美心MX (Closed)

將近2:30pm下午茶時段，便有一條人龍在買下午茶，晚飯時段的冬瓜盅總是售罄，突然發現原來美心在改革MX後是很成功的。說回下午茶，我點了公私三文治，試試他們的冰滑奶茶，很讓我失望的是，我和朋友的奶茶都有點酸，是奶有問題吧。告訴待應，她立即幫我們換了，不過是另一種飲品。公私治加薯條，算是不過不失吧。環境方面，裝修後的MX都幾靚和舒適。

連續食左2日下午茶水準都不錯最緊要係又平又多款又快雖然多人排隊但係好快就可以攞到食物第一日食左炸雞脾紅豆冰加左6蚊要多個特色米粉曾幾何時美心的雞脾獨當一面宜家只可以用不過不失黎形容今日就要左個雞c三蔬(喬麥面)加個凍綠茶一個字!!!!淡!!!真係好清淡law!

六寶飯($26) - 叉燒(比較乾身), 紅腸(普通), 油雞(豉油味唔入, 有D鞋), 燒鴨(鴨味比較濃, 咬落仲有肉汁), 咸蛋(好夠鹹, 好好送飯), 墨魚(得一片, 太腍唔爽口), 每樣食材味道都唔突出, 另叫了多色都係唔多數月前係新蒲崗大家樂食過四寶飯令我另眼相看, 今次有比較之下就令人有點失望

咖哩牛腩飯- 牛腩炆得幾腍同咖喱味都幾入. 牛筋好細件太腍身無咬口. 而個咖哩最好就係面頭唔會有層厚油, 雖然咖喱辣味唔重, 不過味道算幾香

雖然上次食過冬瓜盅麻麻, 但呢頭真係搵食艱難, 所以上星期六又係度買個餐鴨腿湯飯($32) - 鴨腿同飯分開上, 鴨腿夠腍有肉味, 而個湯有陳皮, 龍眼, 芫茜等, 夠清甜好味.

之前係新都城大家樂食過覺得唔錯, 係個晚就係呢間美心試下又得唔得. 就咁叫左個冬瓜盅套餐外賣($42)醬爆雞煲- 所指既雞煲其實即係雞翼, 將雞中翼切半加洋蔥同d醬汁一齊煮, 味道唔夠香濃同份量都幾少冬瓜盅- 冬瓜肉同湯分開兩碗上, 冬瓜煲得唔夠腍, 而個湯只係佔個細外賣碗1/4, 料亦只係得幾舊肉粒同蘑菇, 味道好淡, 比上次大家樂差好多