大師傅粥品

Open Now

Now Closed

嚟到尖沙咀辦事 ，做嘢之前想食些簡單一點的食物做午餐，想找個價錢相宜的地方吃一吃。好吧，先吃碗粥填肚。▶️魚片粥🐟🥣份量都足夠。幾多魚片，沒有什麼腥味。 可以看到一片片的魚片在粥裡，都算抵食。▶️艇仔粥🦑🥣份量是可以的，材料足夠 ，材料 新鮮 。可惜粥底似有加粉，起初望落似綿滑，但食食下很會出水，變漿糊，繼而變水狀。愈來愈多粥舖用這個做法，很怕這種粥，覺得很假。感覺有落味精，食完食口乾。整體上一般啦，無甚驚喜。以尖沙咀來說算便宜囉。

好耐冇食白粥＋油炸鬼好綿滑的粥➕香脆油條久違的味道 食完感覺舒服店內非常乾淨 服務都好好大眾點評關注還贈送了豆漿 豆漿都好濃宜家出邊太多味精嘢 好難得食到呢滴啦下次一定會再來噠

間唔時得閒就會過黎呢間食粥，因為貪佢又平又好食。以前無見咁多人食，呢排感覺愈來愈多人，今日黎到都全場full，仲唔少人等緊外賣添。食物種類都唔少，而且粥可以好似車仔麵咁自己揀餸加，不過我叫黎叫去都係炸兩，豬紅碎牛粥，有時可能加件白糖糕。佢粥底都幾綿，但又唔會去到完全無米粒咁，豬紅通常4粒左右，碎牛份量都幾多。炸兩皮薄餡靚！腸粉皮唔會厚，又滑，而且每次食佢個油炸鬼都係脆既，不過次次都要等番咁上下耐不過都值得既！雖然今次無食，不過呢間既白糖糕都好好食，又香，完全唔會有酸味。黃糖糕有次無聊想試下，佢同白糖糕係完全唔同既野，比較似包既質地。

每星期有一日喺尖沙咀呢邊上堂， 上完堂之後就要搵嘢食啦。今次就試咗呢一間粥店，想要食得健康啲。一個人叫咗兩樣嘢結果太飽。首先係十蚊嘅一個油炸鬼，本來以為可能冇，因為去到都成九點幾。而且心諗十蚊唔會好多嘅，點知佢畀咗兩大條成碟我(圖片嗰度已經係食咗少少㗎)｡而且雖然已經夜啦，但係佢嗰個質感都唔錯，唔係嗰種軟淋淋放咗好耐嘅！另外就係皮蛋瘦肉粥，一碗都有頗大碗。其實下一次我只食粥都會夠飽。29蚊都有唔少皮蛋，啲肉係醃過嘅，唔係鞋颯颯。我覺得而家想要食一啲平嘢，仲要係尖沙咀金馬倫道，呢間都算係好選擇。

尖沙咀最近少左好多旅客餐廳都唔洗點排隊 爽啊.狀元及第粥🍚$39 + $5料很足 有豬潤 豬肉片 豬粉腸 豬肉丸 另外加了牛肉片 才$5 不算貴粥的味道偏淡 但配料就好好吃最好吃應該是豬肉片 口感超級滑.蝦米炸兩腸粉🦐$23覺得這家店很佛心 有三大條油炸鬼腸粉皮好滑好薄 油炸鬼也夠脆但其實加了蝦米的分別不大 沒啥特別

呢排無咩胃口，又見呢間舖頭幾光鮮，所以中午選擇左係呢到食粥，希望可以食多少少。今日叫左可以降肝火既菜乾豬骨粥，第一眼望住碗粥：「點解咁綠既？」估計係菜乾煲得耐，菜葉都分解到粥裡去。但菜乾唔係啡啡黃黃裎木咩？何以咁綠？我都唔明白哈哈！舀落去都多菜乾，有啲連條梗長長的，豬骨方面多骨，連骨既肉比較少，但食落都好冧。味道方面唔太咸唔太淡，但食落就有啲唔似細個時係廣記粥店或者老粥店食個種味咁，但具體我又講唔出有咩分別....

最近食得太多濃味野今晚就簡食粥啦~艇仔粥加豬紅 足料炒麵色澤夠 麵質唔太乾身配甜醬惹味白糖糕較懷舊味~腸粉叫左兩款蝦米腸同叉燒腸鋪頭係用石磨米漿質感唔係滑身個種蝦米有味叉燒都入味 如果有少少蔥花會好啲啲腸粉豉油就無咩味 少許咸會更好整體都唔錯選擇同埋尖沙咀黎講都平價粥

尖沙咀鋪租貴, 新鋪開張好難相信會有差的經驗. 就算材料真係唔係佢地預算的, 但服務態度多數補上. 但點知就係咁中伏! 第一次走入去叫碗 魚腩豬膶粥. 豬膶OK, 但啲粥太多味精. 之後幾舊魚腩仲要全腥的. 同佢地反映, 佢哋回應都冇, 竟然連一個表情都俾唔到我. 我同坐見到都苦笑. 其實食嘢好簡單, 材料唔新鮮, 你服務態度好翻啲我條氣都順. 總之以後不會再來. 祝生意興隆. 講完

這星期因健康理由以粥品作午餐，所以在尖沙咀找了好幾間粥店，而今曰到訪的是新開的一家。店子位於尖沙咀的金巴利道地下。午餐時段，食客不絕,店內十分擁擠。這兒的餐牌很簡單，只有一張紙，就是分別有即熟粥$15-$31、生滾粥$36、腸粉$13-$23、炒麵$16和鹹肉棕$19等等。黃沙豬潤粥$36（加豬紅$4）這碗粥以黑色膠碗盛裝，是中等大小。粥底十分綿滑稠身，帶一點鮮味。豬潤切得唔太厚，口感少粉帶爽身。豬紅大大粒，口感滑嫩，味道也不錯。然而食到尾的時候，粥底變得稀身，有點水狀，但唔過於水汪汪。整體而言，粥品的味道不錯，加上材料份量足，性價比唔錯。

今晚諗住食清淡d，試下呢間店，姐姐好快叫我坐低，入面好多自遊行，坐低冇耐，有個姐姐叫我調枱，仲話我坐緊嗰個位，原本有2個客。嗰下著左，一個叫我入去，一個唔歡迎我，你估唔洗俾錢咩，最後我決定離開餐廳。服務態度好有問題，同趕客冇分別，入去食飯前諗一諗

因為我的胃部不舒服，在尖沙咀工作的我，想找一間吃粥的店也很難。 今日同事告訴我，尖沙咀開了一家主打吃粥的店，叫我會試一下。 我打了電話叫了一個肉片鯪魚球粥粥是棉棉的， 不會是粥水， 肉很大一塊，而且肉嫩入味。 鯪魚球，用粉不多，所以口口都滿有鯪魚味！ 選食材感覺到他們認真。 到了本店取外賣時，看到他們的油炸鬼炸出來好有鑊氣，忍不住叫了一條重點是價格在尖沙咀來説已經算便宜50多元有找！ 而且質素很不錯👍🏻推薦一下