馬六

Open Now

Now Closed

今次係買，外買晚餐，店員服務態度，是非常好，今次叫咗肉骨茶及無骨海南雞，而肉骨茶但一點藥材味都冇，熱水一樣，大失所望😥😥，而海南雞就一般般，只是最失望都是肉骨茶了。

第一次幫襯「馬六」喺西環店，印象中整體都唔錯。闊別多年吾知依家水準點，一於再試下，今次試左灣仔巴路士街分店。店舖裝潢簡㓗，添上小許馬拉地方色彩。晚飯時間客人不算多，所以好容易搵到位。鎖定吃「海南雞飯」$72等左約十多分鐘，心急嘅我一定會催吓店員，果然一催即上枱。賣相唔錯，每個 item 放得工整，三色醬比較大碟，太好啦……吾使叫人加醬。海南雞份量足，一半胸、一半脾同樣切成細細件。鷄胸入口仍嫩冇渣、鷄皮下保存小許啫喱位，脾肉嫩滑，鷄肉啖口小小，加上三色醬令其生色不少，好味度倍增。油飯色好吸引，食落一點都唔油，富咬口，香茅味略遜，但不差。東瓜湯喝出有淡淡雞味，頗淡口。冇加一、性價比合格的一餐。

收工緊係要食下好野先對得住返左一日工既自己啦！以前家附近有一間都係類似既東南亞餐廳，性價比又高既，想回味一下就只可以出黎遠一點點食了。返工係灣仔，收工行過去都吾係好遠，位置係大家樂後面，都容易搵到。鋪面都幾大，剛好黎到都6點半左右了，剛剛好是晚餐時段，可以叫晚市既套餐，套餐有主食有小食同野飲，夾夾埋埋人均100就有齊主食小食同野飲，仲吾洗加一。我同朋友都分別簡左吾同既套餐，我簡既係馬六無骨海南雞套餐，有雞油飯，一碗冬瓜湯，一碟雞件，一碟海南雞必備既醬料，醬油膏，薑蓉，甜辣醬(？)雞油飯既熟成度相對比較硬身，油色吾會話好黃，雞油既味道係香既，成碗飯好有質量，吾錯吾錯。雞件香滑嫩口，係海南雞既感覺，吾係白切雞扮海南雞既味道!雞皮爽口彈牙，雞肉滑得黎又好有雞味，係我覺得好味既海南雞😋😋冬瓜湯飲落吾似味精湯，飲落清清地又有冬瓜塊。我仲偷食到朋友果碗睇落好好味既新加坡喇沙😋😋😋佢今次叫左米線，如果叫摻摻就可以食到兩種粉了😂喇沙湯底濃郁又鮮味十足，睇落去既料都比得足，有蝦有豆卜有魚蛋，米線吸曬喇沙味道，仲好掛湯😋😋😋米線萬歲，湯真係好好飲😋😋😋講下跟餐小食，我地叫左新加坡咸蛋黃魚皮同埋娘惹蘿蔔餅，

👉喜歡《馬六》，位置方便，坐🉐️舒適，餐廳衛生，價格相宜，還有口罩紙袋、濕紙巾供應⋯⋯🥰.☝️下午茶🈶️多款扺食套餐：：：📌新加坡大蝦喇沙摻摻 $62 ～ 鮮蝦🦐、魚丸、豆泡、豆角、芽菜、溏心蛋⋯好足料，喇沙湯香濃，摻摻配上乾蔥同吃，絕配‼️🤤📌馬六無骨海南雞飯 $60 ～ 雞🐔件份量足，肉厚嫩滑，雞油飯夠油香，雞湯濃稠還🈶️連皮冬瓜件，消暑一流。。👍📌娘惹古法蘿蔔糕 $38 ～ 外皮脆卜卜，內裏軟綿綿，其實蘿蔔糕沒甚蘿蔔味，但經過製作，味道香口冶味也不錯啊❗️☺️📌薄荷桔仔梳打  $8 ～ 淡淡薄荷香味，健康桔仔梳打，夏季透心涼。😍📌老街椰汁冰 $8 ～ 香甜，一般椰汁🥥冰味道，若🉑️加濃少甜會更好。。。

下午茶时段一直到六点，套餐价格很划算，味道很好的Laksa，值得尝试！套餐内饮品选择了香茅橙茶，很清新不错哦！！店面很新，位置也宽敞，交通便利，服务员彬彬有礼！

灣仔區近地鐵站有 一間....馬六 餐廳 這裏的星加坡菜非常好味道， 餐廳環境 闊落舒適， 我們二人 order了以下的 下午茶美食套餐。海南雞飯拼星加坡喇沙......HK$75海南雞 皮爽肉滑 ， 星加坡喇沙 椰汁味濃厚， 仲有美味嘅醬料，加上大大碗的 香濃的棷油飯， 份量足夠飽，非一般下午茶，真是吃得滿足又開心。巴生肉骨茶湯米粉.....HK$52肉骨茶湯 濃香撲鼻， 配以大大嚿的排骨 和份量足夠的 彈牙米粉， 仲有我好喜歡吃的 豆卜和 腐皮，真好味啊😋😋👍👍班蘭咖央多士....Hk$22鮮牛油班蘭醬多士, 外脆內軟, 趁熱吃, 脆卜卜 的，牛油斑蘭 醬 很有風味.雞肉串燒.....HK$26大大 串雞肉，秘製醬汁， 濃香帶有 椰汁味道，有特色好味道椰汁班蘭冰（加8元）顏色鮮豔非常吸引， 班蘭 配椰汁 香噴噴 軟綿綿的在口中，令人好開心。凍香茅橙茶（ 加3元）酸酸甜甜的 ，開胃又解渴，真好😋😋💓💓以上下午茶套餐包括飲品。

超級真心推介！.話說最近成日晌灣仔出沒，所以會喺附近發掘下美食，早幾日就去咗馬六食海南雞，呢度有多款Set 餐，都幾抵食，我叫咗海南雞、肉骨茶餐。.海南雞飯拼巴生肉骨茶 ($85)雞肉好嫩滑，就算係雞胸都係好嫩滑，一啲都唔鞋，雞皮富有彈性，有黑豉油（好香！）、辣醬、薑蓉配埋一齊食。飯有油香，粒粒分明。肉骨茶都好足料、好味又唔會太咸！d排骨煲到好綿，好食！.老街椰汁冰 (+$8）椰奶好香又唔會好甜，而且好滑，感覺唔錯，如果可以再濃啲會更好呢。

在灣仔忙到兩點才有飯食，好肚餓，食完馬六嘅下午茶餐，又好飽。下午茶餐份量十足，而味道也不錯。~~~~~茶燻鴨喇沙摻摻（$53）檳城蝦麵（$59）怡寶芽菜（$26）馬拉盞通菜（$26）溫泉蛋配斑蘭多士（$36）熱手工拉茶（$0）~~~~~想不到茶燻鴨會有這麼多鴨肉，鴨胸啖啖肉，醃得入味，還有少許茶香味。喇沙湯底很正宗。檳城蝦麵是用蝦殼蝦頭豬骨加參巴辣椒醬煮成，表面看赤紅色湯底會很辛辣，但其實不然，我反而認為參巴辣椒醬可以再多一點。配料是蝦仁、豬腩肉片和豆卜。這兩個湯麵都是油麵加米粉，米粉彈牙特別好吃。兩碟蔬菜都大大碟，真是食菜都飽。兩碟都是烚熟蔬菜加馬拉盞醬。芽菜雖不是肥嘟嘟但都爽脆好食。斑斕多士上枱時我還以為錯了，落單時以為只有斑蘭醬，怎麼有鮮牛油的？真夠邪惡。這店的斑蘭醬很香甜，配馬拉手工拉茶得適合。

今日約左個住港島既朋友食晏，佢揀咗位於灣仔既馬六，主打新加坡菜同馬來西亞菜。餐廳格局寬敞明亮，卡位夠闊落，坐得舒適，每個店員都好有禮貌，值得一讚！午餐同下午茶MENU都好多選擇，價錢相宜，都幾抵食～馬六無骨海南雞拼巴生肉骨茶海南雞啖啖肉好嫩滑，雞皮滑而不厚，沾上三款秘製醬汁就更加惹味！大大塊帶骨豬肉好有咬口，味道香濃，夾雜淡淡既藥材味～新加坡魚丸魚條喇沙摻摻魚丸同魚條都相當彈牙，味道鮮美，摻摻即油麵溝米粉，層次豐富，爽口滑溜，最出色係個喇沙湯底，香濃富椰汁香！套餐可以優惠價追加風味小食一款南洋班蘭咖哋多士多士香脆，班蘭香再夾雜咖央醬，配埋半溶牛油，令味道更有層次感！馬拉盞通菜大大碟炒得好有鑊氣，通菜夠爽脆。自家製娘惹班蘭糕一碟有四件，口感清新，甜度適中。桔仔話梅水生津止渴，鹹中帶點甜～香茅橙茶味道清爽得黎充滿橙香！

今次來到一家位於灣仔的星馬菜餐廳，食物貌似唔錯喔 ！娘惹茶燻鴨配雞油飯煙鴨胸肥瘦均勻，有咬口。旁邊有配菜減少油膩感，雞油飯好香，同鴨胸配搭十分相襯。小食跟配咖喱角，餡料豐富，食到大大粒薯仔十分滿足。晚市套餐仲跟埋餐飲，凍拉茶茶底濃厚，就算啲冰溶左都唔會淡曬冇味。檳城蝦麵一上枱已經聞到充滿蝦鮮味嘅湯底，黃麵同米粉都夠爽口唔會好腍啤啤。蝦夠大隻，炸蒜撈埋個麵一齊食十分夠味。湯底濃郁但唔會過咸，豆卜索曬個湯入口十分滿意。斑蘭咖央多士，椰漿味十分突出，牛油入口即溶。包面夠脆，配搭埋內餡食落口感豐富，十分推薦。服務員服務周到，熱情，會為客人解答疑問。座位闊落，坐得舒適。

灣仔都算係美食天堂，各式各樣既美食都有，平時響灣仔反工，都要努力搵下有咩野好食，今次就搵一於去試下馬六❤️見馬六都開左好多間分店，連鎖集團既質素唔知如何？今次食lunch , 叫左知燒雞玩雞油飯，個雞大大舊，不過我嫌唔太juice ,乾左d , 同埋燒得唔香，似炸多d 😅😅, 但反而個雞油飯出奇地好味，配菜仲有魚仔同炸花生都可以送到下飯☺️我下次唔叫飯，試下喇沙先，一於再睇下咩質素😁

今日去開灣仔做嘢經過呢間馬六 係專食新加坡馬來西亞菜嘅餐廳叫咗個巨型雞髀蝶豆花飯 入面有啲沙律酸酸甜甜 雞髀超級巨型炸得外脆內軟 重嫩滑多汁㖭蝶豆花飯係藍色 超級可愛 食落口有淡淡耶香

超推介呢間餐廳👍👍 如果你鍾意食喇沙或者海南雞嘅話一定會超鍾意! 今次就試咗佢哋嘅「馬六無骨海南雞喇沙摻摻」，超好食呀！喇沙湯底好香同埋好惹味，大大碗有好多海南雞，又有半熟蛋，份量好足夠，如果你想嘅話可以揀米線都得，如果食下午茶或者午餐嘅話會配埋一杯嘢飲，我就飲咗佢哋嘅美祿😊 食完好滿足，好懷念之前去新加坡旅行！😌之前都有試過佢哋嘅小食，一定唔可以錯過佢哋嘅斑蘭咖吔多士，好好食！不過份量都幾大，建議兩個人一齊分享

開業左一段日子嘅馬六仍然係唔少係附近番工人士嘅午餐之選，午飯時間行過十次有十次都一堆人排緊隊，男朋友聽到咁架勢都話要搵日試吓，所以今日收工就帶佢嚟試試順便補打卡。早左去到仲有下午茶餐，好抵食👏🏻-🍚海南雞飯拼新加坡喇沙 $75馬六嘅海南雞一向係我午餐不二之選，無論係雞肉定飯量都好足夠。海南雞肉質嫩滑又無乜脂肪，仲要係去骨版本可以啖啖肉啱晒我呢個懶人🤣配上薑蓉、甜豉油、辣醬送飯一流😋油飯同樣出色，夠乾身食到粒粒飯口感又唔會成口油，好似係我暫時食過最啱口味嘅油飯🤔喇沙睇佢細細碗都幾足料，蝦、蛋、魚片、豆卜，配上加入獨製醬料同椰汁嘅湯底，少少辣好惹味😝-🍚燒雞配雞油飯 $53雞扒超大塊⋯食到有香矛味，皮薄、外脆內嫩，唔會好油👍🏻仲有啲花生、魚仔、青瓜等做伴碟，呢個價錢非常抵食！餐飲我一定要大大力推介手工拉茶，類似奶茶但茶底有獨特香氣，口感順滑、茶味香濃🤤-🍞咖央多士 $22（跟餐價）多士烘得香脆，加上牛油同咖央醬冇得彈👏🏻-🥬馬拉盞通菜 $26（跟餐價）冇諗過咁平都咁大碟，性價比超高！通菜炒完顏色都仲係好翠綠👏🏻-總結：份量多、味道不錯、價錢合理又唔收加一，整體性價比高。

_____好味指數：🌟🌟🌟🌟抵食指數：🤑🤑🤑🤑喺灣仔做完嘢見到餐廳出邊咁多人排梗係唔執輸排埋一份🤣菜單價錢比起同菜式嘅餐廳更加親民，而且下午茶時段仲更加抵！不過今日有啲肚餓就食大份啲先💁🏼‍♀️✅馬六無骨海南雞飯好豐盛嘅配搭，雞肉軟嫩雞皮爽滑🐔仲有好香嘅油飯🍚雞肉點埋醬送飯一流😋跟餐仲有冬瓜湯，好啱呢個天氣飲♨✅南洋咖吔多士（班蘭）烘得香脆嘅多士入邊夾住班蘭咖吔同牛油，邪惡又好味🥪✅香茅橙茶呢度嘅餐飲唔止常見嘅檸水奶茶，仲有特色飲品例如拉茶同呢杯香茅橙茶🍊橙嘅酸甜味好解膩，配埋香茅飲落非常舒服