美心西餅 (MOSTown新港城中心(4期))

Open Now

Now Closed

美心西餅杜拜朱古力開心果蛋糕，會員網上買有優惠$182，超驚喜。蛋糕完整被朱古力力脆皮包裹，上面加上淡綠色開心果奶油同開心果碎點綴。切開蛋糕更係驚喜，層次超豐富。基本蛋糕係朱古力蛋糕，夾層極濃比利時朱古力軟心。最特別係一層開心果麵絲脆脆，食得出果仁嘅鹹甜味。蛋糕層次分明，朱古力甘香濃厚但唔太甜，同開心果非常夾。

身為Sanrio迷 一知道美心西餅同Sanrio推出「超萌 Cinnamoroll 蛋糕」 🎂 我哋緊係要支持💪🏼 Cinnamoroll（玉桂狗）連續多年蟬聯 Sanrio 人氣角色全球排名榜No.1🥇 超萌超療癒 真係人見人愛😍📣📢召喚所有Cinnamoroll 粉絲 美心西餅呢款5吋「超萌 Cinnamoroll 蛋糕」啱哂一家大小😋 除咗外表可愛至極💕 味道仲超好味！Noah仲要食咗2件🤤經典海綿蛋糕配埋豐富嘅雜果餡🍒 口感豐富得嚟仲好清新🥰 濃郁柔滑嘅鮮忌廉加埋銀珠點綴🤩 令軟綿綿嘅蛋糕更可口美心西餅仲設計咗萌度度爆表嘅「萌趣收納杯」立體造型玉桂狗與好朋友望落超可愛 真係味蕾加視覺享受😎收納杯超實用 可以擺放小飾物另外 美心西餅仲推出少女心嘅「Cinnamoroll 雙色摺疊環保袋」😍 購買「超萌 Cinnamoroll蛋糕」就可以用HK$68 換購🫶🏽 萌爆嘅Cinnamoroll 夏日特調圖案 真係令人好想擁有😚 環保袋更可收藏於 Cinnamoroll 小掛飾之中 粉絲們可以隨時隨地與角色隨行😆 方便簡約時尚又實用！

星期日就係父親節啦, Adrian準備左⭐️Maxim’s Cakes⭐️「FOR HIM」父親節蛋糕系列同爸爸公公慶祝🫰🏻呢款蛋糕「盞鬼」爸爸Mini Devil係朱古力控嘅媽媽揀😎嘩嘩嘩… 朱古力裝飾+朱古力蛋糕+朱古力碎+朱古力脆珠, 全部都係朱古力😍 入口有濃郁朱古力味!啖啖濃厚朱古力味道, 香滑忌廉配合軟綿綿雪芳蛋糕底, 5.25吋大, 我地4大1小慶祝父親節就最啱! 趁住呢2日去買返個蛋糕同爸爸慶祝父親節啦🫶🏻

父親節就嚟到 爸爸同Noah都係吃貨😆 最中意就係食甜品同蛋糕🎂 今年父親節一定要去Noah最愛嘅美心西餅揀返個父親節系列蛋糕「FOR HIM」嚟孝敬爸爸💕今次Noah揀咗美心西餅皇牌魔鬼蛋糕🎂 「盞鬼」爸爸✨ 俾一向風趣幽默嘅爸爸😆 爸爸收到超開心 因為爸爸勁中意朱古力🤫 呢款魔鬼蛋糕以鬆軟嘅朱古力雪芳蛋糕再配上豐富可可濃度朱古力打造而成嘅幼滑魔鬼忌廉😈 口感濃郁細膩 每啖都超綿密 頂層灑滿朱古力焦糖脆脆 口感好豐富 令人一試難忘😍 5.25吋份量剛好 啱哂小家庭想要溫馨慶祝父親節🥳除咗呢款 「盞鬼」爸爸魔鬼蛋糕🎂 「FOR HIM」父親節系列仲有另外兩款蛋糕選擇 — 「長勝將軍」 同 「經典百利甜酒朱古力蛋糕」 緊有一款啱你心水

家人很喜歡吃芋頭，於是我們趁她生日，給她挑了這個新推出的紫芋甘露 Mochi 蛋糕。蛋糕比平常的迷你蛋糕更迷你，3人勉強夠吃，要是大一點就好。蛋糕表面沒有很多水果裝飾，主要是以芋頭粒和白玉糯米糍簡單點綴的芋頭忌廉蛋糕，內層藏有楊枝甘露布甸、金柚肉、芒果醬和芋頭粒奶凍。忌廉雖有原味、芋頭味和芒果雲喱拿籽3種口味，但3者味道分別不大。忌廉整體不會過於甜膩，甜度合適，但質地略嫌較企身，不夠輕盈幼滑，未能做到入口即化，口感上有一點缺失。至於蛋糕部份很鬆軟，帶有淡淡的芋頭香味，味道不人工 (假)，吃得舒服；芋頭粒奶凍吃到帶芋香的芋頭肉，有些較爽口，有些則帶點綿密，整體來說，芋頭不會太硬，加上微彈的奶凍，以及帶點軟黏的麻糬粒，為鬆軟的蛋糕增添多種口感。不過，內層楊枝甘露布甸和芒果醬味道就不太突出，有種可有可無的感覺。此外，金柚肉苦澀，如果像我那件蛋糕般，有很足料的柚肉，大概會覺得苦澀了！整體來說，蛋糕尺寸比較小，但價格大概$160多，好像有點少貴，另外就是蛋糕的忌廉質地太企身，口感不夠軟滑，金柚肉部份則帶點苦澀，有點扣分，但蛋糕其他部份都可以，整體帶芋香，還是值得一試的。