萬芳冰室 (建德街)

Open Now

Now Closed

今日5點半黎到元朗萬芳冰室，叫左炸雞脾配沙律$40，配沙律加$3，飲熱檸水，共$43。炸雞脾係師傅即點即炸，不時聽到後面廚房傳來炸物聲音。一上枱見到隻炸脾真係好大隻呀，有成隻手掌咁大。D皮炸到好香脆，其實平時我係唔食肥笠笠既雞皮，但係師傅炸得實在太香脆，真係忍唔住食埋邪惡既雞皮。食落好似食緊有雞味炸脆片咁，好香脆美味。加上裡面雞肉肉質嫰滑，再加埋沙律一齊食真係毫唔油膩。食完大大份炸脾脾沙律，飽到晚餐都唔洗食~

常餐係我茶餐廳必食既其中之一個餐，叉燒意粉配煎蛋火腿，簡單得黎，但充滿香港既特色！臘腸鮮雞煲仔飯飯一黎到，店員話可以先落豉油再焗一分鐘先食，豉油偏甜，有自己調教過。臘腸係用左榮華臘腸，有質素保證，唔會好油好肥。雞件都有唔少，夠送飯，幾滑。飯份量一個人會食唔曬，可以分兩個人食。食到最尾都有啲飯焦，但唔多，如果唔鍾意食飯焦就啱曬。之後仲叫左杯奶茶黎試試，奶茶香滑，無話偏重奶多茶多，份量一半一半，但就唔太夠熱。就算係涷左都好好飲，好少茶餐廳做到甘嘅效果。推薦！

今日同友人到元朗拎野，友人推薦黎到依間萬芳冰室。餐廳鋪面十分懷舊，令人有種情不自禁甘想行入去但餐廳內係需要搭枱的（不能接受的人需要考慮一下唷）生煎洋蔥大豬扒飯（$52）顧名思義大豬扒飯，塊豬扒真係好大塊啲肉完全硬，反而口感幾好鮮味豬骨湯底配叉燒米粉（$44）普通茶記常餐配腸仔煎雙蛋加埋烘底麵包簡直係絕配加埋凍飲都係加$2其實黎到食佢既懷舊都回本，價錢唔算貴野食大大件，絕對係午餐之選，除左迫左d外。

最鍾意就係你萬芳冰室度食早餐，因為近呢度嘅早餐去到11點半，遲起身嘅懶瞓鬼都好容易趕得上早餐嘅時段，不過通常星期六日臨近10點11點呢一啲時間都會排晒長龍要等位，呢度嘅早餐款式有好多唔同嘅ABCDE俾你揀，其中我比較鍾意食佢嘅雞扒。不過今日食嘅雞扒好似冇之前咁好食，個皮冇之前咁脆。另外加錢要咗個通粉，全部味道都係中等。不過通常嚟呢度食都要搭枱，而且啲枱都擺得好密密麻麻，基本上都係貼住其他食客一齊食。

係好懷念裝修既冰室😳 Tiffany blue 既裝修！而家入面重有好多懷舊野食🥰中午都幾多人！🎈沙丹豬流感飯（$54)上面首先有一隻太陽蛋，菠蘿，火腿，重有豬扒！下面有一大個飯配甜豉油🤤！豬扒超大塊！而且超軟😻！ 太陽蛋汁撈飯配甜豉油撈飯真係無得輸☺️🤤 菠蘿就令到濃味中帶番d 小清新👍🏻🤤🎈炸雞髀薯條（$40)😳嘩！果然係招牌大炸雞髀🥰一上台嘩左一聲!而且炸得好鬆化！一切落去勁脆！「卡卡聲」好似乳豬皮咁😳 而且雞肉好厚而唔會乾！👍🏻🎈熱奶茶（$18)傳統既茶餐廳奶茶👍🏻正所謂茶香奶滑🥰🎈紅豆冰（$26)上面真係有一球冰😆 紅豆夠淋！而且好大杯🥰睇完menu 都重有好多野想食下次黎食下早餐先🤤

Facebook周不時都見到有人推介呢間冰室既大雞髀，今日終於忍唔住黎左試餐廳原來係台灣品牌，即使飄揚過海開分店都係合理價錢包野飲。檸檬新鮮唔澀，好怕飲到唔靚既檸水特大豬扒果然名不虛傳，兩大件好抵食，完全蓋住哂啲白飯豬扒偏薄，肉質好嫩一咬即開。洋蔥唔會太生，加埋豬扒煎出黎既油撈飯好香口，頓時食慾大增出哂名既大雞髀等15分鐘係值得咖，大隻到突哂出碟皮脆肉嫩，好厚肉，咬落去啖啖滿足，雖然係炸但入口唔油。見隔離幾枱都食梗煲仔飯，好似好多餸又幾出色，下次再黎一定要試下

萬芳冰室係元朗人都認識既老牌冰室，食客都係街坊街里，有濃濃既人情味。放工後諗唔到食咩，就會近近地同媽媽約係萬芳食飯～冬天當然要食暖笠笠既煲仔飯啦～同媽媽每人叫左個，臘腸排骨煲仔飯$48臘腸佢地係選用榮華臘腸（家家讚賞😛）員工仲提醒我地，加左醬油蓋住焗多一兩分鐘更加入味好食，排骨好滑，肉唔老，再加飯焦，好食到暖入心～豪華花膠北菇煲仔飯$88花膠好足料，餐牌食明有60g,好抵食！仲大大舊菇，真係無得彈，另有花膠汁可以點住食，酸酸甜甜咁同花膠好夾😋而且菜心恰得岩岩好，所有火候都掌控得好好！飲品杏霜都好出色，甜度岩好，唔驚似飲糖水咁,香味俱全～

元朗-萬芳冰室：咖喱薯仔牛筋腩飯（hk$55)，沙丹豬扒飯（$52）-作為一個死港女，我實在唔喜歡食茶餐廳，但總有例外，尤其係高質既，例如萬芳。萬芳懷舊味濃，出品一向唔錯，向來都係一間排隊名店。沙丹豬扒飯，一隻晶瑩的荷包蛋下是一塊厚切菠蘿，是畫龍點睛既重點。第一次食萬芳的咖喱薯仔牛筋腩飯，發現原來萬芳除左炸脾同沙丹豬扒，咖哩都好得👍🏻，牛腩好淋，切條，大細則好好方便食，薯仔入哂味，正正，送飯一流。奶茶和茶走也是優品。呢度仲有不少懷舊飲品可以選擇，時光倒流40年！

今日我特然想食炸雞脾， 所以我又同朋友去我至愛嘅餐廳「萬芳冰室」食Tea!今次叫咗《招牌生炸大雞配薯條》，雞髀真係好大隻， 肥美厚肉， 醃得惹味， 因為即叫即炸， 所以特別脆囗， 雞髀外皮生炸至金黃色， 外層脆卜卜， 內裡嫩滑， 雞味十足， 點上茄汁就一流啦! 配上熱辣辣脆卜卜嘅薯條， 非常美味！ 萬芳嘅《紅豆冰》 都好出名， 紅豆大大粒， 煮得啱啱好， 軟硬度適中，最緊唔好太甜， 味道好啱我。 朋友就叫咗《豬扒撈丁》 ， 豬扒份量都唔少， 肉質幼嫩， 仲有肉汁， 唔太乾， 好食！

Good morning🌤又到打工仔最愛嘅weekend💋出去行完山🖼來一個豐富的早餐🍽對自己好點😘去萬芳就想試下邪惡的......😈生炸無敵炸雞脾🍗點解可以大隻到咁架？👅大過塊臉🤪大到傻左雞皮香脆可口😙經過油炸😋雞肉依然嫩滑多汁感覺不會油膩😌牛肉米粉🍜配豬骨湯底牛肉軟腍🐮米粉份量多萬芳咖啡必叫☕️出名香濃唂咕係另一個不錯選擇😉味道似朱古力🍫但比一般朱古力更濃郁甘香🥰

We came all the way to Yuen long to visit this popular traditional Hong Kong chachentang! I’ve been hearing a lot of good things about this place - especially their huge ass fried chicken with fries. we ordered two of their popular dishes - the fried chicken with fries and their pork chop rice dish! the drinks came first, the staff suggested the red bean ice with milk 🥛 it was so delicious and traditionally made. the first rice dish them came, with a mixture of pork chop, ham, topped with soy sa

今日又來萬芳冰室到嘆反個lunch，自從上次食過一次炸大雞脾之後，一直念念不忘，好想再來食過生炸大雞脾🤤🤤真係有我隻手甘大隻架，塊皮炸到脆卜卜，食落唔會太油膩，另外雞肉炸完都仲好滑，甘大隻雞脾炸到岩岩好，真係好抵讚今次+$2，試下個蟹王麵份量比起岀前一丁少d，但個人喜歡呢款多d，因為無甘咸，麵質爽滑彈牙，麵身口感頗似出前一丁，未食過既都可以一試咖哩魚柳飯魚柳遠睇好似塊豬扒一樣，而且仲係有厚度架最鐘意係佢只係表面煎過，無落炸粉，食落淡淡魚肉，咖哩幾香滑，唔係辣既

—常餐($42) 比早餐時段貴幾蚊 就多咗餐肉/腸牛肉意粉 火腿炒蛋 牛油多士個粉有菜搭😂 厚切火腿 炒蛋黃澄澄烘過嘅多士加上熱溶哂牛油 如果有埋煉奶就好杏仁霜嘅味道到而家都接受唔到咖喱薯仔牛筋腩飯($55)近排工作關係行得多咗 以形補形 要食多d牛筋補充吓咖喱汁香濃唔太辣 送飯一流牛筋牛腩比例一半一半如果有嘢飲跟埋就好——————————————————————萬芳冰室元朗建德街35-55號時景花園地下10號舖

呢間萬芳冰室嚮元朗，位置好難搵，依家周街都係茶餐廳，有好多唔同風格嘅，而萬芳冰室就係一間sell懷舊風采嘅茶記。呢間冰室唔知點解有好多人慕名而來，所以最好就嚮啲冇咁多人嘅時段，例如閒日下午茶時段，否則人多嘅話有排你地等。冇錯，懷舊嘅冰室通常都係賣果幾樣野，各式三文治、雞比薯條、西多士、豬扒雞扒雞翼撈麵、紅豆冰菠蘿冰之類嘅嘢飲嘢食。我同四個朋友就嗌咗上述圖片嗰啲嘢食，都覺得冇乜特別，個雞髀係炸得幾出色，但其實好多地方啲炸脾都好好食，但呢間個價錢實在好貴🤧豬扒撈麵都係一樣，睇得出成本好低但係價格就好高，個麵就冇乜特別之處而且有啲乾。反而食返一個平凡嘅西多士，價格唔算貴但又有一定水準，脆得來麵包同醬嘅比例適中，同埋杯紅豆冰都算好味！總括來講，嚮呢間冰室可以感受到一啲懷舊嘅氣氛同食物，但啲食物都好平凡而且價格比其他冰室或茶餐廳貴，我都未必再專登走入去嗰邊食。

今日又去咗元朗玩 其中一個目的係去試下呢間好出名嘅文青食店 萬芳冰室 喺ig已經出曬名 平日嘅下午茶時間嚟到 依然人山人海 外面用咗吸引嘅tiffany blue做主色 入面仲係懷舊式嘅裝修 連餐具侍應嘅服飾 都好統一見到隔離枱嘅生炸雞髀沙律 勁大份 但我始終想試沙丹豬扒飯 事關有我最愛嘅甜豉油汁 加上一隻香煎流心太陽蛋 撈飯一流 而且仲配有原塊菠蘿片 火腿片 同埋巨型香煎豬扒 火腿片係厚切 好有口感而且一啲都唔肥豬扒夠香惹味 唔使落太多調味料已經夠曬突出你懷舊冰室點可以唔試下呢度嘅奶茶 仲叫咗茶走 即係入面加上煉奶 奶味香濃 而且仲有淡淡嘅花奶味 同時茶底甘香 唔會苦澀