簡單廚房 (Closed)

之前在朗豪吃過她的煎鵝肝，感覺良好，是次來到將軍澳，人生路不熟，於是和朋友決定重溫鵝肝。在門外已經開始了這次貼$買難受之旅......首先，在門外等了兩分鐘左右，這兩分鐘明明和多個侍應都有eye contact，但都沒有人給我們帶位，我和朋友打算走的時候，終於老闆娘出來帶位......(這個moment可說是這餐唯一有被禮貌述語招待的時候......)坐下之後，有一個中年頭髮及肩的女侍應放下menu，之後走開...= =，到我們點菜時，那個女人一行過來便:食咩?飲咩? 沒有尾音，趕你下單之餘，那副嘴臉還好像我們在打擾她似的。上菜時，其他的侍應都是放下便走，沒有出過一句聲......我得罪了你們嗎?!!!!!!我們點了個天后二人套餐($148) 是日餐湯:野菌湯?:有咬口，多料，吃得出不是罐頭產品，不過有點over......好像在咬磨菇=..=香煎帶子幼意粉配黑松露菌乾番茄汁:那些帶子是大x凍肉的貨色嘛...黑松露菌吃不出來，是否溶掉了?而那個汁真的很乾...過份黏口囧囧囧，而味道就和七仔的肉醬意粉完全一樣，早知去七仔吃好了!!松露火腿薄餅:少料得來很淡，吃那條邊時，好像在吃梳打餅，兩

遠道而來將軍澳新都城，晚餐隨意地選擇了Match Too Cafe原來這間餐廳是由影星郭少芸開設的，身為老闆娘的她卻親身在門口招呼客人雖然平時不是特別喜歡這位半紅不黑、二三線的姐仔，但畢竟她總算一位略有知名度的影星，被她所吸引光顧了一餐郭少芸本身是老闆娘，招呼當然周到可是，她的一班伙記就真的麻麻；雖然未算態度差，但辦事有欠積極，例如明明見到客人舉手示意，也咋作看不見.... 老闆娘在此尚且如此，若她不在實可見一斑 叫了一個二人套餐︰牛柳意大利飯、松露火腿PIZZA、兩客甜品(朱古力慕思、焦糖布甸)牛柳意大利飯︰牛柳份量實太少，而且沒有燒汁伴著，只是一塊乾爭爭的牛柳而已；意大利飯味道OK....松露火腿PIZZA︰松露、火腿與芝士的配搭唔錯，味道幾好，加上賣相幾特別，一塊正方型的PIZZA，算幾吸引新鮮 朱古力慕思、焦糖布甸︰兩份甜品味道只屬一般，不是太甜就是太淡，而且沒有口感，只是平平無奇的慕思、布甸而已雖然這餐晚餐唔算貴，只是$160-170，平心而論，以其服務水平、食物質素，唔太抵食呢！老闆娘，妳真的要檢討一下了！

今日同M小姐晚飯係呢度食...當時等位既只有我地...等左好耐好耐望入去見到仲有d台未執好...再等左陣先有人出黎帶位...等到我就黎餓死左點左天后2人套餐 餐湯: 為法式蘑菇湯(?)...好香菌香但飲飲下會有菌碎屑...略嫌打得不夠幼細 可以更好的! 松露火腿薄餅: 薄餅略為油膩...批邊脆脆地加上半溶既芝士...good!配料有火腿同雜菌....味道我覺得ok....可一試香煎帶子幼意粉配黑松露菌乾蕃茄汁: 個名好長...不過唔好比佢誤導佢個汁完全係7-1x叮肉醬意粉o個隻味...帶子帶輕微雪味 意粉就不過不失啦!士多啤梨三重奏,檸茶: 中層既mousse幼滑...底層酸得緊要 檸茶最正常服務: 侍應同我地落單時..係"食咩!".."飲咩!" 完全冇尾音...仲要黑口黑面...勁冇禮貌d野黎既時間...唔會講一講係咩or問下係邊位order...其中一碟仲放底得好大力...嚇死我!!! 比我既感覺係"總之你拿拿林食完...比低錢好走"唔覺有人serve過...完全係餐廳大過食客....好差Never Again!!!

叫咗個二人餐, 有湯, 有個軟飯, 有個 pizza, 有 mini 甜品, 有野飲, $168, 價錢都唔算貴 湯, 只係得紅湯, 無得選擇, 茶餐廳都有白湯同紅湯揀喇, 湯頗鹹, 同埋有d 辣 黑松露菌牛柳軟飯, 都頗油, 上 菜時你會係碟邊見到好多油, 飯都算ok, 牛柳亦算可以 Pizza係黑松露菌火腿 pizza, 個賣相 ok, 味道都係普普通通, d 料都係頗油.. .. 餅底尚算可以. 個mini dessert, 細得可憐, 我地叫咗黑森林同芒果糯米糍, 個黑森林 只係有兩小啖, 個芒 果糯米糍嘅 size 仲大個黑森林個杯口..總括而言, 一分錢, 一分貨喇, 又唔可以要求太高, 如果未黎過, 可以試下... 坐嘅地方都舒服..... 但我唔會成日黎..

帶位嗰個係無綫嗰個郭少芸呀原來 E 間野係佢開嘅我食雞石頭鍋飯ha 由於石頭鍋嘅關係佢比較熱 好耐都唔凍趕時間唔好揀石頭鍋飯呀好多飯焦鐘意食飯焦嘅人實鐘意呀脆卜卜幾 gd ar

之前經過幾次都想試吓, 今日有機會了! 個environment 都好舒服, 不過星期六的lunch都無mud人, 唔知係唔係唔好食呢??見到promotion有個新出的鐵板撈飯, mud個賣相咁似pepper lunch?! 橫掂未try過pepper lunch試吓呢個得唔得先..... 黑椒牛肉鐵板撈飯 (***) : 上枱時支支聲仍在暮煙, 自己再淋上黑椒汁, 牛肉在half生熟狀態, 炒吓炒吓d飯咁, 好香, 味道ok, 不過d牛肉好差, 好un......... 燒豚肉鐵板撈飯 (**) : 老公order, 不過上枱時無支支聲, 好似唔夠熱bor, 可能因為d豚肉已經熟咗, 唔洗再煮熟, 老公就炒飯無我炒得咁過癮了........味道ok啦, d豚肉都ok淋...雖然唔多好食, 不過有highchair, 有d好靚既兒童餐, 下次可以帶埋bb去bor.......

左揀右揀,唔知食咩好,見簡單廚房個名幾好,而且有甜品display,就揀咗佢,點知係後悔嘅開始...叫咗一個午餐芝士三文魚焗飯 其實得個炒飯底可以食...D芝士好漏,又唔香,又無咩芝士味。D三文魚重衰,有陣腥味一個甜品,waffle+雪糕,問佢可唔可以「後上」,定要遲D叫,個待遇就話:「而家叫埋la」點知個甜品最早上,咁不如你同我講無「後上」服務la,個雪糕又唔可以放住唔食...最重要係個甜品唔好食。D雪糕起冰,個waffle唔熱唔鬆,好乾重叫咗一個meau上嘅菜式,香草雜菌天使麵, 等咗咁耐先上,以為好D la, 點知最差e個D意粉一pat pat咁,D菇有燶味, 重要成碟都好油...唔講我以為係油浸意粉D服務都唔好,侍應叫極唔應,上菜慢,等咗成20分鐘先上到菜。2杯飲品明明一樣,又開始時上一杯,另一杯問咗幾次,差唔多唔食(D食物質素無可能食得晒,所以唔會食完)先上。其實當時客人唔算多,無理由可以慢成咁。就算人多都唔係藉口十問九唔應,答都唔答一句我4:20入去,最後5點前,佢話last order, 問有無嘢加,當時杯飲品都未到。過咗一陣,個侍應就逐台叫賣單,唔到$150唔可以簽卡.

尋晚八點3個人去食座位坐得幾舒服, 環境都唔錯叫左3份晚餐每份有一個飯/意粉 + 湯 +飲品 是日餐湯 : 黃色的湯, 似乎有薯仔的, 都幾好 雞肉菠菜闊麵 : 幾好味 , 但d汁唔係好杰, 所以食果陣自己撈勻 蒜香牛柳黑松露軟飯 : 都係幾好啦, 個牛柳夠牛味又夠淋, d飯都幾好, 比正宗的淋, 比白飯硬囉, ok蒜蝦天使麵配鮮茄汁 : 有5假蝦, 有d蘑菇咁, 個汁係一d都唔杰, 但幾清新, 個晒鮮茄唔會好似茄醬咁濃, 幾開胃~3杯凍飲 (+$3@)埋單$234 算幾好啦呢間有heart過椰林閣系列 同 珊瑚堡好多嫁喇見到有中餐同兒童餐tim

某日下午同老公去食Lunch, 之前已去好幾次都 OK,但今後都唔會去....12:50 到達後Order 兩個焗飯(焗豬飯,焗牛飯)1:00 waitress送到, 點知隔離枱話佢個焗豬飯未到, 個waitress竟然將我個焗飯取走返去廚房, 跟住一陣間又將焗豬飯送去隔離枱1:10 追order1:15 waitress話廚房個人燙到手,將我個飯倒瀉咗 (咁都得!?) , 要再等多5mins 我心唸如果 5mins 得就唔使到而家都未有啦, 而且我1:30又要走, 唔得點算? 於是同佢講cancel order, 點知佢話我個餐飲要收正價喎, 費事同佢嘈, 唸住算數1:30 埋單發現佢計我老公杯涷檸茶做正價及加一, 我個熱咖啡就計餐飲 (涷飲$20, 熱飲$18)真係$22 就睇到佢地做生意手法咁識計數, 唔怪得開完一間又一間 !!!!!!!!!!!!!!!!!!(建議waitress下次記得要計埋餐湯正價!!)

同朋友星期日來食晏...叫左個二人SET ($168):南瓜忌廉湯X2蒜香牛柳黑松露燴飯辣牛肉薄餅餐飲X2迷你甜品X2野食整得好精緻, 環境幾好, 座位闊落其實諗返都覺得有D貴... 因為份量唔係多至於味道呢...唔知點解我同我個fd都覺得:未至於好好味, 但又唔差...湯普普通通啦~幾鍾意個飯, 牛柳好稔, 個飯好香PIZZA辣辣地, 都唔錯反而杯餐茶(凍檸茶@+$3)真係唔多得...成餐最正係迷你甜品叫左士多啤梨三重奏同豆腐芝士餅另外加叫左個熱情果火焰雪山($8)豆腐芝士餅本身無乜豆腐味, 而且係朱古力蛋糕底, 好重朱古力味好搶最好食係士多啤梨, 又靚, 仲好CREAMY熱情果都OK, 面頭既蛋白彈下彈下好得意的, 不過熱情果一層略甜整體都OK, 起碼食得舒服, 服務一般啦, 可以好DD添

星期五晚大約九點鐘入座，唔駛等位，食物好快就上檯。叫左兩份一人晚餐，分別係南瓜雞扒石頭窩飯 ($48) 同辣牛肉Pizza ($82) ，價錢包左餐湯同飲品，份量 ok、價錢 ok、味道亦唔錯，只係個餐湯差得離譜，好似用粉開水咁，仲要勁咸 。南瓜雞扒石頭窩飯甜甜地、濕濕地，有o的似Risotto，不過無Risotto咁有口感，有飯焦，加埋雞扒煎得剛剛好，好味！ 辣牛肉Pizza份量細細地，薄薄脆脆，有好輕微o既辣味，都幾好食！環境方面，裝修靚、坐得舒服。個人鍾意佢以「大拖鞋」做牆身o既裝飾，得意又特別！整體黎講，食物唔差，雖然無咩驚喜，不過亦不失為一個開餐o既好地方，一試無妨。

噚日同媽咪兩個人去食飯突然想食意粉係簡單廚房同PIZZA HUT之間選擇前者由郭小姐帶位覺得郭小姐好似訓導主任佢個樣好惡但態度OK叫咗個$148餐(另收加一)有餐湯、意粉、PIZZA、迷你甜品同餐飲點咗帶子幼意粉同磨菇PIZZA兩樣都OKPIZZA底有D似麵包食完先點甜品D Waiter都好忙個個好似摩打腳咁行我想遞手落單都唔係咁好意思而當時郭小姐喺附近佢一眼關七咁睇到我就過o黎幫我order甜品甜品冇影到相呀不過我點果個芒果布甸好似羅拔臣布甸粉o既口感同味道如果甜品好食d 郭小姐比返d笑容帶位會好好多

因為媽咪唔想煮反**所以去左新都城食晚餐**諗住黎試下開左一排既match too cafe 簡單廚房**8點半去到門口見到好似都有人等位*諗住要等好耐**點知原來d 人係係度睇郭少芸**因為佢做帶位**我同媽咪2個人食**原本想叫二人餐**但個個set都有pizza**但媽味話唔想食pizza**所以媽咪叫左個黑豚肉菠菜軟反套餐(有是日餐湯+餐飲)**我叫左蒜蝦天使面鮮蕃茄汁套餐是日餐湯:什菌忌廉湯我覺得都幾好飲**如果個湯唔好咁稀會再好d黑豚肉菠菜軟反($82): 份量唔係好多**d 反好似用左珍珠米**好食**個肉得幾塊而且好似有d 怪味**d 菜有沙**蒜蝦天使面鮮蕃茄汁($64): 好香既蒜蓉味**我個碟大約有4隻蝦**兩隻係燒**好食**但其它2隻蝦有腥味**有未熟既感覺**個蕃茄汁無咩特別**餐飲: 熱檸茶**一d茶咪都無**整體覺得咁既價$$，食物既質素應該可以好返d2個人食左$160

個日諗住睇下邊到有lunch食.之前見呢間幾多人..價錢又蠻貴.但個日見到有平到(可能係假期過左..dinner以外的時段人流又麻麻)做下平d ge lunch~我就同媽媽去左試下,我叫左個沙爹抄撈公仔麵....媽媽就叫左個鐵板上面有d豚肉同白飯,,仲有個燒汁俾你自己淋上面.但係個名忘記了先講下個公仔麵.,好少沙爹味...好淡~比起茶餐廳個d差十倍!再來個鐵板飯..都ok! 但係份量就少左d!撈2撈食2食就完啦~總括得個地方係最ok!d野食可以講係一間旺角樓上cafe的菜色

今日同個朋友出黎傾計，本來諗起椰林閣先的，但係行過〝簡單廚房〞又見開左咁耐次次都只係得個睇字，未有真正試過，所以就心郁郁咁去外面睇睇個menu。看後，覺得佢個價錢其實同椰林閣價錢相若（Dinner），就認為可以一試。入到去環境不俗，而且ｄstaff 既服務態度又唔錯，感覺上衛生都好好，乾淨企理，與價錢相若的椰林閣相比，〝簡單廚房〞真係好好多。我叫左個（個名唔係太記得）鐵板上的黑椒牛肉飯，黑椒汁是另上，而有個真係幾值得一讀既係－－有張圍住個鐵板周邊既紙，這面是避免落黑椒汁於熱辣辣既鐵板時，ｄ汁會咋咋聲彈出黎整到客人的衣物之類；附送１杯熱飲（限於coffee、奶茶、檸茶、檸水），凍飲+3，特飲+10（熱朱古力都屬特飲）；客人可選擇以special price +15叫個cake；我就揀左另叫個$8- 既mini 甜品，佢門口counter果度有ｄ模型，可以睇左再考慮食唔食，我食完就覺得真係幾好食，不過都真係幾貴，而且都真係好mini，但個人認為試下無妨。食完之後同個Friend 坐左o係度都傾左一陣計，其實佢個環境都幾適合傾計。今餐Total 食左$48+$8+加一服務費= 約$63/人