松本日式料理放題

Open Now

Now Closed

毫無情人節當日外出就餐經驗既兩個人完全唔知原來係要一早book枱既想食好少少 唔想隨街食個吉邊hea過於是來到出名廉價放題既兆萬覓食太耐無去過 今次去 發現好多以前食過既放題餐廳都無哂 於是揀左呢間望落okay 個價錢又唔係貴得太離譜既松本講真 以加埋一差唔多兩百既放題黎講 只可以話一般食物種類唔算多 刺身 壽司都唔算新鮮 三文魚雖然件件厚切 不過完全無應有既魚油甘甜 連爭X外賣都好過佢好彩有熟食加返分 特別係炸物 火喉掌握得好 夠脆又唔會太焦 最後基本上都係食熟野多

我們都覺得應該係剌身有問題，如果大家要去真心要去考慮，自己係唔係有神仙胃。火鍋真係出乎意料地好，熟食都唔錯架，雞軟骨係好幾食，不過...好食又如何？真係令人腸胃有問題，係唔係應該想下點Keep下間餐廳既衛生呢？真心覺得同朋友黎食，想搵個地方食下飯，聚一聚者。去完之後，大家都好唔開心 So sad 我覺得........味道係可以，咁既價錢唔可以要求太多，咁都唔係可以接受腸胃有事架嘛？希望松本會儘快注意下，令客人無事，係你既責任

我寫單叫八件來得兩件 有啲直情唔黎 如果唔係價錢合理同有優惠 唔會選擇呢度味度中等啦 位置唔鬆動 衞生中下啲野唔算特別新鮮 呢個價錢黎講 都尚可接受既侍應既服務態度係值得讚既

情人節去唔算特別貴 每人200左右💰嘢食質素都算係咁 刺身有時幾好味 有時爭鮮都不如 真係睇運氣🙍🏿‍♀️壽司都算係咁上下 飯量適中 都幾好味🍣反而熟食有驚喜 叫過幾樣都十分唔錯 雞軟骨 一口牛都唔錯嘅🍖整體食物種類唔算好多 不過佢仲有邊爐可以叫🥘 但我哋得兩個人就冇試到啦 如果人多去嘅話都可以叫下嘅👨‍👨‍👧‍👦👨‍👨‍👧‍👦👨‍👨‍👧‍👦嘢飲就都係得啲普通可樂嗰啲🥃 冇話有啲咩酒呀嗰啲特別嘢🍺值得一提係佢平時會送海膽等贈品 但情人節就冇呢啲安排 有小小失望💃🏿服務嚟講都認真唔錯🧓🏿 咁啱當日唔算多人 (留意當日係情人節👫）姐姐態度友善 上菜都唔慢🍽總結嚟講都對得住價錢嘅放題餐廳 當然如果預算充足嘅話可以有更好嘅選擇💰 只係情人節每人200蚊埋單嚟講真係算係咁💸

店內環境幾好 幾有感覺 比睇客評同埋想像中都好起碼我d friend好滿意同埋我地遲左有半個鐘先正式埋座店主話可以等埋我地齊人先計時⌛️好nice有得邊打邊爐同食刺身d三文魚切得好大塊 同埋送左芝士焗蠔俾我地 野食種類還好 唔算多 但可以食到好飽價錢ok其他friend見到 都話下次會黎試下總體感覺 係唔錯

價格滿意,地點旺旺的,服務滿意.我喜歡蝦雖然食物撰擇不是太多.有羊架就更滿足,十五元一板海胆,老婆仔說新鮮食了兩次.旺角出品以不錯200元以下食得飽好地方,再次幫襯

啱啱同屋企人經過旺角，見到個食牌都幾吸引下，趁係聖誕，不如食返場正嘅，就係咁我哋就入咗呢間日本放題睇吓有咩正嘅食。一入去，唔係好多人，環境陰暗，都幾舒服下。😃餐牌有刺身壽司火鍋熟食同埋飲品五個類別揀，好似都幾OK下。👌我哋叫咗一大碟刺身，嘩，正呀！三文魚香，八爪魚甜，油甘魚正！都幾新鮮，可惜我自己大頭蝦唔記得左叫碟有頭大赤蝦，真係失策！但係如果大家有機會一定要叫大嘅！😊壽司方面還可以，少飯多肉我鍾意。🍣😝火鍋呢？我哋就揀咗個冬陰公火鍋，因為太飽我冇食到，所以不作個人批評。但係其實我阿媽話幾好所以你哋就即管試吓啦。🤷🏼‍♀️熟食就有待改善啦Oh no，鰻魚炒飯冇鰻魚得飯，碟炒飯真係炒左。椒鹽雞軟骨有啲生，呢啲嘢真係唔熟唔食gama！😖😣飲品都係咁啦，有可樂雪碧嗰啲。甜品款式唔多，但最likey都係嗰個牛乳奶涷同埋炸香蕉，yummy! 😋Overall，啲嘢上得幾快，服務態度OK，價錢都幾好，唔係完美，但係正！😍👍🏿

坐個位係貼住廚房出入門，有員工出入門口就嘭一聲我就震一震，想轉位又冇得轉，d野食上得慢，個邊爐湯一d味都冇，我個位隔黎就係廚房門口， 有員工開門時望入去廚房，地面勁污糟，仲要員工將成個垃圾筒由廚房就咁經過客人枱隔黎拉出黎，我真係睇到眼都突埋服務差，員工一d禮貌都冇，我仲有禮貌過佢地仲要加一，買單一人要220, 開餐廳開到咁執x佢算吧啦，食麥當勞好過，請大家唔好幫襯！！！！！！

朋友介紹去旺角兆万中心七樓松本食放題，第一次來，几好，我哋三個人，7點入座，189元，刺身好有鮮味，連我最喜歡食的油甘鱼都有，中式小炒椒鹽蝦非常嘢味，燒鹽蝦，燒牛脷出得好快，甜品有大眾喜歡的雪糕杯，會再來。朋友冇介紹錯

今晚朋友話食放題，行到旺角兆万中心，有好多人在派傳單推介，我地一行12個女人，上了一間叫松本的日式放題，几好，刺身够新鲜，串燒出得快，有中式小炒，包埋火鍋，老闆娘仲打左折俾我地

前幾曰同雪人聰(天天)我的好基友，2個去左食放題，去左松本！食係旺角兆萬中心7樓。。。。。。。。。。。D熟食真係一般，5係我5鐘意食定點啦我對熟食真係不太喜歡。。。。（我個人真的不喜歡）天天就叫左好多熟食不過依到的刺身真係食得過！而且都幾好食不過如果你鐘意熟食，就可能5係甘岩啦Σ⊙▃⊙川其實唔平，又唔係真係好好食。。。。而且種類又唔算多，不過刺身係新鮮既..見朋友介紹，不過無下一次食，因為唔係好岩我口味。

再一次過到黎松本食野，今次菜單更新左，多過以前，唯一不變既都係食物依舊甘好食，食材十分鮮，由其係三文魚、大赤蝦，十分足料。而且炒牛舌、和牛粒都好好食出餸方面唔錯，唔會太遲又唔會太早。價錢唔貴，十分抵食

小弟都食過香港唔同地方的放題(如銅鑼灣、尖咀比較貴的，同埋旺角好多間都試過)，老實講松本未必係最好食既一間，但性價比真係最高。先莫講價錢抵，老少咸宜，同埋都幾好食，最重要野食新鮮，呢個難得，好多大型連鎖食店都未必做到。松本D刺身同壽司真係唔錯，特別係饅魚壽司，真心好好食。果日膽粗粗叫左個海膽刺身試下（本身個人未試過海膽唔係好敢食），點知又幾好食，仲忍唔住再叫多碟（海膽係另外計費的）。呢間松本唔止係日本野，仲有Ｄ台式食品，例如佢Ｄ牛整得幾好食，好入味，我食左好幾碟　同埋燒生蠔更係食過番尋味（可惜呢個冇得點，只係一人送一隻）。雞串燒亦相當唔錯，D料好夠好夠味，燒得岩岩好，入口即融　炒硯、賴尿蝦更係一絕，而家諗起都肚餓！咁既價錢食到咁既質素既野食，我真係估唔到。當初朋友介紹，我仲有Ｄ懷疑，放題WOO 有冇可能咁平呀? 會唔會唔好食架? 佢話係老字號我先去試下，點知真係唔錯！我一入到去經理就招呼我，由頭到尾態度都好好，係而家香港待客之道愈黎愈差既情況下真係好難得，不過咁岩我落親單都係佢經過未比其他員工招呼過，所以其他人我唔敢肯定唔知HAHA 無論如何，真心推薦呢間松本！放題黎講，性價比真係最高

第一次寫食評！從來冇食過咁九唔搭八既放題.....其實本身佢個價錢唔係貴！但見佢招牌比其他舊，諗住價錢唔貴都捱到咁耐食物質素應該唔差......點知就真係中伏！！首先嚟咗版14個幾嘅海膽！👍🏻海膽係OK嘅甜嘅！但之後再睇睇嗰啲食物選擇就比較少！我只係推介返我食過算係好味的東西！有鹽燒海蝦，燒雞軟骨，燒菠蘿，泰式酸辣鳳爪，刺身既連頭嘅蝦，火鍋嘅蔬菜菇類都新鮮既！之後到批評啦！天婦羅番薯嗰舊番薯未炸熟透！刺身帶子好似係熟嘅同超薄！希零魚又好似係熟得黎腥腥地。壽司方面要咗件花之戀，但係用三文魚腩包既囉！仲有個綠茶芒果加州卷！第一次來好正常，但加單之後變咗勁大舊白飯有芒果嘅加州卷，面頭有一大劈沙律醬，綠茶完全唔見咗！到煱物方面，叫咗個蕃茄薯仔牛尾湯底，成個邊爐打完個牛尾都好似橡筋咁，叫咗啲蜆，但啲蜆已經係灼熟咗囉！啲芝士腸完全怪味囉！之後留單問題真係嚴重！乜嘢都留d，要既丸冇來，都唔知係好彩定唔好彩！冇要到嘅燒菠蘿嚟咗！野飲同甜品唔算多選擇！但系佢嗰個所謂韓國雪條！黎左支由細食到大嘅朱古力味牛牛雪條🙄如果大家想一路無奈一路笑死一路突然食到俾你預期好味嘅野！最好來試吓啦！😂因為依餐飯我就係咁過！

除左選擇有啲少，其實以呢個價，真係算係咁。係樓下拎到減10蚊券，一入座就送焗蠔。即叫魚生，第1round 等左15分鐘，都幾鮮，唔太冰，好味嘅，不過數量唔齊。再叫壽司同第2round刺身，點知等左45分鐘先有壽司等埋其他枱一次過出，有啲失望，不過第2round 刺身都係15分鐘到。之後見有打邊爐，就叫啲菜食，唔食菜唔得，都多款，幾好。有燒菠蘿，無蕃薯仔，不過算。最後食甜品，得random 雪米滋，無得揀味 不過有牛奶樂，算總結，都會再食，不過唔如太大期望，呢個價錢都ok