Marco's Oyster Bar & Grill (荃新天地) (Moved) New Location

之前團購左一張$398兩人晚餐，睇openrice食評睇到勁驚，個個都話難食中伏，講到食垃圾咁，我同男朋友兩人戰戰兢兢終於去左試。我一早同佢講唔好抱有太大期望，點知食完呢餐，我覺得係ok 架wor ! 1930一入到去大概有15人左右，有d枱都未坐滿人,野食係ok 無伏，完全唔明點解open rice有d comment 會寫到咁差，服務員係個女仔，態度都非常好，仲成日主動幫我地refill water, 再有團購都可以一試p.s. 餐廳請左個男人彈結他做背景音樂，幾有氣氛

買左398團購 都無諗過會有意外驚喜但去到1. 頭盤生蠔係有陣腥味 唔新鮮2.沙律 差過我自己去整 無乜醬3.主菜 我揀左黑毛豬 唔新鮮都算 肉係梅嘅 肉又硬 都幾考牙力4.甜品 心太軟 都算全晚最好食嘅野職員態度差過茶記 茶記都好過佢地已經好禮貌叫佢地拎汁比我地 職員就玩野 拎第2 d汁 都算 仲要bear住個客嘅 398蚊比多佢 食垃圾 垃圾餐廳一間 唔會再去

買團購二人餐打電話book位話好full一定要人book6:30pm or 8:30pm。我地6:38pm遲左小小到，待應睇錶黑面。全場得兩枱客...由入座到8點幾走都唔過六枱...咁都叫好full🙄食物賣相相當差...枱面張餐紙有原筆痕..好似好污糟咁..水牛芝士沙律得1粒芝士...仲要係苦嘅😞三文魚沙律D魚碎濕濕...見到都唔想食..餐湯可以不提..𧐢個樣一般但咁嘅價錢唔好太大期望..兩份主菜一份肉眼扒黎左三十分鍾另一份意大利雲吞都未黎..問待應佢話因為雲吞要焗所以會耐少少...點知過多15分鐘，另一個待應埋嚟話雲吞今日冇貨返叫我轉其他...真係眼都跌埋出嚟..好啦，轉三文魚扒牛油檸檬汁..再等十幾分鐘..塊扒係於油炸的...我以為係煎😔D汁唔係咩牛油檸檬汁而係同牛扒果D汁一樣😑...最後快快趣趣叫埋杯凍檸茶食埋件cheese cake走人...吖仲有...放cake個碟好似酒樓放熱毛巾個隻...四佰幾蚊食完好唔開心...早知返屋企食公仔麵好過😭

一行入去就有位 時間約15:00，之後叫野啦都冇乜問題，問題黎啦同家人叫左兩碟煙三文魚意粉，一碟有汁有蘑，一碟冇，同兩個侍應講又話兩碟一齊煮，難道一碟多一碟冇係食客責任? 之後唔理直接走左去，凍朱古力完全冇味，唔可以叫朱古力只係有色嘅水，一定唔會再食。

每次來我都吃黑板上的西冷式牛柳意粉，原因是這裡的牛都很不錯有新鮮牛肉的味道加$15有蘑菇湯，鵝干醬多士及三文魚他他蘑菇湯太稀，鵝干醬多士沒有鵝干味，多士很硬，不建議加錢加這些食物，因為不好食。同事叫的豬手意粉，不錯，豬手有點點鹹味，肉也實的另一個同事每次來都叫這個，她說這個汁很香濃，她很喜歡！其實以這個價錢來說性價比都算高，畢竟出名點的連鎖店每個餐都近乎百元，所以這裡會是我地間中來的午餐場所

今日同家人去食飯 打算帶老人家嘆下西式下午茶 點知入左間惡劣西餐廳坐底點左三層式下西式high tea 頭兩層一樣 第三層就係西式糕餅衛生欠佳 個下午茶架痴住d奇怪物飄飄下 令食客食慾欠佳先由首兩層講起牛肉漢堡簡直“圖文不符” 竟然係厚飽夾住漢堡扒味道同麥記豬柳漢堡仲差一截 乾曾曾 包沒有味道 只得漢堡扒醎味火腿哈密瓜 火腿太醎 一絲絲好難咬開鵝肝醬餅味道尚可 淡淡鹹味 底餅夠脆講第三層 甜點層芝士餅芝士味不足 而且帶點粉味 感覺上放了好一段時間 馬卡龍不太甜 可惜有一陣陣“膠味” 可能色素太重意大利芝士餅先最恐怖 底蛋糕濕到就黎可以滴水 整體真係太甜 而且半融 最驚既係食食下見到白色條狀物 拉開佢見到白色小管 令我聯想到蟲類物 （仲要意大利芝士餅係生雞蛋整成）實在太恐怖體驗惡劣 不可一 不可再...順帶一提 員工三叫四不應 講野無耐性 態度不好 常聚在一起飲水傾計 我地等左25分鐘先上到菜

其實Marco係荃灣都開業好幾年，因為家住附近，所以經常經過都會看到。然後有一次身為冒險大師的媽媽看到他們餐廳賣50元一盒巴馬火腿，就開展了我們家經常光顧的開端...星期六，妹妹約會完再來跟我這個乾物姐姐約會...marco的磨菇湯有香濃磨菇味，但沒有蘑菇粒，單是味道就值4分/5分鵝肝他他多士(左),三文魚他他多士(右)加15元就有以上2款跟餐湯，個人偏好鵝肝，夠香濃，三文魚則是妹妹的最愛。厚切穀飼豬排飯($48)下午茶時間沒有提供黑松露炒蛋，但不可否認marco的豬排來貨真的不錯，超香濃吃到一半妹妹就來了，於是加點生蠔。來marco一定要吃生蠔，因為....全部半價!!是日叫了哥芬灣x2(上),白珍珠x2(下)哥芬灣味道偏甜，其實小妹和妹妹都會第一次接觸澳洲蠔，比較易入口無腥味，適合初接觸者白珍珠(下)就真的是我和妹妹每次去marco必點的，甜身，夠creamy,海水味重，cp值超強!!吃完講話都feel到海水味refresh!!吃完已經是超飽，想吃個甜點做perfect end都吃不下了..

本人第一次寫食評。都係第一次寫負評。因為實在太過不滿所以先黎寫。依間餐廳我都係第一次食。首先一坐底枱面污蔑，坐得又迫。由坐底都食完埋單都有個女樓面係隔離枱禁電話。上菜時，食物賣相太差完全唔想影底請唔好見怪。水牛芝士蕃茄沙律：水牛芝士得個5毫子咁大粒仲要得4粒。焗田螺：田螺5粒，薯溶稀到好似爛泥咁。黑松露炒蛋白：除左黑松露味完全食唔到味，好淡。龍蝦湯：完全一啲龍蝦味都無仲要超級咸！相信落左好多雞粉。紐西蘭羊架：叫左5成熟，一切開已經幾乎全熟，同樓面反映左，去廚房換反兩支骨，重新煎過既兩支骨出到黎都係變左7成，由此可見廚師其實唔係好識煎扒。仲要件羊超級咸。鵝肝拼牛柳：鵝肝算係正常，牛柳都係叫左5成，但係變左7成，切開完全一啲血水/水份都無，入口直頭就係一塊肉乾！！！厲害！！！凍檸茶完全無茶味，好似飲緊凍檸水咁，仲要係超級甜既凍檸水。唯一得杯熱咖啡算係一杯正正常常既熱咖啡。一間對食物無要求，服務無要求，環境無要求既餐廳。其實本人係一個西餐廚師，基本上見到食物就已經知道依間餐廳既廚師對佢做出黎既食物係幾咁求其，幾咁無要求。2個人食埋單接近$800，其實唔算貴，但食物同服務絕對唔應該係啲咁既質素

好耐之前食過呢間,記憶之中係唔好食,不過因為時間緊逼,醫飽個肚為重~個餛飩皮仲未熟,完全無黑松露味... 入面d餡唔熱,微暖,好粉,好難食...多士好硬,食完上顎有被刮損嘅感覺味道較淡,有d菇碎...整體味道...還可以煙三文魚有咬口,沙律菜都算新鮮~法包粒好硬~黑醋醬可以再多少少~總括黎講,食物質素麻麻,服務質素可以講話係無服務可言,環境還好,座位舒服~

在荃灣工作了一星期，不論工作環境、生活等方面都要重新適應，星期六的午餐也是其中之一。這天沒約我家那位，只好獨個兒在荃灣吃午餐。結果呢？就是荃灣廣場及荃新天地的食店都要排隊。最後來到荃新天地二期，選了從未吃過的一家。從店名看來，似乎蠔及燒物是主打，其次則是意粉及薄餅。午餐除了沙律、意大利粉及飯外，還有薄餅及扒類，價錢由$48至$118不等。不夠吃的話，也可以加$15至$38選配不同的小吃或甜品。野菌忌廉湯以$15追加的野菌忌廉湯，磨菇味算香濃，而且吃到細細粒的磨菇，不像其他西餐廳將磨菇打成蓉。三文魚他他拼鵝肝醬多士伴隨野菌忌廉湯的有這兩片多士。三文魚他他味道平平，而鵝肝醬要待吞下後才感到鵝羶的回香。至於多士，一片脆，一片硬，令人摸不著頭腦。龍蝦汁海鮮意粉 $48一隻青口、兩隻蝦、三個魷魚圈，還有一堆蜆肉，海鮮含量挺高，不過質素平庸。麵條沒有很爽彈的口感，惟掛起龍蝦汁後算是香口。熱咖啡淡而無味，不飲也罷。除了令人費解的多士，整體都是普普通通。門外雖然設有意大利雪糕櫃，但好像不覺有客人購買。

之前試過佐敦的分店，無論食物還是服務都令我超級滿意。難得在荃灣又遇上你，便選擇試試午餐，誰知道....唉！食物的價格不算高，餐牌上的選擇也多，看似吸引。蘑菇忌廉湯非常重的蘑菇香味，濃郁，好喝到極點。鵝肝醬多士除了腥字我想不到其他字去形容它的難吃。我寧願只吃一塊什麼都沒有的烘多士。三文魚他他中規中矩，吃兩口便放棄了。咖喱雞飯醬汁有很正宗的咖喱香味，可惜調味太重。雞扒已經用調味料醃過，偏咸，再加上很重的咖喱。整個就是重口味，咸得吃不下，簡直是失敗。香草羊架香草味就吃不出了，因為羊扒非常騷而且很【鞋】。想不到，一間餐廳最好吃的居然是餐湯...簡直是可笑！

今次係第三次團購嚟Marco's食晚餐， 第一次佐敦， 第二，三次都係荃灣食物水準基本保持， 但今次發現碟，其他用具都有積洗得唔乾淨， 希望能有改善講番團購餐， 其實好抵食， $398加一 頭盤有8隻生蠔， 新鮮鮮味， 好夾個醬餐湯2選1，揀左龍蝦湯， 呢個反而比以前差左， 龍蝦味淡同偏咸沙律4選2， 要左水牛芝士沙律， 凱撒沙律， 配搭味道正路， 而且都新鮮既主菜揀左三文魚扒同西冷， 西冷6成熟， 恰到好處， 而且又香又軟又有牛味， 不錯的。 三文魚扒唔會煮到鞋口， 仲無左陣醒味， 好香好好味， 但個汁就咸左少少， 但配番啖口既三文魚扒， 都ok整體嚟講， 再出團購係值得翻兜!!

放工4個同事去搵食物，知道呢間生蠔有優惠，叫左1打生蠔，不過職員自己分唔到邊隻係咩國家⊙_⊙我們叫23款唔同國家，for唔同的人唔同口味架嘛，你唔個邊隻係邊款，我更加唔知，為有撞彩禁食，估下食左邊款，我覺我feel到佢無用蒸餾水，沖一沖隻蠔先，隻隻都有蠔殼碎，師傅問題，定佢唔新鮮?麻麻地，set dinner都好大份，特別叫牛朳，選左50%熟成，唔錯.燒羊架唔騷，唔難幾好味，黑松露黑毛豬排，豬排好嫩ok焗田螺無咩特別，薯容最正!之後我們叫甜品，佢好多都話買晒，叫左1個蕉糖燉蛋， 過甜又老，唔夠滑，實的的，另一個流心朱古力蛋糕，過熟無朱古力流出黎?甜品好差，送都唔想食!主菜都ok概

只有恐怖可以形容門面ok的，但是一坐底見到張台布極污糟，極度想走人，但因為朋友想食，只好勉強點餐食物來到份量少至令我懷疑是下午茶而非午餐，賣相糟糕，而且食物极重口味，我相信廚師真的是食鹽多過我食米還飲了凍OT，檸檬我篤極都無檸檬味，我完全諗唔透，除了甜字我完全覺得自己飲緊糖漿，茶？？？sorry…只能說杯飲料茶色素極濃囉

是日陪兩位好友看新樓, 中午先來Marco 吃過午餐. 週日下午一時多到達, 一個顧客也沒有. 要不是友人極力推介, 筆者也不會踏進這間餐廳. 場內行開放式, 放著十多張枱而已, 非常細小.有lunch set提供, 筆者點選了黑松露汁意大利雲吞(HK$48), 熱檸水和一客布丁.十分鐘後侍應送上黑松露汁意大利雲吞, 賣相okay, 分量更有五大隻雲吞之多, 不錯.試一口, 雲吞夠咬口, 醬汁也很香濃, 不會水汪汪的, 吃起來夠rich夠香, 不俗.之後送上熱檸水, 味道一般, 但很大杯的, 可以方便坐下來跟友人暢談.布丁小小的, 但味過甜了, 不太討好.以這個價錢來說, 算是不錯的選擇.