙火鍋，點了喇沙一人鍋，crazy 真的好多配料，有一大碟蔬菜，有嫩滑的雞肉，還有紋理清晰的牛肉片，$88 不加一，火鍋啊火鍋，飽飽又划算啊。再來一份主食，日常會點的無骨海南雞飯，大大碟還有湯喔，$72 還能吃到嫩滑的海南雞和雞油飯喔。小食必點鹹蛋黃魚皮，哇哇哇真的是又脆又香，我的最愛，好好吃喔，滿足了。飲品方面建議試試玫瑰黑粉，黑涼粉是其次，玫瑰香的飲品好特別，女生一定喜歡的。

同朋友係荃灣千色匯行街, 搵緊晚飯食乜好, 就見到呢間新加坡餐廳, 裡面座位寬敞, 幾舒服, 新加坡既名菜, 海南雞, 喇沙同肉骨茶都有, 選擇都唔少.喇沙一人鍋香濃喇沙湯底, 好特別. 味道濃郁. 配料有美國牛板腱: 好腍, 好香牛味. 花雕雞: 酒味唔會太濃, 唔會搶左喇沙湯底既味, 肉嫩滑. 季節時蔬: 蔬菜, 蕃茄, 金菇, 本菇, 粟米, 豆卜, 魚片, 油麵, 仲配一份小食, 我揀左檳城五香卷, 入面係豬肉, 外面炸到脆卜卜, 好香口! 呢個餐係超抵食, 材料多又鮮, 一定飽!仲有配飲品: 凍美祿哥斯拉, 配火鍋一流!馬六無骨海南雞飯雞肉同樣嫩滑, 皮下無肥脂肪, 配埋海南雞必備既濃醬油, 甜辣醬, 疆蓉, 無得彈! 當然唔少得油飯, 粒粒金黃色雞油包住, 香噴噴, 仲有海帶湯. 風味一絕!