Video
Introduction
MatsuYa Japanese Restaurant provides All you can drink and eat during dinner period,including, japan beer and all kinds of special drinks, Sashimi and Sushi, Yakitori, and dessert. Signiture dishes includes Grilled lamb Chop,Grilled OX-Tongues,Soft-shell crab avocado roll and Japanese deep-fried oysters.
continue reading
Good For
Group Dining
Opening Hours
Mon - Sun
17:30 - 00:00
Above information is for reference only. Please check details with the restaurant.
Signature Dishes
日式放題花花其實都試過好幾間早兩星期前就同蝦子餅再次光顧了地點揀了銅鑼灣店近公司嘛~這間如果想星期五walkin去的確比較難我哋試過幾次突然間星期五想食每次去到都因為要等,所以放棄咗而今次因為平日去,所以先唔使等位它分了好幾個時段而星期一至四又會平一點如果宵夜時段會更加抵添~但就要等到十點喇如果下次睇完戲再去食都係一個唔錯嘅選擇點單主要分了四大類一品料理,刺身,它們主打的串燒,及壽司手卷等最開心的當然還有甜品雪糕及飲品蝦子餅喜歡呢間主要原因也因為佢有得任飲他可是可以一餐飲上三,四罐飲品的人所以會覺得比較化算D一開始就食雪糕?非也,這只是是一球wasabi而已你們喜歡吃wasabi嗎?出奇地喜歡辣的我卻對它沒有興趣我不太喜歡那種"弓"鼻的感覺每次也只會落丁點在醬油上作調味~飲品也有十幾樣揀除了一般嘅汽水啤酒也有一些特飲但經過上次試過之後........還是揀回正正常常的罐裝飲品吧當然一開始就一定先吃魚生啊~我魚生當中只愛三文魚好味道..沒有根,也夠凍我們之後重覆點了很多很多回這是牛舌,咸了一點呢肉質還可以~松屋主打是吃串燒的那天我們也吃了很多呢~雞軟骨及蝦左右兩邊的兩串我很喜歡吃,是雞肉丸咬落入面仲有軟骨的我個日自己一個食了五串哈哈哈,好誇張,五串即係十五粒呀真係死得......雞翼本身好期待的但.........又係咸咗少少如果唔係就一流喇~因為其實燒得很香口,雞皮亦很脆天婦羅，我大多數會選擇食蝦其他蔬菜的我都少吃始終都係有炸粉，吃得多好快飽的豆腐也是我喜愛之一加埋蘿白蓉,點上汁料一口吃好味道呢~羊是我喜愛嘅肉類之一但我知道唔係個個都鐘意食羊覺得好"羶",但我就偏偏喜歡那種味唔"羶"就唔係羊啦~很變態啊~哈哈手卷壽司類嗯....還是吃回主打串燒好了大家如果有機會吃記得留肚吃雪糕有四款味，綠茶,朱古力,芝麻,及紅豆它可是四款都好味到不得了好香濃，幼滑那天，本身好想再點，但想點時原來已經過咗last order時間啊~個日兩口子食得好飽這簽桶裡包含了我自己一個吃下的十五個雞肉丸呢~哈哈，再諗返都係覺得太誇張下次還要記得留返D時間慢慢歏雪糕呢~分享完畢下次再一齊搵好野食啦~
continue reading
前幾日一心想去食串燒,不過好失望串燒全部冇晒,而用鐵板代替串嬈,鐵板炒到好濕,串燒牛舌變了洋蔥炒薄切牛舌,洋蔥過多又多油更冇咩牛舌在內。 最過份就連雞軟骨都冇得食,佢話未溶雪所以冇得食,唔知點解晚市peak hour都話食物末準備好冇得食,好心用microwave溶雪啦。食了松屋十幾年今次非常失望! 超搵笨 !!
continue reading
松屋的分店買少見少，這次因團購關係到了銅鑼灣那間試試。座位和旺角那邊沒有多大分别，很狹窄，枱與枱之間只得一呎多，亳無私隱。員工尚算勤快，錯單的情況時有發生，這是放題普遍存在的問題。食物方面，刺身要算是最弱的一環。 只有三文魚、仿鮑片和甜蝦值得encore。 雖然有冰鎮，但所有魚類都是腍的。當中的三文魚只是較肥美一點，尚可入口，卻稱不上是上品…… 貝類尚算爽口…… 平均分合格吧！壽司試得少，只試了火炙三文魚和火炙和牛，沒有驚喜，亦沒有多大印象，普通貨色。 芒果炸蝦卷便印象最深，因吃不出芒果和炸蝦，我們硏究了很久仍未肯定是否芒果炸蝦卷，但卷物只得兩款，那不會是加州卷吧！蝦天婦羅不過不失，麻辣雞翼勁辣(不是麻)，芝士春卷吃不出芝士，燒牛油粟米只是粟米粒，芝士年糕很糯，卻又不夠芝士香。 只有炸餃子和多春魚還是正正常常。鐡板好壞參半：香草羊扒煎得頗香口，肉質亦算不錯；薄燒牛肉、牛舌、海蝦、豬頸肉、魷魚鬚、青口和雞肶菇亦像様；安格斯西冷肉質較韌，牛油帶子要兩份來了十多粒，粒粒的式，是整堆炒出來的，一點煎的效果也沒有，其矜貴程度可想而知。黄金蟹粥中蟹有蟹味，粥無蟹味……好了，不再説了，總之我不推薦大家光顧這放題，要吃的便光顧同一集團在中環的放題松家，貴幾十元，食物質素和環境都好得多。我還記得朋友對我説：「既然你説bubbles不錯，為何又和我到這間呢？」朋友，我又怎知松屋會變成這樣？
continue reading
此篇食評提交多時，奈何被擱置多時，故再次刊登……~~~~~~~~~~~~~~~~~~~~~~~~~~~~~~多年前，小妹家的大雞和小豬還年小；今日，她們倆人已亭亭玉立，並過著超級忙碌的大專生活，尤其是大雞。今日，難得倆人撥冗與小妹食日式放題，慶小妹和小豬2013牛一。最難得的是，全數由大雞埋單﹗ 訂左6:00-8:30p.m.時段，周未每位$199，另加一。小妹5:50p.m.去到門口坐下，方知正日生日光顧可享七折，生日前後七日光顧則可享八折。肥哥哥登記後，已安排小妹先入座，態度不錯。順手翻閱食物紙，共有6張、超過90多款食物，包括12款刺身、8款手卷、18款壽司、3款卷物、24款串燒、6款沙律小食、3款拉麵烏冬、4 款天婦羅、6款炸物、3款燒物、6款日式料理、7款飲品，飲清酒就要另外俾$18/枝，以及香芋、芝麻、綠茶及荔枝4款雪米糍任食。不久，小雞先到，我哋兩話不說，馬上狂點食物。松屋的環境不算太過擠逼，服務也算得上是挺好的﹗侍應收碟、執拾、落單、跟單都快手快腳，整晚都沒有出現漏單或催埋單的情況，非常難得﹗是夜，青春無敵的我哋主攻刺身、串燒和炸物。海膽魷魚手卷 – 水準一般；紫菜仍香脆，惜略韌，要費力咀嚼；海膽魷魚份量少，帶微鮮甜。軟貝殼蟹手卷 – 較為香脆有嚼口，口感味道較佳。甜蝦 – 細隻，幸仍鮮甜爽口彈牙。 三文魚 – 以放題的水準而言，算得上新鮮肥美，厚薄適中，略帶甘香魚脂味。鮑片 – 小雞多年前食過，仍念念不忘其鮮甜味。可惜，今次佢略為失望了﹗鮑片較乾身，鮮甜味不足，失卻了多年前好似食咁罐頭鮑魚的感覺和滋味﹗榮螺片 – 肉質爽滑有嚼口，小豬喜歡。芒果炸蝦卷 – 超級失望﹗小雞和小妹原以為是以立體不規則形式呈現的壽司卷物，誰知，僅是一件平平無奇的圓件壽司﹗芒果不夠香甜、炸蝦不夠香脆，失望……花之戀壽司 – 三文魚、蟹籽和沙律醬鐵三角的組合，料足夠鮮夠味夠爽，豈會有難吃之理？ 蒜蓉牛油炒蜆 – 蜆不太新鮮，有死蜆混雜其中，故有一陣腥臭味﹗ 枝豆 – 一般，豆夠嫩滑。 燒大蝦 – 樣子討好，夠鮮，但蝦肉燒得較韌。燒多春魚 – 好好味﹗超級多春肥美，啖啖春子及魚肉，不斷加單﹗燒車厘茄 – 一咬，鮮茄汁爆出，但甜中帶酸苦，味道怪怪的，還是新鮮的好吃﹗燒日本蕃薯 – 嘩，番薯外皮呈現漂亮的暗紫色，一口一蕃薯，連皮咬下，夠甜夠腍超好味，入口綿密，誠意推介﹗ 燒粟米 – 燒得香而甜，不錯﹗燒冬菇 – 絕對沒有難吃的道理﹗ 汁燒帶子 – 一般，燒得較乾，不太覺有鮮味。燒三文魚頭 – 甫上枱，我哋相視而笑，叫「燒三文魚塊」較恰當喎﹗味道一般。 蟹籽沙律 – ok，夠鮮爽開胃，口感豐富。炸魷魚鬚 – 薄薄酥脆炸粉包圍著爽口彈牙的魷魚鬚，好味﹗腐皮鳳尾蝦卷 – 小雞食左，話夠晒酥脆﹗芝士年糕 – 圓球的炸物，外皮硬硬、內裏黏黏的，芝味不太濃。炸芝麻雞翼 – 多年招牌炸物，水準仍keep住。雞翼夠大隻之餘，又好入味，一咬就會發出「卜卜」聲並流出雞油，外皮炸得甘脆，雞肉嫩滑。 燒雞軟骨 – 小豬至愛，一串又一串，軟骨夠軟，爽脆具咬口。麻辣原隻魷魚仔 – 超級無敵麻辣﹗試一小口已讓小妹味蕾發生七級地震，狂飲汽水解辣。都怪小豬惹的禍……芝士春卷 – 又是芝味不濃的炸物。金菇牛肉卷 – 小豬吃了，金菇夠味夠滑，牛肉薄片正常，整體ok。蝦天婦羅、南瓜天婦羅和蕃薯天婦羅 - 沾上薄薄的炸粉用滾油炸，不太油膩，夠鮮夠香，蘸上醬汁可添味且減熱氣。燒墨魚丸 – 有驚喜之作，墨魚丸不是粉粉的下等貨，真材實料，夠鮮味且燒得外微脆內爽彈，蘸上甜酸汁同吃，正﹗
continue reading
又嚟勁食放題, 今次係同家姐預祝生日, 一行十人原班人馬, 由5點半食到七點半無休止, 一夠鐘即刻俾人黑面趕走, 連準備咗o既蛋糕都要帶番屋企食…食物order紙只得3張, 都係大路款, 飲品就有8款左右, 而雪糕有4款 《刺身》三文魚 ~ 新鮮肥美, 落咗3round都好ok吞拿魚 ~ 一般魚立魚 ~ 可以, 都新鮮馬刀貝 ~ 無乜味魷魚 ~ 無乜味劍魚腩 ~ 好新鮮好甜鮑片 ~ 好罐頭鮑片味《壽司》13款 《手卷》6款《串燒》25款冬菇 ~ 唔乾, 燒得啱啱好, 正 !白果 ~ 有人覺得苦囉雞脾菇 ~ 果然無推介錯, 多汁燒得香, push ! 粟米 ~ 呢個牛油粟米真得無得頂, 燒得好香, 恰到好處, push ! 翠玉瓜 ~ 有人覺得好味汁燒雞肉丸 ~ 有人覺得好味墨魚丸串 ~ 呢個都好 ok鵪鶉蛋 ~ 乾咗dd, 不試也可煙肉車厘茄 ~ 有人話d車厘茄淋咗, 咬落去唧晒d汁出嚟, 正喎 !牛脷 ~ 只燒得一面, 如果燒晒2面就會超正囉羊扒 ~ 一般, 不羶有少靱豬大腸 ~ 乾咗dd同唔夠大嚿雞軟骨 ~ 好味好味, encore 咗好多好多次雞腎 ~ 超細粒, 唔食都唔知係雞腎, 味道一般多春魚 ~ ok大蔥鴨肉串 ~ 好味呀, 不論大蔥或是鴨肉 《一品料理》28款枝豆 ~ 好味過元氣果d, 仲有少少熱架蘿白煮牛脷 ~ 好熱好入味, 但一碗裡面好多蘿白少牛脷金菇牛肉卷 ~ 無味, 不試也罷沙追魚天婦羅 ~ 脆漿薄, 好味, 出面好少有得食鯖魚 ~ ok, 唔腥燒三文魚頭骨 ~ 熱辣辣多肉, 必食 !炸蠔 ~ 超厚炸粉, 唔見咗隻蠔炸腐皮鳳尾蝦 ~ 好酒樓o既腐皮卷, 無乜特別《雪糕》朱古力味 ~ 有朱古力碎响裡面, 朱古力味都ok濃芝麻 ~ 一般綠茶 ~ 唔記得咗試… 紅豆 ~ 好味, 唔似牛奶公司咁重牛奶咁, 同埋紅豆唔會太硬, 推介 ! 後記 : 食物中規中矩, 串燒最突出, 基本上無漏單情況, 只會有時上菜比較慢, 百六蚊左右算值回票價 !生日正日有7折, 生日前後7日有8折10人共消費 : $1545
continue reading