麻酸樂米線專門店 (Moved) New Location

應該同尖沙咀果間麻酸樂米線專門店係同一間喇,0的湯底係有番茄都係第一次見."麻酸樂米線專門店",唔係嘛...我叫0左個酸辣手絲雞+菜0既酸辣米線,叻加一塊黑椒豬排,一0的酸辣味都冇.得0的番茄酸,0的酸菜真係小得果幾條.個湯底除0左得番茄味之外,真係乜都冇.好彩叫0左黑椒豬排,唔係成個麵都會冇乜味囉...哩一ok 0既係果杯柚子茶,柚子味濃,不過記得搞下杯柚子茶,0的糖係哂底...0的服務生係咁傾計,仲大聲過0的客人.好嘈呀>_<

我都有幸幫襯過，如果係想食碗普通得黎有少少特色既我都覺得唔錯。但如果話俾我知係食麻辣又或酸辣，嘩!直頭係完全唔掂。味道就好似星爺既"食神" 入面句對白:"麻辣無辣味，失敗!酸辣無酸味，失敗!"好心唔好用麻酸辣做主題啦。攪到我依d鐘意食既有哂期望食完好失望。

今日又落大雨,所以近近地係呀bee屋企附近睇茄菲,睇戲前黎食lunch.我就點了手撕雞+肥牛肉+米線+鮮茄味菜炸菜湯底-果湯底都唔錯,有d蕃茄肉,但味菜同炸菜就得好少,d送都ok.小熊就叫了煙鴨胸+特級牛肉+金刀比羅麵+酸辣湯底(小小辣)-果湯底係有蕃茄肉,味道佢話都ok.不過兩碗湯底d顏色差唔多,係個酸辣湯底d色多了小小紅色囉,而小熊果碗我都試了一啖湯,其實兩碗d味(湯底)都係差唔多,真係唔知有咩分別.服務都唔錯,d侍應幾有禮貌,環境就一般啦,d位都幾密,人多會覺得幾迫,小熊就話門口就好似好大敢,但裡面就細了d,同埋牆上面(下面有座位)唔知點解有隻鐵馬係到, 佢話好似唔係幾好,好易整親人喎.

呢度面積需然唔算大,但係裝修由門面到店內都幾骨子。要特別一提既係老闆裝設左一種空氣淨化系統,就算鄰近有人食煙都唔會好難受,吸二手煙既機會都因此減少。咁體貼顧客既老闆,真係要表揚一下！食物方面,order左(日本進口)金刀比羅麵,配雞軟骨丸、三色蛋白、再加一杯蜂蜜柑桔露。今次要左個清雞湯做湯底,味道幾好,但係麵條既爽滑度就差d,反而用雞軟骨釀入雞肉既肉丸,同埋形似厚魚片既三色蛋白,其實係蛋白塊中包含皮蛋粒及咸蛋碎, 有特色得黎又好好味,至於杯熱飲,熱度十足,柑桔味道夠濃郁,若果蜂蜜再加多少少就十全十美啦。