萬家燒餅皇 (Closed)

很少行登打士街,個日行過見到此間小店圍滿人,好奇一看...香港都有胡椒餅?不是台灣專利出名小吃來的嗎?於是等左成五分鐘,為吃一次香港新鮮出爐胡椒餅.焗法: 台灣是有一個專用鐵爐,餅餅黏在鐵爐內壁上焗熟; 而香港是用普通焗爐, 台灣型的外皮: 台灣是硬脆,有芝麻放面,所以很香; 而香港有點酥皮feel, 但一點不油,師傅個皮做得好, 各有各好餡子: 其實台灣胡椒餅不太辣,勝在肉靚同香, 咬時肉汁有爆漿+'陸'親咀危險,但又忍唔住會在很熱時咬下去,有點'明知山有虎,偏向虎山行'的感覺 香港的是名副其實胡椒餅, 肉同菜比例差不多一比一, 吃時雖沒有爆漿危險, 但內有大量胡椒, 辣得來很痛快, 同埋多菜,很適合我此等減肥人士吃,犯罪感冇咁重個人感想: 如果可以將台灣個皮包香港個餡就好 ......佢好似有很多不同燒餅, 下次一定要試!!

其實出開旺角 見肚餓 都會黎呢度買燒餅食因為10蚊1個 大大個 又飽肚又好味今日1次過買晒3款佢地既招牌餅黎食1次滿足晒3個願望武大郎 入面d肉有菜圃 辣辣地 好惹味而且個餅唔乾 一啖咬落去 簡直係享受燒餅王 感覺上係細舊版既武大郎味道冇武大郎咁辣 加左d蔥係面 幾香口如果撞正新鮮出爐 塊餅真係卜卜脆小弟今日有幸試到新鮮既燒餅王 不枉此行!三串金蓮 只係類似沙翁上面加d沙律醬 非常一般總括黎講 如果好彩撞正新鮮出爐既話 就買燒餅王啦否則就買武大郎啦 兩個都係咁好味!

萬家燒餅皇---武大郎(菜脯豬肉餡餅)+牙擦酥(紅豆沙酥餅)日期：2009-10-13在"萬家燒餅皇"(旺角)買了"武大郎(菜脯豬肉餡餅)"($10)和"牙擦酥(紅豆沙酥餅)"($5)。"萬家燒餅皇"是本地一間中式餅點小吃專門店，始於2006年。1.武大郎(菜脯豬肉餡餅)---餡料是豬肉、菜脯(蘿蔔乾)和蔥粒。餅皮纖薄，口感微脆。餡料份量十足，豬肉肉質鬆軟，菜脯富嚼頭。豬肉用了小茴香、十三香、辣椒粉和孜然粉等十多種香料調味，香辣惹味。2.牙擦酥(紅豆沙酥餅)---牙齒造型的酥餅表面沾上白砂糖，餡料是紅豆沙。酥餅十分鬆脆，豆沙餡份量足夠，紅豆味濃郁，甜味適中。

回家前想食少少野. 才發現自己冇禁錢. 櫃員機的隊排到水蛇咁長左摷右摷被我發現身上還有13大元. 不能到添好運試個叉燒包. 就只好到萬家一嚐武大郎一向本人去親萬家都係買米餅. 去過3,4次都未買過一件武大郎. 鬼咩, 自己一個食點食... 咁大件武大郎厚度的確驚人, 眼望落去約左1吋半厚了. 聞落去已經好香首次嚐武大郎.一切開, 咸的確非常多, 皮薄.肉頗為結實. 幾多汁, 入面有d 韭菜, 蔥既味. 另外仲有點胡椒, 食落個口有點熱熱地. 食唔到既人可能會覺得辣個皮索晒d 肉汁, 林晒. 就好似浸過水的包咁. 認真麻麻, 如果換轉係燒米餅, 索過汁都依然煙韌, 就不大問題了.試過這個後, 個人喜好還是喜歡米餅. 但未試過武大郎, 又點叫嚐過萬家呢.

其實一直好想試~ 不過似似都唔記得左~有日行街見到~ 就醒起好想試好耐~就買左個武太朗黎試啦~ 見到大大個又新鮮~拎上手仲好熱~ 老闆好好人問~ 洗唔洗一分為二阿?感覺好親切~ 好啦~ 買左更係食啦~ 咬落去好多肉汁~D肉好有肉味~ 唔似用過梳打粉整過~而且大件夾抵食~ 一個人食好飽肚~ 下次路過會試埋其他~

果日同個fd去買野食 原本諗住去M記，但系成日食 決定搵d新野 諗到食燒餅皇，我記得間野岩岩開果時都去過 不過系好耐之前噶事 再次食翻，真系唔錯 塊餅脆脆地，不過好似d肉就少過以前 不過還系值得去食噶，因為食左一塊就已經飽曬啦

同蝦子餅失落於油麻地某一粥店，唯有再戰旺角先幫趁肥X小吃，再看見萬家燒餅皇的燒餅真係好吸引，終於唔放過佢試左蘿白絲燒餅 ~ 外皮軟綿綿，好香蘿白味同埋有D肉碎，味道啱啱好。正另外係胡椒餅 ~ 好香既胡椒味，辣辣地同好juicy。正正正一定會再幫趁

上年返學, 幾乎日日食飯都會經過這兒, 偏偏試盡附近的小食店還未試過這裏...這天因為大家的好評, 終於的起心肝去試......我是一個很怕肉的人, 當然要有人跟我share才會去試這個"肉餅"...但很難得...... 我居然吃完一啖又一啖...事關中間的肉不乾也不膩, 絕對沒有滿口肥豬肉的感覺~而且這種味道很特別, 很香~ (可能是因為我未去過台灣吃吧~)$10 真是超值喔~~最愛... 還是武大郎那個有點肉汁香的包面 XD"

我叫左個武大郎~ 咬了一啖後...覺得好鍾意食肉的人先可以攪掂佢~因為個肉實在太驚人了~我好勉強先食得晒~ 食完好飽~ｈａｈａ～但總括黎講都係好味的~ and 都好抵~我欣賞佢個餅～　個餅好香～個肉唔係熟肉~ 入面都有好多配料~ 有d 爽爽地~但辣辣地幾惹味～下次叫下其他先～

行經呢間店, 諗起自己都幾個月冇食過啦, 就買左個大朗食下啦~~一拎上手仲係好hot, 所以就細細啖咁食啦~~~直到咬到入肉, 肉汁不停滲出黎,入口非常香而唔會乾, 中段d肉仲好厚, 個皮沾滿左肉汁所以就咁食都好好味同我第一次食既感覺一樣, 果然幾個月後d水準一d都冇變, 抵讚!

尋日出MK整頭髮，整左成本個幾鐘，中午飯都未食整完之後心郁郁想食D煎餅，當下午茶唸起萬家燒餅王， 之前經開都好想食，今次終於有機會喇~見OR食評都讚，就買左個武大郎喇~新鮮熱辣， 個皮又薄又脆，入面D肉仲好大夠~YUMMY 呀~食一個都飽曬~下次有機會要試下燒餅王先~

10蚊一件唔算貴，食完仲會飽tim缺點就係味精多左d，食完要飲好食水

聽Openrice D人講萬家燒餅皇幾好食中於走左去試下燒餅皇~叫左個武大郎,同牙刷蘇都幾好食,但個武大郎就咸左少少,不過好似菜肉飽.好大舊,好抵食!!!牙刷蘇係紅豆蓉,都唔錯~

雖然打緊3號風球又落下咁...但都行左去好景附近尋找這間 <<燒餅皇>>...一試之下覺得同台灣既胡椒餅好唔同...台灣係用蔥&牛肉..而le 間係用豬肉既...皮薄又好酥...內裡充滿胡椒味道... 不錯! 而武大郎外皮好脆而且好大件呀!

每次出mk，只要一經過，點都要買個"燒餅皇"黎食！！第一次食係同小學同學唱K，佢地買左上黎，大家試下，點知我一食就上左癮咁，其實只係一塊好簡單既薄餅，上面有d肉碎同蔥花！！！初時驚會好乾但係d肉汁同個餅底，配合得唔錯，唔會太乾，唔會太濕，正~~~~~~最緊要係，次次去買個餅都係熱架，值得去試下，都係$10