緣味小聚 (金百利廣場) (Closed)

今日約咗好朋友嚟銅鑼灣行下，我地想食海鮮蒸氣鍋，最後嚟咗緣味小聚。我哋嗌左升級大鮑魚海鮮蒸氣鍋套餐，每人$268。套餐包咗燉湯、8款海鮮、點心、蔬菜、任食安格斯肥牛同八寳飯。燉湯：燉湯經過左六小時熬製，冇加任何味精，飲落好滋潤。裏面有雞腳、瘦肉、圓肉等材料。韓國大鮑魚：鮑魚真係好大隻，食落爽口、彈牙，唔韌。生猛大海蝦：海蝦好新鮮，非常鮮甜。扇貝：扇貝大大粒，肉質厚實，亦都好新鮮。青島大花蛤：花蛤處理得好好，冇沙，好有鮮味。點心拼盤：拼盤裏面有蜂巢糕、紅棗糕、薑汁糕、合桃包、奶黃包同紫薯包！合桃包同合桃包餡料都係流心嘅，熱辣辣，好味！紫薯包入邊有好多紫薯，我最鍾意依款。食晒海鮮仲會有啲蔬菜，有南瓜、蘿蔔、冬瓜、娃娃菜等等。食下蔬菜健康啲！除咗海鮮同蔬菜，我哋仲可以任嗌安格斯牛肉，非常抵食。牛肉唔韌，牛肉味濃。最後，介紹埋八寶飯先，有成24款配料俾我哋揀！我哋揀咗蝦醬豬腩肉、柱侯牛粒、香滑雞件、土魷絲、芋頭、榨菜絲、豆腐卜同冬菇粒。材料多到鋪滿晒係成個飯度，食個陣料多過飯，好滿足啊！我最鍾意香滑雞片同冬菇粒，雞件好滑又大塊。而冬菇粒就令成個飯好香。

今日見金百利中心無咩人龍又咁耐無去呢棟樓揾食，所以就上去揾間餐廳開飯。 星級大鮑魚海鮮蒸氣鍋套餐💲268有4樣重點美食：1️⃣6小時無味精燉湯2️⃣8款海鮮(但貨源不足)3️⃣任食安格斯肥牛4️⃣八寶蒸飯 全程個幾鐘頭晚餐時間，侍應服務都好貼身，由海鮮到最尾八寶蒸飯，全部都一手一腳照顧好，真係傳說中的“殘傷餐”😁😆 海鮮中，以鮑魚最為爽口彈牙，聖子皇又大隻又爽彈😁，但由於海鮮的大刀貝和貴妃蚌缺貨，所以多給其他貝殼類代替，花蛤都幾大隻。 安格斯肥牛牛味濃郁，油脂甘香，任食真係好扺食👍🏼 八寶蒸飯係由24款配料中自己揀8款出來，真係好難揀，每一款都係心水🤩，蒸飯質地粒粒乾身，加埋豉油撈埋一齊真係好惹味😋。

食蒸氣鍋沒有分季節，今日來到銅鑼灣，朋友提議食蒸鍋，所以來到了百利廣場的緣味小聚。餐廳裝修都很精緻，我尤其喜愛在座椅後面的明星相等圖案。星級大鮑魚蒸氣鍋套餐268套餐有 六小時燉原盅絕無味精燉湯、 星級海鮮8款、 豐盛滿意豐盛八寶蒸飯……等。坐下後，侍應很快就送上蒸鍋，及送上海鮮盤，裡面有韓國大鮑魚、蘇格蘭蟶子皇、紐西蘭大帶子、愛爾蘭大刀背、深海龍躉、青島大花甲、生猛大海蝦及觧甜貝殼類……等。餐廳先送上六小時燉原盅燉湯，見到裡面都頗多材料，湯底頗清甜。侍應親自為我們每款放到蒸鍋，熟後再放到我們碟上，蒸時調較了時間掣，令每款海鮮都是剛好熟而不會蒸得過熟。海鮮食落每款都很新鮮，尤其是鮑魚剛好熟，很爽口，及紐西蘭大帶子、深海龍躉、生猛大海蝦都是我的最愛，鮮甜又鮮味！！食完肉類，還有蔬菜，份量都好多，有粟米、娃娃菜、南瓜、萵筍……等等。跟著餐廳還送上八寶飯，面有臘腸、肉餅、南瓜、翠玉瓜……等， 一齊伴勻，就是一個特色的八寶飯，食落很有特色。餐廳還送上一籠糕點，份量頗多，有紅棗千層糕、馬拉糕、紫薯包……等，糕點質素不錯，尤其是流心包， 但份量實在太多，我們隻食了一半。今餐的蒸鍋海鮮都頗為新鮮，

今日約咗朋友食晚餐，這間蒸氣鍋鍾意佢在朋友住的附近，夠就腳。我們點了個星級大鮑魚蒸氣鍋套餐$268坐下後，6小時燉原盅絕無味精燉湯很快上枱，裏面有蟲草花、桂圓雞腳、瘦肉……等等， 湯底味道清甜。跟著海鮮盤上枱，有星級海鮮8款侍應先蒸韓國大鮑魚及紐西蘭大帶子， 鮑魚爽口，帶子又鮮甜，啖啖肉。至於蘇格蘭蟶子皇，就單獨蒸，蒸得剛好熟，入口爽又鮮甜。深海龍躉、生猛大海蝦，深海龍躉雖然不是很大件，但食落有魚味，又鮮甜。還有愛爾蘭大刀背、青島大花甲及觧甜貝殼類……等，都新鮮又鮮味。食完肉類，當然會有一些蔬菜類，可以令飲食健康均衡，蔬菜有娃娃菜、南瓜、萵筍、芋頭、粟米、金菇菜……當然少不了介紹餐廳送上的八寶飯，面有冬菇、翠玉瓜、花生、豬脷……等，食落口感豐富又健康。還有甜品及糕點，份量頗多，有合桃流心包、黑金流心包、黑糖蜂巢糕……等，味道不會太甜，甜度剛剛好，款式頗多。

今次同朋友聚首一堂，黎食個海鮮蒸鍋。6小時燉原盅絕無味精燉湯燉湯非常濃味，湯料主要有蟲草花、雞腳、豬肉、同龍眼肉，非常足料。韓國大鮑魚 （一隻）鮑魚好大隻，望來都非常之新鮮，店員好輕易就將鮑魚肉剝殼，食落唔痴牙，咬落非常之彈牙。蘇格蘭聖子皇 （一隻）聖子王雖然冇落蒜去蒸，但係咁樣反而保留左蟶子皇本身嘅味道，食得出食材鮮味。北海道元貝皇 （一隻）因為今日冇晒帶子，所以店員就幫我哋轉咗做元貝王，元貝非常之大隻，食落好新鮮，好好味。深海龍躉件（一件）魚味好濃，魚肉同脂肪嘅比例均衡，非常好食。生猛大海蝦 （兩隻）蝦有兩隻，但係如果蝦可以再大隻少少就會更加開心。青島大花蛤（兩隻）花蛤好大隻好新鮮，擺入口之後啲鮮味即刻出嚟。鮮甜貝殼類（三隻）貝殼類就有好多種，材料好新鮮，貝殼好甜好有鮮味。安格斯肥牛 （任食）人生第一次食蒸肥牛，原來係可以咁正嘅，牛肉嘅肉汁可以得以完全保留，唔會流失入去湯入邊，非常高質。豐盛八寶蒸飯蒸飯可以任選配料，我哋就揀咗豬腩肉、肉餅、牛粒、排骨、雞件、銀魚仔、蒜香茄子、冬菇粒。蒸飯好香，好足料，非常好食。最後仲有點心食，當甜品咁。

午餐真抵食，50/60一個餐，有小菜，燉湯，白飯。小菜做得出色，尤其是酸菜魚，配菜多，魚肉不少喔！又新鮮又滑，湯又好飲，仲要收50蚊咁平👍黑黑豚肉蒸豆腐，咸香味，因為用了黑醬，一濃一淡，配搭得很好炒四季豆都不錯。蒸肉餅都ok，如果多點梅菜更好

我平時都真係好鍾意食海鮮，每次見到有咩海鮮蒸鍋都會忍唔住去食。今次見到呢間餐廳價錢都幾合理，就同朋友一齊嚟食下啦。呢到嘅海鮮套餐都有唔少選擇，又有龍蝦同冇龍蝦嘅，又有粥底火鍋或者八寶蒸飯嘅。我哋今次就揀咗個升級大鮑海鮮蒸汽鍋餐。$268但嚟到登記做會員就有七九折。首先一開始每人會有一盅湯，入面有蟲草花、雞腳、豬肉等。飲落冇味精，味道濃郁，好飲。感覺好似幾養生咁。之後就開始蒸海鮮食，店員會根據唔同時間咁幫我地分開蒸啲海鮮嘅。今次嘅海鮮包括韓國大鮑魚一隻、蘇格蘭聖子皇一隻、北海道元貝皇一隻、深海龍躉件一件、大海蝦兩隻、青島大花蛤兩隻同埋其他貝殼類一堆。啲海鮮樣樣都幾大隻，食落幾新鮮，唔落味精咁蒸完之後，食落鮮甜，食到食材本身嘅味道，幾好。我覺得，原汁原味咁正海鮮，先係我最鍾意嘅海鮮食法。除咗海鮮之外，呢度有好多款食物任食嘅，包括一啲蔬菜類例如娃娃菜、南瓜、金菇等。最特別嘅係，呢度有任食嘅安格斯肥牛。蒸肥牛我都真係第一次食，但估唔到，原來蒸肥牛比起打邊爐食肥牛更好食。牛嘅味道更加可以鎖實，食落牛味真係超濃。而且比打邊爐亦都更健康，因為唔使驚索左湯底啲油。豐盛八寶蒸飯有得自己揀八款材料，我就揀

去個日係星期一6點半，全場得3枱，已經出出地事咁，地又油枱又油，心諗都黎左就俾次機會試下啦，最離譜收勁貴服務費，完全無服務，個後生四眼仔好似唔想做咁，大佬我黎食野，你唔想做同你公司講啦，拎野埋黎面口唔太友善，我自己蒸自己執位放野，明知張枱無位就隊埋黎叫我地自己搵位擺，醬料錢明屈無得揀，得鼓油，蒜頭，蔥，咁樣收人幾十蚊一位，連飲品三樣未計食已經舊幾水一位，海鮮又細又吾新鮮，最搞笑粒蜆仔，仲一人兩粒勁寒酸，無鮮味，八寶飯直頭講哂粗口出黎，入面蒸定放到凍哂先拎出黎，叫都吾肯拎返入去蒸，叫小食又漏單，要個客自己出黎催幾次食到一次，跟住又夠鐘，3個人11xx，好過去搶係香港咁耐第一次遇到咁樣經營既食店！！！

真係好好食😋d蝦好新鮮👍🏻蒜蓉夠味🧄d飯🍚係真係蒸出嚟嘅架😂唔係白飯黎😊😊😊😊以銅鑼灣外賣黎講有咁既質素真係👍🏻👍🏻👍🏻掂！真係好好好好食🥰

不吐不快。真係唔ok🙄。叫左個星級大鮑魚set $288 +1老老實實佢個燉湯係ok （但我食完好頸渴）但唔提都唔記得比我地。第一樣 ：鮑魚蒸完。唔腥。爽口。唔韌。無味。其實我食蒸海鮮爐唔係就係樓佢新鮮架咩？佢點解可以將隻鮑魚那到無味？第二樣：大帶子好un。第一次覺得裙邊唔好食🙄之後都已經冇期望到個大蟶子 。好腥。其實除咗啲海鮮仲有跟一個飯八寶飯。。。。個碟想點？然後我都覺得自己好晒嘢 因為我都係食咗兩啖就放棄咗飯好硬。硬過我條頸臘腸好鹹。都唔知邊度嚟。我食第一啖就有骨你冇聽錯係臘腸有骨！然後我真係放棄咗🙄🙄🙄🙄點左粟米冇黎點左肥牛失望。同埋成個整法都勁奇怪。就咁放舊牛肉唔需要擒蓋蒸。出嚟嘅效果好un到點心流沙奶黃包係幾好食嘅但係個黃色嘅”小心奶皇包”就真係好難食囉個分別就好似香港版嘅朱古力同埋大陸版嘅朱古力佢個味好相似 但係成個感覺真係完全唔同到到最尾我想講個姐姐比老闆點得好慘人流最旺盛嘅時候 得姐姐一個自己獨腳戲忙到見到佢大汗踏細汗 仲有啲鬧鐘響都有少少思覺失調到9點令鐘開始緩和 老細先施施然返仲要見到佢捉埋姐姐係入邊話佢

有峴煮不開，又不肯換過碟，不老實。兩個侍應，招服三十人，應接不下。如果自己煮，又不講解每碟需要時間，掉低計時器就關人。入場，座位，十分擠迫，枱之間可以握手，四人枱只夠二人放海鮮碟，不會疊高。聲稱用手機登記，便有折扣，其實並無分別。在全球租金最昂貴地段，有如此質素，可想經營者其實無心戀戰。

買外賣要收$2一個盒，$1膠袋錢。等外賣要賣安心出行。呢間真係今年遇過最奇葩嘅食肆。收銀肥男人話政府強行要收$2一個食物盒錢，唔填安心出行會被罰錢喎。真係唔會再嚟呢間嘢

今日去咗銅鑼灣行街，晚餐想食海鮮蒸鍋，於是嚟到呢間試下。叫咗飽魚海鮮蒸鍋，海鮮方面有大大隻嘅飽魚，帶子，聖子，龍躉肉，蝦同一些貝類，所有海鮮都好新鮮，食落鮮甜可口，新鮮海鮮真係不需要太覆雜嘅煮法，最簡單咁蒸熟係最好味的。食海鮮前會有一盅蟲草花燉雞湯，碗湯好大碗又足料，又夠火喉，唔錯。除咗海鮮重有一個八寶蒸飯，有好多配料可以揀，我地兩個人食其實太多，好飽但好好味。重有，食極都重有，就係有肥牛加幾款蔬菜同點心可以任食的，啱哂大胃王! 完

今日同朋友一齊嚟食每位$268嘅海鮮蒸氣鍋餐，除咗海鮮仲有八寶飯，蔬菜同點心任叫。首先店員會奉上每人一盅蟲草花燉雞湯，湯頭夠清且甜，冇味精味。 海鮮夠新鮮，其中鮑魚同蟶子都大大隻，好鮮甜又爽口。另外八寶飯有驚喜，有好多樣餸可以揀，當鍋飯上枱時，聞到好香，而且啲飯係一粒粒的，應該係原煲蒸的，我揀的其中一樣餸係銀魚仔，我覺得令煲飯特別惹味，其實最後已經好飽但都叫咗幾樣點心，因為想試下🤣味道係正常，冇咩特別。

解封梗係要聚一聚我哋都無乜點諗，就叫左meun 第一個set星級大鮑魚海鮮蒸氣火鍋套餐 $268包括左八款海鮮同任食肥牛蒜蓉真係好正！呢道三人份量有八款海鮮，後面仲有蝦同龍躉 鮑魚蒸五分鐘 一夠鐘就會alarm 響出到黎啱啱好，一啲都唔韌！鮮大帶子！堅大隻👍🏻👍🏻👍🏻👍🏻佔爐頭面積幾多😆😆😆蒸爐有透明玻璃蓋！睇住佢身身打開晒幾開心😍花甲同蜆都好甜勁大隻聖子😱😱😱！我最愛的龍躉腩！最好食😋特別佢個皮煙煙韌韌！啖啖肉！海蝦🦞呢個幾特別平時八寶粥聽得多八寶飯聽過未？仲有肥牛任食點心都係任食流心奶黃包可以話係冇得輸跟住仲有千層薑糕都好鍾意食爭啲唔記得講埋個湯原盅燉湯 - 蟲草花雞湯呢個真係超香！ 好想再叫多碗！