麻吉灶咖

Open Now

Now Closed

外賣自取叫香腸皮蛋青椒滷肉飣同藤椒牛肉拌麵 個飯正正常常 不過餐廳俾錯紅燒牛肉麵 俾錯都算 個麵勁難食 牛肉冇味唔淋好韌 麵唔三唔四 淋又唔係 煙韌又唔係 成個麵完全唔想食 冇下次

之前食過2,3次lunch menu 覺得牛肉麵幾好食，所以琴晚同朋友約喺K11食飯都揀咗呢間再試埋晚餐。我地唔餓叫左3樣野食，牛肉麵，芋泥蛋餅同埋一個特色小食叫做咩墨魚滑夾粟米仔。三樣嘢味道都可以，但係有兩個問題：第一樣係全部份量都偏細，我哋兩個女仔唔餓嘅狀態下都覺得唔飽，食完仲去咗厚福街食糖水😂第二樣係餐廳同事都幾有問題，我啲嘢食都未食完，碗麵仲有¼蛋餅亦都仲有一兩嚿，我同朋友傾緊偈佢起碼行咗嚟三次話使唔使幫我收咗佢，我完全黑人問號？佢又冇限時，而且餐廳啲位多到不得了，亦都未到收工時間，想趕我走定點？我唔get，可能因為之前食lunch自己都趕時間唔覺佢哋係咁樣，但係晚餐想好好地坐低食吓休息吓都唔得

這間餐廳一向味道不錯，所以光顧了很多次。最近這間餐廳開始要求客人與其他人搭枱，感覺非常之差。很驚訝，一間在尖沙咀K11內的餐廳，客人食超過百幾元的午餐，竟然需要像茶餐廳一樣搭枱。現在食物味道開始轉差，相信不會再光顧

lunch time跟朋友來尖沙咀k11買東西，順便來這間吃飯🥰而且靠近地鐵出口，好方便台式溏心蛋煙肉飯，兩大塊厚身肉片，醬汁很濃，鹹鮮中帶有微微甜味😋，溏心蛋🥚也甜甜的，還有蔬菜🥬，很健康的配搭鹽酥雞配麻婆豆腐飯，鹽酥雞外層很酥脆，肉質多汁，熱辣辣😋。麻婆豆腐是台式那種麻辣，😋配飯一起很好吃～ 涼拌豬耳，豬耳脆脆的，麻辣鮮香，爽口開胃🤤乾梅粉地瓜條，酸酸甜甜，地道台式小食套餐內還送了柳橙汁或鳳梨茶🥳 兩個人吃了200多，性價比不錯

全自費去試嘅台灣菜餐廳，整體食物都比較精美，但係味道就未去到太地道，不過不失～ 🤓《蚵仔麵線 $68》整體份量都唔算多，食一碗可能唔太飽～不過蚵仔都幾大粒，而且唔算好腥～～《台式風味牛肉麵（半筋半肉）$98》肉嘅質地唔會韌，而且都大嚿～😋不得不說佢嘅麵質口感好特別，唔似一般麵線，比較煙煙韌韌💕配菜有蟲草好特別，一般食台灣麵都比較少見到～《軟殼蟹肉鬆蛋餅 $98》味道正正常常，蛋餅配軟殼蟹都係第一次食🤣《抹茶芝士奶蓋 $47》真係勁大杯，兩個人飲都得～而且奶蓋真係好足料！🫶🏼

一般食到嘅台灣菜，離不開夜市小食，小台牛肉麵等 。呢間餐廳有精緻手工台灣菜，食得出用心制作👍🏻期間限定💕彰化蚵仔煎蛋餅$98用上日本蛋，與台灣蚵仔煎唔同，內含大量椰菜，一份四件份量驚人▶️紫薯拉絲芝士球（3件）食埋飛出手工製作軟糯感，包裹拉絲芝士，煙煙韌韌，要兩啖先食得晒 。👏🏻👏🏻👏🏻▶️軟殼蟹麻婆豆腐拌麵微辣麻婆豆腐醬汁現上刀削麵好惹味，每條麵條都掛汁 。豆腐粒粒都完整無缺，賣相一流，加上香酥軟殼蟹，配搭一流 。▶️追加▶️黃金茄子 （$32）午餐可以優惠價配小食，茄子外層沾上咸蛋金沙，滋味滿足🤭

一個人食Lunch Set叫左總裁牛肉麵牛肉 牛展都好韌 食唔到麵都好難咬最後同收錢個小姐反映 態度好差 好Hea食左20分鐘 食剩半碗麵 呀姐係咁問洗唔洗收 趕客走 但明明側邊有吉枱

星期四晚海港城無乜人，walk in 有好多位新裝修，望落都幾別緻，職員招待好熱情，真係好似台灣人咁，後黎落單時講廣東話先知係香港人🤣因為兩個女仔，又唔太餓，又乜都想試，Menu上有個「麻吉三小碗」就集齊哂：迷你肉燥飯、迷你蚵仔麵線、墨汁鹽酥雞呢個組合同份量真係好岩我地想試哂又食唔哂嘅客人！個柯仔麵線無諗過有成6粒蠔，係咁細碗麵線黎講都算多喎！但就無台灣咁濃味、同埋唔夠爛 。肉燥飯都ok、墨汁鹽酥雞就無乜特別，係黑色版嘅鹽酥雞咁🤣 我覺得佢仲唔夠熱 。另外再點左個軟殼蟹蛋餅，個蛋就一般，無乜蛋味同太厚唔滑，但個組合係好食嘅，軟殼蟹配左生菜同啲沙律醬，好難唔好食🤣環境係幾舒服嘅，只係味道都仲係爭啲 。

今日下晝嚟咗尖沙咀海港城嗰邊行街，朋友就推介呢一間台灣嘅嘢食，下晝時間都幾多人食，我哋都要等咗一陣先有座位🙈 餐廳嘅座位幾舒服，唔會係太迫嘅格局，我就今日揀咗台灣嘅紅燒牛肉麵🙈紅燒牛肉麵嘅味道非常出色，牛腩嘅味道非常入味，而且非常林，入口就可以食得度，證明餐廳用忟嘅時間都做咗好耐，牛肉呢一個位非常出色，可惜佢入面嘅硬度有少少奇怪，有少少太淋嘅感覺，影響咗成個整體嘅發揮，餐廳喺個面仲有作出其他嘅配菜，例如蟲草花，都增加咗成個面嘅口感🙈

👌🏼招牌麻辣鴨血鍋 麻辣湯底頗濃郁，唔算好辣易入口，花椒味較淡。鴨血整得好軟滑又有煙煙韌韌嘅口感，質感令人滿意，份量都足夠。午餐配料單調d。如果晚餐就$198 ，加埋一啲肥牛、金菇等嘅配料。👌🏼藤椒牛肉撈麵：麵上面灑上大量嘅青花椒，賣相吸引。食落味道溫和，麻椒嘅味道唔算特別濃烈。我個人嘅口味會prefer再椒麻啲。牛肉係同紅燒牛肉湯麵一樣，唔算特別軟腍，有啲硬同纖維感。麵係刀削麵，冇咩特別。🤔 紅燒牛肉麵（半斤半肉）湯底：普普通通，唔夠濃郁唔夠香。冇咩特別。麵：呢個最值得讚！麵條質感脹卜卜，好彈牙。嗰種脹卜卜嘅質感未喺其他餐廳食過，覺得幾有新意幾特別，而且都好味。材料：牛肉如上述所講，口感較硬同有纖維感。牛筋都算腍，但又未算好入味，正正常常。環境：★★★☆☆ 味道 : ★★★☆☆ 推介度：★★★☆☆

訂咗枱，有朋友先到有朋友遲到，照俾你入場坐落枱。一入場話75分鐘用膳時間，我哋全部人理解。但係估唔到由第1分鐘坐落去就已經吹到你命都冇。一嚟就吹你落單，跟住就keep住問你係唔係齊人，其他人唔黎㗎啦。吹到我地仲以為要轉細枱，但原來又唔係。先到嘅朋友都順佢意已經落咗單先，後來嘅朋友都已經一坐落枱就已經加單，想快啲食完快啲走。但係估唔到佢呢75分鐘都係keep住吹，經常埋枱問你呢碟食完未，可唔可以收走。Literally每次傾兩句計就有人埋枱問你野打斷你。我哋其實去到一半時間未食飽想添嘢食，但係都已經唔敢再叫，預備好換過第二間再食過。但原來時間愈接近尾聲，吹得愈急。原來佢哋嘅75分鐘用膳時間係講緊75分Sharp 攞埋手袋起身走人。我哋起身嘅時候睇錶剛剛好75分鐘，但係我哋已經俾人吹埋單兩次，仲要好無禮貌，講嘢好倔擂槌，俾你覺得阻住佢做生意。呢間嘢多人排隊食我哋見到，我地都已經配合，但唔該個75分鐘都俾啲安寧既時間啲客人。麻煩同事訂位嘅時候就講明一般餐廳90分鐘，但佢地係75分鐘，唔人齊唔俾入。又或者係咁爆嘅話，搵間大啲既舖，唔使75分鐘咁慘。如果一早知75分鐘，朋友食飯聚餐唔會揀呢度。講

有日係K11 Art唔知食咩好，隨便入咗地鐵站口嘅台灣菜餐廳－麻吉灶咖，餐牌除咗地道台灣菜，仲有唔少fusion款式，走新派路線🥳Lunch time叫咗二人餐，$468包小食、蛋餅、鍋物、甜品、飲品，份量幾豐富，性價比唔錯🤑二人餐🌶️脆皮蘿蔔糕配辣味蒜香蛋黃醬表面煎得金黃香脆😙加上蒜香蛋黃醬微辣惹味。不過蘿蔔糕中間粉感較重，唔算好多蘿蔔絲，所以口感有少許黏。🍳三文魚明太子蛋餅西式嘅煙三文魚作為蛋餅餡料，感覺比較fusion。明太子醬好香。中間有啲生菜增添爽口清爽感覺😛😛🍲麻吉臭臭鍋（臭豆腐、豬大腸、貢丸、花枝丸、鴨血、娃娃菜、鵪春蛋、金針菇、炸枝竹、肥牛）香港好少地方食到好食嘅台式臭臭鍋，呢度就食到👏🏻鍋底嘅臭豆腐味好香，發酵嘅味道剛剛好👍🏻不會太淡或太嗆喉。配料好豐富，有好香嘅臭豆腐、鴨血等，肥牛份量好多，娃娃菜索滿湯汁好正😋😋🍨麻糬豆乳芒果雪糕原先以為白色底係椰汁，原來係好軟身軟糯嘅麻糬🤣帶幾香奶味。面頭鋪上豆乳粉同埋大量花生，口感幾好。另外仲有雲呢拿雪糕以及香甜芒果粒，係好啱夏天食嘅甜品🤪🍹鳳梨綠茶、香橙綠茶飲得出係果汁，唔係糖漿嘅清爽感覺😚人均消費：$240推介指數（10分為滿

約左朋友放工去尖沙咀行街同食晚飯，我話想食台灣菜，於是朋友就提議試下係k11既麻吉灶咖。我之前都未食過，過裝潢都好靚，地點又方便。可能六點幾都仲係早既關係完全唔使等位。我地兩個人叫左4樣野加一個甜品同一杯野飲，都係食左總共454元。🔸蚵仔麵線味道正常，唔會好咸，份量多。🔸香菇肉醬秋葵依個幾好食，同個肉醬幾夾。🔸大甲芋泥芝士肉鬆蛋餅唔會出錯既配搭，正常發揮。🔸夜市地瓜條地瓜條會配埋梅粉，甜得黎又有d酸，中和番個油膩感。🔸草莓沙冰芝士奶蓋依杯野飲必叫，個奶蓋好好味，草莓味一d都唔假，絕唔係香精味。🔸開心果雪糕麻薯開心果味道唔太濃，麻薯好軟冧，連埋其他配料一齊食口感豐富。

行完街見已經晚餐時間，間間餐廳坐滿食客，隨心走到一間台灣餐廳，幸運地不用等很長時間便有位，第一次試這間餐廳，感覺坐落舒適，闊落，食物份量恰當，不會太多，也不會太少。點了一碟刀削麵，味道好吃，軟硬適中，下次會再光顧。

入座/訂座時亦沒有告知有限時，但當坐了六十分鐘，就無端白事收走枱上未食完嘅嘢食同畀張單叫我地賣單。之後問返，佢啲同事先話限時75分鐘，第一佢無講畀我聽原來有限時，第二未到時限已經趕人走，仲有無問係咪食完就收嘢，以後一定唔會再幫襯。啲嘢食只係普通貨式，牛肉湯麵正常，但啲麵煮得太淋，湯底普通。黃金茄子唔算太油，鹵肉秋葵唔知點解啲秋葵係無晒啲黏液，但食得落囉。