Video
3-min walk from Exit C, Shau Kei Wan MTR Station
continue reading
Opening Hours
Mon - Sun
06:30 - 22:30
Above information is for reference only. Please check details with the restaurant.
孖寶小廚呢區出名抵食，食物質素都唔錯，但今次真係大失所望……下午茶嘅“香脆奶油豬”，唔係用脆豬包，係普通嘅漢堡包，嚟到仲係凍冰冰，都唔知有冇烘過，個包俾煉奶浸到“淋”晒，咬落去一pat pat……超失望
continue reading
超好食，住附近，已經食過5.6次。以後也會再去。風沙豬手，椒鹽一字骨，煎肉餅，蒸魚等都十分好吃。價格合理，有湯又有飲料，很滿足。晚餐沒有加一，很實惠。下次有機會試試它的早餐。
continue reading
孖寶小廚喺東大街已經有唔少歷史，呢一年佢頂咗好景樓個間茶餐廳，重新裝修。街頭街尾都有分店，我特別鍾意好景樓嘅分店，樓下光猛、樓上闊落，係近日食午餐嘅好去處。對我呢啲咁傳統鍾意飲茶嘅人嚟講，午餐能夠食到一個蒸嘅飯菜好緊要。我曾經鍾情於新釗記嘅「鹹蛋蒸肉餅」，亦都難以忘懷魚鍋小甜甜嘅「蒸肉餅」，佢地各有優劣，嚟緊希望做一個筲箕灣嘅蒸肉餅巡禮，同大家一齊試食。希望大家喺筲箕灣，食到好味嘅蒸肉餅都可以一齊分享下！先講下之前食開嗰兩間蒸肉餅佢哋嘅特質：新釗記出名上菜快，鹹蛋比較乾爭爭，肉餅厚實，有少少執，唔算偏鹹，份量亦都夠食。民聲冰室醒起仲有一間搬咗去大坑嘅，佢個「肉餅山」當年都曾經叱吒一時。佢個肉餅山既脂肪同肉嘅比例非常平均 ，而且呢個山非常鬆軟，又有好好味嘅甜豉油，仲有個鹹蛋喺上面，簡直惹味。但不幸嘅係，隨住佢即將要搬走，佢個肉餅山由富士山，變咗做柏架山，連長洲太平清醮既包山都尖過佢。魚鍋小甜甜至於佢地嘅馬蹄蒸肉餅，新鮮即蒸所以肉質味道溫度都非常夠，但係每次去食都要等成15分鐘，真係等得嚟都唔夠時間慢慢享受，但係佢哋嘅馬蹄切咗粒非常之大，所以非常爽口，而且肉質亦都非常彈牙。唯一唔滿意嘅，係佢哋嗰杯仲淡個君子之交嘅奶茶，真係飲佢碗雞腳湯，仲好味過飲佢杯奶茶。孖寶小廚所以最近肉餅嘅新歡，落咗喺孖寶小廚(好景樓)新舖， 佢哋都係整定，所以上菜非常之快，十分鐘食得。我貪個肉餅脂肪同埋肉嘅比例溝得非常好，係正宗嘅好彈牙嘅肉餅。佢哋嘅鹹蛋算係比較平均，唔算死鹹，亦都有相對嘅厚度。同時佢嘅豉油亦都有少少嘅甜味，價錢都唔貴，亦都可以喺佢哋嘅例牌午餐搵得到。不過佢哋成日都轉餐牌，所以未必成日遇到，但對我嚟講呢個合乎溫度、彈牙、嫩滑 、味道都啱啱好㗎「鹹蛋蒸肉餅」，係我嘅心頭好。我都是有試佢嘅 鹹魚、銀魚乾同梅菜蒸肉餅， 暫時我覺得呢間蒸野，特別係佢哋嘅蒸肉餅我都覺得唔錯，值得推介。
continue reading
上星期同朋友收工搵野食。見之前食果間孖寶開了分店。夠膽係依個時勢開分店。咁就去試下。1.風沙豬手-超好味，最怕食豬手唔夠入味，但佢味道好好。外脆內軟。飲酒必食。2.蜜淑鱔球-無得輸。我本身唔太食魚，只吃炸魚。但佢依個鱔球食香脆。有少少甜味。我都食咗幾舊。晚飯必食。3.琵琶豆腐-我最愛。細細個食大排檔成日食，但大咗，依家好少人做依個菜。依度竟然有得食。重要好好食。晚飯必食。4.梅膏一字骨-第一次的味道。未食過試下，好開胃。肉嫩，野味，因為佢我食多一個飯。5. 普通清炒菜心-味普通。野飲大路野。但酒就未有得賣，好似話申請緊。今次晚飯價錢竟然ok平。 $35x. 包飯包飲品味道一流，地方都寬敞。下次一定來。
continue reading
入去食個美味的早餐，但美中不足就係佢地的多士同蒜蓉多士，因一早整定d多士，變相凍左不好吃由其係蒜蓉多士，應該即叫即做就最好，其實有好多人都係為了每天上班前食個可滿足的早餐
continue reading