媽咪雞蛋仔

Open Now

Now Closed

行過見到開得咁靚就望下，聞落都好香之前成日心思思想食個人比較鍾意食鹹味雞蛋仔多過甜味一出爐，攤出黎外脆內軟好正今次叫左🌟鳳凰卷雞蛋仔 $34之前都食過，成塊紫菜上，鹹鹹地(˶‾᷄ ⁻̫ ‾᷅˵)但今次就算新鮮整出黎，都好厚粉好冧有啲小失望不過好好奇，點解前面幾個人既雞蛋仔都係用紙袋裝，我呢個就係一個咁精緻既袋仔，好靚😹估唔到以前係街頭街尾既雞蛋仔，由讀書食到而家開到入大商場，仲要咁靚仔暫時都仲係我雞蛋仔既no.1🤣

大名鼎鼎的媽咪雞蛋仔，成日聽到但一路未有機會試，今日路經屯門市中心見到，終於有機會試了有好多創新的味道選擇。 作為芝士控，當然立即選了雙重芝士雞蛋仔。 落左order後，店員立即親手整作，成個過程可以透過門面的大大玻璃睇到，見到店員重重地落左好多芝士，已好興奮期待大約5分鐘左右，就收到熱辣辣的芝士雞蛋仔。 粒粒都有芝士，又有蛋味，軟熟又熱辣辣，令人立即食不停口，絕對係好品質的雞蛋仔當食悶左傳統的雞蛋仔時，創新口味的雞蛋仔不妨一試芝士控首推食雙重芝士味啦！

之前食過幾次，好鐘意食佢啲雞蛋仔😋。次次都係即叫即整，所以就要等一陣，即整真係好香好脆，又熱辣辣😝。🔅抹茶雞蛋仔 ($25)鐘意佢既抹茶係真係抹茶，唔係綠茶！(中過綠茶伏既應該明我講咩😂)。好香抹茶味，每粒都好脆，食到一半已經feel到好熱氣🤣。🔅粒粒朱古力 ($25)第一次食以為求其撒啲朱古力粒，但食落真係每一粒都有朱古力粒！啱晒我呢啲朱古力fans 😎，不過怕甜既就可能唔好叫呢個🤣💬雖然呢間成日都幾多人排，同埋佢一整完仲會吹一吹風先俾我，但食好野真係要有啲耐性🤤。

行街🚶‍♂️冇野做🤷‍♂️，見到屯門(媽咪雞蛋仔)🏠😋就買2個食下🍽，又睇下好唔好食🍽：原味雞蛋仔加士多啤梨🍓雪糕球🍦：原味雞蛋仔加朱古力🍫雪糕球🍦：兩種一齊解說下先：唔好睇見好似好簡單🍭，雞蛋仔要做到外脆內軟真係有啲難👍，呢間鋪🏠就做到呢個效果啦👍，雪糕滑🍦，唔太甜，加埋一齊食恰到好處😋，整到一粒雞蛋仔都有幾種食法真係十個讚👍。希望大家都去試試🥰！如果10星🌟為滿分一定有10星🌟☂️以上為個人意見☂️🙇‍♂️(如有意見分歧者煩請見諒)🙇‍♂️

▶️一直好鍾意食佢嘅咖啡味☕格仔餅🧇今次試下新味雞蛋仔😋檸檬芝士味雞蛋仔🍋🧀🥚外脆內軟，好似食緊檸檬芝士餅🥧，好足味，都幾好食，酸酸地唔會食得多滯；因為一整完就用風機吹，所以唔夠熱辣辣⚛️檸檬芝士味係唔錯，但係$35係真係有d小貴，下次我都係會食返咖啡味格仔餅😆

喺屯門漫無目的地行街，心情低落的時候，經過呢間小食店，覺得呢啲小甜品有令人充滿幸福感，於是就決定要買啦！❤️金沙醬格仔餅 $27價錢比我想像中平，份量好多，啲金沙醬食到最後漏曬落個紙袋上，但每一口都滿滿嘅醬，我覺得好甜好鍾意，真係好有滿足及幸福感！但一個人食有少少膩，可能share會比較好！因為我攞走食，所以皮會冇咁脆，少少可惜了！😭 我見其他人應該係買雞蛋仔所以有個小紙袋，但我冇，外賣就有少少麻煩，因為要好怕醬會漏⋯可以改進一下呢點！

第一次幫襯明明整得好好食，外脆內軟，今日諗住食過返尋味，點知咁淋又無味，水準好飄忽，對佢好失望， 希望之後可以改善下，至少整返硬身少少。唔知係咪多人幫襯keep 唔到

行經屯門，見到有人手上面拎住一個好特別嘅紙袋喺度食雞蛋仔。跟住我即刻想#開飯啦去搵究竟呢度附近邊度有雞蛋仔食(所以睇吓包裝係幾咁重要😂)。然後，我一搵就搵到附近原來開咗媽咪雞蛋仔。係我屋企附近，以前都有一檔媽咪雞蛋仔，每次行過我都要買一底，仲要係我覺得最好味嘅蜂蜜雞蛋仔，但自從呢間冇做之後，我就好耐都冇食過。我本身勁鍾意食雞蛋仔，一嚟係因為呢個係香港人嘅美食，二來係因為當然佢真係好好食😋所以，今次見返佢就一定要買返一底嚟食。一睇餐牌，佢淨係雞蛋仔都有22款，最後我揀咗一個雙重芝士。一整完熱辣辣就即刻食，不過可能因為我鍾意食芝士，所以就算個皮好甘香鬆軟，我都略嫌佢個芝士味其實唔係好夠重，反而係比個蛋香蓋過咗。如果佢個芝士可以再重手啲就更加好，下次如果再嚟，我會買伯爵茶味或者鹹蛋黃味，又或者會來試一試佢個夾餅。...#FoodieS #Foodis屯門 #屯門美食 #香港美食 #雞蛋仔 #媽咪雞蛋仔 #eggwaffle

買左個抹茶味既格仔餅 抹茶味唔算濃，對抹茶控黎講係有啲失望既。內涵花生醬同砂糖比較突出！花生醬夠香夠甜，配埋砂糖就更甜。頭嗰幾啖係好食既，但之後覺得膩。唔鍾意食太甜既可以試下叫少啲糖。整體其實唔錯

今日去屯門市中心行街，最後見到這間媽咪雞蛋仔超想食，所以同老公一齊買一齊分享好多客人排隊買加等待取食物飲料，這間是青年人一齊合力製作，乾淨有效率，好合作又快手款式幾多選擇，夾餅鄧雞蛋仔！飲品也有選擇，有套餐優惠我們點了新味道：芝士檸檬雞蛋仔製作後放在風機下吹了一陣才送上，用一個靚靚手提紙盒裝，都幾靚又乾淨這個芝士檸檬味好清新好特別，微微咸香芝士配上清新檸檬味，外脆內軟，口感不錯老公點了凍鮮檸檬水，有驚喜喔！酸酸的檸檬汁好清微甜，幾解渴

媽咪雞蛋仔，久仰大名啦！屯門開咗分店，緊係要食下～食過一次之後，發現唔係空殼雞蛋仔，真係太好啦～內裡軟綿綿嘅質感，太好味啦⋯⋯所以我之後，都再食咗幾次🤤連妹豬都好鍾食哦！除咗雞蛋仔外，都有飲品架，一杯宇治抹茶，比平時嘅綠茶濃厚，一路食雞蛋仔，一路飲杯茶，係另一個享受～

🔱今次要介紹嘅食物就係位於來自屯門📜”媽咪雞蛋仔 (屯門)📌 地址: 屯門屯隆街2號屯門時代廣場北翼3樓38號舖🕐營業時間:1230-2000🍽分店地區:很多📝評價💬📢1️⃣粒粒朱古力味雞蛋仔 $25熱辣辣即叫即製😍香噴噴朱古力味🤎🤎🤎食食下仲會有溶咗嘅朱古力 🤩🤩🤩太幸福了💕💕💕💕又靚又食得😋😋😋😋正！係大型商場入面竟然可以開到媽咪雞蛋仔真係好神奇😆😆😆仲要咁大間同咁靚🎊🎊仲有其他味道都好想試🤫KS評分 5分最高🏵環境指數:⭐️⭐️⭐️ ⭐🏵味道指數:👅👅👅 👅🏵抵食指數：💰💰💰🏵回購指數:❤️❤️❤️❤️歡迎餐廳合作/試食🥰 可DM聯絡📩

朋友推薦的新店，驚喜的是在屯市又有咁上下格調，格仔餅與雞蛋仔的售價不算很貴。.選擇挺多，在雞蛋仔同格仔餅之間？抹茶與咖啡味之間？抹茶與抹茶金莎醬之間。過左好多人生交叉點。結果要了抹茶味格仔餅（$25）只要同店員講，佢就會細心的幫你切半，並包裝好，呢點真係加很多分❤️.口感好煙韌，外脆內軟。雖然抹茶味被花生醬味蓋住了，但CP值算高❤️

雞蛋仔都係其中一樣我記掛住既食物🥺🥺🥺🥺🥺🥺 記得去外國之前食過一次媽咪雞蛋仔係尖沙咀😋😋😋當時都大掛長龍嫁!!!一直對佢既抹茶紅豆雞蛋仔念念不忘🥰🥰🥰今次番到黎, 發現佢開左好多分店,竟然有一間係屋企附近 即刻去懷念一下個抹茶紅豆雞蛋仔,即熱即整!!!熱辣辣, 抹茶雖然唔係大濃但紅豆既份量夠多!😍 仲有好多味! 下次要食其他味

很久沒有吃過雞蛋仔這種懷舊小食，但實在很好奇市中心租金咁貴都可以開到的雞蛋仔專門店，所以決定一試。假日是很多人買的，不過今日是平日，完全不用等。既然決定試新嘢，就揀左我最愛的配搭綠茶加巧克力。口感外脆內軟，抹茶味不算太突出，被巧克力的味道完全蓋過了。但整體而言是好吃的。而且份量挺大，二人吃也可以👍🏻由於價格不便宜，如果可以買半份收半份價錢就更好了。