麻Q辣

Open Now

Now Closed

之前聽朋友講，黎度有間好好食嘅隱世川菜店。於是買左碗酸菜魚，試咗幾好食，魚嘅份量都好足夠，我自己經常都會食。最近新出左個蕃茄濃湯肥牛片/鮮魚片，好濃嘅蕃茄味，配上QQ彈彈嘅川粉，令徹底愛上左佢！建議大家都可以試一下試過黎間嘅水煮魚片加魔鬼辣，真係超級超級辣，震撼到我嘅味蕾啊！建議食到超級辣嘅朋友快D去試！！唔係幾食得辣嘅朋友就唔好輕易嘗試啦有次仲同朋友一齊食左個小龍蝦，份量十足，又麻又辣，好吃!外賣自取仲有88折，好抵!

呢期好鍾意食酸菜魚，响外賣app見到呢間舖個名好搞笑，麻Q煩 🤣🤣，決定試下。叫咗個單人套餐-青麻魚片配苕粉包一罐可樂 $118，都幾貴，不過如果好食都冇所謂。外賣到咗分開2個盒，大碗嘅係湯同魚，細嘅係苕粉。大嗰碗成碗都係湯同花椒，魚片都係得三四塊，連配菜嘅酸菜同金菇都少得可憐，苕粉得半碗都冇。我一個女人食完飲咗半碗湯都唔飽 😭 雖然味道不錯，但係真係好過份，全部都係魚碎同姜。咁嘅價錢，真心唔值。以後都唔幫襯佢 😡😡😡

魚肉鮮美，份量慷慨。點了變態辣是真的會辣，辣星人很滿意。酸味和辣也平衡得很好。食材上感覺也是很新鮮的。湯底味道濃郁且不太油膩。配料蔬菜也很足料而且煮得很軟很入味，希望保持水準！

我係酸菜魚愛好者，經常返大陸食唔同酸菜魚，疫情之後冇得再返大陸，周圍嘗試底下同事介紹咗呢間，一試之後愛上冇得再返轉頭，味道好似大陸食到既味，真係每日食都唔會厭，希望保持水準 ！

疫情前後已經見過呢間麻辣外賣店既宣傳，專門賣外賣麻辣菜式，昨天終於嘗試了。點左一人份酸菜魚外賣，菜式即叫即煮，火喉好夠，最後調製既辣油淋上魚片上，香味俱撲鼻！廚房乾淨企理，外賣做到咁高水準值得一讚👍🏼酸菜湯底味濃辣得來唔會嗆喉，魚片份量合理亦新鮮，本身已有大量酸菜配菜，配金菇、娃娃菜，今次選紅薯粉， 色香味俱全，份量亦足夠。唯獨薯粉同腐竹可以再腍一點會更好😋呢間小店係我食過咁多間酸菜魚最好食之一！下次最試其他菜式

一直唔食辣嘢嘅我，疫情期間愛上了！最近發現喺半山區嚤囉廟街淨係做外賣嘅辣店，一開始係喺小红書見到有人分享。試咗之後，一個月裏面就已經食咗三次❤️令人上癮的酸菜魚，水煮魚😋金湯肥牛⋯一人份量其實都好足夠，四色涼菜拼盤味道都唔錯。裏面有涼拌青瓜，涼拌木耳腐竹，口水雞，夫妻肺片😋包裝精美，送到黎仲係熱辣辣。 唯一係金湯肥牛比較油，牛肉份量也比較少，一直都係叫小辣，下次會試吓中辣試過追加萵筍，凍豆腐，土豆片都唔錯👍🏻

中環嘅OL好鍾意食辣野，最近又開一間新嘅麻辣水煮魚餐廳，梗係第一時間試佢嘅午餐。外賣平台已經有得叫外賣，立刻叫了一個麻辣水煮魚片小辣。午餐可以選擇配飯，米線或紅薯粉。本人就不太喜歡這種幼細的紅薯粉，不是好夾，但係以$98來講，有新鮮嘅魚塊，好味嘅水煮湯，都唔錯。加上仲送一個小食，好好食的。套餐仲可以加錢配酸梅湯或菊花茶。外賣的包裝亦都十分靚，抵讚！