媽咪雞蛋仔

Open Now

Now Closed

係2017年米豬連指南推介街頭小食啊😏 雞蛋仔貴為係香港最具代表性既街頭小食，真係好難搵到一個好食既雞蛋仔舖頭🤣 首先，小編嗌既雞蛋仔價錢方面為三十大元正💰 我唸間間分店都係一樣價錢😋人手方面就得兩個 一個收銀 一個整雞蛋仔 鋪頭只有兩個店員🧑🏼‍🍳 如果好多客人既時候，大家都要等等🙆🏻‍♀️ 小編認為 一個好既雞蛋仔 絕對係集脆皮同柔軟既蛋糕口感於一身啊🤩但係街上面好多舖頭都偷工減料😟咬落去根本就冇料既😠🎀伯爵茶朱古力雞蛋仔 $30雞蛋仔黎講，呢個算係足料 起碼有朱古力既味但又唔會太甜👌值得一試啊😋 比起其他舖頭既雞蛋仔🌸 雖然係貴左幾蚊 但係啖啖肉所以都係值得既😎如果大家經過既話不妨買黎試下😝 呢度既雞蛋仔仲要係即叫即整既(我果次係) 所以都好能夠保持熱度🌞

去買粒粒朱古力雞蛋仔，叫到過哂no.都未到我。後來女店員同買緊嘅客人講話粒粒朱古力唔駛等就將個雞蛋仔俾咗佢，但明明個雞蛋仔就係我嘅，於是我將我張飛遞比女店員睇，點知佢怒啤左我一下之後好唔耐煩咁同我講：乜嘢啊！跟住我就隊張飛俾佢睇話我係101號朱古力雞蛋仔。佢即刻呆一呆返廚房睇，先見到張單原來跌咗落地下一句。但態度依舊，一句sorry都冇！好彩男店員好好，仲問我飲唔飲嘢。我唔係啲貪便宜嘅人，只係想講雖然只係俾咗20幾蚊，但做飲食做服務唔係咁做嫁囉，真係令人好失望！

#kopo尖沙咀#kopo💸米芝蓮🐥媽咪雞蛋仔讀U時食既媽咪雞蛋仔 仲係係紅磡既一間細舖 似兩夫妻開 👩🏻女人負責Mark 單 🧑🏻‍🦱男人就落手整個陣最鐘意食佢地既朱古力粒粒格仔餅🍫 🥰 熱溶既朱古力粒加上雞蛋既香味💙正去到今日 已經開到分店到處都係👀Menu 仲愈黎愈多花款今次試試新口味🤩咖啡格仔餅 $25 🔖4.2/5分- 咖啡味☕️夠突出 不會被花生醬蓋過- 一定要即食 外脆內軟🥰- 花生醬份量適中 邪惡得來唔會覺得太膩😈📍 媽咪雞蛋仔 (尖沙咀)尖沙咀科學館道14號地舖#kopo荃灣線#kopo西鐵線#kopo甜品#hkfoodie#foodiecouple#hkfoodblogger#hkfood#foodiegram#hkfoodiecouple#foodlover .

難得假期老公卒之肯同我去街所以我今日就放棄生酮一日啦放棄生酮第一件事想食嘅就係想食雞蛋仔老公話尖東有間雞蛋仔跟住我哋行到去發現原來係好耐冇食嘅媽咪雞蛋仔以前喺紅磡做嘢嘅時候紅磡嗰間雞蛋仔我哋間中都會幫襯好耐冇食，試吓有冇唔同先其實本身我係想食原味但係黎到媽咪雞蛋仔又冇理由食原味啫雖然我停咗生酮，但係都唔係好想一下就即刻肥到死左揀右揀，最後揀咗抹茶自我感覺良好以前喺紅磡通常都會食朱古力粒雞蛋仔佢啲雞蛋仔入邊真係有朱古力醬爆出黎不過抹茶味都唔錯可能攤得太耐，而家又要炆口罩又要清潔雙手先可以食嘢，所以食嘅時候雞蛋仔已經唔係最脆嘅時候變咗偏向硬少少但係個味道都唔錯嘅

/ 二月十四情人節，又係年初三赤口既大日子，當然係同男朋友去拍下拖啦😛🙈喺又未到食晚飯既時間，我地就經過尖沙咀既「媽咪雞蛋仔」(男朋友都驚餓親我會開佢波🥲，因為適逢今日係赤口，佢都好驚我要應下節而鬧下佢🤣)其實「媽咪雞蛋仔」真係聽就聽得多，都係第一次食👀我地order左：📍香蕉朱古力雞蛋仔 ($32)💬香蕉🍌同埋朱古力🍫都係我好鐘意食既野，夾埋一齊咁配落去雞蛋仔真係幾唔錯😋，不過我地都覺得略貴，食一次半次就好🙆🏻‍♀️！

同朋友係尖沙咀食飽後大家都想食小小甜野即刻諗到媽咪雞蛋仔我地叫左個黃金雞蛋仔share佢呢款係top 1黎嫁😋真係好好食 咁多年都無變過如果唔係食飽既款 都好想試埋佢地d飲品

過左午餐時段, 又未到下午茶, 買個小食止下口痕, 首選都係雞蛋仔或格仔餅, 2個人Share黎食, 份量剛剛好.雖然有好多口味, 但通常我都係會食原味, 視乎當時想食淋野定脆野喇. 想食脆野既話, 梗係揀雞蛋仔啦, 雖然今次我唔係食哩樣, 不過都推介一下, 雞蛋仔係好香蛋味既, 外層好脆, 入面少少軟墊, 唔會好似出面, 一係好硬, 一係好淋之之咁.而格仔餅點解係屬於淋野呢, 其實佢個皮都係有少少脆口既, 不過因為入面D醬, 好多花生醬同少量煉奶+砂糖.但係今次個花生醬整得稀左, 一路食一路向下流, 最尾個袋充滿晒花生醬, 雖然未至於一手都係, 不過係街邊食, 始終唔係好方便. 但係又香又脆, 就原諒佢啦, 希望有待改善啦.

Only one women handling all stuff in this waffle shop, and there are still many people come and waiting to buy one lol, guess this is so popular and they have different branches and not hard to find a shopOrdered Earl grey egg waffle, the layer is so crispy and the taste is quite special, with some chocolate inside the waffle, good taste haaa, lately earl grey become a new popular flavor , many food adding this new flavor, tea flavor of earl grey which is quite fresh instead only having sweetnes

Geo條👅評分：⭐️⭐️⭐️ (5⭐️最高）原味格仔餅 $22好耐冇食過格仔餅經過媽咪雞蛋仔就買咗底原味嚟食吓😜媽咪雞蛋仔不嬲都幾好食，我最鍾意就係佢哋香蕉朱古力🤤格仔餅就覺得都唔錯，原味格仔餅勁多牛油🧈同花生醬🥜，感覺好邪惡呀😂🤣但格仔餅個質感就同我想像中嘅唔一樣，因為我expect嘅格仔餅係舊式果款，軟軟哋再加少少脆身，媽咪雞蛋仔呢款感覺就似配雪糕食嘅waffle格仔餅多啲，口感係脆身偏硬，但整體感覺都ok la😊我都係鍾意食佢哋雞蛋仔多啲😜#邊度有舊款港式格仔餅好食呢？🤤

「媽咪雞蛋仔」不嬲都有食開，我一向都鍾意order粒粒朱古力味雞蛋仔，佢半溶半凝固既朱古力令到個雞蛋仔流心得黎又有口感，今次悶悶地識下新口味「黃金雞蛋仔」。《黃金雞蛋仔》同其他口味一樣，雞蛋仔外脆內軟，雞蛋味好香，但咸蛋黃味略嫌有點不足，沒有「起沙」既口感，同我想像中有點出入，我覺得依個味道筲箕灣有間「低x高x雞蛋仔」更出色。

太耐無出尖沙咀 咁岩今次去開個頭拎蛋糕 突然諗起好想食雞蛋仔 尖東個頭梗係揀媽咪啦 同埋而家除咗呢d連鎖既 都唔知仲有邊度既雞蛋仔好食 其實佢有好多口味 但我淨係鍾意食原味 過下雞蛋仔癮就算喇 去到都有幾個人等緊 我地大概等左10分鐘啦 都算快 好好食既媽咪雞蛋仔 水準穩定 太耐無食 所以覺得好好味 外脆內軟 同埋成底雞蛋仔個外皮好滑 唔似以前食既雞蛋仔皺皮咁 蛋味都香 睇睇下佢個menu 原來佢有珍珠奶茶 仲有香式奶茶 但費事再等 今次無叫到 下次試下先

店外经常有人在等候，平时起码要等15至20分钟。今天经过时居然没看见人，就买一份回家吃。看见店外的餐单，鸡蛋仔的配搭多了，口味也变得更多元化。本来是想买最便宜的原味，但见到有肉鬆芝麻的馅料，觉得特别，就试试看吧。付了款稍等了一会儿就拿到，闻到香喷喷的鸡蛋仔独等蛋香，确有点诱惑。没有当场吃，回家后皮已经变硬了，但没影响到它的味道。中间放了芝麻和肉鬆，咸甜交错，加上芝麻和蛋香，跟传统的原味确是有很大的分别。说实话价格不大实惠，但喜欢这儿时味道，偶尔吃一次吧！

=====================📍外脆內軟雞蛋仔 -- 媽咪雞蛋仔🧇💁🏻‍♀️好耐無食媽咪啦🥰前排同朋友去開紅磡食嘢順便過埋去尖東食🤤今次試咗新味同加埋雪糕😋------------------------------⭐️伯爵茶朱古力雞蛋仔(+雲呢拿雪糕) 份量好大份，兩個人一齊share食會好啲😚雞蛋仔外皮香脆，朱古力餡味道香濃，而且係苦苦哋，唔會太甜膩🤤口感帶少少濕潤同煙韌👍後勁滲出伯爵茶嘅幽香❤️將雞蛋仔點埋雪糕一齊食，一凍一熱，味道好夾之餘仲啖啖衝擊味蕾😂------------------------------賣相：7.2/10味道：7.6/10性價比：6.8/10回頭度：7.2/10------------------------------店舖資料名稱：媽咪雞蛋仔地址：尖沙咀科學館道14號地舖前往方法：紅磡站D1出口

Mammy Pancake🐥 Hong Kong Style🇭🇰💫..雞蛋仔🐥，係港式街頭小食代表之一。港式味道，平日都會想回味一下，媽咪雞蛋仔，平日出街都成日見到，14間分店真係好難見唔到👻。今日行經尖東，眼見好多店舖都閂舖了，疫情下傍晚的尖東，燈光下更顯得份外滄桑，真希望疫情快快過。.見到媽咪雞蛋仔🐥，呢個景象下，好想吃一底，回味一下，亦想支持下港式街頭小食，要撐下去啊啊啊。..ll $55Salted Yolk Egg Puff w/ Ice Cream帶咸香味既雞蛋仔🐥，甜甜中帶點微微咸蛋黃香💛，加配雪糕🍦，一口雞蛋仔，一口雪糕，真的有點冰火交融，吃下倍感特別。.ll $25Fresh Lemonade Smoothie然後來一杯鮮柞檸檬特飲🍋🍋🍋，超酸甜 超清新 超開胃，很合我胃口呢。好喜歡吃檸檬的我 覺得很不錯喔🥰。..一款從小吃到大既街頭小食，你又愛嗎❓..×××××ש尖沙咀東科學館道14號新文華中心地下16號鋪（港鐵紅磡站D出口）..

前幾日又到左極少數無帶飯既日子，天氣又熱，又唔想食熱野。經過【媽咪雞蛋仔】見佢地promote緊雞蛋仔雪糕，不如就試下啦。可以自選任何一個口味雞蛋仔搭配雪糕，只要補差價就可以啦。今次叫左宇治抹茶抹茶朱古力雞蛋仔搭配雲尼拿雪糕，抹茶味唔算太濃，但朱古力好多，一啖就有好多朱古力，唔會太甜，搭配雲尼拿雪糕，一凍一熱好正！另外仲試左港式奶茶系列既黑糖蒟蒻奶茶。奶茶好濃茶味，但唔會澀，奶又夠多！黑糖蒟蒻又好特別，唔似珍珠，但又有珍珠feel！超級推薦黑糖蒟蒻！呢兩樣野食搭配真係超級飽。推薦OL或上班族可以當午餐食！