Video
6-min walk from Exit A, Hin Keng Station
continue reading
Telephone
61379278
Opening Hours
Today
11:30 - 17:00
18:30 - 21:00
Mon
11:30 - 17:00
18:30 - 21:00
Tue
Closed
Wed - Sun
11:30 - 17:00
18:30 - 21:00
Public Holiday
11:30 - 17:00
18:30 - 21:00
Above information is for reference only. Please check details with the restaurant.
-
Online Booking Service Not Available
在小區的偏僻處，有一間人情小店，門面有清晰的食品推介和應節的新年佈置。BRUNCH MENU，時間是1130-1730，但有落場時間的，大家要留意社交媒體的最新動態。另外，MENU 會不時更新，用餐時可看一下有甚麼新款式。先來一個用新鮮蔬菜做的湯，這次是「椰菜花濃湯」，因為是新鮮食材做的，所以菜味好濃，又好新鮮。今次，選了香蒜腐乳櫻花蝦煙三文魚意粉，在腐乳卡邦尼上再加上櫻花蝦和煙三文魚，錦上添花啊！本身的腐乳卡邦尼已經十分吸引，味道帶點辣，夠惹味，再加上櫻花蝦、煙三文魚，就再豐富點啊！最後，也點了這裡最出名的巴斯克芝士蛋糕，是自家製的，每日的口味也會不同啊！這個是開心果味，是將開心果打碎來做蛋糕的，不是求其用開心果醬的啊！飲品就只是簡單點了個LATTE, 配合芝士蛋糕，十分好呀！
continue reading
嚟過幾次 覺得小店幾抵食 所以想支持下但今次真係好失望同嬲今次book左位2:30 但好明顯間店舖無留位所以即使我book左位都要等左35分鐘先入到係出面餵左蚊好耐入到去 唯一一樣想食嘅雞扒all day breakfast無左 咁侍應同我講可以換成雞柳 我ok左但送到上嚟兩條雞柳係兩隻手指公大小小嘅size咖啡好難飲 好奶 我朋友個杯啡成杯無飲過如無意外應該唔會再嚟 唔會留枱就唔好整個book位function
continue reading
明明社交平台睇咗開9:30am，點知原來之前一晚10pm佢出咗個限時動態，話暫時唔做早餐住，改開11:30am。而我哋當然唔知道啦，繼續9am 去到排頭位😑一個疑似老闆娘嘅物體見到咁神心咁早到（我哋仲早過老闆娘到）😑就叫我我哋不如入去涼住冷氣等😍邊有咁有人情味嘅小店㗎？😍😍最後等到11am，終於可以叫嘢食。叫咗個腐乳三文魚炒意粉及all day breakfast 。其實本來呢兩樣嘢都好好食。不過食到一半嘅時候，朋友話不如叫埋醬爆芝士包。點知，原來呢個醬爆芝士包，係要訂位嘅時候訂埋的。我哋Walk in，當然唔知道啦。但係可能老闆娘見我哋咁神心一早嚟到，到最後，就話整埋俾我哋食，皇天不負有心人呀果然😍呢個醬爆芝士包簡直係世一，明明我哋已經食咗意粉同all day Breakfast，飽咗半肚，但係仍然都仲可以覺得呢個醬爆芝士包勁好食，仲要停唔到口，啲醬爆芝士仲要唔漏，點解可以咁勁嘅？之後再嚟冧酒巴斯克蛋糕及原味巴斯克蛋糕。本來冧酒已經好好味，但又未去到最好味。點知食完個原味巴斯克蛋糕，我咁肯定呢一個巴斯克蛋糕係世一🤤就算之前佢旅行專登去食巴斯克蛋糕，亦都食唔到咁有水準嘅味道。我唔識得點樣去形容佢嗰種好味，大家一定要去幫襯，尋找佢嘅味道。唯一美中不足嘅係，佢上菜比較慢，你要好用心好用心咁去等待。但當你食到啲美食嘅時候，你絕對覺得值回票價👍🏻
continue reading
睇到社交平台後突登來買芝士蒜蓉包，最得意嘅係來過4次，冇一次係買到，而服務態度好差嘅店員每次都會有唔同嘅理由話個蒜蓉包not available 。第一次來，大約五點左右，在門口店員話依家係佢哋落場時間佢哋要休息，暫不供應蒜蓉包第二次來，大約六點半，店員話原來佢哋個蒜蓉包要5點半前先有得賣，暫不供應蒜蓉包第三次來，大約一點半，店員話佢哋個蒜蓉包時段係2點半至5點半，暫不供應蒜蓉包第四次來，大約三點半，店員話佢哋岩岩賣咗最後一隻蒜蓉包，今日暫不再供應蒜蓉包，下次可以早啲預留。我完全唔明白點解佢哋店員唔可以第一次就同我講個個時段係2點半到5點半，不過就好快怕會賣晒，你可以早啲致電預留。點解係要我每一次去佢先透露少少information 俾我？重點係，我事後再打電話，都係冇人聽，已經嬲到唔想再幫襯呢間cafe。從來都唔留openrice comment, 今次嬲到要突登開個account留。
continue reading
慕名而來三點排隊喺前台人手登記左，等到三點半。入座前眼見有4/5張空檯都唔執，明知有人喺室外等緊位，咁熱嘅天…已經少有怨言。 終於入座準備落單，先被告知冇意粉冇意飯，連常餐都要少塊雞扒，招牌醬爆芝士包又冇，基本上除左蛋糕乜都冇。 有冇人明咁熱嘅天等左咁耐，仲要我坐好先同我講乜都冇曬。問店員明知有人等位點解唔早啲通知，得到嘅回覆係「啱啱先賣完最後一份」，嘢食又冇道歉又冇就咁白等半個鐘。 喺知道庫存情況下係咪應該問下等位客人會唔會受影響？冇理由expect所有客人淨係黎食蛋糕，主食完全冇曬。定係你地唔清楚自己餐廳食材庫存廚房前台0溝通🥵 退一萬步黎講，先不論啱啱完售嘅餐點，室內menu嘅意飯早就mark左sold，但室外menu又唔update… 利申自己即刻走左不對食物作評價，純粹針對餐廳處理不當同員工態度，真係第一次有咁差嘅體驗😰
continue reading