禤師傅小廚 (Closed)

係荔枝角發現一間不太起眼的家庭式小廚叫禤師傅，這不是一間普通的茶餐廳，首先老板娘自家製的凍奶茶真係一絕，必定要飲！另外師傅安排的海鮮大餐真係好好味，蝦好大隻下，其它海鮮配自家製醬汁係賣點，有機會一定要再試！

長沙灣是既即叫即約即食..飯局5個人馬拉箋炒通菜...味道野味...如果唔切咁短會更好👍🏻咕嚕肉...好好味...本人食過頭10位內好味👍🏻啫啫雞煲...冇咩驚喜...雪雞.煮完出來.都算係咁.切番大件d會好咬口一點👉🏻👈🏻粟米魚塊...粟米汁都係咁既味（撈飯果隻）魚塊炸粉多左..咬落成口粉👉🏻👈🏻椒鹽鮮魷...鍋氣粉得都幾好...但魷魚唔算新鮮..食落可接受💪🏼鋪仔細細...都唔錯食左咁多加幾碗飯..$500鬆d落樓...5個人今時今日想仲想點😉

海鮮必須要提前一天落單，否則去到只能食小菜，但海鮮不會報價，即係去到時任收！（打電話下單時，老闆叫我地放心，話收得好平.......點知就中伏 從未食過咁貴海鮮、仲貴過西貢同三聖、仲要環境似足大牌擋格局 （舖頭只能放到4張抬）4隻瀨尿蝦 $640 （簡直過份，只係大隻但肉質一般）油泡荀殼魚 $280 （好細條）水煮魚腩煲 $75 - 用左個細細既碗裝，問了伙計，佢竟然答我地用碗都係一樣啫！真係不知所謂！最後埋單，4人食了$1850 真的想喊啊！冇諗過一間後巷小店可以收大酒樓價錢！

呢度有間好出名嘅X中華喺附近，其實我都有幫襯過確實係好好食，但係成日都無位，今日無啦啦我好想食餐好嘅海鮮，之前我老公食過呢一間話好好食嘅私房菜，於是下晝四點鐘打去試一試！點知佢哋有材料，唔使預約今晚即刻有得食！於是就去試一試！佢嘅位置非常之隱蔽，平常人都好難搵到！但係環境就係茶餐廳嘅格局，每人大概＄300到啦，就算一想點嘅就有成隻筷子咁長嘅賴尿蝦，味道鮮甜野味！不過一隻有嗰隻冇膏，當然有膏嗰隻好食好多啦！之後嘅就係聖子同埋帶子，聖子好口肉，而帶子都十分之好味鮮甜，而且洗得好清潔！最重要就係椒鹽鮮魷魚以及薑蔥炸蠔，超級夠鑊氣，好識過很多大排檔，我一定會返嚟再食架！

朋友推薦，話尼間海鮮好味，所以來一試。來之前一天已致電老闆預定需要的海鮮。店舖非常不起眼，好難搵。周圍冇泊車，只能泊路邊。除了已經預訂的海鮮還叫了川味雞煲，雞算滑，辣度最辣，我覺得一般般正常，冇掩蓋雞的鮮味，我會更推薦九龍城有口福的雞煲。水煮牛肉，無推薦，冇咩特別，配料一般，牛肉一般。椒鹽鮮魷，唔錯，上來熱辣辣，椒鹽唔會搶走魷魚鮮味，炸粉裡面加有吉士粉，推薦。椒鹽瀨尿蝦，蝦係好大，但我覺得冇咁肥，上次鯉魚門既會更肥。味道調的唔錯，唔會好鹹。黃金蝦，外面包了鹹蛋黃，但鹹蛋黃唔多，或者來貨唔靚炸的火候正好，但總體味道一般。蟶子王，同瀨尿蝦有同一個問題，好瘦⋯元貝就好大，但可惜蒸過頭，有d老。但粉絲味道唔錯。最後係避風塘炒蟹，我覺得蟹都偏瘦了，味道倒是不錯。買單一人700幾，就一般小店來講，味道唔錯，價錢都唔會好貴，唯一可惜的係海鮮太瘦，味精落太多，希望可以改善。

一餐窩心的晚飯第一次去食 開頭見倒店舖好住家式 有D擔心 留左3隻蟹(薑葱炒) 半隻口水雞 鼓椒炒蜆 蒜蓉油麥菜 超好味 食到一半 姐姐問媽媽 飯凍左 要換一個飯嗎?真的好窩心 依家仲有咁好服務 真的要讚吓 希望佢地可以保持水準同服務態度 一定會再幫襯 坐位好少 最好先訂位 海鮮可以預留

💟得閒小聚💟之😋🌸為了十全十美，5個人食10個餸🌸用❤製作,味道美味1-椒鹽賴尿蝦2-薑蔥蠔3-蒜蓉粉c扇貝4-豉椒蒸聖子5-黃金蝦6-胡椒花甲湯7-清炒蒜蓉白菜仔8-金銀旦莧菜9-油爆筍殼魚10-口水雞

💟得閒小聚💟之😋🌸為了十全十美，5個人食10個餸🌸1-椒鹽賴尿蝦2-薑蔥蠔3-蒜蓉粉c扇貝4-豉椒蒸聖子5-黃金蝦6-胡椒花甲湯7-清炒蒜蓉白菜仔8-金銀旦莧菜9-油爆筍殼魚10-口水雞

簡介:褟師父小廚餐廳位置在長沙灣兼善里4號，兼善里4號就是在聯邦廣場前青山道與褔榮街交界前一條街。駕車的食客可在附近的小街泊車。餐廳主打中菜小炒，海鮮菜式尤其受歡迎。出餐幾乎是即叫即煮，所以店內安排的座位亦比較有限，如一家多人光顧，建議先考慮訂枱留位。抵食：是次光顧4道菜，1碟印尼炒飯，2罐汽水/1罐啤酒，共收550元，價錢算是便宜。味道:4道菜有炸黃金鮮魷，香辣川味鷄煲，薑蔥桶蠔，金銀蛋浸時菜，每道菜都是即炒出來，味道不會過濃或咸，配菜材料也十分多及好吃，份量也很合理。 環境:餐廳內每道牆上都寫滿了可選的菜式，而且有很多可愛的圖案公仔配襯，即時使環境有個性格調。餐廳空調良好，有洗手間及電視，但餐廳內沒有免費Wifi服務。衛生：餐廳的衛生良好，簡潔雅觀中菜餐廳環境。

本以為是一般小炒王...但是吃得出廚師的用心。 今天是第一次來試吃，連朋友都讚好味道，仲要我下次去一定要叫埋他們！海鮮須要預訂，水準級的食品！一定會再次幫襯👍🏼...藥膳雞煲很好味，下次會試辣雞煲😋今次我們8人 吃了 黃金🦐、蒜蓉蒸扇貝、香葱魚腩煲、椒鹽九肚魚、辣酒煮花螺、藥膳雞煲、金銀蛋白菜仔、㰖菜肉鬆四季豆 及咕嚕肉...人均消費都是 $175左右...一個字「抵」

從朋友介紹下去到𧝁師傅小廚食飯，重點推介當然係特大瀬尿蝦啦，真係好新鮮，夠份量，夠野味，其他海鮮都好新鮮，因為係即日去街市買，記得要打電話訂坐，訂坐時記得要同老闆預訂海鮮，小菜也很好味，值得encore再encore

今晚同一大班朋友嚟食飯去到條後巷 爭啲搵唔到係條巷仔行入去中間～ 相當隱蔽我哋book咗張大枱 成晚都係得兩台客卜枱嘅時候訂定好多海鮮 口水雞都要預先訂定口水雞好好味 酸辣惹味但係唔會太辣可以撈飯食！雞肉都鮮嫰！大蟶子好多肉 ！但吾係好入味 唔會好咸扇貝好大隻 蔥同埋豉油混合粉絲好好味食飯傾計好去處

荔枝角食小菜可能你只會想到大中華，但原來向某條街的後巷位置會發現這家不起眼既小菜館！據聞禤師傅係來自國內酒店大廚，今晚決定一試其小炒功架！這裡的海鮮要預訂，可惜事前唔知道，幸好今晚有蝦可試！黃金蝦好大隻，鑊氣好夠，食到好濃味好香既蛋黃，但口感唔會好黏，夠乾身，蝦亦夠鮮！半隻川味雞煲同樣係必食！唔算好辣，雞亦非常嫩夠入味！正！椒鹽九肚魚椒鹽鮮魷兩款椒鹽都炒得好到位夠乾身唔油膩，椒鹽愛好者一定唔可以錯過！！

今日到了禤師傅小廚吃午餐。此餐廳位於窄巷當中，不注意可能難以找到，但卻內有乾坤，一坐下，便先有一碗熱湯，這天是西洋菜湯，暖胃老火，不是味精湯貨色。吃了一個午市的冬瓜火腩飯，冬瓜很大塊軟腍，火腩的份量也不少，正常火腩味，吃後甚飽，加上隨餐附送一杯熱飲，埋單36蚊，感覺性價比不俗。這餐廳還挺潮，有自己的fb page 和 ig，未看不知道上面有甚麼內容，不過挺新奇的。

放晏一定係公司附近食嫁啦, 所以就揀左一間頹飯餐廳泥食啦點了一碟蝦仁韮菜炒蛋飯, 蝦仁炒蛋非常大份, 不過蝦仁就比較少啦, 好似食蛋為主咁, 但係蝦仁都係爽口既另外蛋都好滑, 仲會有少少漿流出泥, 真係好滑蛋既, 不過就唔好豉油, 所以好似無乜味咁