美心MX (樂悠居) (Closed)

美心下午茶都幾抵食，$29有叉鴨湯瀨粉，熱檸茶外賣，份量都唔少，當午餐就應該唔夠飽，但下午茶食少少份量就剛剛好。荃灣樂悠居美心MX職員動作快，唔使等好耐已經pack好外賣。$29碗叉鴨湯瀨粉既燒鴨份量都唔少，啖啖肉唔會因為係下午茶只有骨，值得一贊，檸茶既檸檬都冇苦澀味，加少少糖就可以了。

見病病地所以想食得清淡啲同開胃啲既野(;_;)行過美心MX見有位坐就入去睇下啦，地方夠大又多枱所以1點先到都仲有位🤘😎餐牌上有好多選擇，原本想食焗豬扒飯但又怕熱氣。於是揀左中學時期最愛既粟米肉粒飯，$35連可樂/熱飲，都算係經濟之選✨見到白飯好少，普通一個女仔就夠男士既話可能要食兩碟先得😂😂😂粟米肉粒個汁好重要美心個汁都還可以🤘夠濃夠「傑」粟米都夠多又唔會太爛，有咬口但係肉粒就唔係幾掂，好多肥肉搞到都冇乜咩好食🎃🎃🎃邊食邊心諗下次頹食同快食既話都係揀過第二個餐😣

天氣開始轉涼，真係特別想打個邊爐🌞💓但你估下下都可以叫齊班fd黎架咩，頹頹地自己打住先😼.下午5-6pm食有早鳥優惠$52我就揀咗酒不醉人醉雞火鍋🐔同埋藥膳湯底，感覺很補😂湯底真係好香藥材味🙈落咗黨蔘、杞子、當歸等成個火鍋都幾多材料，除咗醉雞外，有雞滑、飛魚子滑、大蝦、魚片頭、烏冬同埋菜等。🐔醉雞肉質都幾嫩滑🦐大蝦食第一隻係好新鮮仲要有少少膏，但第二隻就唔太新鮮肉質有少少淋，質素呢家野真係好難控制🐟飛魚子蝦滑食落口中飛魚子係口內爆開係正嘅😆🌽同🎃都好甜$50就可以食到咁豐富火鍋，整體質素重要不差，簡直係窮撚恩物🌞

酒不醉人醉雞火鍋 $69天氣轉涼, 心血來潮一個人去美心MX打火鍋, 叫了一個酒不醉人醉雞🐔火鍋， 醉雞湯底， 真材實料 ，有北芪、杞子、黨參、 當歸片， 水滾後，😋醉雞鍋散發陣陣誘人、香噴噴酒香。配料非常豐富 ，有入口嫩滑無比嘅主角醉雞🐔 ， 鮮甜西洋菜餃， 新鮮大蝦🦐， 爽滑蟹子🦀蝦滑 ， 滋味魚🐟片頭 ，新鮮生菜🥗 和超甜粟米 🌽及彈牙烏冬🍲 ， 真是大滿足， 仲有自助調味🥣吧， 隨自己個人喜好調味， 打完火鍋後， 成身暖笠笠， 充滿力量， 追鍋族千祈不要錯過!

上次係度食左久違既早餐之後，今次同個朋友黎食午餐。午餐選擇比早餐多，仲不定時會轉下菜式，今次同朋友食雙餸飯，呢度雙餸飯有別街外餐廳，佢係一款菜式只可以選擇菜或者蛋，另外一個餸就可以自由係5款菜式中選擇。同朋友兩個人緊係菜同蛋都要啦。菜唔係白灼，而係上湯浸的，眼見有杞子同雲耳配埋菜芯，食落當然無白灼咁啖啦，蒸蛋滑嘟嘟。另外兩款餸就點了西蘭花雞柳同埋排骨蒸鳳爪，雞柳無雞皮唔會油，西蘭花切到細細舊食就剛剛好，套餐配埋飲品架，所以三十幾蚊真係好抵食。

自從屋企樓下間美心轉左做大**之後就無再食過美心早餐了，記得以前去食一定要食扒類，而家大左都係食少啲肉啦！今日為左去換月餅，就順便去食返個早餐先，望望餐牌好多都係有營食品，烚蛋，粥品......唔係好岩我胃口，見到有榨菜出前一丁，呢個好呀！好耐無食啦。點埋杯咖啡就開始我既Good morning.由於外賣，都怕啲麵淋晒，又無喎，不過榨菜加埋個湯底又幾咸喎，個麵仲有幾條菜，可以食啲有益既野，杯咖啡好香，係即磨咖啡正，用黎提神最好不過。

每間餐廳出嘅公治配料都唔同，就好似每個牌子嘅泡菜都唔同味一樣本人獨愛美心嘅公治，尤其是細個食到而家個口味都乜點變過方包烘得香脆；餡料好足，有烤雞、煎蛋、火腿、生菜、青瓜、蕃茄、沙律醬；煎蛋略嫌乾左少少，但雞都算有肉汁唔會好大陣雪味；整體個味絕對對得住$3x呢個價錢不過如果佢配薯條會再開心d，唔太好品客薯片

香港人工作繁忙，少不免會去本土的快餐店。在想點的便是一哥焗豬扒飯！美心M X的焗豬扒飯賣相比其他餐廳好，廚師巧妙利用豬扒本身的彎曲型，把豬扒高身的一面放上碟面，令外觀上感覺分量十足。另一細心位，便是會附上一隻圓碟，讓客人更方便食用。配菜方面：蕃茄顏色鮮明並不會因為煮透而失色。近期美心有優惠加$6便可以享用大杯凍檸樂兩者配搭令忙碌工作的我在休息時間中得到一點快樂滿足！建議多加茄汁於炒飯內，可令飯底更好味！

今日放左工, 趕住去荃灣睇醫生,諗住趁睇醫生前有少少時間, 醫一醫肚香港人生活節奏咁急, 秒秒鐘幾廿萬上落, 時間真係好寶貴每次唔想花時間花心機諗食D咩, 一定係揀美心MX,貪佢水準夠穩陣, 出餐夠爽手可能因為仲未到晚餐時間, 好好彩一入到去就有位,荃灣廣場呢間分店好大, 空間感十足, 而已光線夠猛裝潢好前衛, 行型格工業風, 未落ORDER都已經爽左先今晚一於試一試呢個 很大唷 焗豬扒飯,$42 , 塊豬扒果然很大塊, 仲要厚切, 真係用料十足而且番茄味都好濃郁, 夠晒醒神開胃飯粒係加蛋炒過既, 粒粒都焗到金黃色, 好入味大眾化的價錢, 舒適的空間, 味道出色的食物,大件夾抵食, 百吃不厭, 絕對係連鎖快餐店之中最用心經營的

快餐店有好多間,今次揀咗美心mx 覺得地方夠大,餐食款式也很多,試左個下午茶餐只需30幾元， 有豬扒包、肉絲米粉、餐飲,另再加9蚊有個碗仔翅, 美心可加十蚊樓下就有其它小食,很多選擇.豬扒包，將鬆脆嘅麵包,夾住一塊煎香軟滑的豬扒放入口中, 好好味.肉絲米粉雖然肉絲少咗啲,但係米粉夠煙韌，尚算可以. 碗仔翅是街頭的舊小食,現在已經很少餐廳做,美心mx 這個碗仔翅都算夠料.餐廳內仲有提供燒臘, 雞 、燒肉、叉燒等都是上班一族最佳快餐的選擇.各式美食就在這餐牌任選.唔啱就緊這些餐牌吧！這間分店地方真係好大空間又夠, 適合上班一族趕時間食飯,醫吓個肚繼續上班.

尋日(10-6-017 Sat)晏晝同老公仍o係荃灣整o野,整到接近兩點去食o野,去邊o度食,又係美心,好坐喎,去到諗住買o野食,原本想同老公食個$40.00o既烏冬,點知o岩o岩話轉下午茶,我o地呈有等佢o地換牌,換好喇,原來美心有芝士撻,賣$20.00,重有芝士撻配其它o野食o既下午茶餐,不過我再等佢掛晒所有下午茶餐至決定要咩,最後要o左$27.00o既豉油雞髀紅豆冰同$24.50o既香蕉花生醬飛碟,要七喜.飛碟餐要等,咁先攞前面o個個,攞完等多2分鐘後面o個個都整好攞得,影好相同老公share食.我先試紅豆冰,好淡,淡到離晒譜,紅豆雖然大粒同夠腍,但味道亦都係淡,呢個超唔掂.味道:0.2分然後我先食半份香蕉花生醬飛碟,飛碟薄,香蕉同花生醬味道原來都幾夾,不過都係普通.味道:3分而豉油雞髀呢?味道唔過鹹,肉滑,亦普通不過.味道:3分

尋日(3-6-2017 Sat)晏晝同老公落荃灣整o野,行經呢o度佢又話要食下午荼,原本想試美心隔離o個間,但由於有幾多o野,怕阻住人o地做生意,於是都係入o黎美心,好彩又有大卡位坐,我o地各自買o野食,由於我唔係好肚餓,所以我就要$19.50o既奶油厚多士餐,飲凍奶茶要加$3.00,即$22.50.老公就買$32.00o既卜卜脆豬素翅,一樣飲凍奶茶要加$3.00,即$35.00.我o地都要坐低等餐,等o左4分鐘,我o個份攪掂,拎埋枱後睇,老公o個份都攪掂攞埋,影完相食得.我o既奶油厚多士唔多脆,錬奶又太多太甜;而凍奶茶o既茶味食有,口感亦滑,不過唔係幾夠凍.而老公o既卜卜脆豬素翅呢,卜卜脆豬原來裡面有沙爹牛肉,佢俾一舊我食,一食就食到花生味,帶有一點點辣,牛肉鬆但食唔到牛肉o既鮮味,不過都已經令我老公大讚;而素翅o既料都幾多,有冬菇同木耳,不過肉絲就最多,味道濃郁,我食o左四份一就俾返我老公食.味道係3.325分我o地上兩次o黎食都係上年o既事,而咁”橋”,第一次o黎係舊年今日,o岩o岩一周年.https://www.openrice.com/zh/hongkong/review/%

今日去附近美心MX,當時5點左右，見到餐牌是下午茶，心中盤算當晚餐早些吃都好，選了燒鴨瀨粉 熱奶茶$27.5 食物速度比較慢，當時得我一個客等，職員就只顧閒談，收了票後沒有有替我準備，當時我感到不開心，燒味部完全無為我做任何食物，就是員工間談論誰去買東西，雖然我不知他們買什麼，但我足足企了10分鐘，他們才發現未準備食物給我，真心覺得服務很差，明明有圓形等候震動機又不給我要我呆企。可能他們覺得自己有錯，燒味部居然下午茶，俾了燒鴨脾給我，燒鴨燒得香口，肉質啖啖肉，瀨粉好多好大碗，食物質素加分。奶茶1包糖都好，健康些和奶茶味道都適中，無苦澀味，比以前普通快餐好。希望員工可以專心工作，改改工作態度，不要浪費了老闆改進，升級的裝修同美食。

今天去到美心MX午餐，點了個芝士鮮磨菇肉醬意粉。去到的時候，店內座位都滿了，唯有留意哪枱人差不多吃完，便站在附近等待。 終於在取餐之前，讓我等到了座位。用來盛載意粉的白色碟子很大的，與內裡的紅色的肉醬、黃色的麵條，顯得色彩分明。而在肉醬上面還灑上了芝士粉和香草碎。原本目測覺得肉醬的份量太少，但把醬汁與麵條伴勻之後，發覺肉醬份量有多的。肉醬味道酸甜，醬汁濃稠，麵條則軟硬適中。肉醬內有洋蔥粒、蘑菇塊，都增添了口感。

本人同朋友在14/11/2016晚上9:00到荃灣廣場用餐極之失望，我叫左個焗豬朳飯食，飯吾熱，芝士冇溶，扒凍，大集團做生意趕收舖，品質冇保證冇當更經理去監管，我打去美心投訴，佢話記綠在案