文記車仔麵 (福榮街)

Open Now

Now Closed

超級足料車仔麵 四間分店 都超級多人排隊 好多人外賣或者堂食 大家排隊等叫面 嗌餸 好多餸都好吸引 叫叫下 就叫咗七十幾蚊一碗麵 特別推介 魚肉 同埋糖心蛋 雞翼尖都好好味好入味不過支菊花蜜就有少少甘甘地

Around $30 - $60Cart noodle is an à la carte noodle dish🍜 which became popular in Hong Kong in the 1950s through independent street vendors operating on roadsides using carts🛒with wide range of toppings. I love the variety of toppings Cart noodles provide so I can have everything I want in just one bowl without getting too full.In Man Kee, you can build your own noodles - from soup base to ingredients to noodles and finally the sauce. Personally I think Man Kee💛 has the best cart noodle in town😋

朋友介紹呢間車仔麵，所以黎試下。入到店內，員工幫我地探熱，一入去感覺新潮得黎又有懷舊氣息。餐牌牆壁上既佈置幾特別。好多食店內面都寫住不可帶外內飲品，呢間都唔例外。但見其中一個客人點餐前可能口渴，飲了一淡自己外帶樽裝水，被店員發現後大聲喝叫：先生，呢度唔飲得出面帶來嘅飲品！那位客人檻介得很，其實可以細聲與善意提醒。另外呢度點餐係用 sai pan筆寫餐牌點單再交比店員，等候約15分鐘，黎左個碗好大嘅面。可能來前有期待，食後發覺味道一般，好普通ge車仔麵。可能加了腩汁，味道略咸。飲品值得推薦，洛神花茶一飲有種去左花園嘅清新，心曠神怡，小小酸很開胃，小小甜而不膩！

深水埗真係有好多美食，不過每次黎深水埗都會心思思食返碗文記車仔麵。我鐘意佢個瑞士汁湯底，加埋麻辣仲更加野味。基本上佢用嘅食材都好高質數，我地隨意叫左豬手、魚片頭、八爪魚腐皮卷、辣魷魚全部都好好味，魚片頭好彈牙，豬手又好入味。今次揀左生麵麵底，又幾好味喎，有咬口又有麵味。整體價錢又唔貴，食完去隔離鋪買番杯椰汁奶，好滿足呀。另外想講下係呢段抗疫時期，文記改左用即棄膠碗同即棄餐具，同埋會控制堂食人流，等食客安心用餐，做得很好。

文記算係幾出名車仔麵，店內裝修以木作主打，鋪位唔算大，但可容納多人，一張大長檯放滿唔同既調味料，辣菜圃，荔枝醋，甜醬，麻油，魚露辣椒醬應有盡有，圈好食物後交比姐姐就可以落單，選擇都多比較特別係有花膠，亦有寫佢地推介既個10樣，瑞士雞翼，牛根，豬大腸，另加魚皮同蔗汁，雞翼同牛根都入味，但大腸就差少少，魚皮就同坊間買既係一樣，唔特別，蔗汁好甜，朋友既花膠水魷魚，兩樣味道都較淡，不過就份量多，坦白講唔算話好驚艷，好好食，不過就量多，可以一試，但未必encore

平靚正既車仔面🤤🤤一去深水埗最值得食既就係文記車仔面，先唔講好唔好食，個價錢已經多平民💕味道係高檔價錢🥰🥰所以成日都有人排隊😍每次去都一大班人係門口有不同味道既醬汁

深水埗文記車仔麵係暫時食過最好味車仔麵，本身唔係住呢區，都會特登過黎食車仔麵，食完會想再食。我同男朋友係生酮飲食，所以車仔麵麵係一個好選擇。玻璃魷魚係必食，辣得黎好爽，食完個咀都有少少痹痹地。流心蛋真係好流心，上次食過之後係特登返黎食佢👍🏻👍🏻湯底就比較鐘意腩汁湯，試過瑞士汁，但好似太甜，我自己就唔係咁鐘意！蘿蔔都係特別甜同無渣，牛孖筋又係炆得好淋，試過咁多款餸都好出色，好好味！平時都要排長龍，今日早食就唔使排隊！😋

收工想去個近近地既地方食飯經過呢間車仔麵見好人人排隊就試試佢2個人去食叫咗2碗麵，黎到梗係要食個雞翼，好入味而且肉質唔會話好‘鞋’特別推薦個魷魚好爽口又入味，不過有小辣唔食得既朋友仔要留意，然後蘿蔔鮮甜另外叫咗個酸齋同大腸豬紅，味道都一流，特別是大腸肥美 好有口感，酸齋開胃。

很喜愛這間車仔麵，今天叫了豬腸，豬紅，酸齊，牛孖根，豬油咋，雞翼。豬腸有細腸比你選擇，豬紅也不錯（但不是我食過最好食的)，也叫了最邪惡的豬油渣，很脆身。每一次都會食的，牛孖根也一般，瑞士雞翼也不錯但是不是很特出。另外腐乳通菜也是一般， 但可以減輕車仔麵嘅油膩感。