MARKA HOUSE

Open Now

Now Closed

呢間玻璃屋又好耐冇食 每隔一排就會想再食 難得今日係紅日 見咁耐冇食 又去食吓 今日係公眾假期 所以個餐牌同平時唔同 有少少分別 不過都係咁多選擇 有漢堡包 天使麵 意大利飯 全日早餐 豬扒牛扒 好多選擇好豐富 我哋叫咗一個套餐 有前菜有主菜有嘢飲 今日嘅餐湯係法式栗子濃湯 一上到枱好香濃栗子香味 係一個好濃味嘅湯 入邊好多栗子蓉 好香甜 主菜揀咗煙三文魚班尼迪蛋芝士烤雞全日早餐 呢個全日早餐同平時嗰個唔同 望落感覺上比較豐富 好多嘢食 有一個班尼迪蛋 一塊芝士雞扒 一條腸 兩個迷你薯餅 炒野菌 煙肉蘆筍 扒茄 新鮮沙律菜 整體味道不錯 飲品揀咗蜜桃石榴香橙梳打 酸酸甜甜好開胃 唔會太甜 幾好味另外仲單點咗一個主菜 伊比利亞黑毛豬鞍 薯蓉 蒜香野菌 呢個主菜每次必叫 不過今次唔係跟薯條 轉咗薯蓉 賣相依然都係咁靚 不過今次感覺上唔夠香口 豬鞍煎得太熟 食落有啲鞋 但個薯蓉好好味 好嫩滑整體黎講 環境舒服 座位坐得舒服 食物質素不錯 價錢合理 值得一試

星期六想喺荃灣食晚餐，周圍都有好多人。今次朋友帶路去荃灣西如心廣場食一間抵食西餐，左穿右插，終於嚟到呢間西餐廳。地方唔算太大，環境都幾靚，如果坐窗邊仲可以睇到街景。出奇地唔算太多食客，冇排隊嘅現象，大概都係得兩三台，入邊仲要有好多位。有set dinner，價錢都唔算貴。湯有得揀忌廉湯，或加錢轉有蘑菇湯。而朋友極力推介蘑菇湯，咁就試一試。又真係好飲喎，大大碗，仲要啖啖蘑菇粒喺入邊。真係有驚喜。—北海道帆立貝蕃茄蟹籽天使麵，帆立貝太太粒，麵偏淋。味道都唔錯。—香煎虎蝦忌廉芝士扁意大利麵，大蝦有五六隻，份量唔少，味道不過不失。—法式香草青檸烤半雞，得半隻，熱呼呼，賣相好靚。雞肉嫩滑，少少青檸的酸味。但都好好食。加錢要特飲，味道都唔錯。—自家製蟹餅。份量都幾多。好多蟹肉。不過咸咗啲。總括嚟講，想要平平哋又舒舒服服地食個西餐晚餐，絕對可以接受。

2人星期六諗住去撐枱腳，點知第1次去呢間野服務差到鐵地！！有位長頭髮扎辮女侍應全程黑面、玩手機，入到去冇人招呼，餐牌都冇，直到我地問佢攞餐牌，個女侍應竟然反白眼！！！！講到野食牛扒仲硬過橡筋，仲要我地叫7成熟嘅西冷，竟然出咗份5成熟血淋淋刀都切唔開，擺明係3成，最後叫佢換過份扒，等咗成半粒鐘。講到服務真係仲差過茶記👎👎👎食完叫埋單，個女侍應仲係度玩緊手機，又係黑面，多謝都冇句，就咁隊張單埋嚟，何謂service charge？不如叫例牌加一，唔好叫服務費，難怪成日見間野冇乜人，絕對唔會再去，垃圾👎👎👎

我同我女朋友一個唔食煙三文魚一個唔食南瓜但係竟然我哋兩個都食到呢到嘅煙三文魚同南瓜湯勁開心兩樣嘢都好好食主菜揀咗漢堡+女朋友揀咗牛扒漢堡份量勁多 一個女仔係真係食唔晒 漢堡蕃茄轉左蕃茄蓉好貼心 一個唔鍾意食生蕃茄嘅人可以接受到個肉扒都好多汁好食 分量又厚唔鍾意食薯條所以唔評價牛扒叫咗五成係真係好好食份量都好夠不過個汁麻麻哋 都係鍾意食原汁原味最後嗌咗個燉蛋 兩個人搶着嚟食 CP值超高 有機會肯定再嚟環境方面都好好 但係窗口位好晒 建議晏晝去窗口位

呢間餐廳上年食過三次 最後個次食兩個主菜都好失望 隔左咁耐就想再黎試下 餐牌有少少唔同左 不過都係咁多選擇 有全日早餐 意大利飯 意粉 扒 今次叫左個午市套餐同埋一個單點主菜午市套餐叫左個南瓜雞肉意大利飯 炒得好香南瓜味 好多雞肉同菇 飯比較硬身 粒粒分明 幾好味 個餐揀左雲呢拿椰菜花湯 一上枱已經好香 味道幾濃郁 飲落好creamy 跟餐仲加左杯特飲 香橙菠蘿梳打 味道偏甜 入面有幾粒菠蘿 都幾清新另外仲叫左個伊比利亞黑毛豬鞍配薯條同埋黑醋沙律 揀左七成熟 上次失望就係塊豬鞍煎得太熟 好難好硬 咬都難咬 今次就冇失望喇 仲好有驚喜 一上枱賣相好靚 沙律菜好新鮮 薯條依舊係粗薯條 炸到熱辣辣 仲有啲鹽 食落鹹鹹地 份量又夠多 好好味 到兩塊豬鞍 一切就切到 煎到岩岩好七成 咬落好有肉汁 好香好juicy 整體黎講 價錢合理 環境舒適 食物高質 值得一試

🐷今日想搵個地方坐底靜靜地荃灣西餐廳就黎比我食晒😆呢一間全玻璃每次行過都無入去今日終於走入去仲無咩人～芝士烤雞全日早餐//..佢個煙肉蘆筍見到都覺好有誠意個烤雞係成件都有芝士🥹食落味道唔錯，同芝士好夾炒蛋唔會全熟有啲蛋漿上面仲有黑松露食落又癰另一種層次👍🏻蕃茄係燒過👍🏻炒菇係用左兩種菇好好味另外仲有個免費沙律菜送🥗我去個時係下午茶時段所以無咩人仲可以坐係窗邊位好舒服又靜靜地lucky😆整體黎講份量係足夠而且環境舒適值得一試👍🏻

節日假期既懶洋洋早上，搵左呢間裝潢簡潔既Marka House食個brunch先. 12點15分左右去到。窗邊位得返最後一個, 在最入面的.係落地玻璃，對住個綠油油既大平台，望出啲就係大型新屋苑。係全餐廳最開揚既位置!Lucky.叫了兩個 all day breakfast.一個係芝士烤雞全日早餐 $78-，加左個香烤南瓜湯 $10-個南瓜湯味道幾好。熱熱的又鹹甜適中。Good start of a day.  見到塊芝士烤雞個刻心諗﹕ 依! 應該係用片裝芝士鋪面烤架喎!(本人間唔時都會做下創意料理)即刻切少少來食下先。味道幾好, 好夾到!炒蛋本身好夠香滑，仲有少許蛋漿✨再加埋黑松露，味道更加有層次. 蕃茄烤得剛剛好。菇ss係-啡蘑菇和草菇兩溝用蒜炒。 比平時 all day breakfast 既烤大啡菇野味。另一個係脆香魚柳全日早餐 $88-, 同埋一杯黑咖啡 $15（Nespresso)脆魚柳好大塊啊!脆卜卜的。 係Fish & chips 個種。正啊。黑咖啡不過不失。食到一半發現餐廳已經坐滿晒。走個時仲見到門口有人排隊添。嘻嘻!發現自己好好彩!

周末放假去咗如心個邊食lunch，之前經過都想食，但價錢都算貴，個日唔太肚餓就去食少少試下。叫左一份脆香魚柳all the breakfast ($88)，份量都算ok，炒蛋都夠滑，仲加左啲黑松露，感覺高級啲。炸魚都幾厚肉，炸得夠脆，仲有炒菇、蘆筍，沙律菜。另外再叫左一份菠菜忌廉雞肉扁意粉 ($78)，份量就比想像中少啲啦，雖然佢個忌廉汁真係幾好味，夠creamy，意粉夠煙韌，但大食既人一定唔夠…呢2碟如果要配飲品需要另外加錢，同埋有加一收費。食物味道其實幾好，但可能餐廳位於商場內，價錢比較貴。

嚟過幾次個質素次次都keep到最愛Angus Beef Cheeseburger 🍔 同埋All Day Breakfast 個burger連個包都脆脆地可以自由選擇需要醬油 洋蔥 蕃茄醬等配料適合我呢啲唔鍾意洋蔥嘅人塊肉真係好juicy 超正All day breakfast 有兩種選擇包括魚柳或雞扒 魚柳大大塊黑松露炒蛋都非常滑另外加咗個黑松露薯條唔單止有個黑松露醬配埋薯條面都放上黑松露碎 一嚟到就聞到勁香環境同服務都好好

平時成日行過呢間餐廳，見佢裝修好靚，環境舒適，於是就決定星期日中午過黎試下。係門口唔算等左好耐就到我地，佢lunch menu有大概20款選擇，我地就㨂左脆香魚柳全日早餐同澳洲安格斯牛肉車打芝士漢堡煲，再加錢加左熱咖啡同熱檸茶。個全日早餐好好味，除左熱辣辣魚柳，仲有煙肉蘆筍卷，黑松露炒旦，烤蕃茄，烤菇同沙律菜，每樣都好新鮮，份量岩岩好。至於個牛肉芝士漢堡亦好juicy , 芝士多到漏出黎，薯條夠脆。雖然要另外加錢，但佢既咖啡好好飲，咖啡香同奶香比例均衡。整體黎講性價比都算高，餐廳環境坐得好舒服，好闊落，絕對係悠閒下午既好去處。下次我會想試下佢個巴馬火腿班尼迪旦配馬鈴薯沙律，見到隔離枱叫佢地隻班尼迪旦好大，望落好juicy ,推介大家都黎試下。

呢間咁令既玻璃屋西餐廳之前已經食過兩次 個兩次食都好滿意 絕對係會有下一次 但今次食就真係有啲失望 可能咁岩個廚師失手 大約三點先到餐廳 過左食飯時間 餐廳得返幾枱 今次又係叫返上次個個 伊比利亞黑毛豬肉眼配薯條 賣相係可以的 仲好香口 但食落就好鞋 完全係煮得耐左 連肉汁都冇埋 最好食係薯條 熱辣辣鹹鹹地既粗薯條真係好好味 份量又多另外叫左個安格斯牛肉車打芝士漢堡配薯條 對上兩次黎食已經見到勁多枱都係叫呢個漢堡 諗住實好好食 點知塊牛肉又係煎得太耐 過左龍 塊牛肉食落勁乾 都幾難食 最好食都係粗薯條仲跟餐叫左杯香橙菠蘿梳打 味道唔錯 酸酸甜甜 幾清新 好開胃整體黎講 今次既食物真係唔得 希望下次唔會咁差

✨呢間餐廳好開揚，而且裝修走簡單風～今日lunch坐最入～望住街外 靜靜地食飯～感覺幾舒服！服務同食物方面都好滿意～～～～～～～～～～～～～～栗子湯～估唔到咁好飲～真材實料～好濃郁超級推薦 跟餐加配$10～而且好大碗🫰🏻蜜糖芥末虎蝦意大利飯飯嘅硬度適中～加上少許芥末味～好配搭但～～呢幾隻點睇都似大蝦 多過虎蝦喎😅 不過蝦肉好彈牙～讚～菠菜忌廉雞肉扁意粉超鐘意呢個意粉～醬汁掛到每條意粉～雞肉都嫩～淨係食呢兩個飯意粉，應該就唔夠飽啦😛不過好在加咗湯～份量剛剛好～飽lu～

今日同屋企人慶祝結婚周年紀念日，見到綱上呢間荃灣玻璃屋，認得佢間鋪之前經過見到環境幾清幽都想試下，原先見到食客評價好壞參半咁，都係諗住試下點嘅心態去，希望唔會中伏！去到覺得啲waiter態度和藹！我自己選咗個門口位背後靠住玻璃好舒服！食物果然有驚喜！下次會再去試其余菜色！

今日小編同大家去如心既一個西餐廳探究😋Set lunch 包一杯 菠蘿凍紅茶/汽水松露忌廉雞肉意大利飯 好香嘅松露味💁🏻‍♀️ 意大利飯煮得顆粒分明💁🏻‍♀️ 雞肉唔錯但松露忌廉味完全蓋過咗雞肉本身嘅味，下面嗰個雞肉意大利麵都係一樣🤫野菌忌廉芝士意大利麵 好膩，忌廉芝士味太重🧀 可以讚下嘅係扁意粉幾有咬口，跟餐既菠蘿凍紅茶☕️可以中和返個膩感😝菠菜忌廉雞肉意大利麵 叫呢個麵係因為感覺上好似健康啲🤣菠菜味都重，可能溝咗入去忌廉入面🤨 不過相對地個麵冇上面嘅忌廉芝士咁膩😛整體來講，餐廳環境唔錯💫 坐位舒適🪑店員服務態度良好👍🏻但食物份量唔算好多😬不過唔值得二次探訪🙈 冇咩特別難忘嘅地方🤣

I tried the burger, good cheese, tomato sauce and beef and average friech fries. Beautiful inner environment. I didn't find any issues Hygiene. However, I consider the service was avarage. Honestly a little pushy when it comes to going over 70 minutes and they started to pushed us as soon as stayed over 60 minutes. I understand they need to do the business. But when you go to a restaurant with the baby, it is hard to finish the food on time because the baby don't understand timing, and a baby ta