Marlin

Open Now

Now Closed

星期六晚，同班舊戰友落左坊飲野。自從舊年轉了公司，工作模式有了改變，都好少要到這裡飲酒消遣了。是晚，蘭桂坊是重現以前的人山人海，幾多少男少女絡繹不絕的行上來趁熱鬧，看打扮，人人都搏到盡的，咁至係蘭桂坊嘛！會合在附近食完潮州私房菜的朋友，又周圍搵左幾位朋友，原來不約而同，大家也在附近。最後就在這裡企住飲。天氣熱，好在啤酒仍然冰涼，女士亦穿得夠「清涼」，也不介意在街外飲的。呢度仍然由大喇叭在頭頂響住，好好氣氛。又呢度勝在兩條街都望晒，一覽無遺。可能之前果晚飲左幾多，所以飲左兩支，就已經咁上下了，始終年紀大，唔飲得咁多。朋友有食野，又有女士飲雞尾，我就齋飲啤，最後唔使我埋單，所以唔知幾錢。好氣氛的話，在這裡「立飲」，都幾正的，所以無位坐，環境都比4分。

轉左工已經少出來飲野，今晚就落坊同班以前拍檔過的朋友飲野。飲左幾間，最後來到呢度。位處轉角位，四份三開放式，播著強勁的拉丁音樂，氣氛輕鬆，好正。加上呢度幾個大喇叭係咁播，如果蘭桂坊無左呢間野會靜好多。除左啤酒，仲叫左杯雞尾試下，叫Mojito的，是rum加檸檬汁加疏打，甜甜酸酸的，易入口，應該唔易醉；還在這裡叫野食，雞burrito，雖然味道不算十分好，但飲左酒就特別希望食番D澱粉質的，都食得高興。Taco就非我杯茶，呢樣就朋友食得開心D。一杯野加burrito，價錢大約八十蚊左右，在蘭桂坊唔算貴。