美心烘焙所

Open Now

Now Closed

美心烘焙專門店第一次食就係觀塘呢一間分店，之後一直都有再回購。我係超級鍾意食麻糬波波嘅，每一間舖嘅麻糬波波都會想試，而且佢係近年來好興嘅菠蘿酥皮麻糬，入面仲要有真麻糬。個人認為朱古力味比較好食，朱古力味好食，上邊嘅菠蘿皮都好鬆化，中間嘅麻糬好軟，就算第二日食都唔會硬晒。而且好大個，有時食一個做早餐都好飽。

觀塘的裕民坊內有間【美心烘焙所】 ，裡面特設舒適雅座，可以買個麵包坐底慢慢食，都係一個好地方。【美心烘焙所】以簡潔木系自然風作店舖主調，加入本土風格，結合咖啡室的概念，環境舒適雅。店舖內有焗爐定時即時製作麵包，不過小編四點到來都未見有師傅做麵包。新鮮出爐多款麵包、蛋糕及甜點，款式比一般美心餅店多很多，選擇非常豐富但同時又保持美心餅店的價格。除多款麵包糕點外，店內有個位置賣特色飲品「茶狼」。原來「茶狼」都是美心旗下的品牌，美心產品真是佈滿全港。店員只有兩位而且忙於收錢、夾蛋糕麵包及處理餅店事務。雖然有間「茶狼」，原來都是這兩位店負責。【水果四季春 $36】原來水果已經切好放入杯中，店員只需要從雪雪櫃取出加入茶就大功做成。杯內有多種水果，有西瓜、西柚、士多啤梨、青檸及番石榴，味道唔甜又清新，解喝一流。女兒喜歡蛋撻，要了一只美心蛋撻 $7.5，不過小編覺得冷冰冰，已經大打折扣。蛋撻皮唔夠脆，蛋餡又太甜……差。過往經常在酒樓食到的焗西米布甸，可惜現在已經買少見少，見到這都有【栗子西米布甸杯 $15】 有栗子、香芋及紫薯三種餡選擇。首先冷冰冰，沒有溫度已經大打折扣。表面又沒有焗過的痕跡，非常失

今日我地去官塘行逛，去到裕民坊，好想找个地方嘆下午茶☕️，見到美心烘焙所可以在內進餐，就一於入去試試。環境🌱：其中一面有大大的玻璃窗可讓天然光透入，有幾張枱椅，坐得舒服。點餐🌱1 軟心芝士撻$15濃郁芝士味撻，皮又脆，饀多皮薄，食過番尋味😋2 香竽麻糬布甸麵包$20一咬落去，有三層，最底層是竽蓉，中間層是鲜奶蛋白，最頂層是布甸😋新鲜出爐，暖烘烘，香噴噴，不會太甜。3 意大利泡沫咖啡$28店內還有許多新鲜出爐麵包選擇

媽媽經過見到推介想試就買左個比他試試紫薯麻薯布甸麵包一共有4種吾同層次一見到最上層有紫薯粉另一邊係布甸一間有麻薯同紫薯蓉最外面係麵包包著帶俾大家不同層次的驚喜不過餡的分量比較少

屋企人話想食美心呢個mochi甘栗紅豆蛋糕，仲截左圖比的我😆😆於是我就去左收工最近嘅地鐵站嘅美心西餅店，見唔到有，可能已經賣曬，於是我就去咗裕民²嘅美心烘焙所，呢度都係剩返少少，估唔到呢個蛋糕咁好賣😂😂真心有點貴，不過放在櫥窗呢一個係幾靚嘅，無計啦，屋企人叫到🙈 我就買咗拎到返屋企，今晚同屋企人一分享呢個飯後甜品。打開個盒，個盒寫了hope you enjoy the cakeMochi甘栗紅豆蛋糕說穿了就是栗子蛋糕，當然係賣得剩二百幾蚊入邊就有Mochi & 栗子蓉，總體係幾好食的，唔錯唔錯👍🏻👍🏻栗子蓉嘅份量好足，入邊嘅Mochi係一粒粒嘅狀態，同想像中嘅可能會有少少出入㗎

🌕就嚟到團團圓圓嘅中秋節啦🥰今年美心有新包裝，睇下有無咩唔同先！💚美心今年推出特別版翠林明月雙黃白蓮蓉月餅禮盒，包裝盒選用 ✅FSC 認證之紙張製作而成，紙張源自能履行環境保育、❌非濫伐開墾嘅森林同時亦採用咗大豆油墨印刷，油墨從植物中提煉，為可持續生產之資源，大家送禮之餘都不忘環保呀🥰🥮經典雙黃白蓮蓉月餅每個都採用咗清香幼滑嘅湘蓮白蓮蓉，配上兩個極品鹹蛋黃，傳承中秋味道😋皮餡嘅絶佳黃金比例，令每個月餅都皮薄餡靚，真係好滑好好味🤤

青檸百香果四季春勁難飲。果條男店員趕住收工？點完單又唔記得幫我沖野飲見我等好耐。好求奇沖。話要少冰。俾咗全冰。到屋企冰d冰仲有大半杯又唔見有百香果全香港最難啲茶狼住呢頭常幫襯。態度冇唸到咁惡劣大家唔好去買嘢飲！！大家不要去買嘢飲！！！！！！

呢度都食到麵包布甸包喇!買左隻牛角包,麵包布甸,仲有芝士多士濃郁牛油香氣加上芝士半溶,出奇地好食,仲有沙翁,好香蛋味但唔會太甜,牛角酥夠脆口好食消費$75麵包新鮮做,香氣十足,cp值高,賣相吸引款式多,門口位仲有好多甜品選擇~港式西式都有,仲要係新鮮既,西米布甸杯都好吸引布甸包軟心,包身軟好食,仲有月餅可以買?美心烘焙所 觀塘協和街33號裕民坊YM² 1樓112號舖Shop 112, 1/F, Yue Man Square, 33 Hip Wo Street, Kwun Tong

星期日去咗觀塘行街，喺裕民坊商場電梯口有間幾靚仔嘅餅店🥖，睇真啲原來係美心，不過係進化版嘅「美心烘焙所」。除咗個名唔同之外，佢所賣嘅產品仲多元化好多，包括有近期人氣好高嘅包點：布甸包、芝士撻同麻糬包等等👍。觀塘呢間分店更設有少量堂食座位添。法式布甸麵包($15)，布甸包貴為炙手可熱嘅潮物🔥，每日出爐時間為中午12點同下午3點，基本上出爐一個鐘內就賣晒，限量供應！我買咗兩個布甸包🍮，咁就可以試晒冷熱兩種食法。雪凍食的話，好有甜品嘅感覺，布甸口感細緻幼滑，散發出蛋香，味道唔太甜🥚。估唔到嘅係法包凍食都唔硬喎，帶少少煙韌。第二個包我拎咗去氣炸，麵包殼變得微脆，呈現另一番風味，而熱咗嘅布甸就令我聯想起蛋撻。一款包有多種食法，好得意😛。沙翁($13)及軟心芝士撻($15)，🥠雖然沙翁無大澳嗰個咁好食，但都唔差，外層蘸滿砂糖，內裡空氣感十足。🧀芝士撻好吸引，用軟芝士製成塔頂，帶微微焦看，食落唔覺膩，撻皮亦算鬆脆。楓糖椰檳($18)，🥥椰檳好抵食，因為超巨型，係糧尾首選。麵包自身夠鬆軟，就算唔翻熱食都OK；而入面充滿椰絲，並塗上楓糖，食落甜絲絲。杏仁牛角酥($14)，🥐牛角酥有分原味同杏仁兩款，不過

觀塘裕民坊有一間可以坐既美心烘培所全部面包新鮮出爐法式布甸麵包呢年真係街知巷聞難得既係價錢平民化美心烘培所每日新鮮出爐仲有係限量ga,每人只可以買4個第一次試食呢隻布甸麵包我好鍾意，因為好濃郁既牛奶同vanilla 味咁既質素賣15蚊一件真係好抵食😍沙翁呢樣港式懷舊甜點宜家起面包店真係賣少見少估唔到呢到都仲有以前細細個就已經好鍾意食炸得夠有蛋香味同埋配香甜沙糖特別鬆軟質感食極都唁厭火腿芝士包有時下午茶會想食個咸點表面加上芝士烤得好香脆內裡仲有一層層芝士加上咸香既火腿勁好味😋

今日去了裕民坊食飯，食完飯見未有巴士就行一陣，經過這間美心烘焙所，佔地面積很大，有自家的烘焙地方，不是平時中央製再運至各舖的，全部都是新鮮即製即賣，行過未入去都聞到香噴噴的麵包味，即刻買返幾個麵包返去做下午茶。法式布甸麵包$15/個新鮮出爐，每日限量，麵包是用了平時食的法包做外皮，焗至香脆，中間盛載布甸，布甸嫩滑，蛋香味突出，凍食熱食均可，我自己就鍾意凍食，似食甜品般香滑。沙翁炸至金黃香脆，表面佔滿了沙糖，甜而不膩。牛角酥焗至金黃酥脆，中間酥皮多層次。朱古力菠蘿包表皮菠蘿皮香脆，朱古力味都算濃郁。芝士煙肉包&芝士火腿包麵包鬆軟，芝士餡料豐富。

最近油麻地大熱麵包店推出的法式麵包布甸 賣得成行成市，到處都是法式麵包布甸打卡熱點這家店就是其中一間追趕潮流的麵包店法式麵包布甸 $15 聽聞每日都有新鮮出爐的麵包布甸！而且還限量蛋漿口感柔軟順滑，入口即溶，原來用上法國淡忌廉 ，奶蛋香味濃郁配上略帶煙韌的法包，一韌一稔，一鹹一甜層次感分明沙翁 老派港式甜點，充滿着香港人的回憶薄脆的表皮，裡面質感鬆軟，味道香甜，老中青也喜歡法式撻$19 兩件超便宜！入口爽脆，朱古力味跟杏仁味各自精彩，甜度適中吞拿魚包$10菠蘿油$10兩款均為$10的麵包，入口不會像老派麵包店滿口都是油，麵包質感像空氣口感扎實，餡料充足，尤其菠蘿油的牛油超大塊，非常正點！肉鬆麵包條$10肉鬆分量超多，不會太過油膩，作為早餐再好不過

本身唔太好美心嘢 不過今日屋企人買返黎話一齊食 咁又試吓啦$48/4個 買咗三個西米焗布甸 同一個芝士撻西米布甸有分口味 我地買咗兩個芋頭味 一個紅豆味返到屋企焗返熱嚟食♨️▶️ 焗西米布甸焗熱咗正啲 做到面硬少少 之後下面係流心啲嘅可以食到一粒粒透明嘅西米 食落好有咬口 好似超迷你啫喱咁之後有啲似吉士但係超重椰漿味嘅布甸🍮入面嘅芋頭同紅豆其實唔多 但係都夠嘅 係蓉黎 偶而食到一粒粒 都唔錯令布甸味道冇咁單調😋唯一係佢都幾甜吓 好彩同屋企人分享 如果唔係自己食一個有啲膩 即使原先布甸唔特別大個 ▶️芝士撻都係要焗熱食 先做到流心芝士效果 外面曲奇皮十分之香脆😍而入面啲芝士真係溶晒出嚟🧀味道上完全唔甜 返而係遍鹹 芝士味當然勁香濃就咁食係好食嘅 但係食食吓就會覺得佢太多芝士🙈食到好飽-整體都幾唔錯嘅 雖然自己比較鍾意幫襯下啲本土小型啲嘅麵包店 但係冇可否認呢間美心烘焙所幾追得上潮流 賣啲麵包同甜品款式尚算新穎 而且品質都有返咁上下👍🏻價錢亦唔算太貴 合理價錢啦

行過裕民坊康寧道嗰邊出口，唔覺意見到呢間半心烘焙所見個店員攞住支火槍，燒緊啲梳乎厘，就排隊入去買點知就係俾個即場噴火整嘅梳乎厘呃咗其實係無乜特別，唔係特別好味咁囉但就因為即燒，我就買咗4個，$80…….

2021年9月6日 (星期一) 1:24pm 32°C 每天以新鮮食材製作，定時出爐各款港、台式手工麵包、蛋糕及甜點，配上一系列特色飲品，讓大家在繁忙城市生活中放慢腳步，坐下來細嚐新鮮烘製的美味。 以簡潔木系自然風作店舖主調，加入傳統香港設計風格，結合咖啡室的概念，特設舒適雅座。同時，配合落地玻璃設計透入自然光，開揚明亮，尤如置身鬧市中的秘密花園，在悠閒舒適的環境中用餐份外寫意，讓視覺、味蕾、口感和心靈都得到全面療癒。 提供多元化麵包及西餅食品。 燈光明亮，環境算整潔乾淨，各款蛋糕賣相精緻，擺放齊整，一目了然。 人數：2人 HK$70 多人排隊 紅豆焗西米布甸 - 面層金黃，少少脆，內裏口感香甜幼滑，紅豆蓉滑嘟嘟，西米極具咬口，兩者互相輝映，味道昇華。每啖令人回憶起兒時上酒樓吃到的熱布甸，溫暖又窩心，快樂的元素。【推介之選】❤❤❤ 焦糖脆脆梳乎厘 - 軟綿綿梳乎厘蛋糕由烘焙師巧手即燒出脆脆焦糖面層，為味蕾帶來多層次的味覺體驗。面層的脆脆焦糖濃郁可口，內層軟綿，輕盈且卻毫不甜膩。質感挺直，不易倒塌，可以慢慢享受。《 門 面 》：