媽咪雞蛋仔 (Closed)

禾輋商場銀行隔離有間專賣特色雞蛋仔嘅店舖。呢間媽咪雞蛋仔都幾受學生和小朋友歡迎的。看看餐牌，主力是賣雞蛋仔和格仔餅為主，飲品選擇種類還算多的。最後我決定一試這個紫薯蕃薯雞蛋仔，看圖片賣相很吸引。餐廳內也有一些座位可供堂食的，而我就坐下來等待一下我的外賣。即叫即做，需要一點的等待時間，叫了一個套餐外賣。服務姐姐十分友善，她說幫我烤久一點令雞蛋仔口感更加好。這個雞蛋仔真的十分推薦，粒粒都包滿紫薯番薯茸，外脆內軟口感一流，真的是好考服務姐姐的功夫。後記：店內的兩位工作人員服務態度十分良好，年長的態度親切，年輕的笑容滿滿，令我感十分滿意。最後建議外賣的珍珠奶茶杯蓋不太好，經常脫落，對外賣的人不太方便。

之前都係食開粒粒朱古力雞蛋仔，食落雖然有d膩但係勁好味！今次就試下新野，抹茶朱古力雞蛋仔($25)，對呢個期望都幾高。佢會係即叫即整，唔洗怕會淋😍一開始有d怕會係偏甜既抹茶味，但食落又唔係bor!!!!!佢係甘甘地既抹茶味，雖然朱古力唔係每粒都有，但接受到既。其實25蚊都算貴，但呢個味道都算gur的，食落又脆口，唔會空心！如果唔喜歡十分抹既抹茶，就唔好試，會太苦😂🙈但抹茶控必試！呢間愈開愈多，都叫keep到水準既🤔

我最鐘意試新奇古怪既野，今次呢隻咸味雞蛋仔我一見到就想試啦！鹽燒紫菜粟米雞蛋仔 $28有驚喜WO！成塊大大紫菜夾住喺雞蛋仔入面，仲有好多粟米粒。雖然係咸咸甜甜，但係出奇地好夾，因為係微咸+微甜，個balance做得幾好～雞蛋仔個Base做到外脆內軟，有相當功架好大塊紫菜粟米粒既份量都無欺場原來佢仲入圍左米芝蓮咖～餐牌

經過這間雞蛋仔店鋪，看見似是熟悉的名字，加上店外的報導，思索了一番才想起...啊！這不是傳說中要排長龍的「媽咪雞蛋仔」嗎？！也許下午茶時段，學生還未放學，上班一族還未下班。店內很清閒，只有兩個店員在店內。既然沒有人排隊，為何不買一底雞蛋仔，親自嘗嘗它的龍與鳳呢！？選擇了抹茶朱古力雞蛋仔，20多元嗎？忘記了...只知道價值不菲。雞蛋仔是是即叫即製的，完成下單後，店員便會立即製作。等待了十分鐘左右，雞蛋仔已完成。每一粒抹茶味雞蛋仔內都包著朱古力粒，也許就是它昂貴的地方吧。但抹茶的味道與朱古力的味道不相襯，加上抹茶味較苦，有點焦味，是由於製作時間過久嗎？還是抹茶味道本身如此？希望愈大失望愈大，這底明星雞蛋仔還比不上傳統味道的雞蛋仔呢

之前在電視上見到介紹這間雞蛋仔，兩個月前經過禾輋邨商場，就打算試下啦。我叫了一底紫薯雞蛋仔，一咬下去，發現空心的部分甚多，說明偷工減料啦。我已經很細心的咀嚼，還是完全感受不到紫薯的味道。我覺得此店有點名不副實，絕對沒有下一次！

今日星期六，我去禾輋分店的媽咪雞蛋仔買一底原味雞蛋仔及一底夾餅，我耐心等候，但換來既係一底已乾（爭爭）、啡到甚至乎部分已變黑既夾餅，佢當時衹有一個店員，我估當時佢知道夾餅已（濃）後，就由另一名店員處理，（因為中途由另一名店員接手） 店員當冇事發生一樣，如常裝好，仲好貼心問需唔需要膠袋裝，結果就將夾餅墊底，上面放雞蛋仔。我回家打開後，食落口已覺得好硬，打開就如上述形容般咁驚嚇，我未試過買到咁樣既夾餅，即使喺某超市買都未去到甘差，我個人認為，品質已經保持唔到，但唔好連客人都欺騙吧？唔會加多D花生醬，煉奶就可以蓋過已（濃）既夾餅，更何況如老實地講出真相，我會願意花時間等，但唔好自欺欺人，金錢損失唔緊要，但已經唔會再有信心喺到買或介紹其他人食，希望你地能夠改進順帶一提，果底雞蛋仔除部分中間空心外，味道還可以的

去開沙田發現，原來有間媽咪雞蛋仔，雖然要行入禾輋有d遠，但一定唔去偉華個間百佳食，認真超難食，老實說除了近，真諗唔到有詳特別。。。但勁多人幫襯，真滴汗，算吧，冇理由同佢地比較。所以咁為食既我又出發，係市中心行左10分鐘左右去食雞蛋仔，冇辦法，鬼叫本人成日為食到流口水，鐘意周圍試咩，哈哈原來呢間都有好多好特別既口味，但為免中伏，今日就試左款朱古力雞蛋仔，因為係平日下午4點幾，實在冇咩客，等4分鐘已經可以開餐，good, 一拎上手熱辣辣，雞蛋仔仲好香朱古力味，因為好重料勁多朱古力粒，但蛋味唔算強，好脆口，都唔錯，只係18蚊都唔算貴，下次會考慮再試試其他特別既口味

貫徹一向見到新野就好想試既宗旨，見到坊間少有既奶茶味雞旦仔又點可以唔試呢臨近收工店員都好好服務，仲主動話我知加$3可以要維他奶茶（濃茶味或普通）/啡走紙包飲品。食得出係維他既奶茶味，仲覺得似earl grey, 但如果以$22黎講入面無餡又有啲單調同性價比不高，始終加多$3既其他選擇如朱古力同紫薯番薯入面用料都好豐富，所以都係建議試下就算或者唔太餓之選！

約了朋友入禾輋村八點食飯，一聽禾輋村就知我去陳根記食。滿心歡喜一放工就飛巴士入村，點知好早到咗，眼見太陽未落山，一陣陣暑氣由地面滲透上頭頂，額頭開始冒汗，望住陳根記㕑師炒野大汗疊細汗，身邊村民行過時發岀的汗味，兩個師奶不停說好熱。我個心開始熱亂了，我要找個地方舒適的等到八點。我自轉了一圈，找到了禾輋商場，入到去見到有檔雞蛋仔檔可以堂食。即刻入去食。入到鋪頭，第一時間俾朱古力味吸引住，我叫了一個咖啡朱古力雞蛋仔，朱古力粒粒滿滿的在雞蛋仔中，很滿足，啖啖的朱古力香氣在口中。加上一杯珍珠奶茶，在鋪頭入面坐着吃，暑氣全消，一路等着朋友的到來。

< 紫薯蕃薯雞蛋仔 $22 ; 抹茶紅豆雞蛋仔 $27 >據說媽咪雞蛋仔間間水準都唔一樣，我眼見旺角尖沙咀既分店都有條大隊我就冇去食，心諗多人水準一定唔會係最好，就走去食沙田果間，得兩三個人，今次都係第一次，其實兩者都好好食，外脆內香，紫薯雞蛋仔粒粒都充滿紫薯蓉，而抹茶雞蛋仔亦都唔錯，但如果再濃啲就會更好，個人中意食紫薯多好多！一個人食哂兩底表示冇難度！

喜歡新鮮即焗的雞蛋仔，這間是即叫即做(要等)今次試3款味道香蕉朱古力雞蛋仔每粒都有朱古力和香蕉茸，外脆內軟香蕉味好香，加上朱古力的甜<味道好夾>栗子雞蛋仔同樣即叫即做(外面脆卜卜，內裡軟绵绵，很驚喜，每粒都有栗子栗子大粒，好香口，甜甜的味道，配上外脆內軟的雞蛋仔，真的好好:抹茶红豆雞蛋仔保留抹茶的苦澀味，因红豆的甜，中和了抹茶的苦:本身雞蛋仔的蛋䊢(好重蛋味)整體感覺，足::足料红豆

<抹茶紅豆雞蛋仔>-$23.毫無疑問👶🏼係一個雞蛋仔控，所以對雞蛋仔既要求都幾高。自從食左伏豆既變種雞蛋仔之後，對非傳統既雞蛋仔都怕怕😣。係紅磡👶🏼一定推介紅磡雞蛋仔而唔係媽咪，變左連鎖之後👶🏼就比多次機會佢la😤。抹茶紅豆新鮮即製🍵，做到外脆內軟既感覺，紅豆份量唔多但都有適量既紅豆香味☺️。最驚喜係抹茶帶微苦，滿足到👶🏼架啦！好啦，依家👶🏼又有番d信心試其他特別味道雞蛋仔🙊

今日和屋企人去左沙田萬佛寺拜神,拜完神落返黎市區,諗住撘巴士返屋企,行行下見到依間,雞蛋仔餐廳開左黎沙田,唔諗即買,雞蛋仔質素和旺角無分別,食落厚厚和脆脆的外皮,口感滿足,而且香味甚濃,外友還帶有小小甜味,好食!

我之前都已經聽過好多人話媽咪雞蛋仔好好食 估唔到可以係沙田食到呀!!!! 賣雞蛋仔來講 店鋪都算幾大 因為買完客人仲可以坐低係到食去左收銀到唔洗排隊可以直接買 可以比8達通買好方便雖然雞蛋仔得4款選擇 但買個刻真係好難決定最後我買左咸晚肉鬆芝麻雞蛋仔試下佢係即買即整 大約等左10分鐘到就有得食喇望落去同普通雞多仔零分別但係一食 成個世界唔同曬 真係好香口 好脆每粒雞蛋仔入面都有肉鬆 咸咸地好特別真係唔錯 好好食 下次買粒粒朱古力雞蛋仔試先!!!!!

一個人去沙田行街好闷啊，想起了上次与朋友食過的媽咪鷄蛋仔店就在附近，与是决定再去嘆食一次，今次我要了一個原味鷄蛋仔，鷄蛋仔剛剛整出來热烫烫的，外脆里嫩食进嘴裡有很浓陏的鷄蛋与奶香味，是香甜味的，但又不是甜到很腻裹種，一啖啖摆落嘴根本停不口。