Marco's Oyster Bar & Grill (荃新天地) (Moved) New Location

同事介紹有間餐廳嘅set lunch 味道唔錯而且價錢貼地，於是我地又出發搵食，睇下呢到嘅午餐喺咪大件夾抵食。坐低望一望餐牌，當喺快餐店食個頹飯都要50蚊嘅時候，呢到60幾蚊已經有得据下豬扒同魚扒，價錢實惠。想食得豪華同豐富啲嘅話，加點餐湯、前菜同甜品都只喺需要比多$20。餐湯喺忌廉龍蝦湯，質地濃稠，忌廉味香濃，味道唔錯。多士焗得脆口，面頭嘅三文魚他他醬味道清新，令人想多吃幾塊。鵝肝醬口感則非常creamy。黑椒忌廉燒汁黑豚扒飯 $62豬扒飯用料十足，面頭那塊豬扒又厚又大塊，肉質軟腍容易切開。醬汁味道就同平時茶餐廳嘅扒飯汁差唔多，不過不失。荔枝牛油汁紅魚飯 $68紅魚肉質比較實，肉味偏淡，但60幾蚊有咁大塊都算抵食。醬汁甜甜地幾特別，如果醬汁多返啲會更好，咁就足夠撈哂成碟飯食。心太軟值得一讚，朱古力蛋糕嘅味道比想像中濃郁， 切開中間流出朱古力醬，十分吸引。暖暖地嘅朱古力漿伴同雪糕一齊食，冷熱口感鮮明。見到餐廳嘅生蠔都幾抵食，不過我地今日已經食到好飽，唯有等下次先再試。

今日晚餐點了二人生蠔套餐，$488-埋單用指定信用卡或戲飛就會有8折💁🏻‍♀️套餐我們點了兩款salad,一款係prama ham salad, 另一款係炸雞salad。之後還有兩個龍蝦🦞湯，而main course 我們就選了西冷牛配意粉同黑毛豬扒配薯菜。最後還有甜品，可以選兩款，有cheese cake 或心太軟選擇！我們點了兩個都是心太軟，味道不錯剛焗起，配埋雪糕超棒！而於商場光顧滿$400，有免費泊車兩小時💁🏻‍♀️岩晒渣車一族👍🏻👍🏻而店內更有員工表演結他及唱歌！

午餐時間於荃新天地二期尋覓食店路經這間西餐 便入內試一試午餐價格大概4x-6x 但收加一服務費先點了一個扒餐加$15 有野菌湯及一客三文魚他他拼鵝肝醬多士野菌湯味道十分濃郁 帶有濃濃的野菌和黑松露味 值得一讚兩塊多士塗上兩種醬料 本人比較喜歡三文魚他他醬 較為香濃醒胃主菜扒有點偏熟 味道一般加上配菜是一些雜豆和蘿蔔 感覺很求其再加了$15 有一件cheese cake味道不錯 但比較細件整體而言 主菜很一般 反而加錢的前菜和甜品才值得一吃 但午餐再加各樣價錢後 價格在荃灣來說是偏貴的 沒有吸引之處令我再惠顧

未食過呢間餐廳，今次同男友黎左荃灣呢間食，平時男友lunch係深水埗食個雲吞讚到癡左線，今次行街又話想鋸排就揀左呢間！叫左個risotto同埋牛排，牛排望落唔似夠16oz，但好好食，牛味好重，但我地叫 medium rare ，上到黎係有少少過熟，但都好嫩，唔錯食！薯條仲要新炸！食落仲熱辣辣架！至於risotto 同埋個磨菇湯 + 龍蝦湯 就冇影相，因為唔記得左。磨菇湯好飲過龍蝦湯，因為磨菇湯個湯濃到好似打芡咁，口感濃厚，鮮味risotto好食，而且creamy，店員定唔知老世，提醒我地個飯係有少少唔熟(？)可能之前有人投訴？但我想講正宗risotto中間係會少少唔熟，最後食完個risotto 好濟，但都值得一叫，係抵食既！我去果陣係晚上，仲有個外國演奏家彈吉他，唱歌，勁有氣氛！

突然好想食蠔，就搵左間應該冇伏的蠔吧喇😁▪️Irish (Ireland) $28 Creamy及蠔味濃▪️White Pearl (France) $28 爽口有質感，味道較清新▪️Fleur Des Eaux (France) $35 帶有金屬味，味濃▪️Gillardeau (France) $42 産量稀少的蠔王，肉質潤滑清甜四式芝士蕃茄薄餅 $133薄餅呈方形，餅底應是自家製，鬆軟好食。芝士夠香亦夠多。醬汁應是用了千島醬，帶甜味但亦有點過甜，個人雖不太喜歡，但仍覺得和蕃茄頗搭的。餅上亦撒了大量香草增加香氣。

早前幫襯佐敦總店，買咗會員證，有一張 coupon 係用 $100 食隻烤龍蝦，但指定要荃灣店，老細想分店都多啲人幫襯明嘅。 。 。噚日去開葵涌攞嘢就去食啦。坐底第一件事就係比張 coupon 侍應小姐，仲問吓有幾大份，原來都連薯蓉上嘅。然後再加個焗田螺同蜆肉意粉，原本都想叫生蠔，但餐廳實在比較靜，擔心流量唔高唔知新唔新鮮，所以都係留肚食甜品。熱食都正正常常，味道還可以。上次去佐敦個 Tiramisu 好正，所以食完熱食就叫一客，上檯個 presentation 比佐敦靚，但味道就差好遠，個底嗰片糕狀物體有點怪，又食唔出咩味! 所以再幫襯都係會返去佐敦食囉 😅

Marco Oster Bar有早餐供應，坐為以四人餐桌為主，西餐廳擺設令人感覺舒適。很多人忽略食早餐習慣的重要性，要想全日保持最佳的身陳代謝效率，就一定要食早餐。呢間餐廳早餐非常豐富，有一個main course，加一款炒蛋同埋一款肉食，保證你攝取足夠蛋白質。我老公揀選左沙爹牛肉出前一丁，黑松露炒蛋同埋煎雞扒。講究健康的我，就挑選左蜜瓜烚蛋沙律（走汁），再充公老公塊雞扒。蜜瓜的清甜，一片片烚蛋加上青色生菜，很新鮮很Fresh。沙律Dressings往往為人所忽略，成為致胖的罪魁禍首，各位想食得健康的朋友要小心留意。

今日送小朋友去荃灣上Phonics，指定動作係倍老婆食早餐，見呢間餐廳有人排隊緊係要試下！第一個感覺餐廳待應非常勤快又不失禮貌，安排食客入座前會先為客人點餐，絕對高效，抵讚！呢度早餐好豐富，每個餐都有半塊多士同埋黑松露炒蛋，本想健康少少試下個菠菜雲吞，可惜岩岩賣曬，唯有食返邪惡的沙爹牛肉通粉啦。老婆就點左個大帝先會食嘅Caesar Salad。講返我個沙爹牛肉，味道應該係用沙茶醬開，近南洋風味，通粉遍長但口感過淋，同我預期有點出入...未知是否刻意效果，疑點利益歸於被告，而湯夠熱成功挽回不少分數，整體可以接受，但配出前一丁始終先係絕配，下次加錢都一定要轉。黑松露炒蛋食唔出黑松露味先合理，食得出你先驚！蛋夠滑多士夠脆無投訴，下次再黎會試埋個菠菜雲吞。

今次係上網團購買左個四人餐既 其實係因為有生蠔先決定黎依間食~不過啲野食就麻麻啦 生蠔細隻同埋唔係好新鮮牛嗌左medium 但就太熟~ 湯就淨係一味得個咸字其實四人餐都要7百幾 但咁既質素仲衰過食茶餐廳

We liked the Irish oysters, tasted fresh and creamy. But when the lunch arrived it was rather disappointing - my sole fillet had a lot of very sweet pumpkin sauce and boiled vegetable on the side. And the fillet was just okay. Clam spaghetti was not tasty.

生日朋友請食飯， 來這裏有情調的餐廳。偶然經過，有請人來表演。佈置是我喜歡的藍色。叫了Oyster 吃，有promotion, 都掋食。叫咗牛扒，一般般。spaghetti and resotto 都有水準。鵝肝不錯，份量有點小。

某天因約了人在荃新天地2期，見還有時間，可以吃個小小下午茶餐。隨便找了餐廳，吃了件扒火腿芝士三文治，加杯熱檸檬茶，感覺非常悠閒。雖然只是普通一件三文治，但出奇地整得好吃。方包厚厚的，很軟棉棉的，芝士配火腿，是絕配的。環境也不錯，充滿酒吧Feel，晚上來吃飯，一定好有氣氛。

話說我與7 個成年人加4 個小朋友一齊去食飯，我所有小朋友都好乖，又冇嘈又冇喊、那一位服務員每一次上菜，這位服務員眼神都眼啤啤、嘴藐藐⋯⋯ 西口西面，好似睇佢面色咁，very bad feeling. 我俾錢佢睇你面色？我真係覺得這位服務員的服務態度好差，絕對以後不會再幫襯！我會把這個事件，告訴我所有的朋友，難道要花錢去睇人面色食飯嗎？真過分！而且食物質素極一般、環境不舒適，如果想好好地食一餐西餐，本人不建議到此餐廳！

時不時都會黎呢到食早餐，食物質素中規中矩，加埋餐廳環境，其實價錢抵食... 不過唔知點解次次黎都冇乜客。今次食呢個早餐大大塊牛扒埋單只係差唔多$40。食到好飽，質素好過大家樂果d連鎖式集團。

見到佢個set一人有四隻生蠔咁抵，先會買左團購特登黎依到食野。book 左七點，去到都仲要等，七點三先入得😰原本諗住屋企人生日，同staff講甜品蛋榚想點蠟燭，點知叫左野食無耐無啦啦有個staff捧住個點左蠟燭走埋黎，跟住另一個staff話:唔係呀無咁快呀，我心諗做乜野🤦‍♀️生蠔唔新鮮之外一啲生蠔味都無🤮主菜同甜品不過不失啦，不過就算團購都覺得一啲都唔抵食~