香港地 (Closed)

行過香港地見到原來都有下午茶餐牌，啲餐都算抵，見唔係太肚餓就即管入去試試啦。五點幾呢個鐘數人唔算太多，一入就有位坐，入到去又要scan QR code落單，真係唔係太鍾意呢啲咁麻煩嘅落餐方式，尤其是我呢啲間唔時有啲特別要求嘅客就唔知點落單，所以最後都係要搵店員幫手，我哋點咗西多士同XO醬豬扒炒出前一丁，但又想走配菜，最後搵店員幫手，店員都好好，即刻入廚房補多句，所以無曬三色椒同洋蔥等等，齋豬扒同麵，但係都炒得好乾身，味道都好正，豬扒質感都好掂。另外西多士就比較厚身，但我自己prefer薄身啲質感啱我啲，但都炸得唔錯嘅。最後杯奶茶都沖得幾好，都幾醇滑，可樂就有埋冰底，呢個炎夏飲真係透心涼。埋單唔使$100，商場舖嚟講真係抵食。

因上水無乜選擇，所以經常光顧這間餐廳。每次落單都會叫凍飲少冰，但每次都係一杯冰。有單據和相片為證。雖然小事，但商家想慳錢，又知水吧為餐廳賺唔少錢，想客人唔夠飲再叫多杯，呢個明白。不過次次都係咁真係好煩，因為要攞個杯自己夾走啲冰。

 員工態度不錯，坐位一般，上菜時間很短及準確。價錢中等 ，食物的選擇很多，味道也不錯， 很適合街坊家常便飯。埋單接受信用卡，支付寶，微信，現金，所以很方便。茶餐廳在大商場內,裝潢帶些少懷舊。下午茶餐。價錢算平。選了公司治+雞脾!,好大份,好滿足,用料都十分多! 另朋友吃了炸雞脾+蘋果沙律, 雞脾炸得不錯。服務可以接受還可改善。下次會再來

好少叫外賣，今次叫左2個2人餐，其中一個餸係菠蘿咕嚕肉，點知食食下食到一半，發現有一個溶左既衣夾，好噁心。打去店舖叫佢地退錢或者補送，佢地話做唔到。我地成家人都無心機食飯。

1）乾炒牛河係翻熱再翻熱，河粉成pat嘢。牛肉無味，成碟嘢無味。2）凍檸檬茶少冰，永遠都係成杯冰。係出單問題定係水吧特登？ 幫襯咗十次，十次都係咁。學咗食神的史提芬周咁無良？（相中杯凍檸檬茶已拎走半杯冰）成餐飯有種喺廿年前大陸工廠食嗰啲感覺，完全唔好食，只求食飽個肚。不過而家喺大陸啲包伙食都講究咗好多。

難得大家都放假可以去拍下拖，所以就周圍去食嘢，去到上水廣場搵吓有咩食，下午茶時間見到呢間餐廳啲嘢好似都幾吸引，所以就入咗去！叫咗一份阿華田西多士，成份西多士都係好大件，而且上面鋪滿晒阿華田嘅粉末，同出面嘅西多士好唔同！嗰啲阿華田脆脆好甜好好食，而且加埋西多士嘅糖漿，花生醬，簡直超級邪惡！！但係有好食到停唔到口另外叫咗一份瑞士雞翼撈麵，呢個就相對上一般般，三隻雞翼唔係好入味，而且個撈麵好似淨係用豉油撈麵咁，冇乜味，得個咸字！如果下次再食嘅話未必會再叫呢個

上星期六一家三口去上水閒逛，因為無乜心水想食咩，所以就求其去咗呢間香港地食下午茶。本來對食物嘅味道口味無乜期望，因為啲連鎖餐廳通常頂多都只係普普通通。我地叫咗一份公司三文治，一份豬扒漢堡薯條。公司三文治我太太話好好食，好食到我無機會食，因為太太同仔仔食晒豬扒漢堡薯條就係我食嘅，豬扒同薯條都應該係現炸嘅，薯條大小同麥記差唔多，但炸得超好食豬扒都炸得好靚又好味，結果唔覺意就食咗一餐超滿意嘅下午茶~期待下次再去試吓佢哋其他出品

今天參加了離島一天遊，旅程結束了，黃昏時分，在上水火車站附近，於是去上水廣塲逛逛，發現呢間 「香港地」見到門前 擺放有下午茶牌，問問職員，6:00 ok👌有，馬上試試炸雞肶 薯條 配菠蘿冰/ 紅豆涼粉冰 $42香脆幼幼薯條，點 茄汁，更加好吃雞肶 皮脆 肉嫩 😋 香噴噴嘩！大大大杯紅豆冰，不甜，剛剛好仍有細細粒涼粉... 咬咬咖哩豬扒飯 $48沒料到，勁大塊豬扒，太開心啦白飯撈辣辣香濃咖喱，汁隱藏薯仔一件濃郁惹味🤗吃飽.飽歸家🏠

閒日下午3:00，出面落住滂沱大雨，要搵個地方Hea下等長場雨落完，性價比來講美心香港地都OK，所以入咗嚟坐低，叫咗個炸魚漢堡配薯條$42，另加$11要杯嘢飲。個炸魚漢堡評價ok, 塊炸魚柳比個包突出少少，唔算細，但又真係唔算得係大。唔太油，啲油都叫做鯨得夠乾身。夾咗兩塊蕃茄同一塊生菜。個汁係麥當勞嗰隻魚柳包汁但冇咁酸。至於薯條，我嘅評分就比較低。大細比麥當勞薯條仲好似細少少，唔太油，都熱，但呢個價錢唔值。