媽咪雞蛋仔

Open Now

Now Closed

媽咪雞蛋仔越開越多分店😍唔怪得六年連續入左米芝蓮街頭小食名單！今次見到新出麻糬系列好吸引！同大家實測下夠唔夠煙靭？呢間尖沙咀分店嘅媽咪雞蛋仔好有香港特色！就係尖沙咀碼頭側邊～每次經過都忍唔住叫一底雞蛋仔😋美食⭐️⭐️⭐️⭐️⭐️🩵原味白麻糬雞蛋仔👍👍雞蛋仔外脆內嫩！攞上手熱辣辣，好香雞蛋味！每一粒雞蛋仔都有滿滿嘅麻糬餡麻糬～咬落去煙煙韌韌十分有咬口同雞蛋仔好夾😋食完一底大好滿足！飽肚感十足！🩵凍美式咖啡📍媽咪雞蛋仔尖沙咀天星碼頭1樓KP-13 29及30號舖

同朋友去尖沙咀行完街，路過媽咪雞蛋仔嘅時候聞到好香，望一望個招牌發現出咗新口味，係用大孖醬料原腐乳整嘅腐乳黃金鹹蛋味雞蛋仔，我本身都好鍾意食腐乳，屋企有呢個牌子嘅腐乳醬，而且呢個配搭感覺好新奇，從來未試過食鹹味嘅雞蛋仔，所以就買咗一個嚟試吓。第一啖食落口就已經有非常濃嘅腐乳味，基本上成粒雞蛋仔都係腐乳醬，腐乳同鹹蛋黃嘅味道完全蓋過咗雞蛋仔本身嘅蛋味，而且腐乳味比鹹蛋黃味更加濃，所以如果鍾意食腐乳嘅朋友不妨一試！嘢飲就叫咗一杯菠蘿冰沙，質素一如既往咁好！

小編今日來到尖東一間雞蛋仔專門店「媽咪雞蛋仔」，早於2009開設第一間紅磡黃埔店，已連續六年獲得「米芝蓮推介」街頭小店，主打港式街頭經典雞蛋仔和格仔餅🧇 提供超過20款口味，有甜有咸，包括朱古力、咖啡，抹茶紅豆🫘香蕉、雙重芝士，紫菜肉鬆口味等，經過店門看到彩虹招牌的「媽咪雞蛋仔」字眼，不妨買來享受甜蜜滋味🌈「媽咪朱古力雞蛋仔」🍫即叫即製，熱騰騰的雞蛋仔散發出蛋香，新包裝有透氣孔設計，確保雞蛋仔保持香脆而不會焗淋🙌🏻 每顆雞蛋仔加入粒粒朱古力，一口咬下溢出朱古力流心✨ 雞蛋仔外層脆口，蛋香味重，朱古力味香濃，外脆內軟，流心餡超邪惡😈 朱古力口味較甜膩，適合多人一起分享🙌🏻🍽 ：媽咪朱古力雞蛋仔👅好味指數：8.0/10💰消費：HK$27📍 地址：媽咪雞蛋仔 (尖沙咀) 尖沙咀科學館道14號地舖

媽咪雞蛋仔最近新推出咗新年限定嘅芝麻湯圓雞蛋仔同埋蓮蓉煎堆雞蛋仔～呢兩款咁港式嘅味道真係只有香港先至有機會食得到🥺你想叫新春限定嘅雞蛋仔仲有個靚賀年包裝裝住瞓雞蛋仔🧧————————————-**芝麻湯圓雞蛋仔 $49同以往一樣都係即叫即整～所以一拎上手熱辣辣脆卜卜🥺而且媽咪雞蛋仔嘅餅底就算凍咗少少都仲係好脆🤤再加上今次芝麻湯圓味嘅雞蛋仔係有麻糬喺入邊，外脆內軟嘅口感真係冇得輸🙇🏻‍♂️🙇🏻‍♂️因為有麻糬所以定價都比較高🙇🏻‍♂️每一粒雞蛋仔都有麻糬包住啲芝麻，就好似芝麻湯圓咁樣嘅口感～芝麻嘅味道唔算好濃，如果鍾意食濃味嘅都係推薦朱古力味❗️

好耐冇食，仲記得之前係好好味嫁，但今次嘅格仔餅唔係即叫即整囉，一拎到已經唔熱，只係微暖，食落口，腍嘅！但落單之後都要等，即係扮即整，根本冇誠意，覺得好失望，真係唔會有下次試。

我記得細個食夾餅係有糖，但係呢間啲糖應該撈晒落去啲蛋漿度。好多人排隊呀，要等好耐🙉 一格仔餅要28$ ，一件食好飽，兩個人分啱啱好。依家冬天食好暖口。其他口味雞蛋仔都好食，最鍾意就係食朱古力香蕉，要$38。

香蕉朱古力味嘅雞蛋仔係我第一次試冇諗過味道都唔錯雞蛋仔外脆內軟每一粒入面都有香蕉 個口感都幾特別😂朱古力味都幾濃郁不過尖沙咀呢一間分店中午時間都幾多人所以排隊都要等一陣先有得攞

路過見到媽咪雞蛋仔，忽然覺得應該會好食嘅，買咗一份原味$20的確好味，但係大澳嘅炭燒雞蛋仔更好食。其實佢哋係有好多唔同味道可以選擇，有機會再試。香港地道小食：雞蛋仔是一種香港街頭小食。特點是其中一面內部呈中空及脆口，另一面則呈現蛋糕及柔軟口感，並散發蛋香。製作雞蛋仔時，先準備好以雞蛋、白砂糖、牛油、麵粉和淡奶混和而成的蛋糕糊，然後在蜂巢狀的鐵模塗抹一點牛油或植物油方便脫模，再將蛋糕糊倒進鐵模及烘烤；製成後軟口感，並散發蛋香，呈現金黃色。現在世界各地可以見到它的蹤影。

喺附近上堂，見到媽咪雞蛋仔排隊嘅人唔多，我就把握機會，排返件格仔餅啦。一排冇食，原來而家都要$23起跳，我就唔好特別口味，揀咗原味，大約等5分鐘就拎得。我都算好彩，買完之後，後面突然好多人排隊。覺得裝格仔餅嘅袋好有誠意，同香港電車crossover，上面啲公仔好得意，好適合打卡。同埋一供用咗兩個紙袋黎裝，啲汁唔會滴到周圍都係。醬料份量我冇特別要求，覺得預設嘅剛剛好，非常推介原味格仔餅，即叫即整熱辣辣。

呢間專門整雞蛋仔同埋夾餅嘅舖頭，有五花八門嘅味道同埋配料！ 可以迎合唔同客人嘅口味～ 仲可能會令人有選擇困難症 😂 👍🏻 overall 係幾好味😋 熱辣辣嘅夾餅外層配雪糕餡料，好有新鮮感。 不過啲雪糕用得好快，食到有少少雞手鴨腳。

夜晚九點行過見到忽然好想食格仔餅就買黎食，見到張紙寫住，製作需時，即叫即整，我仲好開心，點知等左一陣，出到黎個餅係室溫，根本整定放係到，咁點解要扮哂野要人等一陣先俾人。雞蛋仔我就見到即整，如果得雞蛋仔係即整就講清楚嘛，下次都唔會再買。

呢間媽咪雞蛋仔我一般都係去銅鑼灣嗰間食，今次去到尖沙咀有啲肚餓，所以又黎幫襯下，今次叫咗伯爵茶朱古力雞蛋仔試試，整體來講不過不失，雞蛋仔保持水準，質地夠脆香同有蛋味，唯一係伯爵茶味道唔夠濃郁，所以呢方面有啲失色，下次我可能都係會食返原味雞蛋仔，好似Steven Jobs咁講，less is more!

係網絡介紹知道薄荷朱古力味係期間限定不特止，仲要唔係間間有，尖沙咀碼頭個間一定有，所以去影聖誕燈飾之前，就先去買個食下。去到睇menu見期間限定係紫薯同埋，心唸都鍾意食呀，咁就叫個期間限定，跟住我男人話，問下先啦，又話想食又話限定...跟住問老細係咪有，再同老細講想轉，好在老細好好人，即刻問整左末，幫我轉左薄荷朱古力雞蛋仔啦！見個色已經好對版，一食落口係有薄荷味，不過可以再重手少少，但個朱古力好濃，配埋都已經無話可說了，45蚊，加埋個維港境，值了。因為期間限定，仲要無任何宣傳，大家去到一定要問呀，唔好蝕

超火的妈咪鸡蛋吃上了！黄金鸡蛋仔说是叫啥子黄金哈，但其实就是中间夹的咸蛋黄馅儿，🧀吃起来是鸡蛋的香包裹着浓郁的咸蛋黄的咸鲜，十足的奶香在圆润的酥皮的炸裂中越嚼越香🍼📍都是现作的，所以要稍微等一会儿，差不多十几分钟咯

最近食過兩底雞蛋仔，其中一底係媽咪雞蛋仔的抹茶味道。由落單到製成不用5分鐘便完成，相信是沒有用吹風機將雞蛋仔降溫？所以不用等多久便可以取熱騰騰的雞蛋仔了。即時食是很好味道和外皮是乾脆的，但食到沒有一半的時候，其餘的就已變得很腍。另外，不是每粒雞蛋仔都充滿餡料。在有比較下，另一間在澳門的雞蛋仔鋪真的好味好多！最後想講下個包裝，包裝袋是有隆隆的，大概是給熱騰騰的雞蛋仔疏氣散熱吧，外表是頗好看的，但功能上，作用不太大且不大環保，因為它用上了硬咭紙，跟一般鋪頭用的紙袋不同，相信成本也因此增加。