美心香港地 (Closed)

因為微信支付有優惠所以我同屋企人先特登過嚟食個早餐我地total四人都係第一次嚟食選擇真係比我想像中少無咩好揀我要左個牛尾湯粉餐個餐有個豬肉腸唔好食無咩味要番火腿好過炒蛋都ok牛尾湯粉都幾濃但係下次應該唔會再嚟唔明點解咁多人幫襯要等位

這是第二次來到這家餐廳 進入餐廳前 先拿票等位 在到我的時候服務員安排我一家坐下 但是枱上前一枱客人用膳後的餐飲都未收 已經覺感不太好 到我們下單叫餐時 服務員正在幫我們點餐 點餐到一半服務員同我講 她要去先收銀😓之後一等就等了10分鐘時間 落單後 進餐速度也算快 但是食物質素一般 份糧沒有保證 因為我叫了兩個炒飯 兩個份糧明顯不一樣 味道還算不錯 直到我埋單前見到用enjoy 卡會有9折 我都問服務員是否會有9折優惠 點知埋單時服務員照收我正價 我再問佢係咪無打到折 佢話埋單果陣我無講到用乜卡又話佢收左錢先記得果個係我 有無搞錯

以前不時也會到家樓下的連鎖店吃早餐，這幾年已甚少吃，因為不會吃得完，不想浪費了食物，除了m記的麵包。今天來到一早便到工作單位，與孩子輕輕鬆鬆吃個早餐，聊聊天，以讓他放鬆一下，故再次嘗試吃吃早餐。其實來吃之前是有點不安，因不知有什麼適合自己的可選擇，又不會太浪費食物。最後看到有輕怡早餐($33)，感覺較適合自己。這款輕怡早餐包括蛋白桂格燕麥，煎日本農場蛋白x2，美心牛奶麵包和熱咖啡。蛋白桂格燕麥煮得綿稠，正是我愛的質感，加入蛋白增加口感。煎蛋白沒有什麼特別，欣賞的是不會煎得過油。最好吃的是牛奶麵包，牛奶香味濃，麵包軟熟，下次可以在美心餅店買來吃。咖啡亦不錯，能幫我提一提神。

叫隻炸脾沙律…… 佢俾隻乾過餅乾嘅不算 …… 問佢換過可以嗎？佢話: 我地啲係生炸雞脾 …… 隻隻都係咁 ! 咪玩啦… 你呢隻係生炸!!!!!雖然係屋邨入面啫 …… 都唔係俾啲咁嘅嘢出品呀…

到老友家玩了大半天，落街尋找食肆吃個茶餐，見到有美心香港地，尚算可以啦。食客不是太多，可能已經接近黃昏，所以有較多空位，環境整潔，侍應態度一般的，可接受。下午茶餐牌款式不是很多，看了一會，我們選了乾炒牛河、咸魚雞粒炒飯、熱好立克和凍奶茶，等了約15分鐘食物到來，還可以啦。侍應同我們講原來是落單後廚師先開始炒，所以等了一會，食物送來時已聞到香味。乾炒牛河中的大片而入味的牛肉，河粉條條分明，不會黏在一起，味道不會過咸，幾好味。而咸魚雞粒炒飯果然鑊氣十足，還感受到茶餐廳風味，香味四溢，份量都好多，像吃晚餐似的，質素絶對不差。加了煉奶的熱好立克，甜味剛剛好，不錯。而老友的凍奶茶，她說茶味香濃，很好喝呀。茶餐每碟份量多，吃飽飽，連晚餐都不用啦。

各位唔好幫襯呢間天水圍香港地外賣，呢啲咕嚕肉71蚊得嗰少少😵 夠鬼食咩😫😫， 少得好可憐😠。仲有好少汁！乾爭爭咁😠好差呀！ 堂食起碼多一倍有多！👎👎 😡

今晚食茄子䱽魚，菜芯雞肉，例湯唔好意思我成日都食但都要投訴個湯或個魚太重味精，由鰓骨至胃有麻痹好辛苦嘅感覺，維持咗大半個鐘，好彩飲咗幾杯水加快“康復”，之前都試過一兩次，希望美心集團能夠煮d冇味精MSG嘅嘢俾人食啦，好多人當佢係飯堂。

一早過隔離屋邨食早餐，就試下呢間餐廳，首先攞籌，不過職員就安排座位有啲亂，一時要我們坐呢邊跟住又話坐另一邊。到點餐時，沒有太多選擇，另外我們想加配粉麵類都沒有。仲有，有位男職員好惡好大聲話我隻手突左出枱邊，叫我縮番埋，我只是手㬹突左啲啲出嚟，都未至於阻住成條通道，真是都嚟埋。之後早餐送嚟，份量少又迷你，加埋咁貴既價錢，一點都唔值，都唔明仲有人幫襯

今日老公生日但近日又忙於搬屋所以生日都忙於買日用品呀搬野咁一早要去街市同超市買野。。。去左呢個商場一次過搞掂哂因為未食野諗住求其食唔洗等ok就入左黎lu今日星期日人多，不過一入去就有位lu入到最入嘅四人枱，雖然人多但未至於要搭枱睇一睇，今日假期都有午餐同常餐👍🏻西至中都有。。。因為晏d要食好東西，所以叫左個炒河同奶油豬就ok大熱天時跟餐飲凍野是常識吧但太凍又傷身，唯有叫少冰少左都有3份1杯冰，無少應該有一半吧。。。拎左d冰已經無左好多茶個奶油豬一到。。。我就知佢唔方熱脆d牛油無溶到 個包又唔熱$17架。。。比d誠意會好d奶就夠嘅干炒肉片河炒得幾好 肉都夠嘅 河粉係比較幼身但夠滑不過炒河就係要夠多油先好食嘅所以係多油嘅不過我接受到😂美心係快餐 連辣椒醬都係快餐一包包方便😂😂😂埋單多謝$73

是曰天氣十分悶熱，無乜胃口，見有魚湯粉麵十分吸引，隨即入內試試。米線餐的選擇頗多，心大心細，結果選了魚肉春卷配魚旦米線。魚旦出奇地好味,又彈牙又鮮甜，仲有魚味！魚肉春卷有點乾，有少少魚肉味；米線十分幼滑,清清地的魚湯，食味不錯。附餐的油菜，不過不失，烚得翠綠, 菜唔係最嫰的。奶茶：十分香滑，有如茶餐㕔水凖，奶滑茶香。但以簡簡單單一餐，有菜有麵有嘢飲，非常不錯。

承接「堂食篇」後！嚟到「外賣篇」！我們買咗星加坡鮮蝦叉燒炒米粉、菜遠牛肉炒河同鮮蝦蔥花叉燒炒飯去姨媽屋企一齊食！星加坡鮮蝦叉燒炒米粉炒得鑊氣十足，材料亦相當豐富！菜遠牛肉炒河嘅牛肉肉質非常嫩滑，份量都幾多，河粉嘅麵質都幾軟滑同唔會黏埋一團！鮮蝦蔥花叉燒炒飯炒得非常乾身，粒粒分明，味道亦相當惹味！

今晚我們去咗天水圍探姨媽！但因為太肚餓所以我們喺天瑞商場嘅「美心香港地」食咗個雲吞麵餐，之後買咗外賣去姨媽屋企食！個招牌雲吞麵餐有老火粉葛湯、白灼菜心同鮮蝦雲吞麵！老火粉葛湯嘅火候十足，湯底非常濃郁！白灼菜心嘅菜心好嫩同無根！鮮蝦雲吞麵嘅麵質非常爽口彈牙，雲吞嘅皮好軟，蝦亦好爽甜彈牙！

近日食得精緻餐點太多，令肚腩不知不覺間脹起來。是曰晚餐食得清淡一點，淨水餃和檸蜜。水餃：大大隻蝦，十分弹牙！仲有爽爽木耳，水餃鮮得嚟唔肥腻。 唯湯底唔夠鮮同無菜，有點美中不足。檸蜜：有四片薄薄檸檬，蜜糖頗潤喉少少甜，不錯。

同屋企人落咗黎食晚餐，唔使等位就入咗去。叫咗個鹹魚雞粒炒飯同埋星洲炒米，等左唔係好耐就有得食。一直都覺得大連鎖集團嘅水準唔會差得去邊，起碼都會正正常常放得落口，點知嚟到嘅時候賣相好一般，兩碟炒野都好濕，完全唔掂，色澤都唔夠，食落好淡味，完全唔知今日嘅廚師發生咩事，食咗幾啖已經唔想再食落去。

未試過來香港地食晚餐，所以今日嚟呢度試吓食佢，今晚我就叫咗個海南雞飯，一嚟到嘅時候，賣商感覺唔算話太好，普普通通，首先係啲飯，話就話係油飯，但係冇乜雞油味，色澤又太白，唔算正宗，雞佢都係普通斬件白切雞，冇乜特別。整體性價比唔算太高， 同埋都要五十幾蚊，份量都唔算話好多，但都夠食。