瑪拉小廚 (Closed)

印度烤雞沙律($138)哩份沙律價錢貴過食肉，份量當然都超曬錶啦😍。配料超豐富，三色椒、牛油果、菠蘿等等等，再加埋烤雞同乳酪醬，當前菜食都好夠。-四季薄餅($118)雞肉、菠菜、薯仔、蘑菇，上面配有酸忌廉同雞醬，大大份好抵食👍🏻，一開始食味道比較淡口，不過加埋酸忌廉就有煥然一新既感覺啊，但整體司令都係喜歡重口啲既pizza😂。-鑊仔羊($108)原本想食咖哩羊，諗諗下不如試啲特別野，就轉左試鑊仔羊，羊肉偏乾身，外面包滿左香料、洋蔥等等，幾香口不過dry左啲😂。-奶油雞($98)奶油雞係全餐最驚喜，食落唔會過重香料味，雞件唔算好多，但食落唔鞋，而且個汁好香濃，最岩配印度薄餅食😍，必叫！

好彩冇落雨，方便去佐敦食晏。一行四人，大家都掛住呢間fusion 餐廳。Chef recommendation Salad with chicken沙律--雞肉滑到完全唔似雞胸肉，粗條蔬果原汁原味，鋪滿沙律菜面，大愛！Tandoori chicken served with Naan 烤雞--肉質又係滑，醃料入味，夾雜印度風味，又唔油膩。有時候多醃料就會令人口渴，呢個又唔會。仲配埋又熱又軟熟嘅印度烤餅，一流！Pizza Bosco 薄餅--餅底薄身又夠脆 熱辣辣 好好味US baby back ribs 烤豬肋骨--見到呢個心形碟，咦！？同隔離鋪頭一樣樣嘅，唔知係咪同一個老細呢？ 味道都十成似喎。唔洗用刀都可以將豬肉同肋骨分開，豬肉夠哂腍！仲配埋香脆薯角！呢間小店值得推介指數爆燈！

i am looking for a friend gathering place around jordan since its famous for food. this restaurant particularly draws my attention because the price is good.i order a few currieschick kadai: coconut chicken and beef masalai love masala the mostalso order grill lamb

今天約好朋友在此午膳，發現這家午市餐牌更新了，多了這款青色的咖哩Aloo Palak~Potato with Spinach Curry Sauce。以前曾在其他的印度餐館嚐過青BB的菠菜咖哩，所以對這款咖哩不陌生。              當時在其他印度餐廳嚐到菠菜咖哩配印式芝士，而這餐廳則以薯仔Aloo代替印式芝士。但上枱時，則有點失望。菠菜並非以刀切開，反而似是用攪拌机攪碎，打得很幼滑，有如芝麻糊，感覺不到菠菜纖維。  再加上香料用量不太多，濃度減低了，與自己期待的Aloo Palak有出入，Aloo Palak整體感覺只能說是OK。個人偏愛菠菜纖維的質感，與原粒香料的香濃，而不太喜歡芝麻糊口感。　這份Naan十分軟熟，而部份帶點卜卜脆。Naan沾上菠菜咖哩，真一流！Fusion菜式，就是跟原來的風味有點不同。但印度咖哩，真希望餐廳可維持其家鄉原來的印度風味。只怪自己重口味！  BODY REPORT： 第二天就見到青BB的XX！　看來菠菜咖哩頗健康！

其實去過呢間食左都7次8次, 一向都對佢地食物及服務水平滿意, 尋晚再去諗住佢地食物水準有保證, 點左個牛排(餐牌指明客人可要求幾熟), 於是我強調兩次塊排要 medium (5成), 但失望嘅係出黎竟然係塊全熟嘅牛排, 太熟勁難咬, 我覺得真係一個好低級嘅錯誤, 而間鋪當時仲早並無客, 理應有足夠時間比佢用心煮塊牛排, 但都要煮成咁, 所以真係對今次餐飯有啲失望, btw我仍然覺得佢地其他食物係幾好嘅, 只係牛排勸大家唔好order。

遲來的生日飯，一早約左日子但一直唔揀下揀定餐廳，臨到依食飯前一日先拍板，一係隔離果間，一係呢間，因為都一齊食過隔離果間，就試呢間啦!其實覺得佢地是同一老細，啲食物和格局一樣咁滯叫左豬肋骨、咖哩雞、芝士烤餅、印尼特色炒飯、鐵板烤羊、金槍魚沙律和芝士墨西哥粟米片，飲mango lassi和 一杯唔記得乜來。豬肋骨啲肉好乾，好似煲湯瘦肉，認真失色；咖哩雞不錯，少少辣，惹味；芝士烤餅唔太覺得有芝士味，但都幾好食，點咖哩；一向幾鍾意食印尼米，呢個印尼炒飯都幾好食，粒粒分明，有嚼頭；鐵板烤羊好有羊味，少少羶，yummy;金槍魚沙律啲菜好新鮮，金槍魚用芝麻包圍了周邊，不錯;粟米片趁熱食，拉到芝士絲㗎，好好味喔！飲品最正路揀mango lassi, 其他無咩想試，分別畫左smile和sad face，唔會太甜，不錯!事緣我地book左位都等左好耐，起碼30分鐘，原來記錯我同事電話號碼，搵唔到我同事，我地亦遲左5分鐘度，讓了枱比其他人，老闆不時更新等幾耐有位，安撫我地。食食下播生日歌，原來隔離大枱有人生日，端上蛋糕。我地高級同事係臨埋單時同老闆講我地果位同事生日想播生日歌，老闆幾識做，其實我地埋哂單想走

Fing a place to eat is always more surprising than eating in TST. It's quite convenient to get to this restaurant and most important it is good value for money. Before talking about the food, a few words must said about the service of the place. My friend and I arrived at 6ish after doing some shopping in Jordan. There were only 2 of us at that early dinner time. We had a good chat with the owner of the restaurant. He (a face that you will see in some of the photos of the page) who provides real

主打多國fusion 菜，店職員都以南亞裔居多，一入店內就有點兒異國風情。一坐低就先送上nachos 兩塊。今次只有三個人去食 所以只order pizza, ribs 同羊肉卷。以及一些酒類。Chicken Tikka Pizza 充滿印度咖哩的味道配上意式薄餅 ，比印度薄餅更加好 因為不會太厚及吸入太多汁。Back Ribs 大力支持！推薦！烤得剛剛好  肉質細嫩  軟骨部分特別美味 有咬口！Lamb Kebabs 羊味突出 十分多汁 飲品有liquor and wine , 可以讓餐廳職員按已點菜式 建議飲品 ，會有更佳味道！不用擔心價格過高，因都是統一按菜單收費，相對酒吧更為便宜。店員服務態度和藹積極！值得一讚

上星期三，同事屋企冇飯開，問我有冇興趣同佢食下飯，吹下水，咁啱老婆約左d姊妹有飯局，我和同事就係大家冇飯局嘅情況下一齊食餐飯喇.因為之前去過佐敦小酒窩餐廳，野食都唔錯，於是帶同事去點知出事了，可能小酒窩食到出哂名了，星期三都有咁多人係門口等，行過隔離餐廳門口見到d食物相，好似小酒窩嘅菜式喎！這間餐廳叫瑪拉小廚，於是問門口嘅女侍應，原來係同一個boss開的，於是大家都想入去試試.餐廳格局基本上同小酒窩差不多，一來送一份脆薄餅，薄餅很脆而且有點咸香，配埋青咖哩醬，好好味！叫左份羊肉，係用鐵板上的，羊肉唔會太穌，加上配菜冇咁溜，份量很多呢，叫左印度咖哩芝士，這個真係好食！芝士唔會太咸，咖哩與芝士好夾，多多薄餅都唔夠點啊！叫左份招牌薄餅，有d似p記嘅至尊，不過這個好食很多，辣肉腸很多加黑橄欖，足料！芝士鋪滿成塊薄餅，餅皮又好脆，一流！好有水準，值得一試，最好就係尼泊爾momo餃子，普通豬肉餃子配辣椒醬，整體而言，瑪拉小廚食物好有質素，相信唔會令大家失望，美中不足就係餐廳座位比較夾窄，如果唔介意坐逼一點，真係值得大家一試！

一行四人叫了五款食物, 有尼泊爾餃子, 招牌四季薄餅, 芒果魚柳沙律, 特色奶油雞, 芝士餡餅.芒果魚柳沙律: 份量都幾多, 和Menu圖片好相符, 上面有幾塊大大塊的魚柳, 切片芒果,青瓜, 下面就有一大堆菜~芒果幾甜, 魚柳味道都幾好食, 魚柳應該有微微煎過, 吃落口感腍身, 又冇乜雪藏味. 菜很新鮮, 整體幾開胃.招牌四季薄餅: 呢款pizza相當好味!夠cheesy! 幾足料, 都幾大份~上面配料仲有五香雞肉, 菠菜, 蘑菇, 薯仔~每一塊上面仲有酸忌廉和甜酸醬, 夾埋一齊味道好好, 而且pizza薄薄地又脆~ 第一次食pizza上面有薯仔!特色奶油雞: 醬汁好開胃, 係有蕃茄味的奶油咖哩汁, 唔算好辣, 幾香幾惹味. 不過雞肉就比較少.芝士餡餅: 呢款一般般, 唔係好食到香濃芝士味.  勝在口感夠鬆軟.尼泊爾餃子: 無甚特別, 相比之下較普通, 感覺似食緊北京上海菜不過餃子皮不厚, 入面是雞肉和香草餡料, 味道都幾香. 中間點的醬汁也幾惹味.另外, 要讚一讚呢度既服務, 侍應哥哥(定係老闆?)好有禮貌態度親切, 又keep住幫我地收碟和斟水. 不過座位就確係有少少逼, 始終地

今次係第n次去瑪拉，每次去到見到人地生日大播音樂好high! 今次終於係播比自己聽唔呢間係我自己要求想食既生日飯餐廳😂因為我真心勁愛佢個餐包&醬（薄脆餅 唔知個正確名係咩）同 吞拿魚沙律（我本身唔食吞拿魚刺身架) 但呢個係我唯一會食既吞拿魚！美中不足的是.....縮左一半水 以前同d青瓜一樣長架！有點失望泰式蝦餅每次必食 味道食然無變如果人多！豬仔骨係我另外特別推薦的 $232 就可以食到完整一條！勁多肉太多肉啦顯得呢款雞肉味道一般菠菜意大利飯海鮮意粉 我推薦佢！好多海鮮pizza 最後埋單 因為有coupon 9折 佢就會收$50切餅費老闆好好招呼(雖然唔知係咪真係老闆)8個人食左$1124 都算抵（其實仲食剩左好多野）

佐敦廟街一帶食西餐，最出位唔係傳統法國或者意大利菜，係有唔少fusion西餐食店記得好多年前都有去過呢條街食晚餐，當時市道好好，油尖旺一帶好多地方夜晚都要等位，而當時嘅男朋友特登夜晚book位去呢度食，佢話呢度好出名，夜晚最好要book左位先.......我記得真係好多人去食，而近年呢？市道唔係咁好，不過呢間小店依然喺度~12點幾，見到餐廳裏面仍然未有客人，有外籍侍應喺門口招攬途人入去食午餐。午餐比晚餐便宜得多，最平50幾蚊就有交易，今日食咖哩吧！食印度菜但係用西餐嘅Serving。平時嘅西湯加麵包，呢度係青豆忌廉湯配脆餅。湯正正常常，脆餅薄得來有凹凸口感很好吃！呢個印度咖喱份量比我想像中多！羊肉只有美味嘅蘇味，估計唔太好羊嘅人都會食得到， 咖喱汁有少少杰，好重印度香料味，唔算辣，點Nann Bread先食到因為濃味加上份量太多嘅關係，我一個人食唔晒😅整體來講食得出呢度嘅廚師係有相當嘅廚藝技巧，侍應服務態度親切。餐廳座位唔算多亦都坐得幾逼，不過換來嘅就係以較平嘅價錢食到好質素嘅食物性價比ok

今晚掛住食，都唔記得影相。第四次光顧，不過第一次寫此餐廳的食評。其實唔知咩名堂，係前菜薄餅的一種，暖的，小辣，脆脆地，好味道👍🏼我每次來都必定會點的一款飲品，芒果味👍🏼 唔記得咩名堂，下次補番。

約朋友午飯，九龍區我一定㨂佐敦，因為選擇多，人又唔多，又經濟。以前在佐敦上班，已經來過Mala幾次。今次帶朋友來試試。叫了幾個午餐一齊Share。有Avocado & Papaya Salad, 侍應一端來，我們都嘩了一聲，presentation 好靚。菜很新鮮，很開胃。下一味是我最喜歡的butter chicken。濃濃的咖喱，有牛油香，雞煮得入味，送飯正還有這pepperoni pizza, 皮薄餡靚，很cheesy! 邊吃邊傾已過了2小時。侍應service 很好，他應該是南亞人，但一口流利廣東話，臨走前都要讚他一下

我個friend有份打理既 點都要幫襯下，去過一次真係會忍唔住去多幾次，依家連我男朋友傾生意都去專燈過海去呢間餐廳到邊食邊傾，氣氛格調帶異國風情，一個字 正！去到呢到一定要試下佢特色既咖哩，Butter Chicken和Lamb Masala係我地每次去必叫既菜，仲有4 Season Pizza添（記得同佢講加重手芝士）