丸亀製麵 (綠楊坊) (Closed)

今日行街見到有間烏冬冷麵店，就行左入去試下。我叫左一個蕃茄牛肉烏冬，佢可以選中或者大既size。因為有d肚餓，所以我就選左個大既size。蕃茄湯既蕃茄味濃郁，牛肉因為一開始就浸過壽喜燒湯所以都好夠味！烏冬吸左蕃茄湯既味，而且d烏冬都好彈牙！除此之外，佢仲有擺左d海帶上去點綴下，紅色既蕃茄湯同綠綠地既海帶增加左視覺效果。如果上加上蔥花，可以係自助吧台，自己拎d蔥花加落烏冬個到。冰水都可以係吧牙拎到。

今日 (21-7-2018 Sat)晏晝老公放工後食晏,由於都幾肚餓,所以我o地o係綠楊坊搵o野食,行o黎呢邊睇,間間都有人龍,試吓丸龜啦,我先買,要o左$31.00中o既濃口醬油冷烏冬,加同樣係$5.00o既4片o既鳴門卷同2片o既腐皮,自己再加炸物,我要o左$7.00o既番薯天婦羅同$14.00o既野菜魷魚,合共$62.00.老公就買o左$51.00大o既豚軟骨高湯烏冬,自己加o左同樣係$7.00o既南瓜同茄子天婦羅各一件,同同我一樣$14.00o既野菜魷魚,共$79.00.開動喇,我o既冷烏冬夠凍同彈牙,濃口醬油唔算太鹹;鳴門卷薄切,完全冇口感;腐皮好腍同好甜,湯亦都甜;番薯天婦羅外面仍好脆,番薯亦夠甜,好味; 野菜魷魚口感都仍算彈,可以接受.而老公o個啲呢?豚軟骨好腍,味道似我屋企煲湯豬骨o既肉;湯底味道唔濃,啊,因為佢唔係豚軟骨濃湯;南瓜天婦羅同番薯天婦羅一樣,外脆內軟同甜,好味;而茄子天婦羅就略為普通.而原來除o左烏冬同炸物外,重有飯糰,或者下次記得時食啦.味道係3.53分服務:我買時人龍長長地,我揀完食物到收銀處,點知個收銀唔見o左,等o左一段時間佢至返o黎收錢.其他:俾

暑假，但都仲要番工，所以做完野就一齊繼續綠楊之旅。今次就選擇食烏冬。中午好熱呀...一定唔可以再食熱野啦。我叫左3號醬油烏冬（凍的同大的），烏冬都算幾有口感，而且凍的食物特別適合炎熱的天氣。由於個凍烏冬無任何的配料，所以當然要加兩件炸物加料。我個人最愛食雞，所以兩件都係雞。胡麻雞柳天婦羅（左）同炸雞塊天婦羅（右）。老實說，有d失望，唔知係咪因為整好放在枱面俾客人自己去選擇，我覺得無左種熱辣辣的感覺，而且仲有少少淋身，雞的味道還可以，但口感已經大打折扣。今日好似平左，（$22）兩件炸物，都算抵食的。

去過四國旅行嘅朋友都知道最出名嘅就係烏冬，今日去咗荃灣行街見到呢間烏冬店，仲要係冇乜人排隊就即時衝入去食烏冬啦，入到去嗌咗碗日式燒豚烏冬，再加咗兩串雞同埋魚，烏冬爽口彈牙，燒豚炆得好淋好入味，呢種味道就係我喺四國食過嘅味道，太好食喇，而果兩串雞同埋魚就冇乜特別驚喜，同埋唔夠熱，建議嗌嘅時候叫佢翻熱應該會好食好多。你間店服務態度好好整體都好滿意，會再去食。

晚飯時間來到丸龜，要嚐嚐佢嘅烏冬和咖喱飯我唔得。買嘢食個流程係，抬頭望下有咩食，然後同師父個要食啲咩，然之後，佢會整俾你，你就捧住啲食物去收銀俾錢。咖喱牛肉飯 $40:平時食日本咖喱，硬係覺得佢唔夠辣，而且太甜。呢個就唔同，香辣味重好多，好食啲。呢個飯都幾大碗，牛肉都多，咖喱汁又夠，唔會食食下無晒汁要乾啃。日式燒豚肉烏冬 $47 (大): 烏冬唔覺有咩特別之處。不過，好彩係買咗大碗，因為大碗都只係得四片燒豚肉和半隻蛋，如果係買中碗就一定唔夠食。燒豚肉其實無咩味道。半隻蛋就比不上平時食日本拉麵嗰啲咁好味。整體來說，咖喱牛肉飯較烏冬得啲，仲平啲添。

晚上九點半已經冇乜嘢食 好多食肆都閂晒門黎到荃灣諗咗一陣食咩就去咗地鐵隔離嘅綠楊坊搵食見到丸龜未閂門 就望咗下餐牌決定入去食 我之前係未食過丸龜嘅環境唔錯 可能因為太夜去 啲位係任坐又唔迫嘅 不過算係快餐店自助形式去到其實得返三四枱客 最後叫咗個烏冬食無記錯係豬軟骨烏冬黎仲有隻蛋添烏冬入口好軟身幾彈牙 幾爽口 幾好味湯底都好好味豬軟骨都好好味 入口幾好咬都係幾美味整體黎講可能因為太夜 佢地又唔太忙客又少 所以體驗幾好值得再食

午餐想快靚正，除左去大家樂、大快活、美心，可以選擇去丸亀😂首先排隊拎食物盤及餐具，揀烏冬種類及份量，之後可以揀湯，再順住行就可以自行夾餸，多數都係炸物（炸野菜、炸天婦羅、炸雞等等），仲有手卷、飯團，揀好晒自己食咩就順住去收銀俾錢，可以仲埋飲品。亦都可以自己去斟茶或水，最重要係自己落醬料～可以落脆脆增加口感或者裝一碗麻醬用來撈烏冬🤘🏼食物質素唔差架，不過係全自助，要自己搵位比較麻煩！最重要係記住拎返張單，15日內再幫襯可以當$5用，好抵！👍🏻👍🏻

荃灣都有間丸亀，位置都幾寛敞，裝修貫徹始終日式和諧美，燈光柔和。午餐輕鬆食就係good choice。明太子溫泉蛋拌烏冬中($45)，烏冬彈牙，拌明太子和蛋漿十分美味。胡麻雞柳天婦羅($14)外表香脆，內裡嫩滑。豚骨湯烏冬中($43)的湯有些淡，不過有西蘭花就加分，豚肉ok，加多些葱會好味些。蕃薯天婦羅($7)好甜，炸雞塊天婦羅($13)也不錯，炸粉好薄。記住留返張單，15天內一至五再惠顧，可減$5！

腐皮湯烏東$ 38🍥湯底好清，不會好咸，但叫得呢個腐皮湯烏東🍲，一定要加炸物，唔係會覺得好齋，加$ 8有西蘭花豚骨湯烏東$47，濃香湯底，唔會好似一般的味精豬骨湯味，會令你想飲哂個湯底