美心MX (樂悠居) (Closed)

美心快餐最近以台灣食品為主題，今天吃了一個性價比十分高的下午茶。$29便有一碗念念不忘肉燥飯、一杯飲品和一款小吃。我選了鹹檸七和咖喱車仔三寶。肉燥飯的份量真的很小，不過對我來說已足夠了，因為若吃得太飽，便無法吃晚餐了。不過老實說，這肉燥飯全無台灣肉燥飯的風味，想來一試的話，別抱太大期望。鹹檸七一向是我很喜歡的飲品，冰凍解渴。咖喱車仔三寶，包括有魚蛋、豬皮和白蘿蔔，咖喱夠辣，一向是我的最愛。不到$30便有齊以上的食物和飲品，真的很超值！

午飯時段想涼下冷氣又坐得舒服？荃灣美心MX可能滿足到你喎🤩！由於好肚餓嘅關係，叫左大大碗嘅「燒鴨飯」🥰好多時出街食燒味飯最怕嘅就係又乾又油🤮不過呢到就唔同喇！燒鴨件件都啖啖肉 ，唔會話太多骨，食落都幾入味架😋！另外想一提嘅就係個「飯底🍚」！飯味夠香之餘，仲非常軟熟，屋企煮都無咁好食呀🤭順帶講一講呢到嘅座位，全部都係有軟墊嘅，變相你就算食飽飽想坐係到唔郁，睇書睇劇玩手機都唔怕起身果下patpat痛，哈哈！

今日一大早過咗荃灣嗰邊搵朋友食早餐， 朝早嘅選擇唔係太多好多都仲未開工！！見到咁啱有間美心就即刻入去~~~美心嘅雞扒餐以前真係成日食~不過今日我嗰舊雞扒好似梳左水咁😢😢😢超級細件啊！！！ 不過好彩味道無乜點變🥰都係好好味~如果再大件d就好🥺🥺🥺🥺蛋都夠滑唔錯架喔

美心下午茶必點當然係公司三文治啦😍公司三文治每一層都有唔同嘅餡料 例如番茄生菜同埋雞肉😆食每一啖都有多重享受 最加埋薯片汽水簡直冇得頂 😍 下次一定要再同屋企人食過 因為實在太正啦

最近網上外賣平台網上外賣平台 和美心MX 合作推出優惠，可減免30元，好抵呀所以晚上特地叫了美心MX外賣。點了咖哩牛腩飯咖哩不香，牛腩牛騷味重，重點是非常的韌，完全咬不開，食了一半實在沒辦法食下去了。又點了京都肉排，貪他甜甜酸酸的好開胃，怎料味道和賣相也一樣的不濟。這是什麼煮法？完全沒有用心之作。米飯是半生熟狀態， 混雜很多咬不開的飯焦，唯一 值得讚賞的是紅青蘿蔔湯很清甜，有媽媽煲的味道。經過這次叫美心MX外賣的經驗，本人對美心的出品完全失去信心，毫無水準， 粗製濫造，令人非常失望。

嚟到美心MX終於唔洗淨係得飯揀唐揚雞咖哩稻庭烏冬以快餐店既質素個唐揚雞係唔錯炸完都唔油 好乾身加埋專屬醬汁 個烏冬本身已經好多雜菜多到遮住左個烏冬佢真係用稻庭烏冬架所以幾十蚊都幾抵食

美心 MX 下午茶 有優惠券, 平宜 $3 😀 太好了選了 公司三文治 配熱飲豐富包括有：番茄、青瓜、雞蛋、火煺、雞肉、生菜伴 ： 脆卜卜薯片少量沙津醬一起大啖咬 😃熱檸🍋水檸檬質量差、苦澀味其實，對我來說，這.. 吃得太飽了那麼，晚餐不用啦又可以節省$回家，晚上 吃點水果，可以了👌

今早同家人去海洋公園，就約係美心食早餐，都唔少人食要等等先有位坐，我地叫了三個早餐，火腿通粉配多士，仲有火腿和蛋，這個餐都幾抵食，火腿通粉都幾大碗，通粉不太淋身而湯咸度剛好都不錯，多士和蛋就凍左啲。太耐無食糯米雞，好厚身又大隻，一夾入面都有唔少材料，味道都不錯，溫度只可講微溫，如果再熱啲更好味道。家人食的雞扒多士黎手到嚇一嚇，雞扒細到嚇親，又乾身，而且仲要凍的不好食，多士都係偏凍。三個餐可配飲品，要了奶茶和咖啡，茶底不錯，咖啡味唔夠濃，但三杯飲品味道都正常。

我一向都好鍾意食唔同快餐店嘅四寶飯，一來份量夠多，二來快餐店通常啲燒味都幾好食，所以我食親都會食燒味飯。今次就嚟試吓美心嘅唔好煩，佢五寶飯入邊包括、鴨、紅腸、叉燒同埋鹹蛋。如果你覺得太細份可以叫佢加飯，但對我來講個份量啱啱好，不過燒味嘅份量比較少，紅腸大概有三塊左右，叉燒有四舊，鴨有兩件，而雞就俾雞髀位，都算係有誠意，但係叉燒嘅味道比較乾，食入口都覺得麻麻地。不過$44呢個價錢包埋嘢飲都算係差唔多。

兩個人開完通宵想食個早餐先。上次同朋友仔食過呢度既早餐唔錯。早上10點半人唔多好多位任坐...上次試過這西式早餐唔錯今天又安哥。魚柳、煎雙蛋、吐士、熱咖啡吉列魚柳是四方形款式.炸至金黃色，表面看來乾乾的。超乎想像以外，的魚柳肉夠厚。肉質嫩滑唔鬆散、無腥味！再配埋沙津醬解解煎炸油膩感煎雙蛋認真靚唔多油半熟既蛋黃汁，正吐士十分脆身又香口, 幾好食!加埋杯咖啡呢個早餐真的係豐富又滿足這裡價格合理選擇又多樣，湯麵粥炒麵，吐司都有的選，環境程度算中等...服務態度始終都係一般刻板式，沒笑容。香港地，員工難求，係咁架啦偶爾順路黎食一餐都可以的.

好耐冇放假，今日專登試左美心MX 既金沙雞翼下午茶，估五到炸雞翼配上金沙醬咁惹味，重點只要$38蚊就已經可以食飽飽。用鹹蛋⿈入饌配搭新穎，下次試埋佢地既金沙晚餐系列先。

恭喜發財！今日初四祝大家身體健康、龍馬精神、 心想事成。今日初四就要返工，一早做完D野等晏晝食飯，兜勻成條街發現好多餐廳都未開， 唯有走去美心mx ，本人平時係唔會去呢啲快餐店嗰啲乜乜大快x 同大家x，食啲9成中伏嘅快餐， 不過冇辦法啦初四咁多間餐廳都唔開工。一入門口發現餐牌有一個我好鍾意食嘅金莎系列小菜， 小弟嗌咗個金沙肉片四季豆，同事嗌咗個菠蘿咕嚕肉一齊食。 開始食啦！佢真係冇令我失望，係即時中伏， 嗰啲金沙真係一啲鹹蛋黃嘅味道都冇我懷疑係雞蛋黃， 嗰啲四季豆仲有啲青青哋嘅味道好似未煮熟曬， 肉片就普通啦不過不失。 到菠蘿咕嚕肉喇， 亦都係冇令我失望粉多個肉， 啲肉細到好似肉丁咁， 唯一值得安慰嘅係加一蚊加碟油菜， 終於明白周星馳話年初四咁嘅樣點解， 就係小弟而家食完嘅樣啦！祝大家過年食得招積，個個年初一咁樣。😀

鹹蛋黃熱潮真係不死，由最初既炸魚皮慢慢開始演變出愈黎愈多野食，美心下午茶都食住個勢出咗鹹蛋黃雞翼，可以選配黃金蜜糖船、肉絲碗仔素翅、咖哩車仔三寶、魚肉燒賣或是日湯粉麵，加埋杯熱奶茶搞掂曬個下午茶☕️我食既時候見佢即落油鑊炸起，新鮮熱辣所以都夠酥脆而且唔會好厚炸粉，不過隻雞翼真係有D發育不良比較奀，未至於乾但無咩肉汁可言，面層鹹蛋黃醬鹹香突出不過唔夠均勻；反而個黃金蜜糖船真係出乎意外地好食，拎餐嗰時已經聞到馥郁蜜糖甜香，包身塗抹牛油蜜糖同砂糖烘至外脆內軟，另外再配有蜜糖同牛油自己額外再加，麵包質感極之軟熟一D都唔乾，成個配搭材料好簡單但真係會令人意猶未盡，依家係配角唔小心拎咗最佳男主角既情況😂

返工放lunch時，近近地又唔想去咁遠食，簡左附近既美心mx。我叫左個蛋黃肉餅飯配中湯。一食落去覺得肉餅好林，咬落去粉粉地 本身的口味較清淡，所以吃落去覺得成個肉餅好咸，唔好食！ 但都知道吃快餐唔好有咁多要求....

今日去到附近探朋友，見餓餓地不如吃個下午茶，不遠有間美心就入左去食下午茶，餐牌選擇其實都不少，最後見到有個$22西多士餐就叫了這個。坐位都舒服吾太多人，食物叫號碼取，等了一陣就到我拿食物，沒想到有二片西多士有驚喜，不過是薄身西多，二片麵包夾一齊，但食不出中間是什麼醬料，西多士熱度夠，而吾太油身，加分。配上糖醬和牛油整體不錯，都飽肚。飲品要了熱檸檬茶，茶好味道，而且檸檬夠味夠酸，沒有苦澀味，食完勁滿足，沒想到大集團都有$22咁平的茶餐。