馬六

Open Now

Now Closed

今日去咗醫院接呀婆岀院，佢住咗1個星期係咁話冇啖好食🫨要我同佢食完先返去! 因為岀得院搞完手續都差唔多2點，我就話不如等2點～你孫女冇錢😂😂食物娘惹脆炸鮮奶呢個比起我之前食嘅更加好味！佢真係食到鮮奶嘅甜味，同埋你唔好睇佢好似半固體，佢一咬落去就好似飲緊鮮奶咁😂呀婆都鐘意食雞卷呢個岀奇地surprise 🤩超好食！蘿蔔餅婆婆又係看圖識字，以為係薯餅，其實係蘿蔔餅~都好好食㗎！佢一絲絲中間又有漏空，完全係條條都好脆👍🏻斑斕咖吔多士超愛食呢個🤩所以推介俾婆婆👍🏻佢呢到岩岩烘好仲脆卜卜～～馬六魚三寶檳城蝦麵我超愛呢個魚蛋！佢勁有魚味～同好鬼彈牙🤩最正係佢個蝦湯！豬頸肉喇沙摻摻婆婆鐘意喇沙湯👍🏻其實我都有選擇困難症🥲2個湯都好好飲同埋佢依家呢個下午茶勁抵！椰子斑斕冰、椰汁冰我同公公一人一杯🙈因為岀面好熱🫠呢到餐嗌特飲都係+$8抵啦！桂圓紅棗茶婆婆岩岩岀院冇得飲凍野！🤫熱飲又唔使加錢，呢個超級足料！佢就算冇落糖都勁甜～～佢嘅甜係嚟自紅棗、杞子、圓肉…佢仲有玫瑰花🌹調起香味！男士女士都超級啱飲👍🏻

今日喺荃灣做嘢，放工諗唔到食啲咩，行行吓經過見到呢間餐廳環境好似好靚，而且竟然六點前都仲有下午茶，價錢好平，咁就一於試吓啦。好彩時間夠早，但係已經好多客人，啱啱好有個卡位坐，坐得好舒服。我就叫咗個海南雞米粉，非常大碗，而且雞肉好多，雞肉食落好嫩滑，唔使點汁都好好食。試咗朋友嘅肉骨茶米粉一啖，湯底非常濃郁，有少少中藥味，而且佢嘅肉都煮得好腍，同米粉好夾。另外抵讚嘅就係呢個黑醬油叉燒，識落同平時嘅叉燒唔同，有少少甜甜地，但係肉質都好好，比平時燒味舖嘅叉燒更加好食。本身已經好飽，但見到隔籬枱嘅咖央多士好靚，就忍唔住叫埋啦。佢嘅賣相好好，因為比較少食咖央多，所以唔知佢係咪非常好食，但係作為一個甜品放喺最後係非常滿足嘅。呢間餐廳環境又好，食物質素都好好，而且價錢非常平，非常推薦大家嚟試吓。

今日放工黎到荃灣食飯見到呢間餐廳好闊落又係食馬來西亞嘢就入咗去試吓我哋見到二人套餐幾抵平均每人$100就有四個餸酸辣鳳爪呢個係凍盤嘅前菜啲鳳爪好彈牙 軟骨都好容易咬開最出色係個醬汁 唔會太辣即刻好開胃娘惹炸鮮奶炸皮唔會太厚保存到鮮奶入邊熱辣辣嘅口感馬拉盞通菜呢味餸應該係馬來西亞嘅特色亦睇得出餐廳嘅心思因為通菜都切成均等既長度唔會太長 一啖就食到味道都唔錯 好易送飯無骨海南雞配油飯海南雞非常嫩滑 一咬即溶 但又唔肥油飯保持到浸油香之餘亦唔覺油值得推介大家試吓最後叫咗兩杯凍飲一杯係斑蘭椰汁冰淡淡的斑蘭味好夾椰汁味而且佢係一款好綿密嘅幼冰 飲完好爽另一杯就叫咗桔仔話梅水鹹鹹甜甜咁好清新到口腔整體餐廳上菜速度好快係一間平價日常餐廳之選！

我今日與同事去左位於荃灣眾安街68號荃灣千色匯1期1樓1023A號舖的《馬六》食下午茶餐，環境舒適，坐得舒服。我地點左：🥢馬六魚三寶（魚丸、魚條、魚皮）檳城蝦麵 $52🥢馬六無骨海南雞飯 $65🥢斑蘭咖吔多士 $28🥢美祿哥斯拉 $8（跟餐）🥢老街椰汁冰 $8（跟餐）馬六魚三寶除左三寶外，還有溏心蛋和豆卜，湯底濃郁鮮味，麵質軟硬適中有咬囗；馬六無骨海南雞飯係我的至愛，雞肉嫩滑，油飯入味好食；斑蘭咖吔多士香脆好味；美祿哥斯拉好味，老街椰汁冰的椰子味香濃好飲。

馬六經開去荃灣千色匯再次食呢間新加坡餐廳叫「馬六」，今次係我第二次回訪荃灣分店嘅「馬六」，一入到去餐廳好多人幫襯，下午茶套餐價錢非常抵食，經過荃灣嘅你不妨入去試下啦！1.娘惹燒鴨喇沙摻摻$48+桔仔話梅水$3（9.5/10）呢碗娘惹燒鴨喇沙摻摻真係不得了，燒鴨份量勁多，我估計起碼有半隻燒鴨，切開鴨件最少大約10舊，每一件鴨嘅肉質唔會好硬，燒到好香，其他配料有4條豆角同3舊豆卜，必叫之選！飲品揀咗桔仔話梅水，套餐只係需要加$3，飲落唔會太酸，話梅味都幾重，好香好好飲！2.馬六無骨海南雞飯$65+椰子班蘭冰$8（9/10）呢個係佢哋招牌菜「無骨海南雞飯」，見到餐牌話無骨，點知一食食到三舊小骨，叫經理嚟睇下小骨，經理就入咗廚房同切雞嘅同事講要小心，經理即刻同我講唔好意思，態度非常好！講返無骨海南雞，海南雞肉質非常嫩滑，除咗三舊小骨之外，講真真係好好食！飲品揀咗椰子斑蘭冰，套餐只係需要加$8，呢杯飲到好香嘅椰汁味，又唔會好甜，唔錯！3.娘惹炸鮮奶（2件）$16（10/10）呢2件娘惹炸鮮奶好味過上一次嚟食，咬落真係食到鮮奶嘅香味，入面真係熱辣辣，外面又好香脆，必叫之選！4.馬拉盞通菜$22（9

👉🏻馬六無骨海南雞飯招牌海南雞飯阿媽次次黎都要叫，雞皮爽滑雞肉嫩口，配合三款醬汁好滋味。油飯入味香軟，碗例湯都幾好飲，唔係味精湯。👉🏻蘿蔔絲餅即叫即炸，味道帶甜，香脆好味。👉🏻斑蘭咖央多士牛油+咖央醬無得輸，多士已經烘脆左👉🏻黑醬油叉燒+白飯呢個不得了超好味😋令人喜出望外。叉燒好厚身，塊塊都咁厚，所以好有咬口，同時非常軟滑+爽彈。黑醬油帶甜好惹味，岩岩好夠送晒成碗飯。🍹凍香茅橙茶

下晝 同母親大人去咗荃灣食下午茶餐呢突然 有啲掛住想當年去新加坡嘅日子呢呢度嘅下午茶餐質素唔錯 同價錢相宜嘅最後食到好飽飽好滿足 整體上性價比高-Pandan Kaya Toast ($28)斑蘭咖吔多士 ($28)想當年喺新加坡日日必食 而多士可以烘得再脆啲對中意食甜嘢嘅我嚟講 咖吔嘅份量多啲就更加好-Hainanese Chicken Laksa ($58)海南雞喇沙摻摻 ($58)摻摻係油麵同米粉兩款組成 一次滿足晒兩個願望麵質食落夠彈牙 麵條亦吸收晒湯嘅精華好入味呀材料十分豐富 有雞南雞半隻溏心蛋豆卜同埋豆角而湯底嘅味道係我接受到嘅難度 份量嚟講啱啱好-Boneless Hainanese Chicken Rice ($65)馬六無骨海南雞飯 ($65)叫咗個我的最愛 單睇賣相已經流晒口水啦海南雞同埋專屬油飯 絕對係完美嘅配搭啊每塊雞肉都好大件 無骨食落真係好嫩滑呢配埋海南雞嘅三色醬 黑豉油薑蓉同辣椒醬-Nyonya Crispy Milk Curd (2Pcs) ($16)娘惹炸鮮奶 (2件) ($16)外皮香脆且唔會太厚 食落奶味夠重放咗一陣仲熱辣辣嘅 真心強烈推介-Wat

之前試過馬六第間分店食過佢地d粉麵價錢唔貴又好味呢日新年假期帶男朋友行城門水塘前嚟呢到食lunch我一向鍾意食雞，而男朋友鍾意冇骨大大舊肉我叫左個海南雞湯米粉$66男朋友食咖啡豬扒飯$72平時到中午就唔敢再飲咖啡奶茶既我忍唔住叫左個白咖啡飲想講都食過馬六好幾年我係唔同分店都食過唯獨下午茶未有機會撞過因為我知佢地咖央多士都出名同好平佢地d飯，湯米，野飲，食物，水準一向都好穩定乾淨，好食，坐得舒服，唔算貴，又唔洗要排隊真心覺得唔錯，應該可以長做長有

喺荃灣好抵食嘅新加坡菜，無論午餐、下午茶、晚晚，一樣有套餐包野飲，又唔洗加一，平均人消都只係$80左右幾推薦佢地秘製叉燒，厚身得黎入口鬆軟，仲要唔係用鬆肉粉醃嗰種，連帶肉汁夠香唔膩海南雞正常發揮，有得揀油飯/白飯，咁緊係揀油香夠香啦，而新加坡肉骨茶一如以往，藥材味唔會重，易入口，而且無諗過配湯米粉仲有2舊肉撈粗就唔會太重鹼水味，配料多啲會更加好～ #新加坡菜 #馬六 #拉茶 #荃灣美食 #荃灣抵食之選 #肉骨茶

今日好友約我去荃灣行山，落山後剛好去食下午茶餐，我地去左位於荃灣眾安街68號荃灣千色匯1期 1樓1023A號舖的馬六食海南雞飯，環境舒適，座位濶落，坐得舒服。我點左個 馬六無骨海南雞飯 $65，好友點左個 海南雞清湯米粉 $48，另外點左個 斑蘭咖吔多士 $28，2個餐飲都係熱桔仔話梅水（跟餐）。馬六無骨海南雞飯賣相吸引，海南雞的雞肉嫩滑，雞味濃郁，配著油飯好味又好食；海南雞清湯米粉好味，湯底濃郁好味；斑蘭咖吔多士好香口又好味；桔仔話梅水清涼潤喉好飲。

馬六的下午茶餐非常抵食，價錢$2x-$6x, 就可以食到班蘭咖吔多士，茶燻鴨/無骨海南雞飯套餐/喇沙摻摻/檳城蝦麵等。茶燻鴨飯套餐，配有湯、油飯/白飯，3款調味醬汁（醬油、辣醬、薑蓉）等。燻鴨份量都幾多，一半係連皮燻鴨，入口味道帶煙燻香味，連皮部分，較有嚼勁，咬落陣陣鴨油滋味，另一半係全瘦鴨肉，肉質較軟腍。五香雞卷雞皮外層，炸至金黃香脆，中間雞肉仍然多汁，肉質嫩滑，香脆而不油膩。古仔路芒果冰以芒果汁打成的沙冰，芒果味濃郁，冰冰凍凍，非常涼快。

猶記得第一次光顧馬六的時候，是在疫情期間。我和另一半叫外賣到家，發現餐廳對外賣擺盤也非常講究，這個好印象一直留在我們心裏面，所以疫情之後我們偶爾都會直接到餐廳用餐。. 🐓烤雞扒喇沙摻摻（$70） 🟡🟡🟡🟡🟡(5/5)喇沙我最愛吃摻摻，即油麵與米粉兩溝👍麵上有半隻糖心蛋、豆卜與芽菜等等。烤雞扒有整隻手掌大，份量超級足🥹只係我太細食，對唔住啊食物🙏💧.🫖熱桂圓紅棗茶（跟餐價*$6） 🟡🟡🟡🟡🟡(5/5)侍應一遞上的時候已聞到陣陣撲鼻的玫瑰花香味，再仔細一看，原來內裏還混有胎菊～所以大家不用怕太過燥熱♥️味道清甜，所以大家不用擔心會攝取過多的糖分，是健康、養生之選🫶💕這幾天天氣開始轉冷，大家不妨也來一杯熱桂圓紅棗茶暖一暖身子吧☃️💕/店舖名稱 Restaurant Name馬六 (荃灣)Malacca Cuisine (Tsuen Wan).店舖地址 Restaurant Address：荃灣眾安街68號荃灣千色匯I 1樓1023A號舖.營業時間 Opening Hours：⊿星期一至日 Mon to Sun 11:00-22:00

我當這里是飯堂，因為特別喜歡馬六的海南雞，雞肉嫩又正宗，喜歡它的醬料，沾上雞肉一起吃很是美味，很喜歡特飲棷子班蘭冰（餐另加8元）特別是由暑假開始這間馬六比之前感覺更加乾淨舒服，由外至內都非常唔錯，排隊等候時間亦快了很多，服務更加好了，今晚和朋友一起過來千色𣾀行街吃飯，我建議朋友一齊食馬六，我朋友比較愛乾淨，所以來到這間餐廳，他都說很滿意，服務不錯乾淨，去吃飯環境和食物都係非常重要，這家值得推介給大家

我地係常客，經常幫襯荃灣哩間馬六，感覺已經和之前唔同曬，好似我地11月2日星期六，下午茶都等左一段時間，其實想坐你地卡座，一向感覺舒適，點知你地餐廳經理,就話卡座搭枱，2個人就坐2人細枱，語氣已經非常差，入黎幫襯仲受你地氣，攪到一向舒適既餐廳變左一間茶餐廳，咁我去茶記食啦，洗幫襯你地，我去你地第2間馬六食都唔係咁，真係莫名其妙。越做越差，感覺已變成茶餐廳！11月9日星期六，我地一家人，帶埋小朋友坐卡位，又再次幫襯你們，我跟你們員工落單，我其實要大蝦喇沙，點知你地員工落錯單，上左另一樣食物，其實好少事，我找你們經理換過正確就ok,點知你地餐廳果個經理，講一輪廢話，又擾攘我，好似唔想換咁，最重要係佢不可一世既態度，好似想同我地閙咬，又語無倫次，完全唔明白我地感受，自己又唔去換，叫其他員工去做，擾攘10分鐘先換，落錯單，我地做客人都會體諒，但個經理對我地客人既態度，真係好反感，最離譜就係當著我地客指責其下屬！攪到錯好似係我地，令到其他員工受責備，我地食都食得唔安樂，其實你地食物都唔錯，改變一下你地既服務啦，趕客走，想食碗喇沙姐，審犯咁！最後，我第一次見員工雙手爬低，同客人討論或落單，馬六經理

[✨荃灣馬六•⭐級星馬菜]#馬六 #荃灣千色匯🥢馬來黑醬油叉燒撈粗 $75叉燒肥瘦適中好幼嫩，入味之餘唔會太咸；撈粗無鹼水味，味道幾好，分量亦好多，正🤩🥢馬來椰香咖喱烤雞扒配米飯 $75咖喱微辣，有好重嘅椰香味，用左啖啖肉雞扒代替雞件，好惹味🤤再配埋白飯，好食到一貶眼就食哂👍🥢五香雞卷x4 (跟餐加配) $22外層香脆，雞肉亦好滑，油膩感適中💯🥢馬拉盞通菜 (跟餐加配) $22炒得好香，而且跟餐都不過係加$22，質素同份量都係超值之選😍☕️凍手工拉茶 +$3茶味濃郁🥳☕️凍香茅橙茶 +$3淡淡嘅橙味幾好喝👍————————♡♡♡♡♡♡————————✨總結嚟左幾次，唔同分店都試過，餐廳上菜速度好快，但食物水準都KEEP得到，卡位多坐得亦舒服，係一間CP值好高嘅新馬菜餐廳，值得推薦🤩💗📍馬六 (荃灣)🏠荃灣眾安街68號荃灣千色匯I 1樓1023A號舖#jmhkfoodie #hkfoodie #hkeat #hkeats #hkfood #hkig #hkgirl #food #hkfooddaily #hkfoodblogger #hongkongfood #hongkongfoodie