美心西餅 (安樂樓)

Open Now

Now Closed

上篇係2024年12月23日刊登嘅食評( https://www.openrice.com/zh/hongkong/review/b-%E9%A3%9F%E4%BD%8F%E8%9B%8B%E7%B3%95%E4%BB%94%E5%85%88-e5832240 )提到，我喺呢喥用$50.00優惠價買一盒正價$90.00嘅細鴛鴦臘腸，我哋到前(5-1-2025 Sun ）晚蒸肉餅嚟食，睇見臘腸係半肥瘦，蒸熟食得。臘腸有酒香味但唔清清地唔太濃，juicy，口感亦正常。5分膶腸都唔算好肥，味道唔係甘苦，唔似我以前食過其他嗰啲咁甘同粉，呢個唔難食，但似欠缺咗膶腸嘅風味。但膶腸係咪應該甘同粉？4分環境，服務同衛生跟返上次體驗俾分。

噚日（22-11-2024 Sun）晏晝同老公落荃灣，由於冬天，食臘味嘅季節到喇，我又唔想成日只整鹹蛋蒸肉餅，腍起可以放臘腸喺上面蒸，攞佢嘅味道，老公就話用美心西餅劵買臘腸，我哋嚟到呢間睇，見到係凡惠顧可即以優惠價購買，咁我問可唔可以用餅咭買，店員答可以。於是我就排隊買啦，但收銀話唔得。我話頭先你哋話得。個店員就走返過嚟解釋，話得，但用劵要以正價買，細嘅一盒$90.00。我哋答都好吖，都減咗$50.00。佢答唔係，只可當$10.00用。吓？！佢話買普通正價麵包西餅就係當$50.00使，但臘腸唔係，所以好唔抵。我睇睇個牌，寫住凡惠顧即可以優惠價購買，即係我求祈買一件嘢，都可以以優惠價買。佢答係。啊，咁我哋就睇啦，我揀咗$8.50一件嘅班蘭蛋糕，就以優惠價$50.00買一盒細嘅鴛鴦臘腸，就係膶腸同臘腸各一孖。返到屋企到夜晚，我就開班蘭蛋糕食，睇見佢係半件班蘭蛋糕，半件普通蛋糕嘅結合，食落，有淡淡班蘭味，味道唔太甜，口感係鬆軟嘅。呢篇食評就寫住班蘭蛋糕先，鴛鴦臘腸就留到食完下次至寫或唔寫。抵食係2.5分上次食評係2024年2月13日刊登嘅篇：https://www.openrice.com/

早前公司運輸公司，向我哋同事一人送咗一張美心嘅蘿蔔糕券俾我哋， 咁我喺4-2-2024（Sun）嚟呢間攞，到前日（11-2-2024 Sun)大年初二朝就攞嚟做早餐，我哋切咗半底，一半係蒸一半係煎。我先食蒸嗰啲，蒸嗰啲夾起就散，同味道都幾淡下， 我要點蠔油食;煎嗰啲呢，唔知係咪收咗啲水，所以味道都夠夠地。唔知係咪太耐冇食美心嘅蘿蔔糕，係退步咗定不嬲都係咁嘅水準?上次食評係2019年10月4日刊登嘅呢篇:https://www.openrice.com/zh/hongkong/review/%E7%82%BA%E7%94%A8%E5%8A%B5-e3559775

銀包有幾張美心西餅卷，唔想留咁耐，要快快用曬去好啲，始終除咗cash之外，唔想太多野留喺銀銀包 （唔知道咁樣算唔算斷捨離呢）。Hearty Butter Pastries (Maple Syrup Flavour) 楓糖味甜心酥，個樣睇起上嚟都算OK，但食落口嘅味道又係另一件事。個packing話「特香脆-雙重烘焗」但我覺得一啲都唔夠酥脆，咬落去就好似係牙力測試咁，經測試後好明顯我牙力唔太好啦; 話用咗楓糖，但我又覺得唔夠香甜，總係好似差少少，差少少咁。唔好食。

噚日(3-10-2019 Thur)放工後,去東海堂買麵包,但冇開門,咁去美心啦,好彩美心有開,我買咗:1.$7.50嘅牛角酥共兩個大大個,一個留俾老公食.一食,外層有啲韌,內裡軟熟,牛油香味啱啱好.2. $22.00嘅無花果合桃蕎麥麵包原個大大個,冇切開,自己切開佢,呢個味道鹹咗少少,無花果乾味道有啲似提子,一樣咁甜.3. $17.00嘅糙米芝士包麵包嘅味道清淡,只係芝士粒有味,要自己混埋嚟食就啱啱好.上次食評: https://www.openrice.com/zh/hongkong/review/%E8%B4%88%E5%93%81-e2991303抵食係2.5分

唔鍾意帶現金？唔鍾意切，又或者鍾意獨立包裝可以分幾日食？但過間限時優惠嘅雪芳蛋糕又真係食到悶，唔洗煩，隔離街都開始做啦！做日式燒餅。共兩款，紅豆最受歡迎，粒粒紅豆唔太甜，量夠多，每一口都食到；花生果醬，落得唔多，無嘜特別無影到，味道唔太夠，可能質地太結，怕落多更乾，有粒粒花生，唔想食太甜都有個選擇。雖然色澤唔夠，發酵差少少，但質地夠滑，夠大件，$12/3件絕對食得過。如果用支付寶，記得付款前掃QR Code ，$10減$3抵到無朋友！優惠到31/8。

Spotted the White Peony tea cake at Maxims so decided to try it.It looked quite nice with a layer of tea jelly, cream and cake.Overall, the cake was soft and light and not too sweet.I could taste red tea so it was definitely not White peony.Anyway, I hope they will have other tea flavoured cakes soon like Earl Grey.

25-2-2018食到o既美心蝴蝶酥中(o個個食評: https://www.openrice.com/zh/hongkong/review/%E6%94%B9o%E5%B7%A6%E5%90%8Do%E6%97%A2%E8%9D%B4%E8%9D%B6%E9%85%A5-e2988096),裡面有張劵,請客人上佢o地網提交意見,然後將提交o左意見後o既No.填上,再憑劵去美心攞好似值$16.00,6條庄o既原味雞蛋卷,攪掂o左,就趁尋日(3-3-2018 Sat正月十六)朝俾完o野朋友後就o黎攞,見到比正常o既雞蛋卷短,返到屋企就打開o黎食,又短又幼又薄,約有11厘米長,食落,都甜o左少少,但仍食到蛋味,口感係鬆脆.

好軟熟既蛋糕叫了數款凍餅請大家一齊開心食下甜品最後係水果鐽最受歡迎，而栗子蛋糕杯也不會太甜而係有小新清既感覺；另外凍餅黑森林車厘子蛋糕貫徹始終都係咁多啫喱夾心，蛋糕超香軟，令人愛不釋手的甜點

今日返工經過美心西餅，入去打算買個飽食，但好似食厭了，左看右看之下，最終還是選擇了"黃金脆脆迷你卷蛋" 卷蛋一盒已分切成七件，卷蛋好軟熟，軟綿綿，有蛋香味，但太多cream，令人有罪惡感。 而且脆脆粒很少。一件卷蛋兩三啖就食完，好似冇飽足惑。但這盒卷蛋已成為了我兩天的早餐。

今日(23-9-2015 Wed)放工後,去荃灣美心攞之前以$164.00買o既奶黃月餅,o黎到排o緊隊攞,行到埋去,職員o既指定動作係打開俾客人睇有齊咁多個月餅.我呢個係分兩層共8個,返到屋企食完晚飯就忍唔住要同爸爸share一個,攞間尺度吓,直徑差唔多有4.5cm.切開一半先,金黃色o既餡幾濕潤,食落都幾甜,口感細滑,唔錯.比尋日女同事CC請九龍酒店o既好啲.味道: 4.7分由於今年食太多月餅,所以呢個會係我同男友家分,人數計9人.