MAMA Burger & Lobster (Closed)

女朋友係一名海鮮怪， 特別上網搵到呢間餐廳帶佢食氹佢開心，果然不負所望，食物質素超掂，店舖雖然唔大，但環境氣氛超relax,睇得出老闆好有心思裝修，牆上掛既油畫得意有趣好有feel，因為店舖唔大，眼見有幾個walk in客人來都無位，menu上既drink好多，order左食物之後， 等食期間齋坐飮野傾計都好舒服，龍蝦鮮甜，蝦肉極之彈牙，非常新鮮，食龍蝦通常都會流到成手汁，但呢度又冇流汁又保持到鮮味，女友一路食一路讚口不絕，老闆講龍蝦天天返貨確保新鮮，而且數量有限，最好要預先book枱，流沙粟米食得有的邋遢，要拎住咬，但好好食，最後點左個好得意既朱古力波波甜品，開初見到地址係長沙灣，抱住試下心態，估唔到會咁有驚喜，值得一讚。

餐廳會主動俾圍裙客人係貼心ge😯如果你係 Lunch time 黎，記得要問佢擺 lunch menu🤔 因為Waiter係唔會主動提供的😭我都係order完先知💔 想改order都已經太遲🙈 俗稱叫 食貴左 餐廳上菜出現太多狀況，waiter送到黎都已經唔熱，而且又漏俾醬汁，不過意外地食到龍蝦ge鮮甜味。不過最大問題係廚房安排，雖然即叫即煮係賣點，但今日出現太多錯漏單😓 我由係餐廳安排入座至點菜，但等一道食物送上，已經距離開初接近一小時，希望佢地可以改善。因為今日八成客人都有出現哩個情況！屬於嚴重！另外值得一提係 餐廳的 Desserts & cocktails 都好特別👍🏻 有興趣的人可以一試😉

間店坐落舊區, 這餐廳外表跟四周雖然格格不入, 旦挺有格調, 進入餐廳後也見裝修有花心思,而且員工都是靚仔靚女, 食物飲品賣相也好,因此印象良好餐牌選擇不多,.不過不要緊, 來這裡純粹只想吃出名的lobster burger.今次點了以下食物umpkin Lobster Soup $78份量略少了些, 蕃茄醬味重了些, 如可以燒焦一些更入味, 大致都okThe Lobster Roll $288有點飲橡皮糖的醬汁! 凍食的龍蝦卷. 幾特別Lobater Burger $288份量略少. 賣相美麗. 醬汁是芥辣, 惹味Mama fruity $68ok 酸不太甜. 賣相靚.

一去到其實都只可18:30到...所以冇乜人.....入到去..好美....牆身主打白色再配以雲可做既枱...有好多好grand既油畫....比到人一種高級既感覺...好喇.....到左主打菜...我就梗係會嗌龍蝦包啦..會因為朝聖 而食？定還是因為真係鐘意食龍蝦 而食?我係後者!價錢$288 ,點都會有啲期望!龍蝦一上,碟好大--->預期之事咬一啖! 麵包好脆,用牛油烘過左邊!冇錯係左邊!右邊咩都冇搽到!龍蝦---->凍既!我諗應該真係凍食!我諗!好,,,,,薯條不過不失--->好多薯條,面頭灑上芝士粉!#薯條 仲有得揀粗同幼到--->salad ! Ummm,,,容忍度再一次磨練! 佢冇比到新鮮菜我!都接受到既!但.......成兜菜一唔係爛就黑哂! 你落幾多醋比我都冇用!唔係難食,但亦都唔會係好味到會返兜!咁既價錢預期會多一點!288佢都冇比到希望我,我有啲失落!射射睇雜誌話近乎完美,請問完美位係?

非常貴的一餐，價錢向來不是最主要的問題，而是值不值得。在長沙灣的一間小店內，兩人吃飯要近千元，實在有點嚇人。這幾乎是全城最貴的龍蝦包，可惜我卻看不出它有何過人之處。龍蝦肉是彈牙新鮮的，而且份量足，包身亦鬆軟得很，薯條、沙律則普普通通。不是不好吃，而是質素未至於要比別人的龍蝦包賣貴過百元。說是貴於環境？服務？都不見得有令人留下深刻印象的地方。除了龍蝦包，我們還點了幾份小食的。首先是鮮蝦春卷。肯定是新鮮炸起的，燙得很！香脆但頗為油膩，鮮蝦不太足料。流沙粟米原來就是芝士粟米，粟米本質不夠好，不算很甜或很多汁那種，燒的時侯牛油塗得不夠，所以加上芝士就更乾了。炸魚沙律的甜醋挺不錯的，酸甜度、稠度都適中，但炸魚跟春卷一樣較為油膩，而且魚肉不優質，味道只像冰鮮的。cocktails方面，選了賣相有趣的minions。起初見它在menu上的for gentleman一類當中，還以為會很烈，結果沒什麼酒味，只喝到波子汽水跟菠蘿味道。甜品比一切都要吸引！朱古力波波球有4款不同口味，圖中的是抹茶，另外還有芝麻、朱古力及莓。賣相誘人，份量驚人！碟跟桌子一樣大，朱古力球亦很巨形。淋上熱抹茶白朱古力醬，溶化波波球

漢堡同龍蝦都可以friend 過夾band!聞名遐邇的漢堡龍蝦店故然食burger 同 lobster。叫左個龍蝦三明治（Lobster Roll),, 即係個包入面夾住d龍蝦肉。龍蝦以先蒸後烤的方法煮, 為左鎖住肉汁。咬落蝦肉新鮮彈牙,有少許燒燋味, 惹味得很。不得不得讚讃中間的醬, 奶油醬味道滿清淡的，不會很鹹，所以不會蓋過龍蝦的味道，相輔相成也是一絕！質感方面,蝦肉碎被刴得幼細嫩滑, 有𡁻且完全無渣滓! 由於蝦肉塞滿整個包, 每啖的感覺也很澎湃, 猶如有魄力的龍蝦在口中舞動。配上隨餐送上的沙律，清爽解膩。而當薯條點了龍蝦混醬，簡直魅力沒法擋😚

早陣子經過這裡，在茶餐廳、麵店雲集的長沙灣，以龍蝦作主題的餐廳特別吸引。從那天開始，一直念念不忘，但牌子上寫著3pm才開始營業，得找個機會下午出走。佈置充滿玩味，牆上畫了被咬著的龍蝦和加了塗鴉的掛畫，創意無限，且令人食慾大增。All day breakfast吃厭了？可以試試all day lobster，保證未見過。整份餐牌，最吸引的，正是這頁。還有其他菜式、漢堡供應，但停不住我們的目光，秒速掠過。The Lobster Roll墊底的紙很大，上菜時顯得相當有份量，先聲奪人。卡通版龍蝦，鮮豔搶眼又可愛。麵包夾著原隻龍蝦的肉，兩旁插著蟹拑，砌成龍蝦的模樣，煞是趣緻。雖然天氣很冷，而且拍照花了不少時間，但以麵包和龍蝦的冰涼程度來看，本來就是不熱的。喜歡熱熱的麵包，有點可惜。不過，換個角度看，冷吃更能保存龍蝦的鮮味，或許店方原意如此。麵包不暖，但烘得外脆內軟，像餐包般帶甜。雖說下了沙律醬，但淡得不太察覺，使龍蝦的清甜格外突出，肉汁爽嫩多汁。跟一般的龍蝦三文治，把龍蝦肉混沙律醬完成不同。完全沒有配料，體現店方對龍蝦的信心。啖啖新鮮龍蝦肉，十分滿足。不過麵包跟龍蝦肉的比例可以更平衡，不至於最後

網上看到別人遊英國享用的龍蝦大餐津津有味，我應該暫時未有機會去英國旅遊，不過在香港彈丸之地什麼美食也可嚐到！最好先致電訂檯，不過店員的語氣有點囂張，不太善意，而龍蝦也當然要預留。一踏進餐廳，已看到不少型格藝術。除了近門口的高檯外，還有內裡的長方檯。抬頭一望也玩味的藝術畫。我也upload大部份的menu給大家參考手工啤酒 Samuel Smith - Apple Cider $78酒味較重，果味較少，Somersby相當易入口及美味。Cool Kids $88由cointrean、brandy、orange、pineapple 等組成，甜甜地，清香易入口，我會較喜歡這個。原隻龍蝦 $288原隻約有1.5磅的新鮮龍蝦，見到已經口水流，伴碟的芝士薯條已經很惹味。龍蝦肉夠新鮮彈牙，連殼吃真的很滋味，其實可以每人一隻的XD凍肉併盤 $188龍蝦要半小時準備，竟然凍肉併盤比龍蝦還要遲來，就是想等待龍蝦前吃點小食，這樣就打爛如意算盤。味道一般，Jamie's Italian 好味好多！想再encore龍蝦，所以點了另一款龍蝦包 $288已經拆肉，岩晒懶人享用。不過一嚐已經失望，因為包不熱，凍的，這

太掛住美國的Luke's，慕名而來，就算知道一個餐成$288，都抽空前來，因為太肚餓嘅關係預先打咗俾店家叫佢整一個lobster roll龍蝦卷，到左，個疑似老闆掛住傾計完全冇俾過menu我，坐左十分鐘要開到聲佢先比餐牌我。叫多一個湯同埋一個fish burger，跟住我個lobster roll就到左，望一望，下？變左原隻龍蝦？！同個位老闆反映，佢竟然話係我講錯？仲要唔肯換，問我不如將fish burger轉做龍蝦卷，問題係我老公根本唔食龍蝦，強人所難！我知道你隻龍蝦成本好貴，但係真係你聽錯，正常一個人唔會無啦啦將原隻龍蝦換做龍蝦卷！連我老公當時揸緊車都聽到我話龍蝦卷，兩個都係一樣價錢，我點解要屈你？我冇同佢嘈，因為佢係用無咩禮貌嘅語氣同我講話冇得換返，叫我啃咗個龍蝦佢！我真係覺得好差！做得食肆，你會希望個客會再返嚟，唔係淨係做一次生意，但係而家你咁樣我一定唔會再食！另外侍應發緊夢，叫佢比多啲牛油汁我，轉頭比左茄汁我=.=講番d食物:龍蝦湯好苦，好大陣龍蝦尿味，有一舊龍蝦肉都OK，應該入邊有甘筍，個味仲勁過龍蝦。隻龍蝦勁苦，新鮮嘅，但應該唔係靚貨，食咁多次龍蝦，未試過食咁苦的！就算食

早排聽電台介紹過呢度係專門食龍蝦嘅，話佢哋啲龍蝦好新鮮，味道又唔錯，就同老公週年紀念嚟試吓先😉😉😉聽講話佢哋啲龍蝦好快賣晒，要早啲打電話嚟訂定先有得食，所以打嚟訂位時順便訂埋隻龍蝦，佢哋話即日訂枱已滿，叫我walk in嚟都係等一陣啫，龍蝦就唔使訂一定有得食😋😋😋8:00嚟到唔使等即刻有位，但係坐位唔太多已經滿坐喇，坐咗個風口位好凍，個職員幫我較細咗個冷氣都仲係好凍，佢哋好細心俾咗壺熱水我慢慢飲👍讚！ 好多時飲龍蝦湯都有啲苦苦哋，但係呢個龍蝦湯好清甜，我估佢主要係用🎃南瓜煲完個湯，再落大大粒龍蝦肉👏👏好味，但係如果個湯再熱啲會仲正😉隻龍蝦彈牙又多肉，啲薯條可以揀粗或者幼都得，跟埋個龍蝦醬俾你點，好好味💯見到呢個cocktail真係好開心，檸檬味有少少酒精，淡淡哋🍹對於不勝酒力嘅我，飲完都ok👌呢個甜品好靚😍真係好想食😆既然係結婚週年，緊係要問佢哋可唔可以幫我哋寫兩隻字啦✏個職員即刻攞張紙嚟問我想寫咩😁😁仲問我食唔食得甜，話我知邊隻最甜同最唔甜，因為呢個甜品有四款味道，等佢介紹完我就揀咗個綠茶味，跟埋個熱奶俾我哋倒落個波波球度，好玩又好食😉我哋食到停唔到口😍😍

上個月同事生日黎呢到慶祝，食完之後話服務好好，所以就book枱同男朋友黎慶祝紀念日。一入到黎，覺得裝修都幾靚，不過坐得就唔係好舒服，因為感覺有d似茶餐廳。坐低就同waitress 講，之前已經訂左個Lobster Roll （$288 set)，咁我地再睇下order其他野，因為之前同事講左佢地既Lobster 味到好一般，所以我地就轉order多個拼盤($188）。等左陣，期待既Lobster Roll 黎左啦，食完後，有小小失望，除左薯條都幾好食，麵包同龍蝦肉都係凍既，之後我男朋友叫個侍應拎d番茄醬，唔夠5分鐘，個侍應問我男朋友拎返，我男朋友話未用完，個侍應講，但係隔離枱要用喎，我男朋友就話，咁不如你俾隻碟我裝一裝。（一支番茄醬唔係全場用掛....）食完個拼盤都到左啦，我同男朋友都覺得淡左小小。其實食完都未飽架，不過就冇咩其他野想食，所以最後就order左個甜品（$188），個甜品好靚呀，不過唔記得左影相，個甜品係有一柸好似熱既綠茶，倒落一個朱古力球，溶開左會有個雪糕係中間，一個紅豆味，一個綠茶味既雪糕，仲會有兩塊好似日本草餅既野伴碟，我都覺得ok 既，甜度適中。其實今次係我第一次

一直瘋狂地想食龍蝦, 找到這新餐廳又有龍蝦, 就訂位來試。聽說這裡會很爆, 所以就一星期前訂了, 電話裡他們也推薦我們先留龍蝦, 以免來到時賣完而掃興。我們怕迷路又怕遲到。 就搭的士來。其實如果搭地鐵來, 可以在C2出口走來。不太遠, 大約10分鐘。進入餐廳, 裝修的vibe很好, 牆和天花都掛着加上現代graffitti的古典畫, 播着都是最近流行的英文pop songs。年輕感十足!我們一早留了兩份lobster roll。因為開始吹秋風, 就點了一份南瓜龍蝦湯暖暖胃。見到隔壁枱點了Minion cocktail, 我們也忍不住點了。首先是龍蝦湯。龍蝦味比較清不夠濃, 也嘗不到南瓜味, 但它沒有多餘的味之素去增加鮮味。所以喝下去像自己在家弄的味, 其實蠻舒服。裡面的龍蝦肉很足, 很彈口!Minion cocktail 實在太可愛, 忍不住就點了。他們說是檸檬味的cocktail, 其實味道不重, 酒精也不重。說不上好喝, 但一定是呃like首選。😁主角終於出場! 等候時間真的不短。還好我們嘻嘻哈哈就沒那麼悶。見到他們是現做的, 廚房是在洗“生歐歐”的龍蝦, 然後。。。Anyway,

睇到新假期介紹，決定同女友去試下新野。去之前做足功課，睇埋 openrice 既 comment 打去 book 定枱。去到泊埋車岩岩好 7:30pm。眼見門口巳經有人等位入面又爆晒場，心念好在有 book 到。建議有心人都係 book 定位留定龍蝦。坐底睇睇餐牌，女友叫左杯野飲，一個龍蝦湯 share，一份牛肉漢堡 double decker，仲有一早留左既 lobster roll。近期個個都話食既龍蝦包，年頭同女友係港島區早已經食過。女友最怕多醬既野食，話肥到不得了。呢間店既 lobster roll 醬唔多，個汁應該有檸檬，做到沙律咁。抵讚位龍蝦肉超多，蝦用彈牙有嚼口，一定要鮮龍蝦先有呢d肉質。而個 lobster roll 整體口味清新，應該係想特別造出較輕盈既食感。女友大愛。南瓜龍蝦湯內裏都有一粒粒既龍蝦肉，南瓜已經煮到化唒入湯度，令個湯杰身d更有口感。整體味道不濃不淡，口味適中，係城中小有本人覺得煮得好味既龍蝦湯，不錯。牛肉漢堡落單時 waiter 無問幾成熟，由廚師控制。漢堡跟薯條上，份量唔小，同女友兩個差d食唔哂。d薯條係幼薯條，見隔離枱跟粗薯條，估計可以 on re

試新嘢，自己緊係要做足準備，專登訂定位過嚟試吓，雖然餐廳不太就腳，但勝在門口有得泊車😆😆😆入到餐廳見到都差不多出滿晒人，心諗，好彩有訂位，雖然坐位不太寬敞，但裝修都好有心思，望返個menu，食物種類唔算多，我同朋友兩個人，order 咗龍蝦湯，龍蝦配粗薯條，日式炸魚漢堡走薯條(因為想留肚食甜品), 同埋個點朱古力波波甜品share 食，order 完，waitress 就派條圍裙俾我哋，話驚我哋食龍蝦嗰陣會整dirty 件衫，真係好細心，啲嘢食樣樣都好味，真係飽到上頸，好滿足。不過要提提大家如果想去食龍蝦的話，最好訂枱嗰陣講聲，叫佢留定，因為都好快賣晒，話晒人哋食新鮮龍蝦，訂枱嗰陣講多句，好過去到想食又無得食，攪到自己唔開心。食嘢最緊要開心嘛😁😁

早陣子行過這裡已經被裝修吸引著, 可惜遲遲都未開張, 今天行過終於招待街客, 而不是掛著private party, 來到門口, 侍應主動送上餐牌給我們過目, 還未接到手我們已經說不用了, 直接走進這小店, 雖然店小, 但樓底奇高增加了不少空間感, 格局與裝修什至乎名字都是抄襲英國有名既Burger n Lobster, 近門位置讓人客等候入座時飲返杯酒, 裡面位置不多, 目20多個, 廚房置中, 餐牌十足雜誌一樣, 落本設計值得一讚, 二話不說當然想食Lobster Roll啦，可惜店員說已沽清, 當時入座一半左右, 時間還是8點左右, 竟然跟我說 signature dish賣晒 , 是開玩笑還是你們準備不足, 大失所望下唯有點龍蝦薯條同一個漢堡, 龍蝦細隻肉又唔爽口, $288加一成$300真係一啲都唔值, 店主開係長沙灣相信租金平是其中既因素, 但沒有因為平租而設一個較合理既價格, 食物質素又唔特出, 虛有裝潢去吸引人客難令人回頭再試, $158 The Burger更加係普通到不得之了, 漢堡淡而無味, 還打算試試甜品, 心想都係慳返, 拿拿聲埋單離開這黑店! P.S 打食