低調高手大街小食

Open Now

Now Closed

不嬲都聽喺東區住嘅朋友講低調高手嘅雞蛋仔好好食，於是難得經過呢一頭就去咗買，佢有幾隻味道，而我覺得最特別嘅就係鹹蛋黃，但係我自己都係偏愛甜嘅雞蛋仔，所以就揀咗呢一款：朱古力雞蛋仔。聽講平時都幾多人排隊等，難得今日唔係好使等，覺得自己真係好幸運。拎住喺條街食嘅時候，我就打開佢個袋，盡量令到佢「呼吸」一下，如果唔係好快就變淋，咁就一啲都唔好食。咬落去嘅時候，啲朱古力粒溶咗，所以雞蛋仔變咗做流心，成件事真係勁邪惡，但係好正！如果俾我揀多次我都係會揀朱古力味。

用app 訂了外賣 ,我早到了.都知多人排隊 , 然後佢就比左個一早整定好哂嘅雞蛋仔我 , 係凍嘅 ,係超難食.上次都有用app 訂 ,同樣都係早到,但佢係將下一個整好嘅雞蛋仔比我 ,係熱嘅 ,的確係幾好食.質數如此參差 ,時好時壞 ,我唔洗突登搭車入黎食啦 ,求其買個普通雞蛋仔咪算 .你多人咪慢慢整囉無人吹你 ,但你比個凍嘅雞蛋仔我就唔ok 囉.

最初吸引到我注意嘅係個鋪頭名，覺得好好笑。後來見到好多人介紹，原來一個搞笑嘅店名背後對於產品相當認真。去筲箕灣東大街掃街，第一間就係幫襯佢，因為聽聞要等好耐。結果係預料之內，條人龍真係好長，食咗好多小食返嚟都未到我。但係人就係咁，越等得耐對件事越有期待。雖然佢有好多選擇，但係我都係揀咗原味雞蛋仔。未試之前覺得雞蛋仔都應該係差不多味，所以唔咁期望太高。除咗攞到雞蛋仔嗰一刻有啲興奮之外（終於到我啦！），第一啖放入口真係有驚喜。雞蛋仔外層超級脆，而多蛋漿嘅部份入口即溶。呢個口感我喺第二度真係冇食過，可能我幫襯過嘅，多數都係整定喺度保暖。不過呢度嘅雞蛋仔需要5分鐘之內食晒，因為佢凍咗就已經冇咁好食。雞蛋仔雖然係一個好普通嘅小食，但係要整得好就唔容易。無論材料、食譜、師傅嘅經驗、烹調嘅程序等等都相當重要。推薦大家試試😋

每次嚟港島一定要食呢間雞蛋仔！ 做到外脆內軟，裏面超鬆軟而且一定係即刻整俾你仲係熱辣辣推薦！但假日比較多人，每次嚟都超多人排隊建議大家出去行一行，先嚟拎😂😂價錢尚算合理

假日店舖外排住長長的人龍，旁邊每人手拎住雞蛋仔或者格仔餅。所以都唔執輸買返底嚟食，等候嘅時間都比較需時，即叫即整。📍黃金格仔餅拎上手熱辣辣，賣相睇落誠意十足。格仔餅外脆內面鬆軟，內餡夾滿 滿滿的鹹蛋黃，鹹蛋黃食落一粒粒，亦有實淨鹹蛋黃心，整體食落更有口感。同時配有砂糖、煉奶、花生醬，同鹹蛋黃配襯，甜鹹相宜，完美融合。😋小店完全唔孤寒，幫你搽滿大量嘅醬。食完之後，袋底仍然有大量醬汁。食落極大嘅罪惡感，每一啖都係卡路里、脂肪記得同人分享🤰🏻!

離屋企太遠 呢區真係好少去 🥹每次黎親都一定會食😬食左咁多年都好滿意既低調高手👍🏻今次難得去呢區掃街食野就當然會幫襯下比完錢排隊 大概等十分鐘左右就有即叫即製 依然熱辣辣蛋香十足 脆皮 入面都夠飽滿一粒一粒 一陣食晒 好滿足 下次黎到一定再食😋😋😋

未食過都一定有聽過「低調高手大街小食」呢個特別嘅名鋪名可以改到咁型，老細一定對自己都好有信心😂梗係要試下好食😜我就覺得同媽咪雞蛋仔差唔多，要比較嘅就係媽咪雞蛋仔唔洗等咁耐😂超好多人排隊，所以一定係即叫即整! 新鮮熱辣辣出爐嘅雞蛋仔格仔餅好難唔好食🤤我就叫左一底雞蛋仔一底格仔餅，等左45分鐘左右，見到好多人買五底以上😯格仔餅快出過雞蛋仔，現場見好多人都叫2-3底雞蛋仔，雞蛋仔受歡迎程度大拋離過格仔餅😝⭐原味雞蛋仔第一次吃，梗係要試下原味雞蛋仔! 呢度雞蛋仔嘅口感係外脆內軟，烤得脆卜卜有少少甜味，新鮮熱辣辣好食~係回憶嘅味道🤣⭐金莎格仔餅格仔餅而家有人叫夾餅，始終都係叫格仔餅最順口😝格仔餅算係香港地道小食之一，低調高手大街小食有好多唔同口味，我就試左金莎格仔餅。格仔餅個面係脆脆地邊，入面嘅粉岩岩好所以食落脆脆地，有層次又唔會變成蛋糕咁厚身

真心超多人，舖仔細細，又幫軒公拉票，又到紅館到會，真心要質量好，才會人人欣賞。差不多三點鐘到，店長體貼提示，要等廿五分鐘，在一位食貨來說，當然沒有問題，看購買，再行街囉。選擇了最單純的原味雞蛋仔，準時到了，問一問店員，店員說第三位到。食貨要食好嘢，又想快，格仔餅幫到你。真心疑惑，係點做到外脆內嫩，仲要熱辣辣，所以朋友好嘢是值得期待。#良心小店#一早講明要等#有咸有甜咩都得#真係街知巷好地方#仲行埋崇真堂 靚

Went there with my family on Christmas Day after having cart noodles nearby, and revisited on Boxing Day since it was so yummy!.We ordered Original HK Egg Puff to share.Crunchy exterior with a soft and hot interior, the egg puff was subtly sweet and chewy. The custard filling was rather light, making it not heavy to have. It smelled aromatic yet it cooled down quickly, so we had to finish it asap if we wanted to enjoy a hot puff..The price was a bit pricy, but it tasted really nice. They only pr

【值得大排長龍嗎？🤔】 經過朝聖，大排長龍，本身很愛吃雞蛋仔，決定一試！第一次吃，選了黃金雞蛋仔，我應該選原味試試，錯了🤣原味才可以試到有名之處。這個黃金雞蛋仔中規中矩，沒什麼特別之處，咸蛋味蓋過了蛋味，外層也不夠脆。不過還是想試多次，相信他今天的熱度，一定有他可取之處！ 低調高手大街小食 (筲箕灣)筲箕灣筲箕灣東大街76A號地下B3號舖

🥚🧇餐廳名: 低調高手大街小食地區: 筲箕灣評語:朱粒雞蛋仔 HK$38 - 即叫即整 趁熱食 熱辣辣好脆口 冇燶 朱古力分佈平均 每粒都有 雖然話(苦)其實唔算好苦 只係唔係牛奶朱古力咁甜 少少蓋過左蛋味 整體係唔錯結論: 小店下午一點鐘開門前已經有小龍排緊隊 如果開門前等 買完等30分鐘左右就有 開門後有一大班人係度買+等+食 呢間都叫做唔錯既雞蛋仔 英文舖名都港式味道 下次會試埋格仔餅環境衛生: 🌕🌕🌕🌗🌑食物味道: 🌕🌕🌕🌕🌗服務態度: 🌕🌕🌕🌕🌗@master_low_key_food_shop#低調高手大街小食#筲箕灣美食 #筲箕灣#雞蛋仔 #朱古力雞蛋仔#香港 #餐廳 #情侶餐廳 #情侶飲食 #幫你食 #coupleeat #helpyoueat #eatanddrink #hongkong

第一次食嘅時候我記得個格仔餅同雞蛋仔麻麻地,一啲都唔脆,到第二次嘅時候食格仔餅,就好好食,外表好脆,內裏好鬆軟,煙韌.一年後再返嚟食,今次第三次,平日下午用whatsapp預先下單,點咗一份黃金格仔餅,去到舖頭見到都好多人排隊,而我格仔餅就一早ready.但係一攞上手有啲失望,因為個格仔餅已經好冧.都係有蛋香味嘅,裏面都係煙韌,軟熟,不過外皮就真係差好多.所以唔知點解呢一間,水準咁飄忽,都唔敢再試

由小食店剛開幕的時候，我已經開始食呢度嘅雞蛋仔和格仔餅。當時店舖仲未開始出名，由老闆哥哥親手炮製。記得當時舖頭出面仲放咗一首詩，內容大概係講舖頭有幾低調，高手在民間。除咗出品好食，老闆都幾幽默🤣去到附近肚餓，當然會買一底過口癮。喜歡這裏的朱古力雞蛋仔，朱古力粒分布均勻又足料，而且可可味濃，與甜味平衡。裏面仲加上榛子粒，味道有幾分似繽紛樂。我最鍾意呢度雞蛋仔嘅口感，外脆內軟，雞蛋仔蜂巢網格位都烤得卜卜脆，加上有少少甜味，好似咬緊脆糖，好特別。小貼士：小食店出邊多人排隊，店舖依家喺網上外賣平台有外賣自取選擇，喺app嗌定係攞就唔使等啦🚀 另外，我都會揀唔要膠袋，等容易啲保持口感乾脆😋

今日終於嚟到呢間筲箕灣好出名售賣雞蛋仔同格仔餅嘅舖頭原味雞蛋仔；售價24大元，一啲都唔便宜門口企满人等，足足等咗廾分鐘先有，睇包装，都算粒粒飽滿。到返屋企食，已經凍咗，同無咁脆，但是口感唔錯，而且唔係好甜，相信買咗即刻食，會更加好味

下午四點左右到 前面有十幾張單等了又等 味道卻令人失望✨原味雞蛋仔雞蛋仔 略嫌唔夠蛋漿 外層乾脆 内心位面積較小 外脆內軟效果唔明顯 蛋香略淡 整體黎講好普通✨ 原味格仔餅經典口味 要左全多 即係乜都要多格仔餅只係微脆軟身 差左好多配料有牛油 花生醬 煉奶 砂糖落得夠重手 花生醬味道最突出 配搭簡單唔花巧 原味絕對係首選總結：食物質素下降 差左好多作為人龍店 等候時間好長 環境普通 服務可以 價錢還好以今次食物水平 經過可以一試但唔值得特登去 唔值得等太耐