民華餐廳

Open Now

Now Closed

今日嚟東涌行山，所以要食一個豐富嘅早餐先出發。 嚟到餐廳已經好多人等緊位，我地都要等5-10分鐘先有得入去坐，坐落之後就叫咗個鮮茄牛肉通粉配餐肉炒蛋加熱奶茶。-鮮茄牛肉通粉先講下個湯底，係好濃郁嘅蕃茄湯底，甜度同酸度做得啱啱好😋 通粉唔會煮到冧晒，好有口感。牛肉就普通。-餐肉炒蛋睇相都見到個炒蛋做得超滑，超級好味，配埋個多士一齊食簡直一流，而且餐肉都煎得好脆。整體來講38蚊食到禁高質嘅早餐係非常之抵👍🏻

星期日一早想去踩單車 就係東涌食個早餐聽講以前都要排隊 呢排肺炎 但都坐無虛席$46常餐 凍飲+$3一叫左order 唔洗5分鐘就齊晒腿蛋/餐肉蛋： 炒蛋超正 好濃蛋香 同牛油味炒得好滑 應該係香港數一數二既炒蛋牛油多士可以揀烘同唔烘底 價錢一樣呢外+$2 搽 煉奶/果醬烘得岩岩好 外脆內軟😛沙嗲牛肉麵茶餐廳必食之選💛中規中矩 面係用大光面蕃茄叉燒米粉見到有蕃茄湯底都想試吓但係食落去太酸啦 襯埋叉燒唔太夾凍奶茶唔推薦凍檸茶正常👍雖然好忙但係啲呀姐服務態度幾好

來到民華餐廳叫了一個常餐及豬軟骨煎蛋飯。番茄叉燒通粉： 份量很多，但通粉過硬，就像是快熟通心粉的口感。叉燒比較乾身，亦都燒得不夠香，普通。蕃茄湯底蕃茄味濃，不會過酸。炒蛋煎得頗滑，有蛋味，不錯。香腸味道正常，不過不夠熱。多士有烘底，牛油亦揸得夠。茶飲叫了出面比較少可以免費轉飲的鹹檸水，只了咭了幾下，卻變得十分鹹，如果要點的話，建議咭一下便夠了。豬軟骨煎蛋飯： 豬軟體很腍及入味，不過份量太少。剪蛋有流心的效果，有蛋味。總括而言，民華的質素與普通茶餐廳無異，但價錢卻略貴，市面有更多比它更相宜的餐廳。

餐廳門口有一個好大嘅民華餐廳logo嘅招牌，行過都會引唔住望兩眼。九，十點入去食早餐，入面差唔多坐滿晒人，所以要同人撘枱。早餐嘅選擇頗多，仲可以揀要油多、占多、奶夠。

難得星期一有假放，決定去屋企樓下食個常餐慢慢嘆。呢間民華次次都大排長龍，今次早上8點到都等左十分鐘。黎到當然要食個沙嗲牛肉通心粉加火腿炒蛋配多士🍞。火腿就無咩好形容，都係現成野，但炒蛋真係不得了，加左牛奶🥛落去炒，炒至軟身順滑，啖啖充滿牛奶🥛牛油🧈香，而且份量吾少😚好好味。多士真係厚多士🍞，一食好似食左兩大片咁，而且填滿曬牛油🧈，好邪惡但外脆卜卜內軟林林，加番火腿係上面就完美了。沙嗲牛肉吾會死咸，而且味道夠濃，重口味之選，通粉浸過冷水，有點陣性而不是焾到一個點，咁先夠咬口。配埋杯奶茶☕️就真GOOD MORNING 🌞，價錢吾貴，員工服務態度好，唯地方窄，要食快點點比下一手。

<東涌算係食得下既冰室>住喺東涌全部深藍 領展 翠華 一粥麵 美心 等食肆 見到都反胃 , 喺冇乜選擇既情況下去呢間民華 ,出面其實好多分店 但對上一次食已經係 幾年前旺角。 唔講佢有冇表達立場 我好欣賞佢全部職員都好有禮 ,通常有禮既茶餐廳冰室都唔會藍得去邊 大家明架la😂叫左佢叉燒煎蛋飯同常餐 味道唔錯 👍🏻 🍴叉燒煎蛋飯 43 蚊🐷🍚飯既份量正常 熱辣辣 飯粒硬度正常 個豉油個香甜 呢個加分 蛋都煎得幾好 撈埋蛋汁既白飯好味🥚 叉燒份量都唔少 個口感幾煙靭彈牙。 如果可以出面燒得燶 d入面再肥美 d會更好🐷以冰室黎講算係十分唔錯 🍴常餐 46 蚊 凍飲加3 蚊👍🏻民華既常餐 朝早至晏晝係39 蚊。 之後就貴 d , 可以自己選擇唔同配搭 , 蛋既份量好少🥚扣分 但佢既嫩滑度同蛋味唔錯 腸仔冇乜特別 多士厚度唔錯 夠香脆 牛油味香 🍞呢個好味 蕃茄牛肉通粉 牛肉係滑牛 熟左少少有 d硬🐮 食得出佢個湯底冇乜落糖 純蕃茄味比例多 d 🍅蕃茄味香濃 通粉就正常冇乜特別Score 平均分 <7/10>Taste 味道：👍🏻👍🏻👍🏻Present 外觀：

生日當然要來個Good morning，我就嚟咗呢間好出名食蕃茄牛通嘅餐廳。9:00好快就已經有位，雖然入邊好多人但係睇得出佢哋嘅效率都好高同好快。坐低唔夠2分鐘叫完嘢食，即刻嚟杯凍檸茶飲住先。你一個麵包炒蛋餐肉間間茶記都有，但係佢好在即使咁多人都冇Hea做我個包，係空得好脆好香，時間啱啱好。主角終於出場，呢次我就冇叫牛肉通反而係叫咗個叉燒通，佢出名嘅蕃茄湯底就唔使多講啦，甜得來帶少少蕃茄本身應該有嘅新鮮酸味，二叉燒係半肥瘦，唔係好柴好乾嗰啲。呢個都係點解我嚟呢間餐廳第唔知幾多次帶叉燒通。生日當然要食啲唔同少少㗎啦，即刻帶咗個西多士，超級興奮🥰佢個西多士加埋蜂蜜同埋塗埋牛油，係識發光㗎✨✨

因為工作既需要入左東涌，見到lunch time既民華竟然唔洗排隊就入左去啦~餐廳既環境乾淨，感覺上唔似髒髒舊式既茶餐廳，座位位置唔算寛敞，但係食野都唔覺會太逼。呢到最出名既係鮮茄牛肉通粉，唔食牛肉既我又想試下鮮茄湯底，所以就食左鮮茄叉燒通粉。呢到既午市粉面餐要$44，包一個粉面、一份炒蛋、一個配菜(可以簡煎雙蛋、腸仔、餐肉)、一份牛油多士、同埋一杯熱飲，呢個價錢~不過不失啦！鮮茄叉燒通粉餐 $44鮮茄湯底濃郁，味道酸甜，令到通粉都好香，好好食。 而呢到嘅叉燒真係有燒過既味道！好香口，配埋個湯底就不得了~炒蛋炒得好滑、好香奶味~烘底牛油多士~烘得剛剛好，好脆呢間店既凍奶茶較重奶味~岩晒中意飲奶多既人！

因為工作而需在東涌食lunch見到民華餐廳外有不少人便決定一試餐牌選不太多但都會有款岩你今次試的是沙嗲牛米及薑絲牛麵飲凍奶茶早餐同常餐的選擇都係一樣但價錢不同早餐 $38 常餐中午 11點後$44上餐很快沙嗲牛湯米，湯底濃度適中牛肉約5 件 配炒蛋及多士值得一讚是炒蛋，很滑眼見其他食客都係要炒蛋，所以鐘意食炒蛋既要黎試下薑絲牛肉麵比想像中夠薑味，但不嗆連我唔太鐘意食薑 都覺得呢個唔錯如果趕時間，食呢間快、靚、正

同屋企人去東涌，見到間格局幾舒服嘅茶餐廳，就入去試吓。餐牌上選擇都幾多，我哋叫咗個沙嗲牛肉麵常餐、煎雙蛋配多士、仲有凍檸茶。呀媽想食點心，叫左牛肚、燒賣比佢。上菜速度快，侍應阿姐好helpful, 食物水準不錯。以常餐食物來講，絕對可以再試。嗲牛麵食湯底OK，烘多士加牛油正。至於中式點心，牛肚爽口味美，燒賣夠彈牙，估唔到呢度點心都不錯。望住餐牌，忍唔住試埋個西多士，配上牛油糖漿，香濃可口，厚身麭包做的多士，夠飽又好味，可以再食。

暑假一家大細有老有嫩入大嶼山宿營，中午途經東涌係時候要餵飽兩隻化骨龍呢！十年無入東涌，發現開左間民華，一於試試。好在我地到達的時候未到放飯時候，唔使排隊，但我地坐低食左陣，已經好多人排隊，睇黎佢喺呢區都好受歡迎。靚姐見我地一袋二袋又兩個細佬都好幫我地手settle down, 讚👍可以食茶記常餐同時又可以叫點心的地方不多，民華係少數之一。食物方面也不錯，常餐配搭有得揀，我地叫了义燒通，正常發揮，西多士炸得剛好配練奶一流但若果有花生醬就更好。好想highlight 個糯米雞，好足料🤤有义燒雞翼冬菇等。另外見到個义燒煎蛋飯好想食，不過要晚市先有？oh no。

今日入機場之前預鬆d時間係東涌食個早餐同行下outlet, 見到原來依度都有民華架喎! 平時食開旺角個間, 所以就毫無懸念咁入左去。坐低即刻叫番個最愛既常餐, 大熱天時當然飲可樂啦加埋檸檬添, 好欣賞佢比既碎冰, 簡直透心涼!多士同平時食開既一樣咁外脆內軟, 烘得岩岩好! 煎雙蛋今日有燶邊之餘隻蛋黃仲特別大添晨早流流食清少少啦, 就揀左榨菜肉絲米, 榨菜肉絲同米粉既比例都好好, 唔會話得兩條肉仔咁, 咁就為我提供左個元氣滿滿既早餐啦!!

比起一般的茶餐廳有水準。1130前的叫早餐（$38），1130後的叫常餐（$44）常餐包括一碗麵/通粉，炒蛋/煎蛋拼火腿/腸仔/午餐肉，多士可以烘，飲品。幾樣加起來一個人吃絕對夠飽。鮮茄叉燒通粉，叉燒半肥瘦，鮮茄湯個人覺得可以再濃一點，有點稀炒蛋夠滑香，火腿沒有煎過，烘多士烘得也剛好。蒸飯也有多款選擇飯粒夠香，也夠熱。健康簡單之選。點心方面，覺得不夠酒樓蒸出來的點心熱騰騰新鮮。金錢肚西多士，加了煉奶。大份滿足，夠鬆軟。

呢間餐廳系我無意中發現嘅。我去到東湧同partner見面，打開Openrice就見到呢間店。心裏覺得反正茶餐廳都唔會太貴，甘可以試壹下，結果呢間茶餐廳嘅味道居然甘好！*地理位置：東湧富東街6號富東廣場地下21號，港鐵東湧站A出口步行大概5分鐘。*餐廳環境：細細個，下午茶時間都full嗮要等位嘅。*服務態度：服務員auntie都好似澳牛嘅大叔甘黑臉...*菜品味道：我最中意沙爹牛腩通粉，味道好，湯好鮮架。奶茶嘅味道都唔輸蘭芳園。點心類都好味，仲好過好多茶樓。

今日好早就黎到東涌 先去食個早餐先 早餐都有abc餐5個選擇 咁我就揀左蕃茄牛肉通粉 鮮茄味都幾濃 同埋牛肉都算多 仲有餐肉炒蛋同埋厚多士 厚多士外脆 牛油夠晒 唔錯 蛋都炒得唔錯 唔會燶