媽咪雞蛋仔

Open Now

Now Closed

平日嚟咋，都多人到咁，梗係有原因啦，真係堅堅堅好味！2009年創立到而家，我估唔少人想食雞蛋仔時都會諗起呢間店，呢間雞蛋仔曾經喺2016-2021年間，連續六年攞到米芝蓮香港街頭小食推介。我估亦因為呢個原因，喺天星碼頭呢類遊客區，排隊同等食物嘅遊客佔嘅比例比local人多，應該都係慕名而嚟喇，我都覺得呢間雞蛋仔好能夠代表香港local嘅街頭美食，而且絕對唔失禮，真係有水準！雞蛋仔嘅款式選擇多，要試晒都唔容易，同埋耐唔耐會有新口味推出。今次我就試紫薯蕃薯雞蛋仔，42蚊，貴唔貴就見仁見智，但每粒都外脆內軟兼爆饀。價錢係唔平，但值得，同埋係會心思思掛住想再食。

媽咪雞蛋仔記得最近一次食「媽咪雞蛋仔」係上年年尾經開銅鑼灣買咗格仔餅，今次我經開尖沙咀天星碼頭附近，記得附近有一間「媽咪雞蛋仔」，最後買咗一底抹茶黑糖麻糬雞蛋仔，再加一杯特濃朱古力沙冰，咁樣買可以平$4，不過我覺得地址有少少問題，位置話喺天星碼頭一樓，搞到我差少少入閘上船，地面就地面，點解要寫咩一樓！🤣🤣🤣1.抹茶黑糖麻糬雞蛋仔$53（8/10）身為抹茶控嘅我，當然買一底抹茶黑糖麻糬雞蛋仔試下啦，雞蛋仔外脆內軟，加咗麻糬好煙韌，不過黑糖就甜咗少少，搞到抹茶味唔夠出，價錢都幾貴下！2.特濃朱古力沙冰$35（9.5/10）呢杯特濃朱古力沙冰飲落冰唔算多，朱古力味好濃郁，成杯似奶昔咁好夠濃稠，如果一次過買任何雞蛋仔或格仔餅，再加購飲品就會平$4！2人總共價錢$84個人口味總評分：8.75/10@mammypancake.hk地址：尖沙咀天星碼頭1樓KP-13, 29及30號舖Please follow me🙆‍♂️ @wheelchaireatinhongkong 如果鍾意我嘅分享，麻煩請follow我，仲有記得Like同Share！🙏🏻🙇🏻‍♂️#媽咪雞蛋仔 #尖沙咀 #尖沙咀好去處 #天星碼

「媽咪雞蛋仔」已經連續六年榮獲米芝蓮推介街頭小店🥰，主打港式經典雞蛋仔、格仔餅🧇及飲品🥤，提供多款鹹甜口味雞蛋仔，亦會不時推出新口味‼️，為了確保雞蛋仔保持香脆而不會變軟，新包裝設計增加大量透氣孔，相當貼心👍🏻- 抹茶黑糖麻糬雞蛋仔☺️ $53外脆內軟雞蛋仔，蛋味濃郁🍳，帶有陣陣牛油🧈香味，抹茶清淡甘香🍵，內裹加入煙韌拉絲黑糖麻糬🥰，剛好平衡清澀抹茶味，兩者配搭很夾😋- 抹茶牛乳豆花🥤 $34選擇了少甜❤️，抹茶味道更突出，混合濃郁牛奶🍼，味道清爽，加入豆花，口感豐富😛📍 媽咪雞蛋仔 - 尖沙咀尖沙咀天星碼頭1樓KP-13, 29及30號舖@mammypancake.hk另有分店：全港多間分店

媽咪雞蛋仔出咗新口味啊！今期最新推出嘅有黑糖麻糬雞蛋仔系列😍今日經過尖沙咀碼頭，就買咗一底抹茶黑糖麻糬雞蛋仔同加咗杯益力多沙冰試吓！用麻糬整成嘅雞蛋仔，比一般嘅雞蛋仔更加Q彈同煙靭，真係好似麻糬咁，好好咬口🤣鍾意煙煙韌韌嘅朋友一定會好鍾意😊抹茶就保持住一貫水準，非常香濃，甜度啱啱好，同黑糖麻糬嘅感覺超夾，我自己非常鍾意👍🏻👍🏻👍🏻 雞蛋仔嘅口感就唔使講，繼續係外脆內軟，可以話係香港數一數二嘅雞蛋仔👍🏻至於杯益力多沙冰都唔錯喎！夏日炎炎，飲番杯沙冰就至啱，呢杯益力多沙冰重點係冇乜溝水，飲一啖就好似飲咗一罐益力多咁，非常過癮🤣

-🍴🍽🍴🍽🍴🍽 🧇🧇🧇🧇🧇🍴🍽🍴🍽🍴🍽-🥢抹茶黑糖麻糬雞蛋仔 $53 🆗第一次試抹茶加黑糖呢一個組合，幾唔錯👍🏻。雞蛋仔外皮充滿抹茶香，內餡係黑糖麻糬，黑糖唔會過分甜，配埋微苦嘅抹茶味令到整體味道更加平衡。🥢凍奶茶豆花 $26 🆙平時喺茶餐廳都係飲開熱嘅港式奶茶，凍港式奶茶都係第一次飲，而奶茶加豆腐花更加係第一次見！豆腐花本身有甜味，所以奶茶揀咗走甜，呢個甜度對於我嚟講啱啱好🤣。整體味道幾有奶茶香，口感飲落就好似台式奶茶加仙草咁，亦都令我諗返起細細個用飲管食四方果個感覺🤣。🥸評價 𝗥𝗮𝘁𝗶𝗻𝗴𝘀🥸食物 𝗙𝗼𝗼𝗱 7.5/10環境 𝗘𝗻𝘃𝗶𝗿𝗼𝗻𝗺𝗲𝗻𝘁 7.5/10服務 𝗦𝗲𝗿𝘃𝗶𝗰𝗲 7.5/10性價比 𝗩𝗮𝗹𝘂𝗲 𝗳𝗼𝗿 𝗠𝗼𝗻𝗲𝘆 7/10整體𝗢𝘃𝗲𝗿𝗮𝗹𝗹 7.37/10-🍴🍽🍴🍽🍴🍽🧇🧇🧇🧇🧇🍴🍽🍴🍽🍴🍽-🗺 媽咪雞蛋仔 (尖沙咀)尖沙咀天星碼頭1樓KP-13, 29及30號舖-

望住海景吃嘢兼打卡都唔錯㗎，介紹一個平平哋嘅地方幾十蚊就可以望住海景打卡，就係尖沙咀天星碼頭嘅媽咪雞蛋仔，大家記得行去最入嘅位置打卡呀📣身為抹茶控的我，當然要叫返個抹茶黑糖麻糬雞蛋仔試吓啦！它的外皮真係好鬆脆，外脆內軟之餘個麻糬係好Q，而且黑糖味唔會太甜，我覺得幾好食，綠茶味幾濃，呢個配搭唔錯👍🏻另外叫咗杯荔枝梳打走冰😜出意料之外地好飲,好重荔枝味,叫埋飲品平$4真係都幾多選擇，有好多唔同口味，我之前食過伯爵茶味，香蕉味，下次再試埋其他😂

大家都知依家好多打手， 我都中過好幾次伏。見哩間分店咁多好評，去開附近就去試下。但今次冇伏喎，堅好味喎！！！買左個媽咪朱古力味，收銀話至少等20分鐘。最後係等左35分鐘先有得拎， 係等待時間有啲啲耐。後面叫原味20分鐘就有得食。下次買特別味道會入商場涼多陣冷氣先再行返出黎拎。講返雞蛋仔本身先，蛋味好香，朱古力係流心架！ 岩岩整好嗰陣，口感係淋少少，但係都好好味。行左幾步到商場，雞蛋仔變脆左！好正！ 老公都話值得等。

每次去到天星碼頭坐船返灣仔嘅時候都會去呢間買雞蛋仔食，因為即叫即整，所以等待嘅時間都比較長，今日仲見到黃昏十分之靚。媽咪雞蛋仔連續獲得六年米芝蓮香港街頭小食推介，真係超級多人幫襯。抹茶黑糖麻糬雞蛋仔抹茶雞蛋仔啱啱整好新鮮熱辣，外脆內軟，綠茶味道香濃，黑糖麻糬煙靭可口，黑糖味都唔會過甜，抹茶加埋黑糖麻糬真係超級夾。抹茶紅豆牛乳買任何雞蛋仔或者格仔餅可以加配飲品就有$4折扣優惠，我就叫多杯嘢飲，抹茶甘香，牛乳味道濃郁，紅豆香甜，抹茶紅豆牛乳入口類似少少沙冰，就算冰塊融化咗味道都唔會過淡，真係真材實料。

最近為左睇某比賽所以專燈要去文化中心，唸唸下就唸起係係天星碼頭既呢間媽咪雞蛋仔!🥚因為食呢個媽咪雞蛋仔，我地已經期待左幾日🤪🤪🤪睇定menu 已經Bookmark 左想食抹茶黑糖麻糬雞蛋仔💚🟢抹茶蛋漿搭配拉絲黑糖麻薯個配搭感覺好有冬天feel兩重口感 三重口味 😆👋🏻另外呢到仲有好多飲品益力多沙冰好飲 中和番街頭小食一流#媽咪雞蛋仔 #mammypancakehk #雞蛋仔 #米芝蓮 #香港小食 #街頭小食 #格仔餅

「媽咪雞蛋仔」係香港人至愛美食之一👍🏻 佢哋嘅雞蛋仔有傳統口味，亦有不同創新口味，例如：清香檸檬、 有機栗子、 鹽燒紫菜粟米、 麻辣肉鬆、等等，每一款都令人垂涎欲滴。😋今次試咗佢嘅湯圓黑芝麻雞蛋仔，真係創意十足，雞蛋仔鬆軟香脆，配上濃郁的黑芝麻湯圓，口感豐富，味道絕佳。👏🏻🥰👍🏻抹茶豆花牛乳，豆花口感滑嫩，配上香濃的抹茶牛乳，抹菜控必點🍡🍵❤️「媽咪雞蛋仔」絕對值得一試🍳🥚🍡🍵💯

今日喺尖沙咀諗住搭天星小輪過中環，去到碼頭見到好多人排隊，原來啲人喺排緊一檔好出名而又好多分店嘅小食店叫「媽咪雞蛋仔」。呢間媽咪雞蛋仔已經連續幾年拎咗米芝蓮，食物質素有一定嘅保證，個餐牌清楚易明，雞蛋仔除咗原味之外仲有以甜味同鹹味分類嘅味道，另外都可以叫格仔餅同埋超過20款嘅飲品。返咗成日工要獎勵吓自己，我叫咗個雙重芝士雞蛋仔同埋特濃朱古力沙冰。因為太多人等嘅關係，所以都等咗差唔多10分鐘先有，但喺新鮮出爐嘅雞蛋仔又香脆又熱辣辣，芝士唔會太膩，有少少嘅鹹味反而帶出雞蛋仔嘅蛋香味。另外，杯特濃朱古力沙冰嘅朱古力味真係幾濃郁，沙冰又唔會太易變水，飲咗半個鐘都仲飲到沙冰嗰種質感。如果大家去開天星碼頭或者星光大道附近，推介大家過去試吓！📍尖沙咀天星碼頭1樓KP-13, 29及30號舖位置就腳：🍊🍊🍊🍊🍊餐廳環境：🍊🍊🍊🍊食物味道：🍊🍊🍊🍊整體CP值：🍊🍊🍊🍊🍊

🥚媽味雞蛋仔媽咪雞蛋仔連續幾年都拎米芝連 但一直未試過咁啱係天星碼頭落船 見到原來有分店仲要係旗艦店 當然要試一試♡♡♡♡♡♡♡♡♡♡♡♡♡♡♡♡♡♡抹茶黑糖麻糬口味 $53𝘔𝘢𝘵𝘤𝘩𝘢 𝘔𝘰𝘤𝘩𝘪 𝘉𝘳𝘰𝘸𝘯 𝘚𝘶𝘨𝘢𝘳 𝘌𝘨𝘨 𝘗𝘶𝘧𝘧雞蛋仔外脆內軟 加上黑糖麻糬的煙口感double up黑糖麻糬份量都幾多 幾乎啖啖都咬到黑糖口味比起平日食既偏甜膩*加配優惠凡惠顧雞蛋仔/格仔餅 加配飲品-$4咸檸七沙冰 $30𝘚𝘢𝘭𝘵𝘺 7𝘶𝘱 𝘚𝘮𝘰𝘰𝘵𝘩𝘪𝘦上星期天氣比較熱同焗飲翻杯沙冰一啲都唔過份咸檸七味濃郁 夠曬解渴而且仲飲到果肉 足料!沙冰溶咗之後 一樣咁濃 抵讚!📍尖沙咀天星碼頭1樓KP-13, 29及30號舖

新年去咗搭天星小輪行大運🎊🧧，落船聞到香噴噴嘅雞蛋仔😍，雖然見到人頭湧湧，但係都忍唔住要買返份嚟食♨️～揀咗抹茶黑糖麻糬雞蛋仔同熱嘅抹茶紅豆牛乳🍵🐮，抹茶好濃，抹茶控必食🙋‍♀️抹茶黑糖麻糬雞蛋仔（$53）熱辣辣即叫即製，每粒都好飽滿、外脆內軟，🍵抹茶味夠甘香濃郁，而且每粒裡面都有煙韌嘅黑糖麻糬，甜度適中👍🏻，估唔到傳統嘅雞蛋仔同流行嘅麻糬元素會咁夾🤤抹茶紅豆牛乳（$34）香滑甘香嘅抹茶牛乳遇上紅豆蓉🐮🫘🍵，紅豆蓉嘅甜味中和咁微苦嘅抹茶味道，口感豐富，甜度適中，仲有得揀飲凍定熱😋，好貼心～

黑芝麻湯圓雞蛋仔（天星碼頭店新年限定🧧 ）賣相：🐧🐧🐧🐧🐧味道：🐧🐧🐧🐧🐧雞蛋仔採用店舖自家製硬身紙袋包裝，紅彤彤新年喜慶感十足。紙袋上有多個小窿，有助內部通風，減低雞蛋仔被焗冧的機會，設計十分用心。雞蛋仔粒粒飽滿脹卜卜，食落外層香脆，內餡綿密軟嫩，黑芝麻的濃香出眾，中間夾心的湯圓煙韌軟糯，嚼感一流，整體甜而不膩，十分出色，誠意必試推薦👍 蜜桃梳打賣相：🐧🐧🐧🐧🐧味道：🐧🐧🐧🐧🐧梳打入口清新怡人，蜜桃的果香和甘甜滋味十分突出，加上梳打碳酸的清爽口感，非常解膩又開胃，配搭甜食非常合適。🐧❣️購買任何雞蛋仔或格仔餅，加配飲品乙杯可減$4❣️🐧❤️結語：雞蛋仔用料十足製作用心，高質必試首選❣️

今日收工搭船返尖沙咀，經過呢間媽咪雞蛋仔聞到超級香😍忍唔住就買左一底黎試下啦😋＊＊＊＊＊🧇鳳凰卷雞蛋仔 $45我自己鍾意食鹹野多過甜嘅😆所以就揀左個鹹吇嘅雞蛋仔，呢個鳳凰卷味入面有紫菜同肉鬆，粒粒都超飽滿👍🏻又香又好味😋🍓士多啤梨果茶 $26 購買任何雞蛋仔或格仔餅，即可減$4購買飲品乙杯另外叫左杯草莓果茶，叫左少甜，佢好真材實料架，係茶入面可以飲到好多士多啤梨籽😍＊＊＊＊＊更多食評資訊：IG🔎litcloud_