丸亀製麵 (iSQUARE國際廣場)

Open Now

Now Closed

✨清湯牛肉烏冬到手只屬微熱 清湯味道適中 牛肉 份量少 碎濕濕 肉質乾柴 烏冬 明顯煮得太耐 口感過腍少少糊口配料有啲又係好腍嘅洋蔥同西蘭花成碗野都真係幾差下✨炸雞塊天婦羅雖然寫話係天婦羅 但明顯係唐揚炸雞炸雞唔熱 凍冰冰 炸皮唔厚 仍帶微脆 肉質都算嫩滑 味道唔錯如果新鮮炸起應該會幾好食✨野菜魷魚一樣係凍嘅 好油膩簡單講就係一嚿撈左啲野菜嘅麵粉 食唔到魷魚 冇魷魚口感同味道 幾難食下食物質素差左好多 記憶中以前烏冬係唔錯嘅唔知今次會唔會係個別事件或分店問題但今次食物真係好一般烏冬唔算貴 但加埋配炸物 就一定唔係平以呢個價錢 出面有好多選擇

又黎食烏冬貪呢度既烏冬好滑又可以揀下天婦羅CP值好高呀今次揀左~蜆肉烏冬細雖然揀左細但都多蜆架食到中段有兩隻蜆有少少沙蜆肉肉質OK既唔會好瘦鍾意佢可以自己加好多蔥花好合自己心水~牛肉烏冬細朋友點既佢都覺得幾好大家覺得份量剛好又唔會攬住肚~蟹棒天婦羅好好肉呀本人就好鍾意呀炸粉又唔會厚呀~餃子呢個就正常呀微暖都OK

這一天到isquare 吃午飯。這家曰式烏冬店有著各式烏冬，還有各款天婦羅可以選擇。客人先到櫃枱點餐，然後付款，是自助形式。店內的座位不少，而且不太狹窄，還有飲用水供應。蕃茄牛肉烏冬加溫泉旦這蕃茄牛肉烏冬的蕃茄湯十分濃厚，有蕃茄的酸香，加上牛肉十分軟滑，是曰本牛肉飯的那一種牛肉，配上Q彈的烏冬、蔥花和天婦羅碎，再吃一口滑溜溜的溫泉旦，十分滿足。腐皮烏冬湯汁清澈，沒有太多油份，腐皮有兩件，沒有太乾；烏冬口感Q彈滑溜，又沒有酸味，加另配的天婦羅，又脆又鬆化，沒有太油膩，十分和式風味。

今天下午在丸龜製麵吃了牛肉鍋蛋親子丼和一些炸物，是價廉物美的一頓飯。午餐有鍋蛋牛肉飯，它比其他在食店常吃到的同款食物更為美味，其中最大的原因是牛肉汁比較清甜，沒有如其他食店有太咸的感覺，飯上更放了一些洋蔥蓉，同樣清甜好吃，整碗飯給人一種很美味的感覺，絕對可以把它完全吃光。另外，炸物的款式亦多，炸好後會放在台前，任由顧客選擇，是自助式的，非常方便。注意，店內只售凍飲和免費凍水供應，方便客人選擇。餐廳的座位舒適，而顧客用餐後要把餐具放在指定地方以方便店員清洗。

叫了個泡菜烏冬，個湯底勁咸，不冷不熱，只有兩三片肥豬肉，真的從未試過咁難吃的烏冬服務態度奇差，點餐、收銀態度惡劣，實在難明為何開在isquare而不用執笠，奇怪

自助式取餐，想食乜自己攞，行到最後先計數埋單。餐廳環境好有日本feel，絕對平平地都可以解決思鄉情懷，而且餐廳都算大，有好多位，坐得舒舒服服😌咖哩牛肉飯 $43小辣的咖哩絕對送得飯，因為咖哩汁好多，牛肉則偏瘦推薦度3.5/5日式炸年糕 $16口感煙un ，咸咸甜甜推薦度4/5蟹棒天掃羅 $16我最欣賞，因為仿蟹柳都做埋蟹肉口感，一絲絲，有口感，另外，炸皮脆，唔算太厚推薦度4/5野菜魷魚 $16味道口感正常推薦度3.5/5環境舒服寬敝4.5/5

早排睇完「毒魔」，近近地揀咗附近嘅「丸亀製麵」🍜，由中學到而家間中都會食，皆因質素穩定又唔貴，有啲似日版嘅譚仔🤣，今次仲有新口味————————————————👅 炭燒雞肉拌烏冬（$47）👍🏻 特別叫咗走辣，幾甜口嘅照燒汁配烤雞粒，特別鍾意丸亀嘅烏冬，厚實中又有彈性，溫泉蛋撈完就不知所終🤣，自己加啲蔥花同天婦羅碎更豐富👅 咖喱牛肉烏冬（中$45）🔸 少辛版嘅日式咖喱🍛，同牛丼嘅牛肉，不過係撈烏冬👅 鱈魚扒（$18）👍🏻 係連鎖店早餐必叫，當然質素再好啲，魚味突出👅 魷魚鬚（$16）🔸 J生話似啱啱睇完毒魔嘅血蜘蛛🕷️，比佢吹脹，炸漿調味過，鹹鹹香香，缺點係凍咗啲———————————————— 🚩總結：烏冬界譚仔🤪———————————————— 🌟注意：如用餐完畢，請將餐具送回返却口————————————————📍 丸亀製麵地址︰尖沙咀彌敦道63號iSQUARE國際廣場6樓609號舖.

丸亀製麵呢間有別於一般餐廳，佢係自助點餐，一兩分鐘就整好啲嘢食俾你，然後你再排隊去俾錢，然後再自己搵位食，然後再自己將啲盤擺返去清潔部，基本上冇乜服務，店員個個木口木面，對公司來講係慳水慳力。問佢拎個牛汁，個店員都好詫異，仲將心裏面嗰句講咗出嚟，好似覺得個汁嘅份量已經足夠，暗示我唔需要問佢攞牛汁。食物質素：3.8/5服務：3/5環境：3.5/5性價比：3.5/5#尖沙咀 #isquare #foodcourt

其實呢間店我都經過過好多次 但每次都冇入去食 因為總係比其他野吸引左 加上本身佢個舖面冇乜太特別令我想入去嘅衝動（太似food Court ) 今日同男朋友出開尖沙嘴 佢話呢個好食 同佢去左試 估唔到 原來佢係有啲日本傳統烏冬店嘅感覺 搞到我又好想去旅行啦！入到去門口點餐 自己拎餐盤 廚房會即刻係您面前煮 之前隔離會有小小炸物 自助形式去簡 再推過去收銀前面就有關東煮 成個流程都係自助式 所以佢可以做到4x一碗烏冬應該咁解點左蕃茄牛肉烏冬 湯底比較「傑」同埋酸 我就一般 男朋友就話好好味 另外點左蜆肉烏冬 呢個湯就真係好濃味 每一啖都係蜆嘅味道 同埋蜆肉唔會煮到老哂 仲係好有口感 不過食到尾都係有小小鹹 另外加左腐皮 甜味重 但都可以叫多左一個口味去食烏冬另外炸物點左牛肉薯餅 炸魚 魷魚 味道黎講可以 炸到好脆 但因為放出黎自助去夾 就變左會凍 最後關東煮點左福袋 墨魚棒 同蘿蔔 福袋入面係蛋同蟹籽 墨魚棒普通正常 蘿蔔唔夠林 有啲澀

想飽肚又唔好太貴又可以加餸～第一時間諗起呢間烏冬店，佢嘅烏冬配搭有好多選擇，有湯烏冬、冷烏冬、辣烏冬⋯⋯而且餸方面又多選擇，唔夠飽仲可以加串物，又係半自助形式，水自己勘、調味自己加、食完記得自己去還食物盤！食物方面都好standard，可能集團式都有標準！雖然半自助形式，但服務員態度都好好！

丸龜製麵 日本烏冬快餐店日本都有好幾間不同嘅連鎖烏冬快餐店在香港選擇不多即管試一試依間快餐店 懷緬一下日本嘅味道當日係星期日嘅下午舖頭人客不多 有大量座位選擇當一入門口 師傅就會問你食啲咩先揀烏冬 當日我揀咗溫泉蛋明太子拌烏冬 6/10👍🏻係一款熱食拌烏冬 明太子鹹香辣 配上烏冬都唔錯另外仲有一隻溫泉蛋烏冬不過不失 算彈牙另外仲叫左一個 蕃茄牛肉烏冬 7/10👍🏻👍🏻番茄湯底濃郁 配上幾片牛肉熱辣辣都幾好食嘅 最後自己再加蔥同埋天婦羅碎 令到個烏冬更加好食我哋另外揀左兩個小食一個係炸魚柳 一個係可樂餅但係價錢唔平 都要二十幾一件 相對唔係好抵 但就咁食一碗烏冬又好齋 所以都可以加嘅！

今天選了大份的咖喱牛肉烏冬、中份的蕃茄牛肉烏冬和炸蝦餅。烏冬爽口彈牙，咖喱湯和蕃茄湯都味道香濃，和烏冬是絕配，我特別喜歡蕃茄湯，因為當中有蕃茄蓉，加添了蕃茄鮮味，牛肉也好吃，另外兩碗烏冬的份量也很多，吃得很飽。這兩碗烏冬，每碗都只是大約$50 ，我覺得價錢很合理。至於炸蝦餅，外皮很脆，內裏熱騰騰的，口感很好，味道則比較一般。店家的食物，我覺得不錯，至於服務也很不錯，比如我在挑選炸物的時候，想選的炸蝦餅已沒有了，店員告訴我炸蝦餅在製作中，並立刻查看是否已炸好，然後就在油鍋中夾出一件給我，挺貼心的。

懷緬藍店系列:丸龜烏冬其實我鍾意呢碗野係源於一樣我細個會做嘅野:一見到屋企有煮咖喱就會係咁到成碗都係再搵筷子搞到啲飯糊仔咁先再食😂😂利申真係食兩碗跟住我就會諗如果撈落去其他野度會點然後俾我見到呢度有呢個組合即管試試啦吖又幾好啲烏冬係招牌就唔洗講啦高質嘅撈埋落啲咖喱個小小嘅香辣再加埋烏冬易入口又係暴風式掃曬😍😍😍😍可惜吖🤷🏻‍♂️鬼叫你唔爭氣搵藍公司代理唔食咪唔食🤷🏻‍♂️ 。

惠顧丸龜製麵先要接受自助形式因為入店內先落單等候廚司即製烏冬麵下一步如想加購食物及天婦羅🍤可以自助選購再到收銀處付款之後可按個人口味無限♾️添加蔥花及蒜自行尋找位置用膳完畢後要自行收拾餐具🍴返回🔙回收處🌟注重服務的人留意不應選這餐廳因為本人惠顧下午茶時段價錢優惠之外餐廳食客的人數超少感覺舒服一碗腐皮烏冬包括雞串烏冬保持多年的水準彈牙本人超喜歡食日本烏冬餐廳價錢尚算經濟及有些少水準感覺性價比不錯👍🏻經常會惠顧

昨日中午係i square試新的花膠雞烏冬。 除了烏冬外，其他配料真的垃圾。 湯唔夠熱，味道一般，花膠質地似雞皮多d，又淋又細又薄，雞肉煮得太老，唔滑，西蘭花係凍的，我不是吃冷麵喔！